အတွေးအမြင် အမှတ် ၂၀၅ ဧပြီလ ၂၀၀၉ ခုနှစ်ထုတ်တွင်ပါရှိခဲ့သော
နိုင်ငံတကာပန်းချီခံစားမူ
မိုနာလီဇာ
ဂျူနီယာဝင်း
လီယိုနာဒိုဒါဗင်ချီ(Leonardo da Vinci)(1452-1519)သည်နံမယ်ကျော်မိုနာလီဇာ(Mona Lisa)ပန်းချီကား
ရေးဆွဲသူအဖြစ်လူသိများလှသည်။သူသည်ဝိဇ္ဇာသိပ္ပံပညာမျိူးစုံကိုစွယ်စုံတတ်ကျွမ်းသောပုဂ္ဂိုလ်တစ်ဦးဖြစ်
သည်။
သူ့ကိုပီဆာ(Pisa)နှင့်ဖလော့ရင့်(Florence)ကြားကဗင်ချီ(Vinci)ဟူသောဒေသတွင်မွေးဖွားသည်။သူကပန်းချီ
ဆရာ၊ပန်းပုဆရာ၊ဗိသုကာပညာရှင်၊အင်ဂျင်နီယာတို့ဖြစ်ရုံမကထိုပညာရပ်များအားလုံးတွင်လညး်တဘက်ကမ်း
ခတ်တတ်မြောက်ကျွမ်းကျင်သူဖြစ်လေသည်။အသက် ၂၈ နှစ်တွင်အရှေ့ဘက်ရှိကာရို(Cairo)ဒေသသို့အင်
ဂျင်နီယာအဖြစ်အလုပ်လုပ်ခဲ့သည်။၁၅၀၀ ခုနှစ်တွင်ဆီဇာဘောဂျီရာ(Caesar Borgia)လက်အောက်တွင်
ဗိသုကာ၊နှင့် အင်၈ျင်နီယာပညာရှင်အဖြစ်အမူထမ်းသည်။၄နှစ်ကြာသော်“အမျိူးသမီးတစ်ယောက်နှင့်
အသိရခက်သောအပြုံး” ဟူသည့်သူ၏နံမယ်ကျော်ပန်းချီကား မိုနာလီဇာ ကိုရေးဆွဲခဲ့လေတော့သည်။
၁၅၀၃ ခုနှစ်မှာရေးဆွဲခဲ့သောထို မိုနာလီဇာ ပန်းချီကားထဲကအမျိူးသမီးသည်ပိုးကုန်သည် ဖရန်စကို ဒီ ဂျီအို
ကွန်ဒို (Francesco del Giocondo)၏ဇနီး လီဆာ ဒီ ဂရာဒီနီ ဂျီအိုကွန်ဒို(Lisa del Ghernardini Giocondo)
နှင့်တော်တော်လေးတူသည်။ယင်းပန်းချီကားကိုခင်ပွန်းဖြစ်သူကသူတို့၏ဒုတိယသားမွေးဖွားခြင်းအမှတ်တရ
အဖြစ်လီယိုနာဒိုကိုဆွဲခ်ိုင်းခဲ့သည်ဟုဆို၏။လီယိုနာဒိုသည်ထိုပန်းချီကားကိုစိတ်တ်ိုင်းမကျမချငး်ရေးဆွဲရာတွင်
သူသွားလေရာသယ်ဆောင်ယူသွားလေ့ရှိသည်ဟုဆိုသည်။ဤဖြစ်ရပ်ဖြင့်ဘာလို့ကမာ္ဘကျော်သွားရသလဲဆိုတာ
စဉ်းစားစရာဖြစ်သည်။မိုနာလီဇာသည်ထိုခေတ်အခါကအတော်နာမည်ကြီးသည်ဟုအကြောင်းပြချက်အမျိူးမျိူး
နှင့်ဖြစ်သည်။
ပန်းချီကားတွင်ထူးခြားချက်နှစ်ခုပါရှိသည်။တစ်ခုမှာအလွန်လှပသည်ဟုသင်္ချာပညာရှင်များသာမက
အနုပညာရှင်များပင်ဝန်ခံထားသည့်golden ratios(ရွှေအချိူးများ)ကိုပန်းချီကားတွင်သုံး၍ရေးဆွဲထားခြင်းဖြစ်
သည်။(ရွှေအချိူးဟူသည်1,1,2,3,5,8,13,21,34,55,……တို့မှရရှိသောအချိူးများဖြစ်သည့် 2:3,3:5,5:8,8:13,
13:21,21:34,….တို့ကိုခေါ်သည်။)နောက်တစ်ချက်မှာအမျိူးသမီး၏လက်အနေအထားသည်ခန္ဓာဗေဒ
(Anotomy) ပညာကိုအမှန်တကယ်တတ်ကျွမ်းသူမှသာရေးဆွဲနိုင်သောပညာဖြစ်ရမည်ဟုဇီ၀ဗေဒပညာရှင်များ
ကဆိုထားခြင်းဖြစ်သည်။
လီယိုနာဒိုနှင့်တခေတ်ထဲ ဗာစာရိုင် (Vasari)နံမယ်ကျော်အီတလီလူမျိူးဝေဖန်ရေးဆရာကအခုလိုပြောခဲ့
ဘူးသည်။
“ဟောသည်အမျိူးသမီးရဲ့ဦးခေါင်းကိုလေ့လာကြည့်ရင်သူဟာသဘာဝတရားကိုဘယ်လောက်ထိအနီးစပ်ဆုံး
ချယ်မှူန်းနှိူင်သလဲဆိုတဲ့အချက်ကိုသိနိုင်ပါလိမ့်မယ်။.....လူထက်မကသောမြင့်မြတ်တဲ့ပုဂ္ဂိုလ်ထူးတစ်ယောက်
ရဲ့လက်ရာတစ်ခုပဲလို့ဆိုရမှာဖြစ်ပါတယ်.”
ပန်းချီဆရာသည်ကမာ္ဘပေါ်မှာနေထိုင်သွားခဲ့သောထူးခြားသည့်ပုဂ္ဂိုလ်တစ်ဦးဖြစ်လေသည်။ပန်းချီကားကို
လီယိုနာဒိုသည်မီးခိုးငွေ့လွင့်ပျန့်နေသောဒီဇိုင်းဖြင့်တီထွင်ရေးဆွဲခဲ့သည်။ထိုတီထွင်မူကြောင့်နောက်ခံ
မြင်ကွင်းသည် ငှက်၏မျက်လုံးထဲကမြင်ကွင်းမျိူးကိုဖန်တီးထားသကဲ့သို့ဖြစ်နေသည်။
ကမာ္ဘပေါ်မှာဤပန်းချီကားအဘယ်ကြောင့်နံမယ်အကြီးဆုံးဖြစ်နေရသလဲဟူသည့်မေးခွန်းကိုစဥး်စားရာတွင်
လီယိုနာဒိုသည်အမျိူးသမီးတစ်ယောက်၏ပုံတူကိုရေးဆွဲရာတွင်မရေတွက်နိုင်သောသူ၏ခံစားချက်များစွာကို
ထည့်သွင်းရေးဆွဲခဲ့ခြင်းဖြစ်သည်ဟု၎င်း၊ယနေ့တိုင်ဘယ်သူမှမဖြေနိုင်သောမေးခွန်း“သူမ ပြုံးနေလား
ဒါမှမဟုတ် သူမ ပြုံးမနေဘူးလား” မေးခွန်းကြောင့်ဖြစ်နိုင်လေသည်။
သူ့ကိုအပ်သောအလုပ်များ၊ပန်းချီကားများစွာမှာသူ၏အချိန်မလုံလောက်မူ၊သူ၏စိတ်ပါဝင်စားအာရုံစိုက်မူအား
အလွန်အလေးထားမူများကြောင့်နှောင့်နှေးကြန့်ကြာခဲ့ရလေရာထိုအထဲတွင်မိုနာလီဇာပန်းချီကားလည်းအပါ
အဝင်ဖြစ်လေသည်။မိုနာလီဇာပန်းချီကားရေးဆွဲရာတွင်အချိန်ကြာလွန်းမကကြာသွားတာသူ့ကိုပန်းချီအပ်သော
ဖရန်စကိုကပင်တော်တော်စိတ်မရှည်စွာစောင့်ခဲ့ရသည်ဟုကြားဖူးပါသည်။
ထို့ပြင်ထိုပန်းချီကားကိုလူတွေအဘယ့်ကြောင့်အာရုံစိုက်မိသွားရသလဲဆိုသောအကြောင်းပြချက်တစ်ခုက
တော့လီယိုနာဒို၏နောက်ဆုံးနေထိုင်ရာအရပ် ကလို့လုစ် (Clos Luce)ကိုသူ၏နံမယ်ကျော် စိန့်အန်ဂျွန်
(St Anne John the Baptiste) ပန်းချီကားတို့နှင့်အတူမိုနာလီဇာပန်းချီကားကိုတပါတညး်ယူဆောင်သွား
ခဲ့ခြင်းကြောင့်ဖြစ်နိုင်ပါသည်။ယင်းသည်ထိုပန်းချီကားသည်လီယိုနာဒို၏အကြိုက်ဆုံးစာရင်းထဲပါဝင်နေသည်
ဆိုတာကိုပြသရာရောက်နေပါတော့သည်။
