Painting Appreciation - Renoir’s Luncheon of the Boating Party
အတွေးအမြင်မဂ္ဂဇင်း အမှတ် ၂၁၅ ဖေဖော်ဝါရီလ ၂၀၁၀တွင်ပါရှိသော ဂျူနီယာဝင်း ၏
ပန်းချီကားခံစာမူဆောင်းပါး - နိုင်ငံတကာပန်းချီခံစားမူ
အပျော်စီးသဘောင်္ပေါ်မှနေ့လယ်စာပါတီ
Lucheon of the Boating party အပျော်စီးသဘောင်္ပေါ်မှနေ့လည်စာပါတီ အမည်ရှိပန်းချီကားကို
Pierre Auguste Renoir ( ရနွား) (၁၈၁၄-၁၉၁၉) မှရေးဆွဲသည်။
ရနွားသည်ပြင်သစ်အပ်ချူပ်ဆရာတစ်ဦး၏သားတစ်ဦးဖြစ်ကာသားသမီး၇ယောက်ထဲကတစ်ယောက်ဖြစ်
သည်။သူ့မှာပန်းချီနှင့်ပတ်သက်၍ပထမဦးဆုံးအတွေ့အကြုံကကြွေပန်းကန်လုပ်ငန်းတွင်ဝင်လုပ်ရစဉ်
ပန်းကန်ပြားပေါ်မှာလှပသောပန်းချီများရေးဆွဲခဲ့ခြင်းဖြစ်သည်။သူ့အသက်၁၃နှစ်အရွယ်ကတည်းကပန်းချီ
ပညာရှင်ဖြစ်ချင်ခဲ့သည်။သူကပန်းကန်လုံးများ ပန်းကန်ပြားများပေါ်ပန်းများချယ်သခဲ့သည်။
ကျောင်းတွင်ဂီတဆရာကဂီတနုတ်စ်များသင်ကြားနေစဉ်သူကဂီတစာအုပ်ပေါ်မှာပန်းချီများရေးဆွဲ၍အချိန်
ကုန်ခဲ့သည်။နောက်တစ်ဆင့်တက်၍ရနွားသည်အသက်မွေးဝမ်းကျောင်းအတွက်ယပ်တောင်များကိုအရောင်
ခြယ်သောအလုပ်ကိုလုပ်ခဲ့ရသည်။ယပ်တောင်များကိုအမျိူးသမီးများကသူတို့အိုက်သည့်အခါခပ်ရသည်။
ထိုအခါသူ့ပန်းချီကအသက်ဝင်လာရသည်။ပြတင်းပေါက်များဆေးသုတ်ရသည့်အခါသူကပြူတင်းပေါက်
၏အရိပ်များကိုထည့်သွင်းရေးဆွဲပြန်သည်။သူကားတကယ့်ပန်းချီပညာရှင်တစ်ဦးဖြစ်လာဖို့မည်သည့်
အခွင့်အရေးကိုမှလက်လွှတ်ခံသူမဟုတ်ပေ။
၁၈၆၂-၆၃ ခုနှစ်များတွင်ပါရီရှိပန်းချီသင်တန်းကျောင်းကဆွီဒင်ပန်းချီဆရာCharles Gabriel Gleyre ၏
အကယ်ဒမီခန်းတွင်ပန်းချီပညာစတင်သင်ကြားခဲ့ရသည်။ရနွား၏အစောပိုင်းပန်းချီလက်ရာများမှာပြင်သစ်
ပန်းချီဆရာနှစ်ဦးဖြစ်သော Claude Monet (အလင်းရောင်ကိုဦးစားပေးရေးဆွဲသူ)နှင့် Eugene Delacrox
(အရောင်ကိုဦးစားပေးရေးဆွဲသူ)တို့၏သြဇာလွှမ်းမိုးခဲ့သည်။
ရနွားသည် Monet, Sisley, Bazille တို့နှင့်အလွန်ခင်မင်သောမိတ်ဆွေများဖြစ်လာသည်။ပိုက်ဆံငွေကြေး
ရှားပါးမူကြောင့်တစ်ဦးကိုတစ်ဦးမှီခိုကာကူညီကာနေထိုင်ခဲ့ကြရသည်။
၎င်းတို့ရေးဆွဲသောပန်းချီကားများကို ‘Impressionism’အနုပညာကားချပ်များဟုခေါ်ဝေါ်ခဲ့ကြသည်။ယင်း
အမည်ကိုသူတို့ပန်းချီကားများကိုခံစားသူများကအမည်ပေးခဲ့ခြင်းဖြစ်သည်။အဓိပ္ပါယ်မှာဤသို့ဖြစ်သည်။
Impressionism ။ ။၁၉ရာစုပြင်သစ်မှာအစဦးဆုံးပေါ်လာသောပန်းချီကား၏လှူပ်ရှားမူဟုခေါ်သည်။အ
ကြောင်းမှာ Impression ပန်းချီဆရာများသည်ရှေ့ကရှိခဲ့သောပန်းချီဆိုင်ရာဥပဒေသများကိုချိူးဖောက်၍
၎င်းတို့ပန်းချီကားများကိုရေးဆွဲသောကြောင့်ဖြစ်သည်။သူတို့သည်သမိုင်းဝင်အဖြစ်တွေထက်အရာဝတ္ထု
များ၏အခြေခံသဘောသဘာဝကိုသာဦးစားပေးကြသည်။ရှေ့ကပန်းချီဆရာများကအလှအပ၏စံကိုရေးဆွဲကာ
သူတို့ကတော့ဓါတ်ပုံဆရာများကလျတ်တပြတ်ရိုက်ယူရရှိလိုက်သောရုပ်ပုံကိုအမိအရဖမ်းယူလိုက်သကဲ့သို့
ဆွဲယူရေးဆွဲကြသည်။သူတို့၏ဖမ်းယူရေးဆွဲသောပုံရိပ်များကိုပရိသတ်များကလက်ခံဖို့ခဲယဉ်းခဲ့ကြသည်။
Impressionism ပန်းချီများသည်အထွေထွေသောပုံပန်းသဏာန်များပိုင်ဆိုင်ကြသည်။ဆေးရောင်ကိုမရော
စပ်ပဲစုတ်တံအရောင်ကိုဦးစားပေးရေးချယ်သည်။ထိုကဲ့သို့သောရေးဆွဲမူကြောင့်ထိုခေတ်ကပန်းချီဆရာများ
၏လက်ရာများကဲ့သို့အရောင်နူညံ့သိမ်မွေ့သောမျက်နှာပြင်မျိူးကင်းမဲ့သွားရသည်။သူတို့၏အရောင်များ
သည်တောက်ပလျက်ရှိသည်။သူတို့ကအမည်းရောင်နှင့်မြေပြင်မှလှမ်းမြင်ရသောနေ၏ရောင်ခြည်ကိုရှောင်
ရှားတတ်ကြသည်။ထို့ပြင်သူတို့ကအသေးစိတ်ရေးဆွဲမူထက်ရုတ်တရက်ရလာသောမြင်ကွင်းကိုသာဦးစား
ပေးကြသည်။
ရနွားနှင့်အဖွဲ့သည်သူတို့၏ပန်းချီကားများကို Impression, Impression of Sunrise (နေတက်ချိန်မြင်ရပုံ)
စသည်အမည်များပေးကြသည်။ထိုအမည်များကို Impression အဓိပ္ပါယ်ဆိုလို၍ပေးခြင်းမဟုတ်ခဲ့ကြသော
လည်းသူတို့မှာထိုအမည်များတွင်ကျန်ရစ်ခဲ့ကြသည်။
ရနွားသည်သူအသက်ကြီးလာသောအခါအဆစ်ရောင်ရောဂါဝေဒနာခံစားခဲ့ရသည်။တုတ်နှစ်ချောင်းထောက်
ကာလမ်းလျှောက်နေရသောလည်းလက်ထဲမှာစုတ်တံကိုကိုင်ထားဆဲ၊ပန်းချီဆွဲဆဲဖြစ်သည်။ယင်းအဖြစ်ကို
“လက်မပေါ်ကစုတ်တံ”ဟုသူကခေါ်ဝေါ်ခဲ့သည်။သူသည်စုတ်တံကိုပြောင်းဖို့တော်တော်ခဲယဥး်သည်။ဆေး
ရည်ထဲနှစ်ကာသန့်ရှင်းပြီးဒါကိုင်ဆက်သုံးကာရေးဆွဲခြင်းဖြစ်သည်။
သူ၏နောက်ဆုံးနှစ်များတွင်ပန်းပုစမ်းသပ်ကာထုဆစ်ခဲ့သည်။သူ့လက်များဖြင့်တော့ပုံမသွင်းနိုင်ပါ။သူ့လက်
ထောက်ကိုဘယ်လိုလုပ်ပါဟုခိုင်းစေ၍လုပ်ခိုင်းခဲ့သည်ဟူ၏။
ယခုရွေးချယ်သောရနွား၏လက်ရာပန်းချီကားသည် ၁၈၈၁ခုနှစ်ကရေးဆွဲသော Impression လက်ရာတစ်ခု
ဖြစ်သည်။စိန်းမြစ်တလျှောက်မှာစီးဆင်းသွားလာနေသောအပျော်စီးသင်္ဘောပေါ်ကနံနက်ခင်းပါတီပွဲကျင်းပ
နေသည့်ပုံဖြစ်ပါသည်။စနေ၊တနင်္ဂနွေအားလပ်ရက်တွေမှာပါရီမှာနေထိုင်ကြသူအလုပ်သမားလူတန်းစားတွေ
၏ပါတီပွဲကျင်းပနေဟန်ဖြစ်သည်။ဝါရှင်တန်ဒီစီက Phillip Colloection မှာထားရှိပါသည်။
