Saturday, March 29, 2014

“မိုးမခ” ပျိုးချချိန် (မောင်ရစ်တို့ရဲ့ နောင်တခေတ်) - ဟံသာဝတီ ဦးဝင်းတင်

 ဘဘဦင်္းဝင်းတင် လက်ရေးနှင့် ဆောင်းပါးတောင်းစဉ်က... ဘဘရေးပို့စဉ်က....

ဘဘကျမ်းမာလာပါစေ

ဆုတောင်းလျက်

မောင်ရစ်၊ဂျူနီယာဝင်း မိသားစု
 




(ဘဘလက်ရေး ဂျူနီယာသို့)
၂/၃/၁၄
ဂျူနီယာ
            ဆောင်းပါးတော့ရေးပြီးသွားတယ်၊
ပြန်ဖတ်ချိန်မရလိုက်ဘူး။
            ကွန်ပြူတာစာစီပြီးရင်
Proof ပြန်ပို့ပေးပါ။ တခေါက်ပြန်
စစ်ပါရစေ -

ဦးဝင်းတင်
 

(မြန်မာပြည်အတွင်းထုတ်ဝေမည့် မိုးမခ မဂ္ဂဇင်းအတွက် ဆရာကြီး ဦးဝင်တင်ရဲ့ အမှာစာ ဖြစ်ပါတယ်)

မိုးမခ ပျိုးချချိန် (မောင်ရစ်တို့ရဲ့ နောင်တခေတ်)
ဟံသာဝတီ ဦးဝင်းတင်
မတ်လ ၂၉၊ ၂၀၁၄



 (ဘဘဦးဝင်းတင်နှင့်အတူ အမှတ်တရ။)

(၁)
ကျုပ်ဒီစာကို ဆယ်ကျော်သက်စိတ်ထားနဲ့ ရေးသဗျာ။ ဟား ဟား ဟား …” (ရှစ်) ဆယ်ကျော်သက်ကို ပြောတာပါ။ ကျုပ်အသက်က ရှစ်ဆယ်ငါးဆိုတော့ ကိုးဆယ် တ၀က်ကျိုးပြီပေါ့။ ဒီအရွယ် စကားပြောလို့၊ စာရေးလို့ တယ်မကောင်းလှဘူးဗျ။ လူက မခိုင်၊ လက်ကယိုင်၊ အာက အော့အစ်၊ လျှာကထစ် နေပြီကိုး။
ဒီစာကို အစမ်းစာလေးလို ရေးချင်တယ်။ အလွမ်းစာလေးလိုလဲ ဖွဲ့ချင်တယ်။ အရွှမ်းစာလေးလိုလဲ နွဲ့ချင်တယ်။ အကြမ်းစာကြီးလိုလဲ ကြိမ်းချင်တယ်။ အမှန်းစာကြီးလိုလဲ ဟိန်းချင်တယ်။ စုံလို့ ပေါ့ဗျာ။
ဒီအသက်အရွယ်ဆိုတာ ဘ၀အလင်းရောင်တွေ မှုန်မိုက်၊ ဘ၀ခံစားချက်တွေ တုန်ခိုက်တဲ့ အချိန်မဟုတ်လား။ စိတ်ကူးကတော့ ဘ၀ဂန္ထ၀င် သံစုံတီးဝိုင်းကြီးကို ဟောဟောဒိုင်းဒိုင်း ဟိန်းဟိန်းညံညံ အသံပေါ် အသံဆင့် မိုးလုံးပွင့်အောင် တီးခတ်သလို ရေးလိုက်ချင်တာ။ ဗုံသံပေါ် ဆိုင်းသံကြီးဆင့်၊ တယောသံပေါ် ချယ်လို သံကြီးဆင့်သလို သံစုံမြှင့် ရေးလိုက်ချင်တာ။ အသံစုံပေါ့လေ။ မိုးမခပွင့်လေးရဲ့ လန်းဆန်း သိမ်မွေ့မှုနဲ့ မိုးကြိုးလျှပ်စီးရဲ့ တုန်ဟည်းချိမ်းဟစ်မှုကို ဆစ်ပိုင်း ပေါင်းဖွဲ့ သီကုံး နှောစပ်တဲ့ အသံစုံဖြစ်စေချင်တာ။
မိုးမခပျိုးချချိန်ဟာ မောင်ရစ်တို့ရဲ့ နောင်တခေတ်ဖြစ်တယ်။ ကလောင်ဦးလှည့်တာကတော့ ဘ၀စုံ၊ ကာလစုံ၊ ကိစ္စစုံ၊ ခေတ်ဂနိုင်စုံ တောမြိုင်ကြီးထဲက မိုးမခပင်ကလေးနဲ့ သူရဲ့ ပျိုးလက်ရှင် မောင်ရစ်တို့ရဲ့ ဗီဇ၊ ဇာစ်မြစ်၊ ဘ၀ရှင်သန်မှုနဲ့ ရုန်းကန် အားမာန်တွေကို သဗ္ဗရနာမ်ပေါင်း သောင်းပြောင်းထွေလာ ပြောပြချင်တာ။
(၂)
မောင်ရစ်က သူ့မဂ္ဂဇင်းသစ်ကို ဆယ်နှစ်သက်တမ်း နံမယ်ဟောင်းနဲ့ပဲ ထုတ်မယ်။ မိုးမခ ။ မိုးမခသံကြားတော့ နှစ်ခြောက်ဆယ်ကျော်က ကဗျာပဲ့တင်သံ ကျုပ်နှလုံးသားကို ပွတ်တိုက် ရိုက်ခတ်လာတယ်။
၁၉ ၅၀ နှစ်များရဲ့ အစဦးပိုင်းလောက်မှာ မောင်ရစ်တို့ အဖိုး၊ ဆရာကြီး ဦးခင်မောင်လတ်က ရန်ကုန်တက္ကသိုလ် အင်္ဂလိပ်စာဌာနမှာ ကထိကလုပ်နေတယ်။ အဖွား ဒေါ်ခင်မျိုးချစ်က မြန်မာနိုင်ငံ ဘာသာပြန်စာပေအသင်း (စာပေဗိမာန်) မှာ အယ်ဒီတာလုပ်နေတယ်။ ကျူပ်ကလည်း အသက် ၂၀ ငယ်ငယ်ရွယ်ရွယ်နဲ့ စာပေဗိမာန်အယ်ဒီတာ ဖြစ်လာတယ်။
၁၉ ၅၂ မှာ ဒေါ်ခင်မျိုးချစ်ရော၊ သူတို့နဲ့အတူနေ ဦးသိန်းမောင် (စာရေးဆရာ ထင်လင်း) ရော ကျုပ်ပါ ၀ိဇ္ဖာစာမေးပွဲ ၀င်ကြတယ်။ ဘာသာရပ်တူ (အင်္ဂလိပ်စာ၊ နိုင်ငံရေးဗေဒ၊ ဥရောပခေတ်သစ်သမိုင်း၊ ပင်ရင်းအင်္ဂလိပ်စာ) ဖြေကြတယ်။
အင်္ဂလိပ်စာပေ သင်ရင်း နိုင်ငံစုံစာပေရဲ့ ကဗျာတွေကို လေ့လာရတယ်။ မှတ်မိသလိုရှိနေသေးတဲ့ ကဗျာတွေထဲမှာ William C. William ရဲ့ မိုးမခ ကဗျာလေးပါတယ်။
မိုးမခပါတကား
နွေနှောင်းရက်ကျန်
ကာလလွန်ပြီ။
နေဒဏ်မှာ ရွက်မကြွေ
နေရှိန်မှာ မပျောင်း မခွေ
နှောင်းနွေ ရွက်ကျန်
မညို မ၀ါ မရွှေ။
တကိုယ်တော် မိုးမခရေ
ရေစပ်မြစ်ကမ်းပါး
သစ်အုပ်တွေကြားမှာ
အများနဲ့ ကင်းကင်း
မာန်ပြင်းအားနဲ့ မားမားရပ်တယ်။
(William Carlos Williams (17 September 1883 4 March 1963 / New Jersey)
အဲဒီအချိန်က လွတ်လပ်ရေးတိုက်ပွဲဝင် စာရေးဆရာမကြီး ဒေါ်ခင်မျိုးချစ်တို့မိသားစု ရန်ကုန်တက္ကသိုလ် တကောင်းဆောင်ဝင်းကြီးထဲမှာ နေတယ်။ အေးရိပ်သာ ဆိုတဲ့ တန်း လျားလေးမှာ။ စာရေးဆရာ သော်တာဆွေတို့၊ ကဗျာဆရာမ ကြည်အေးတို့၊ နာမည်ကျော် အနုပညာရှင် တက္ကသိုလ်ကျောင်းသူ မလှသန်း (နောင် လေတပ်ဗိုလ်ကြီးမမ)။ င်္ပြးတော့ ကျုပ်တို့ရဲ့ စားအိမ်၊ သောက်အိမ်၊ အိပ်အိမ်၊ နားအိမ်၊ ကဗျာအိမ်၊ အကအိမ်၊ အလှအိမ်ပေါ့။ ကျုပ်က အဲဒီအချိန်က သထုံဆောင်မှာ နေတယ်။
အေးရိပ်သာ ဆိုတာက ဆရာကြီး မင်းသုဝဏ်ရဲ့ အေးရိပ်သာတဲ့ ပင်ညောင်ညို ဆိုတဲ့ ကဗျာကို ပဲ့တင်သံ၊ ရောင်ပြန်ဟပ်နေတဲ့ နေရာကလေးပေါ့။
ဒီနေ့ မောင်ရစ်တို့ နောင်ခေတ်မျိုးဆက်က မိုးမခ ပျိုးသစ်ချကြမယ်ဆိုတော့ အေးရိပ်သာကို လွမ်းတယ်။ ပင်ညောင်ညိုဆိုတဲ့ အဖွဲ့ကိုလည်း အမှတ်ရတယ်။ ပင်ညောင်ညိုကြီးကလည်း အေးရိပ်သာ နားမှာပဲ ထီးထီးမားမားကြီး ရှိတာကိုး။ ပင်ညောင်ညိုဆိုတာ သူ့နည်းသူ့ဟန်နဲ့ မားမားရပ်တည်တယ်။ မြန်မာ့အားမာန် သစ်ပင်ကြီးပါတကား။ အကြောင်းအခြေအနေအရ မောင်ရစ်တို့ ပျိုးထောင်ကြမယ့် သတ္တိ အားမာန် ဥာဏ်တော်လှန် သစ်ပင်သစ်က မိုးမခ မဟုတ်။ ညောင်ညိုပင်ကြီးဖြစ်တယ် ဆိုလည်း ကျုပ်ကတော့ ရေကူလောင်းမှာပဲ။
မောင်ရစ်ဟာ ပင်ညောင်ညိုရိပ်မှာ မျိုးဇာစ် မြစ်စွဲ၊ မုိုးမခကဗျာရိပ်မှာ ဥာဏ်သတ္တိ စွဲခဲ့သူပဲလေ။
မောင်ရစ်မှာ ခေတ်ဟောင်းကျော်၊ ခေတ်ကောင်းမျှော်၊ ခေတ်ညစ်ချိုး၊ ခေတ်သစ်ပျိုးနိုင်စွမ်း၊ သမိုင်းပြောင်တဲ့ မျိုးဇာစ် မြစ်စွဲရှိတယ်လေ။ ဥာဏ်ဇာတိစွဲ ရှိတယ်လေ။
ကြိုးစားပေါ့။
(၃)
မောင်ရစ်တို့ အမွှာမောင်နှမ လူ့ဘ၀ရောက်ကြတဲ့ ၁၉၆၈ မှာ မြန်မာသတင်းစာလောက၊ စာပေလောက ဆူဝေလှုပ်ခတ်နေပြီ။ နိုင်ငံရေး ရုန်းကန်လှုပ်ရှားမှု အသေခံဗုံးတွေ တအုန်းအုန်း ကွဲတယ်။ အာဏာရှင်ခေတ်ဆိုးကြီးရဲ့ ဖိနှိပ်ချုပ်ချယ်မှု ယန္တယားတွေကို ချိုးဖဲ့ ဖြုတ်သိမ်းဖို့ ကြိုးစားတဲ့ ရုန်းကန်မှုတွေ ဖြစ်ပေါ်တယ်။ လှုပ်ရှားမှုတွေဟာ အများကြီး ကိုယ်ကျိုးစွန့်ရတယ်။ ဖိနှိပ်မှု ဘေးရန်ကို အများကြီး ရင်ဆိုင်ရတယ်။
အဲဒီနှစ်တ၀က်လောက်မှာ ဆိုဗီယက်လာ အရှေ့အုပ်စု ဆူပွက်တယ်။ လွတ်လပ်ခွင့်တောင်းဆိုမှုတွေ ပေါက်ကွဲလာတယ်။ ချက်ကိုစလိုဗက်ကီးယား၊ ဟန်ဂေရီ၊ အရှေ့ဂျာမဏီ၊ ပိုလန် စတဲ့ ကွန်မြူနစ်နိုင်ငံတွေထဲမှာ စာနယ်ဇင်းသမားတွေ၊ နိုင်ငံရေးသမားတွေ၊ ကျောင်းသားလူငယ်တွေက ပြည်သူ့လွတ်လပ်ခွင့်၊ နိုင်ငံရေးလွတ်လပ်ခွင့်၊ စားဝတ်နေရေး လွတ်လပ်ခွင့်တွေ တောင်းဆိုလာကြတယ်။ ရုန်းကန်လှုပ်ရှားမှုတွေ ပေါ်လာတယ်။ ဆိုဗီယက်က အင်အားသုံး တုန့်ပြန် ဖြိုခွင်းမှုတွေ လုပ်တယ်။
မြန်မာပြည်တွင်းမှာလည်း လှုပ်ရှားသံပေးလာတော့ အာဏာရှင်ဦးနေ၀င်းက သူ့လူတွေကို စာနယ်ဇင်းထိပ်သီးတစုနဲ့ တွေ့ ရှင်းခိုင်းတယ်။
တော်လှန်ရေးကောင်စီဝင် ပြန်ကြားဝန်ကြီးဌာန၀န်ကြီး ဗိုလ်ချုပ်သောင်းဒန်၊ ပြန်ကြားရေးဝန်ကြီးဌာန အတွင်းဝန် ဒုဗိုလ်မှူးကြီး တင်ထွန်း၊ ပြန်ကြားရေးမူဝါဒ ညွှန်ကြားရေးမှူးသစ် ဗိုလ်မှူးသောင်းထုိုက်နဲ့ အဖွဲ့တွေ တက်တယ်။ နေရာက မြန်မာအသံ ဧည့်ခန်းမမှာ။ မိုးတွင်းကြီး။
သတင်းစာဆရာကြီးတွေဖြစ်တဲ့ ဆရာကြီးရွှေဥဒေါင်း၊ ဦးသိန်းဖေမြင့်၊ ဆရာဇ၀န၊ ဦးခင်မောင်လတ်၊ ဆရာတက်တိုး၊ ဦးဘကျော်၊ ဦးလှမြိုင်၊ ဦးသန်းစော၊ ကြေးမုံဦးသောင်းတို့ တက်ကြတယ်။ ကျုပ်လဲ ပါတယ်။
သတင်းလွတ်လပ်ခွင့် မရှိတာ၊ သတင်းမှောင်ချတာ၊ ပိတ်ဆုို့တာ၊ သတင်းစာဆရာတွေကို စာရေးဝန်ထမ်းပမာ သဘောထားဆက်ဆံတာ စတဲ့အကြောင်းအရာတွေကို ဆွေးနွေးကြတယ်။
တင်ပြဆွေးနွေးရင်း ပေါက်ကွဲကုန်တယ်။ အတွင်းဝန်ဗုိုလ်မှူးကြီးက သူတို့အထက်အမိန့်အရ လုပ်နေတာ။ ဘာမှဂရုမစိုက်ဘူး။ တပ်ပြန်သွားဖို့ အိပ်ရာအမြဲလိပ်ထားတယ်ဆိုတဲ့ စကားမျိုးနဲ့ ကြမ်းပြတယ်။ ကျုပ်ကလဲ ငုံ့မခံဘူး။ စစ်ဗိုလ်တွေက အပွင့်တွေ ကြယ်တွေ ရာထူးခန်းတွေနဲ့ တပ်ပြန်သွားကြမှာ။ ကျုပ်တို့က လမ်းပေါ် ဆင်းသွားမှာ။ ဘယ်ကို သွားရ၊ သွားရ စာနယ်ဇင်းလွတ်လပ်ခွင့်ကိုတော့ အရယူသွားမှာပဲဆိုတဲ့ စကားမျိုးနဲ့ ရမ်းပြတယ်။
ဆရာဦးခင်မောင်လတ်က လူထုမှာ သတင်းသိပိုင်ခွင့် ရှိတယ်။ ဘယ်သူ မှ သတင်းပိတ်ခွင့် မရှိဘူး။ သတင်းတွေ ဘယ်သူ့အမိန့်နဲ့ ပိတ်သလဲ။ ၀န်ကြီးပိတ်သလား။ ၀န်ကြီးက ဘာကောင်မို့ ပိတ်ရမှာလဲ။ တော်လှန်ရေးကောင်စီဝင်က ပိတ်သလား။ တော်လှန်ရေးကောင်စီဝင်က ဘာကောင်မို့ ပိတ်ရမှာလဲ …” ဆိုတဲ့ စကားမျိုးနဲ့ သိမ်းကျုံးရိုက်တယ်။ ပွဲ လဲ ပျက်ကရော။
အကျိုးဆက်ကတော့ ဦးခင်မောင်လတ်ကို ပင်စင်ပေးတယ်။ ဒေါ်ခင်မျိုးချစ်က သူ့ဆန္ဒအလျောက် အလုပ်ထွက်တယ်။ ဆရာကြီးရွှေဥဒေါင်းက ကိုခင်မောင်လတ်မလုပ်ရင် ငါလဲ မလုပ်ဘူးဆိုပြီး ပင်စင်ယူတယ်။ ကျုပ်က မန္တလေးကို လွင့်တယ်။ ရန်ကုန်ဟံသာဝတီသတင်းစာကို မန္တလေး ရွှေ့ထုတ်ပေးရတယ်။ နောက်တော့ ကျုပ်လဲ ဟံသာဝတီက ပြုတ်တယ်။
အဲဒါတွေဖြစ်ပွားခဲ့တာ မောင်ရစ်တို့ မွေးတဲ့နှစ်မှာပဲ။ ဒီလိုနဲ့ မောင်ရစ်မှာ စာပေ စာနယ်ဇင်း လွတ်လပ်ခွင့် တိုက်ပွဲဝိဥာဏ် တွယ်ခဲ့တယ်။ အဲဒီစိတ်ဓာတ် အားမာန်ကို အသိဥာဏ် ပညာ ရင့်သန်သန်နဲ့ ယှဉ်တွဲကိုင်စွဲရင် မောင်ရစ်တို့မျိုးဆက် စာပေလွတ်လပ်ခွင့်တိုက်ပွဲ သမိုင်းအမွေဆက်ခံနိုင်မှာပဲ။ မောင်ရစ်တို့မျိုးဆက်ဟာ တော်လှန် မာန်ဈာန် ဥာဏ်သတ္တိတွေ ခိုင်ခိုင် နိုင်နိုင်ပိုင်ပိုင် ဖြိုင်ဖြိုင် မွေးကြရမှာပဲ။ အဲဒီစိတ်ထားဝတိံတွေကို အောင်ပွဲခံချိန် အောင်ပွဲခံနိုင်အောင် သူတို့ စွဲစွဲမြဲမြဲ ပျိုးထောင် မွေးမြူသွားကြရမှာပဲ။
(၄)
မောင်ရစ်တို့ မျိုးဆက် လူလားမြောက်ချိန်မှာ ဒီမိုကရေစီလူထုအရေးတော်ပုံကြီး သက်ဝင်လှုပ်ရှားတယ်။
ရှစ်လေးလုံးအရေးတော်ပုံကြီးရဲ့ အစဦးပို်င်းရက်တွေမှာ စာပေစာနယ်သမားတွေ လက်တွဲဆန္ဒဖော်ထုတ်မှု ပေါ်ပေါက်လာတယ်။ အာဏာ ရှင်တွေက လူထုအုံကြွမှုကြီးကို အကြမ်းဖက်ဖြိုခွဲခဲ့တယ်။ အဲဒီရက်ရက်စက်စက် ချေမှုန်းမှုကြီးကို စာပေစာနယ်ဇင်းသမားတွေက ဆန့်ကျင် ကန့်ကွက်ခဲ့ကြတယ်။ ဒီမိုကရေစီတောင်းဆိုချက်တွေ ဖော်ထုတ်ခဲ့ကြတယ်။
ကျုပ်တို့ (၀င်းခက်ရယ်၊ လေသူရဲတဦးရယ်) ဒေါ်ခင်မျိုးချစ်အိမ်ရောက်သွားတယ်။ နေ့လည်ပိုင်းက မောင်သော်ကအိမ်မှာ ကျုပ်ရယ်၊ မောင်သော်ကရယ်၊ မောင်ကိုယုရယ်၊ ၀င်းခက်ရယ်၊ လေသူရဲတဦးရယ်၊ စာပေစာနယ်ဇင်းသမားတွေရဲ့ ဆန္ဒသဘောထား ကျေညာချက် စာတန်းကို ရေးဆွဲ လက်မှတ်ထိုးခဲ့တယ်။ အဲဒီကတဆင့် ကာတွန်းငွေကြည်အိမ်သွားတယ်။ သဘောတူ လက်မှတ်တောင်း တယ်။ ဒုတိယ ဆရာကြီး မင်းသုဝဏ်အိမ်သွားတယ်၊ လက်မှတ်တောင်းတယ်။ ဒေါ်ခင်မျိုးချစ်အိမ်က တတိယရောက်တဲ့ အိမ်ပဲ။
ဒေါ်ခင်မျိုးချစ်က အိပ်ရာထဲ လဲနေတယ်။ ကျုပ်တို့အဖွဲ့က စာပေစာနယ်ဇင်းသမားတွေရဲ့ ကျေညာစာတန်းကို ပြတယ်။ သဘောတူ လက်မှတ်တောင်းတယ်။ အမကြီးက အပြေးအလွှားဖတ်ကြည့်တယ်။ ဖတ်လဲပြီးရော ငိုလိုက်တာ။ ဟီးချလို့၊ ချုံးပွဲချလို့ ငိုတာ။ ကျုပ်ကို ဖက်အော်တယ်။
ကိုဝင်းတင်ရေ ရှင်လုပ်ဖော်ရတယ်။ ကျေးဇူးတင်တယ်။ ၀မ်းသာလိုက်တာ တဲ့။
သူ့တမျက်နှာလုံးကတော့ မျက်ရည်အိုင်ထွန်းလို့။
ကိုလတ်ရေ သားကြီးခေါ်၊ သမီးကြီးခေါ်။ မြေးအမွှာ ခေါ်။ အားလုံးလက်မှတ်ထိုးကြမယ်။
အမကြီးက ဦးခင်မောင်လတ်ကို ခိုင်းတယ်။
အမကြီးက ကျေညာစာတန်းကို တရမ်းရမ်းလုပ်ရင်း ကျယ်ကျယ်လောင်လောင် အော်နေတယ်။ ကျမက ဒါမျိုးဆို ထိပ်ဆုံးက လက်မှတ်ထိုးချင်တာရှင့် တဲ့။ ကျုပ်က ရပါတယ်။ အမကြီး စိတ်ကြိုက်လုပ်လို့ ဖြေတယ်။ အမကြီးက သူ့နံမယ်ရေးထားတဲ့ နံပတ်ရှစ်ကနေ ထိပ်ဖျားကို မျဉ်းကြောင်းရှည်ကြီး ကန့်လန့်ဆွဲတယ်။ စာရွက်ထိပ်ဖျားမှာ ခင်မျိုးချစ် စာလုံးကြီးကြီး လက်မှတ်ကြီးကြီး ထိုးလိုက်တယ်။
အဖိုး အဖွားတွေ အောက်မှာ မောင်ရစ်နဲ့ အမွှာညီမ ဂျူနီယာဝင်း လက်မှတ်ထိုးကြတယ်။
မင်းတို့ အရေးတော်ပုံထဲ ရောက်ပြီ။ သစ္စာမြဲကြ လို့ ဒေါ်ခင်မျိုးချစ်က သူ့မြေးတွေကို ပြောတယ်။
ကျုပ်ရင်ထဲမှာတော့ တုန်ခါလှိုက်ခုန်နေတယ်။ အံ့သြဘနန်းအဖြစ် ဆရာမကြီးကို ငေးငိုင်ကြည့်နေမိတယ်။ အရေးတော်ပုံတပ်သားတွေ တိုးပွားလာပုံက အားရစရာကြီးပါကလား။ မျိုးဆက်သုံးဆက်လုံး တရက် တချိန် တအိမ် တနေရာထဲမှာ အရေးတော်ပုံသစ္စာဆိုလာကြတာပါကလား။ ၀မ်းမြောက်လိုက်တာ။ အံ့သြလိုက်တာ။ အားရှိလိုက်တာ။
(၅)
မောင်ရစ်တို့ နောင်ခေတ်မျိုးဆက်ဟာ နယ်ချဲ့ဆန့်ကျင်တိုက်ပွဲဝင် သတင်းစာဆရာ၊ စာရေးဆရာ၊ ကဗျာဆရာ၊ နိုင်ငံရေးသမား ဗီဇ၀ိဥာဉ်ကို အမွေခံခဲ့တယ်။ အာဏာရှင်ဖိနှိပ်ချုပ်ချယ်မှုကို အံတု အာခံသူများဘ၀ ခံယူခဲ့တယ်။ ရှစ်လေးလုံးအရေးတော်ပုံကြီးမှာ တတိယမျိုးဆက် အရေးတော်ပုံတပ်သားဘ၀နဲ့ လူလားမြောက်ခဲ့တယ်။
ဟော ဒီအချိန်မှာတော့ သူတို့မျိုးဆက်က မောင်ရစ်တို့ နောင်ခေတ်အတွက် မိုးမခ ပျိုးချနေကြလေပြီ။
မျိုးဆက်သစ် မိုးမခ ဟာ
နေဒဏ်မှာ ရွက်မကြွေ
နေရှိန်မှာ မပျောင်းမခွေ
နှောင်းနွေရက်ကျန် မညို မ၀ါ မရွှေ …”
ဆိုတဲ့အရေးတော်ပုံဂုဏ်ရည်တွေနဲ့ ပြည့်လျမ်းနေလိမ့်မယ်လို့ ယုံကြည်မျှော်လင့်ပါရဲ့။
မောင်ရစ်တို့ရဲ့ မျိုးဆက်တွေရေ နိုင်ငံရေးအခြေခံ ပန္နက်ခိုင်ခိုင်စိုက်တဲ့ စာပေအားမာန် စွမ်းရည်နဲ့ ခေတ်ဝန်ကို နိုင်နိုင်ထမ်း၊ ခေတ်လမ်းကို ကျဲကျဲလှမ်းနိုင်ကြပါစေလို့ ဆန္ဒပြုလိုက်ပါတယ်။
ကျုပ်နဲ့ မောင်ရစ် တလောက ရန်ကုန်မှာ ဆုံဖြစ်လိုက်တယ်။ ကျုပ်ပြောလိုက်တဲ့ စကားတခွန်း မှတ်မိဦးမယ် ထင်ရဲ့။ ဒီနေ့ နိုင်ငံရေးက လမ်းခုလတ် ရောက်နေတာ မဟုတ်ဘူး။ ဒို့ ဒီနေ့ ရောက်နေတာက နိုင်ငံရေးလမ်းဆုံလမ်းခွ ကွ။ ဒီမိုကရေစီအပြောင်းအလဲ၊ အရွေ့အလျားတွေ လမ်းခွဲကို ရောက်နေတာဟေ့။ လမ်းဟောင်းကို ဆက်ညောင်းနေဖို့ မဟုတ်ဘူး။ လမ်းချော လမ်းဖြောင့် ရွေးကြရတော့မယ်။ လမ်းဆုံးမှာ ရွာတွေ့မယ့် လမ်းမှန်ကို ရွေးကြရတော့မယ်။
မောင်ရစ်တို့ မျိုးဆက်သစ်နဲ့ မိုးမခ လမ်းမှန်ပါစေ။ ရှင်သန်ပါစေ။ လမ်းဖြောင့်ပါစေ။ စွမ်းတောင့်ပါစေ။
- ဟံသာဝတီဦးဝင်းတင်
(စာကြွင်း )
မောင်ရစ်ရေ
မင်းရဲ့ မိုးမခအကြို တော်လှန်မာန်ဈာန် ဥာဏ်သတ္တိကို ၁၉၈၀ နှစ်များလောက်တုန်းက ကျုပ်ယုံကြည်စိတ်ချ မျှော်လင့်အားထားခဲ့တယ်။ ကိုရင်တို့ ၀င်နွှဲတဲ့ စီးပွားရေးတက္ကသိုလ် ကာတွန်းပြပွဲမှာ ကိုရင့်ကာတွန်း အနုပညာလက်ရာတခုကို ကျူပ် အကဲဖြတ်ခဲ့ဖူးတယ်။ မှတ်မိ သေးလား။ ဒီနေ့လည်း ဒီသုံးသပ်ချက်အတိုင်းပဲ။ ကိုရင့်ရဲ့ နိုင်ငံရေးစာပေစွမ်းအားကို ကျုပ်ယုံကြည်အားထားဆဲပဲ။ အဲဒီအချိန်က ကျုပ်ရဲ့သုံးသပ်ချက်လေးကို မှတ်မိသတိရသေးလား။ မှတ်မိသတိရသေးရင် ကျုပ်ရဲ့ ဒီဆောင်းပါးအဆုံးမှာ ဖော်ပြလိုက်ပါကွယ်။
ဟံသာဝတီဦးဝင်းတင်
ဖေဖော်ဝါရီ ၈၊ ၂၀၁၄
                                                             (ဘဘလက်ရေး မောင်ရစ်သို့)

အံ့ဖွယ် စတုရန်း - ဂျူနီယာဝင်း




(Academic Weekly Educational Journal Vol3 No8 နှင့် Vol3 No9 တို့တွင်နှစ်ပတ်ဆက်တိုက် ဖော်ပြခဲ့သော Melencolia ပန်းချီကားအကြောင်းဆောင်းပါးဖြစ်သည်။)
 ပုံ (၁)
Abrecht Durer  (ဂျူရာ) (၁၄၇၁-၁၅၂၈) သည် ဂျာမန်လူမျိုး ပန်းချီဆရာတစ်ဦးဖြစ်ရုံမက သစ်သားထွင်းပုံနှိပ်ပန်းချီကားများကို လည်း ရေးဆွဲထွင်းတတ်သူဖြစ်ကာ သီအိုရီဆန်ဆန် စဉ်းစားတွေးခေါ်တတ်သူလည်း ဖြစ်ပါသည်။ ဖခင်ဖြစ်သူသည် ရွှေပန်းထိမ်ဆရာ တစ်ဦး ဖြစ်သည်။ သူ့ကို မေလ ၂၁ ရက်နေ့မှာ မွေးဖွားခဲ့ပြီး သားသမီး ၁၈ ယောက်ထဲတွင် သူက ဒုတိယမြောက်ဖြစ်လေသည်။ ဖခင်ဖြစ်သူ၏ ရွှေပန်းထိမ်အတတ်ပညာ၊ ပန်းချီပညာများအပြင် သူ၏ ခေါင်းကိုင်ဖခင်တစ်ဦးဖြစ်သူ Antonkoberger ၏ ပုံနှိပ်ထုတ်လုပ်ငန်းများတွင်လည်း ပါဝင် လုပ်ကိုင်နိုင်ခဲ့သူဖြစ်ပါသည်။
သူ့ဘဝအကျိုးပေးအတိုင်းပင် ငယ်ရွယ်စဉ်ကပင် ပုံနှိပ်လုပ်ငန်း၊ အက္ခရာထွင်းလုပ်ငန်းများတွင် ကျွမ်းကျင်ခဲ့သူဖြစ်လေသည်။ ထိုခေတ် က Nurenberg တွင် နာမည်ကျော်ပန်းချီဆရာ Michael Wolgemut  ထံတွင် သူအသက် ၁၅ နှစ်အရွယ်ကစ၍ တပည့်ခံခဲ့သည်။ ဂျူရာသည် ၁၄၉ဝ ပြည့်နှစ်နောက်ပိုင်းတွင် ကျောက်ထွင်းပန်းပု ထုပညာရှင် Martin Schongauer သို့ ပညာဆည်းပူးဖို့ ဥရောပ မြောက်ပိုင်းသို့သွားခဲ့သည်။ သို့သော် သူ မရောက်မီ Martin ကွယ်လွန်ခဲ့ရာ Martin ၏ ညီအစ်ကိုများထံတွင် ဆက်လက် ပညာသင်ယူခဲ့ သည်။
ဂျူရာသည် ထိုမှတစ်ဖန် အီတလီ၊ ဗင်းနစ်မြို့များမှသည်Nurenberg သို့ ပြန်ရောက်လာသည့် ကာလတစ်လျှောက်လုံးတွင် ပန်းချီ ကား များများစွာရေးဆွဲခဲ့ကာ သစ်သားထွင်းလက်ရာများလည်း အများအပြား ရေးဆွဲခဲ့သည်။ သူရေးဆွဲသောလက်ရာများမှာ အထူး သဖြင့် လူ့ကိုယ်ခန္ဓာ ပုံပန်းများသည် ထိုခေတ်က နာမည်ကျော်ပန်းချီဆရာများဖြစ်သည့် Lorenzo dei Credi, Mantegna တို့၏ သြဇာသက်ရောက်မှုများ လွှမ်းမိုးနေသည်ဟု ဆိုကြသည်။ ၁၄၉၁ ခုနှစ်မှာ ထပ်မံရေးဆွဲသော ပုံတူသည်လည်း လူသိများသော ပုံတူဖြစ် သည်။ဂျူရာ့အကြောင်းကို စဉ်းစားလိုက်လျှင် သူ့ကုိုယ်ပုိုင်ပန်းချီကားချပ်များအပြင် သူ၏အကောင်းဆုံးနှင့် နာမည်အကြီးဆုံး သစ်သားထွင်း ပုံနှိပ်ပန်းချီကားကို မေ့ထား၍ မရနိုင်ချေ။
ပုံ (၂)
၁၅၁၄ ခုနှစ်မှာ ရေးခဲ့သော ထို Melencolia တွင် ထူးခြားသော Magic square (အံ့ဖွယ်စတုရန်း) (၄ x ၄ စတုရန်းကွက်) ပါဝင်နေပေ သည်။ ၄င်းသည် ပုံ၏လယ်ယာ အပေါ်ဘက်တွင် ထွင်းထားသည်။ အံ့ဖွယ်စတုရန်းဟူသည်ကား ၁,၂,၃,၄ —,၁၆ ထိ ပါဝင်သော ကိန်း ဂဏန်းများကို စတုရန်းတွင် အတန်းလိုက်၊ ဒေါင်လိုက် ထောင့်ဖြတ်လိုက်ထည့်ထားရာ ပေါင်းလဒ်သည် အားလုံး ၃၄ ဖြစ်စေသော စတုရန်းကိုခေါ်သည်။ ၄င်းအံ့ဖွယ်စတုရန်းကို ရေးသားခဲ့သော ခုနှစ် ၁၅၁၄(၁၅နှင့်၁၄) ကုိုအောက်ဆုံးအတန်းအလည်အကွက်နှစ်ကွက်တွင်ထည့်သွင်းရေးဆွဲထားတာကုိုတွေ့နုိုင်ပါသည်။ ၃ x ၃ အံ့ဖွယ်စတုရန်းများ ပေါ်လာပြီး နောက် ဂျူရာသည် ပထမဦးဆုံး ၄ x ၄ အံ့ဖွယ်စတုရန်းကို ရေးသားဖော်ထုတ်ခဲ့သူအဖြစ် အသိအမှတ်ပြုခဲ့ကြပါသည်။ ဂျူရာက ဘယ်လိုလုပ်ပြီး စဉ်းစားလိုက်သလဲဆိုတာကတော့ ပဟေဠိဖြစ်နေဆဲဖြစ်ပါသည်။
(မှတ်ချက်။ ယခုဂျူရာရေးဆွဲသော Melencolia ပန်းချီကားပုံနှင့် ပန်းချီကားညာဘက်အပေါ်ထောင့်မှာ ထည့်သွင်းရေးခဲ့သော အံ့ဖွယ်စတုန်း Magic Square ပုံနှစ်ပုံကုို ဖော်ပြထားပါသည်။ လေ့လာကြည့်ကြပါ။)
● Melencolia ပန်းချီကား အကြောင်း
Melencolia II ဟူ၍ ပန်းချီကားကိုအမည်ပေးထားသည်။
ပန်းချီကားသည် ဂျာမန်ဘာသာဖြင့်ဖြစ်ပြီး အဓိပ္ပယ်မှာ melancholy စိတ်မချမ်းမသာဖြစ်ခြင်း၊ depressive စိတ်ဓါတ်ကျဆင်းခြင်း ဟူသော အဓိပ္ပါယ်များ သက်ရောက်နေသည်။
ပန်းချီကားထဲတွင် ပါဝင်နေသောအရာများကုို ယခုလုိုတွေ့ရှိရသည်…
- ပုံ၏နဘေးပတ်ပတ်လည်တွင် ဂျီသြမေတြီဆုိုင်ရာသင်္ကေတများ၊ ဆောက်လုပ်ရေးဆုိုင်ရာ တန်ဆာပလာများကို ထည့်သွင်းထားခြင်း။
- 4 x 4 magic square အံ့ဖွယ်စတုန်းကုို ပန်းချ၊ီကားရေးဆွဲသော ခုနှစ် ၁၅၁၄ ပါဝင်ထည့်သွင်းရေးထားခြင်း။
- မျက်နှာပြင် ၆ ခုပါသော ရွမ်းဗတ်ကုို လူ့ဦးခေါင်းခွံအဖြစ် မှိန်ဖျော့ဖျော့ထွင်းထားခြင်း။ ထုိုပုံသဏ္ဍာန်သည် ယခုအခါ ဂျူရာ၏ ကိုယ်ပုိုင် ပုံသဏ္ဍာန်သင်္ကေတအဖြစ် လက်ခံထားသည်။
- အချိန်ကုို တုိုင်းတာသောသဲနာရီ hourglass ကိုတွေ့ရခြင်း။
- ချိန်ခွင်ပါရှိခြင်း။
- ညဏ်ကြီးရှင်ဟူသော အမှတ်တံဆိပ်ဖြစ်သော အတောင်ပံနှင့် ပုံသဏ္ဍာန်။
- မှတ်စုစာအုပ်နှင့် သော့ချိတ်များ။
- သတိပေးဆုိုင်းဘုတ်နှင့် သက်တန့် တွဲဖက်ကာ ကောင်းကင်တွင်ရှိနေပုံ။
- သချာင်္သဘောတရားများ ပါဝင်နေသော သင်္ကေတများ၊ ကွန်ပတ်စ်သုံးကရိယာများ၊ ဂျီသြမေတြီပုံများ၊ အံ့ဖွယ်စတုရန်း၊ တုိုင်းတာပုံ စနစ် များနှင့် အချိန်ပြကရိယာများ။
Melencolia ဟူသောပန်းချီကားအမည်နှင့်ပတ်သက်ပြီး သမုိုင်းပညာရှင်များက အမျိုးမျိုး အဓိပ္ပယ်ဖွင့်ကြသည်။ ဒါဟာ ပန်းချီဆရာက မိမိကုိုယ်ကိုယ်ယုံကြည်မူကင်းမဲ့တာကုိုပြတာဟု ဆုိုသည်။ အကြောင်းကတော့ ဂျူရာဟာ ထိုပန်းချီကားကုိုမဆွဲခင်လေးမှာ သူက သည်လုိုရေး ခဲ့သတဲ့။
“လှပခြင်းဆုိုတာဘာလဲ..ငါမသိပါလား̋။
သည်တော့ သူရေးဆွဲသော ထုိုပန်းချီကားသည် သူ၏ဖွင့်ဟ၀န်ခံချက် ဖြစ်လိမ့်မည်။ ပြန်လည်ထွန်းကားခြင်းခေတ်က ပန်းချီ ပညာသည်တွေ အပေါ် (သုို့မဟုတ်) အနုပညာအပေါ် ယုံကြည်မူကင်းမဲ့မူ များဖြစ်လေမလားဟု တွေးယူ ကလေသည်။

စာအုပ်စင်





စာအုပ်အမည် - အမေးနှင့်အဖြေစွယ်စုံကျမ်း - ကမ္ဘာဂြိုလ်
မူရင်းစာအုပ် - Question and answer Encyclopedia 2006
ဘာသာပြန်သူ - ဂျူနီယာဝင်း
ရန်အောင်စာပေ
ထုတ်ဝေသူ ဦးလှတိုး
ပထမအကြိမ်
၂၀၁၄ မတ်လ
အုပ်ရေ ၁၀၀၀
တန်ဖုိုး ၁၀၀၀ကျပ်
စာမျက်နှာ - ၁၃၂
အခန်းများ၁၄ခန်း(ကမ္ဘြာကီး၊တုိုက်များ၊မြေပုံများ၊မီးတောင်ငလျင်၊မြစ်ချောင်းအင်းအုိုင်၊ သမုဒရာ၊ သဲကန္တာရ၊ တောတောင်၊ လေထု၊ ရာသီဥတု၊ ကမ္ဘာသယံဇာတများစသဖြင့်)
အတွင်းပုံများအဖြူအမဲဓါတ်ပုံမှတ်တမ်းများ
စာအုပ်အတွင်းထူးခြားချက်များ - မေးခွန်းနှင့်အဖြေများကုိုရုပ်ပုံများနှင့်ယှဉ်တွဲဖော်ပြမူ

အမေးနှင့်အဖြေစွယ်စုံကျမ်းဟူသောစီးရီးအောက်တွင်သိပနှင့်နည်းပညာ၊ အနုပညာအားကစားဖျော်ဖြေရေး၊ ကမ္ဘာ့သမုိုင်း၊  လူ့ကုိုယ်ခန္ဓာ၊စကြာဝဌာ၊ ကမ္ဘြာ၈ိုလ်၊ ကမ္ဘာတခွင်၊  သဘာဝကမ္ဘာ ဟူရွေ့ အကြောင်းအရာ ၈ခု (စာအုပ်၈အုပ်)ရှိပါသည်။ ထုိုစာအုပ် ၈အုပ်တွင်  သက်ဆုိုင်ရာအခန်း ၁၄ ခန်းဆီပါရှိသည်။
ယခုထွက်ရှိလာတာက ၆ အုပ်မြောက် ကမြာ၈ိုလ် ဖြစ်ပါသည်။ ကမ္ဘြာ၈ိုလ်အကြောင်း တွင်ကမ္ဘာမြေ၊မြေပုံများ၊ ကျောက်တုံးကျောက်ဖြစ်ရုပ်ကြွင်း၊ မြစ်ချောင်းအင်းအိုင်၊ တောတောင် ရေမြေများနှင့် ရာသီဥတုများစသည်ဖြင့် အခန်း ၁၄ ခန်းပါဝင်သည်။ အထူးသဖြင့် ကမ္ဘာကြီး၏ ကျမ်းမာရေးနှင့်ဆုိုင်သောဖန်လုံအ်ိမ်သက်ရောက်မူ၊ စွမ်းအင်၊ အသစ်ဖန်တီးနုိုင်သောနည်း (Recycling)၊စွမ်းအင်ခြွေတာရေးများကုိုတုိုတုိုနှင့်အဓိပယ်ဖွင့်ထားတာများပါဝင်သည်။

မီးတောင်၊ ငလျင်၊ မုန်တုိုင်းများအခန်းများတွင် မြန်မာပြည်အပါအ၀င် ကမာ့နုိုင်ငံအနှံ့အပြား မှာကြုံတွေ့ခဲ့ရသောသဘာဝဘေးအန္တရယ်များ နှင့်ပတ်သက်သည့် အချက်အလက်မှတ်တမ်း များကုိုထပ်မံဖြည့်စွက်ထားချက်များနှင့်အတူတွေ့ရမည်ဖြစ်သည်။အတွင်းမှတ်တမ်းဓါတ်ပုံများနှင့် ရုပ်ပုံများသည် မေးခွန်းအဖြေပုံစံ ရေးသားချက်များနှင့်အတူ အသက်ဝင်လျက်ရှိပါသည်။

အမေးနှင့်အဖြေစွယ်စုံကျမ်းစီးရီးတွင် နောက်ထပ် ကမ္ဘာတခွင်နှင့် သဘာဝကမ္ဘာ နှစ်အုပ်သာထွက်ဖုို့ ကျန်ပါတော့သည်။