Sunday, May 22, 2011

ဝတ္ထုသရုပ်ဖော်ရုပ်ရှင်ဇာတ်လမ်းတိုများကိုသုံးသပ်မိခြင်း

 
Critics 0n the Movies based on my Grandma’ short stories– juniorwin



ဂျူနီယာဝင်း

အဘွားဖြစ်သူမေမေကြီးဒေါ်ခင်မျိူးချစ်ရေးတဲ့ဝတ္တုတိုပေါင်းချူပ်ထွက်ခဲ့ပြီးနောက်မှာ
အဲသည်စာအုပ်ထဲက၀တ္ထုတိုနှစ်ပုဒ်ကိုMulti Media group(တစ်မျက်နှာတစ်ကွက်စာ)က
နေပြီးဇာတ်လမ်းတိုရိုက်ပြီးမြန်မာ့အသံကလွှင့်လိုက်တယ်။ပထမတစ်ပုဒ်က
“ပန်းဝတ်ထည်”နောက်ဒုတိယအပုဒ်က“အပျိူလိုမနေမိလို့”။
ပထမအပုဒ်တုန်းကတော့မေမေကြီးရဲ့ပန်းဝတ်ထည်ကိုဇာတ်လမ်းတိုရိုက်ပြီးကြောင်းနဲ့
နောက်တစ်ပုဒ်ကတော့ရိုက်ဖို့စီစဉ်ထားကြောင်းအကြောင်းကြားပါတယ်။မကြာမီမှာ
တီဗီကနေလွှင့်တော့မယ့်အကြောင်းများပြောပါတယ်။ဒါနဲ့ပထမအပုဒ်ကိုတော့
တီဗီမှာမလွှင့်မှီမှာအကြောင်းကြားထားလို့ပဲဆိုပါတော့အစအဆုံးကြည့်လိုက်ရတယ်။
ဒုတိယတစ်ခုကိုတော့၂၀၁၁မေဒေးနေ့ကပြသွားတယ်။ကြိုပြီးမပြောထားတော့အစကို
မမှီလိုက်ဘူး။နောက်ဆုံးစာတမ်းထိုးတော့မေမေကြီးနံမယ်ကိုဇာတ်လမ်းဆိုတဲ့နေရာမှာ
ရေးမထားဘူး။အစမှာပါသွားရင်တော့မတွေ့လိုက်ဖူးလို့ပဲဆိုပါတော့။
မေမေကြီးဒေါ်ခင်မျိူးချစ်ရဲ့ဝတ္တုတိုများဟာ Psychological ဆန်ပါတယ်။အတွင်းစိတ်
သရုပ်ဖော်၊စိတ်တွင်းခံစားချက်များကိုဦးစားပေးတယ်။ဒီလိုစိတ်ပညာဆန်ဆန်ရေးထားတဲ့
ဝတ္ထုများကိုရုပ်ရှင်ရိုက်ဖို့အင်မတန်ခက်ပါတယ်။အကယ်၍အသံလွှင့်ဇာတ်လမ်းဆိုရင်
ဖြစ်နိုင်တယ်။ရုပ်ရှင်ဆိုတော့အဲသည်လိုသရုပ်ဖော်မူများမှာအားနည်းသွားတယ်လို့မြင်တယ်။
မေမေကြီးဆုိလိုတဲ့Psychological Sense ကပါမလာဘူး။
မေမေကြီးရေးတဲ့ဝတ္ထုများကိုသဘောကျလို့ဆိုပြီးရုပ်ရှင်ရိုက်တဲ့သူရဲ့အပြစ်လည်းမဟုတ်ဘူး။
ရုပ်ရှင်သရုပ်ဆောင်များနဲ့လည်းမဆိုင်ဘူး။သို့သော်မေမေကြီးရေးတဲ့ဝတ္ထုများဟာ
Psychological ဆန်တဲ့အတွက် Atmosphere ကိုပေါ်အောင်ရိုက်ရမှာဖြစ်တယ်။အဲဒီအပိုင်း
ကိုပေါ်အောင်မရိုက်နိုင်တဲ့အတွက်မေမေကြီးဝတ္ထုထဲမှာမပါတဲ့အပိုဖြည့်စွက်တာတွေကိုအပို
စာသားတွေထည့်ရိုက်ထားတာတွေ့ရတယ်။
မူရင်းဝတ္ထုရဲ့ Atmosphere ကိုမိအောင်မရိုက်နိုင်ရင်မေမေကြီးဝတ္ထုများကိုရုပ်ရှင်မရိုက်
သင့်ဖူးလို့ပဲသုံးသပ်မိတယ်။

Monday, May 2, 2011

ဟိုးရှေးရှေးတုန်းကမေ့ရင်သွေးပုံပြင်များ - တက္ကသိုလ်ရွှေရီဝင်း

ကလေးစာအုပ်တစ်အုပ်

စိတ်ကူးချိူချိူစာပေ
၂၀၁၁ မတ်လ အုပ်ရေ ၅၀၀ ကျပ်၇၀၀
ပုံပြင်ပေါင်း ၂၃
စာမျက်နှာ ၇၀ကျော်
သည်စာအုပ်လေးဟာ Tall Book လို့ခေါ်တဲ့အင်္ဂလိပ်စာအုပ်တစ်အုပ်ကပုံပြင်များ
ကိုဘာသာပြန်ထားတာဖြစ်ပါတယ်။သို့သော်လည်းပုံပြင်များဟာဗမာနဲ့အတော်လေး
နီးစပ်ရုံမကလူသိများပြီးသားပုံပြင်လေးများပါပဲ။ဥပမာ - အရုပ်ဆိုးသောဘဲကလေး
ဝက်ဝံသုံးကောင်  မိုးပြိုမှာစိုးတဲ့ကြက်ကလေး ဆန္ဒသုံးခု ယုန်နဲ့လိပ် ရွှေဥဥသောဘဲငန်း
မြို့ကြွက်နဲ့လယ်ကြွက် စကားနားမထောင်တဲ့ဝက်ကလေး….. စသဖြင့်စသဖြင့်။
ဒီနံမယ်တွေကိုကြားလိုက်တော့ငယ်ငယ်တုန်းကပုံပြင်လေးတွေသတိရသွားမှာပါပဲ။
ပုံပြင်များဟာကလေးများအတွက်လို့ဆိုလိုက်တော့ကလေးတွေဟာပုံပြင်တွေကို
တန်းတတတ်ဖို့ နားထောင်ချင်ဖို့ တောင်းဆိုဖို့ လိုသလားလို့စဉ်းစားစရာပါ။
ပုံပြင်ဆိုတာကိုယ်ငယ်ငယ်ကတော့ကိုယ့်အဘိုးအဘွားများ မိဘများ ပုံပြင်တွေထပ်လာရင်
အသစ်ကိုတောင်းဆိုတာ အဟောင်းကိုအီလာတာမျိူးတောင်ခံစားမိပါရဲ့။
ကိုယ့်အဘွားကိုတောင် မေမေကြီးရေ..
အဲသည်ပုံပြင်ကြီးကဟိုတစ်ခါပြောပြီးသားကြီး ဆိုပြီးဆိုးနွဲ့ဖူးပါရဲ့။ အသစ်ကိုတောင်း
ဆိုတတ်လွန်းလို့မေမေကြီးတို့ခင်ဗျာမှာ ၅၅၀နိပါတ်တော်လည်းကုန်ပြီ ဇာတ်ကြီးဆယ်
ဘွဲ့လည်းပြောပြီးပြီ အင်္ဂလိပ်စာအုပ်ထဲကပုံပြင်တွေလည်းပြောပီးပြီ သမိုင်းဝင်ဇာတ်လမ်း
များလည်းကုန်ပါရော တီထွင်ပြီးပြောလွန်းလို့ကလေးတွေကမှတ်မိကုန်ပြီလို့ညီးညူသံ
ကြားဖူးခဲ့ရပါတယ်။ကိုယ်ကတော့သိပ်နားမလည်ဖူးလေ အော် ပုံပြင်ဆိုတာအများကြီး
ရှိရမှာပဲဟာ ဘာလို့အဲသည်လိုညီးပါလိမ့် လို့တွေးမိဖူးခဲ့တယ်။ကိုယ်ကိုယ်တိုင်ဖတ်တတ်
လာတော့မေမေကြီးတို့နည်းနည်းသက်သာသွားရှာတယ်။စာအုပ်ပဲဝယ်ပေးရတော့တယ်။
လူထုဦးလှ၊မင်းသုဝဏ်၊မင်းယုဝေ၊ဦးဘကြည်၊ဦးဖေသိန်း၊အီစွပ်ပုံပြင်များ၊နုယဉ်ရဲ့ကဗျာများ၊
…..မရေတွက်နိုင်တဲ့ပုံပြင်စာအုပ်များဟာအခုပြန်စဉ်းစားကြည့်လိုက်ရင်ကျေးဇူးရှင်များ
အလားခံစားမိရတယ်။
ကလေးများပုံပြောပြဖို့ဆိုတဲ့အရွယ်လေးဟာခနလေးရယ်ပါ။စာဖတ်တတ်လာရင်သူတို့
ဘာသာဖတ်တော့မှာ။ကိုယ်ကပြောချင်တာတောင်မှသူ့ဘာသာစူးစမ်းဖတ်ချင်တဲ့စိတ်
ကြောင့်အနားတောင်ခေါ်လို့မရတော့ဘူးမဟုတ်လား။ဘာပဲဖြစ်ဖြစ်ပုံပြင်ကလေးတွေ
ပြောပြီးကလေးလေးတွေကိုချော့သိပ်ကြပါစို့။