2 – 1 - 2010 Remembrance Daw Khin Myo Chit

ဒေါ်ခင်မျိူးချစ်ကွယ်လွန်ခဲ့တာ နှစ်ပတ်လည် ၁၁ နှစ်ပြည့်

စာရေးဆရာမကြီးဒေါ်ခင်မျိူးချစ်ကွယ်လွန်ခဲ့သော ဇန်န၀ါရီလ ၂ ရက်နေ့ ၁၉၉၉ ခုနှစ်ကနေ

အခုဆိုရင် ၁၁ နှစ်တောင်ရှိပြီဖြစ်ပါသည်။

ကွယ်လွန်ပြီး ၁၁ နှစ်ကြာမှ ဒေါ်ခင်မျိူးချစ် အမှတ်တရအလှည့်ရောက်လာပြီပေါ့ခင်ဗျ။

အမှတ်တရ တိုက်တိုက်ဆိုင်ဆိုင် ဆိုသလို ပိတောက်ပွင့်သစ် မဂ္ဂဇင်းမှအမှတ်တရစာအုပ်

ဒီဇင်ဘာလထုတ်မှာ ဒေါ်ခင်မျိူးချစ်မျက်နှာဖုံးနှင့်ယခုထွက်ရှိလာတာမထူးခြားပါလားခင်ဗျား။

ဒီဇင်ဘာထုတ်ပေမယ့်ထွက်လာခဲ့သောအချိန်က ၂၀၁၀ နှစ်သစ်မှာမို့စိတ်လှူပ်ရှားစရာဖြစ်ရပါသည်။

တိုက်ဆိုင်မူဆိုတာအဲသည်ဟာမျိူးပေါ့နော့်။ကြိုတင်ပြင်ဆင်ထားတာမျိူးလဲမဟုတ်၊

ကြိုတင်ပြီးသည်အချိန်သည်အခါမှာမေမေကြီးအမှတ်တရထွက်အောင်လုပ်ပါလုိ့လဲတိုက်တွန်းခဲ့တာမျိူး

လည်းမဟုတ်ပဲနဲ့သူ့ဟာနဲ့သူ၊သူ့အစီအစဉ်နဲ့သူထွက်လာတဲ့ပိတောက်ပွင့်သစ်

ဒေါ်ခင်မျိူးချစ်အမှတ်တရစာအုပ်ကတကယ့်ကိုတိုက်တိုက်ဆိုင်ဆိုင်ဖြစ်လာရတာပျော်စရာဖြစ်ရသည်ပေါ့။

ဒေါ်ခင်မျိူးချစ်ကွယ်လွန်ပြီးသည့်နောက်အမှတ်တရထုတ်မည့် စာပေလောက စာအုပ်တိုက်သို့ပေးပို့ထား

ခဲ့သောစာမူများ ပါဝင်လာပါသည်။ သို့သော်ယခုပိတောက်ပွင့်သစ် ဒေါ်ခင်မျိူးချစ်အမှတ်တရသည်

ဒေါ်ခင်မျိူးချစ်ကွယ်လွန်ပြီး ၁၁ နှစ်ကြာမှာမှထွက်ရှိလာသော ပထမဦးဆုံးအမှတ်တရစာအုပ်ဖြစ်လို့

အဲသည်အချက်ဟာလည်းထူးခြားချက်တစ်ချက်အဖြစ်မှတ်တမ်းတင်ရမည်ဖြစ်ပါသည်။

သည်ပိတောက်ပွင့်သစ်တွင်အမှတ်တရဓါတ်ပုံများ များစွာပါပါသည်။မိသားစုဝင်များဖြစ်သော

ဒေါက်တာခင်မောင်ဝင်း၊တက္ကသိုလ်ရွှေရီဝင်း၊မောင်ရစ်၊ဂျူနီယာဝင်းတို့၏မေမေကြီးအလွမ်းစာ

များအပြင် ဒေါ်ခင်မျိူးချစ်ကိုချစ်ခင်ကြသောစာပေပညာရှင်များဖြစ်သည့်ဦးသုခ၊ပါရဂူ၊ခင်နှင်းယု၊

ခင်ဆွေဦး၊ခင်ကြည်ကြည်(မေမေကြီး၏ချစ်ခင်ရသောသူငယ်ချင်း-ဦးသိန်းဖေမြင့်၏ဇနီး)၊

မောင်ဝံသ၊ ၊ဦးစိန်မောင်ဦး၊ကြည်နိုင်၊မအုန်းကြည်(စာပေဗိမာန်)၊မောင်အောင်ပွင့်၊

ထက်ကျော်၊ဒေါ်ခင်မျိူးချစ်အင်တာဗျူး(ခက်မာနှင့်)၊ခင်နှင်းဦး၊လေးကိုတင်၊ဒေါက်တာခင်မကြီး၊

ဇော်ခိုင်ဦးတို့၏ဒေါ်ခင်မျိူးချစ်ကိုချစ်သောအလွမ်းစာများ၊အမှတ်တရများ၊ရင်တွင်းခံစားချက်များ

ပါဝင်ပါသည်။

ဒေါက်တာခင်မောင်ဝင်း၊တက္ကသိုလ်ရွှေရီဝင်းတို့ရေးသားသောဆောင်းပါးမှာမေမေကြီးကွယ်လွန်

ခဲ့သည့်၁၉၉၉ခုနှစ်ကတည်းကရေးသားထားသော၊ဘယ်မှာမှဖော်ပြခြင်းမရှိသေးသောဘဘကြီး၊

မေမေကြီးတို့အကြောင်းဘ၀အကြောင်းများဖြစ်ပါသည်။တခြားသောဆောင်းပါး အများစုမှာလည်း

ဒေါ်ခင်မျိူးချစ်ကွယ်လွန်ချိန်တွင်အမှတ်တရစုဆောင်းထုတ်ဖို့ရေရွယ်ထားသောဆောင်းပါး

များဖြစ်ကာတချိူ့မှာ၂၀၀၉ မေလ အတွေးအမြင်မဂ္ဂဇင်းတွင်ဆရာမောင်ဝံသမှဒေါ်ခင်မျိူးချစ်

အမှတ်တရဂဏအဖြစ်ဆောင်းပါးများပါရဂူ၊ဒေါ်သန်းခင်၊ဒေါ်အုန်းကြည်တို့၏ဆောင်းပါးများ

ကိုဖော်ပြပေးခဲ့သဖြင့်ယင်းသည်ဒေါ်ခင်မျိူးချစ်အမှတ်တရလေးဖြစ်ခဲ့ရသောလအဖြစ်မှတ်တမ်းတင်

ထားရမည်ဖြစ်ပါသည်။ဦးသုခ၊ဒေါ်ခင်ကြည်ကြည်၊မအေးချမ်းတို့၏ဆောင်းပါးများသည်အတွေးအမြင်

မဂ္ဂဇင်းတွင်အလျင်းသင့်သလိုဖော်ပြပေးခဲ့သဖြင့်ဒေါ်ခင်မျိူးချစ်အမှတ်တရများကအဆက်မပြတ်ခဲ့

ပါချေ။ဆောင်းပါးများဖော်ပြခဲ့တုန်းကဦးသုခ၊ဒေါ်အုန်းကြည်တို့မှာကွယ်လွန်သွားခဲ့ပြီဖြစ်ပါသည်။

ဘဘ မေမေကြီးတို့ကိုအထူးချစ်ခင်သောဒေါ်လှသန်းမှာလည်းကွယ်လွန်သွားခဲ့ပြီဖြစ်ကာသူ၏

ဘယ်မှာမှမဖော်ပြရသေးသောဆောင်းပါးကိုလည်းနောက်များတွင်ဖတ်၇ဖို့မျှော်လင့်ထားမိပါသည်။

ဒေါ်ခင်မျိူးချစ်အင်တာဗျူးကတော့ပိတောက်ပွင့်သစ်မှာပါခဲ့ပြီးသောဆောင်းပါးဖြစ်သည်။

ဓါတ်ပုံများကားသမိုင်းဝင်ရှားပါဓါတ်ပုံများဖြစ်ကာ ကာရကံရှင်များ၊ဘဘကြီးမေမေကြီး တို့နှင့်

ချစ်ခင်ပတ်သက်ခဲ့သူများ နှင့်သိမှီလိုက်သူများ အတွက်ဒါကဘယ်သူဘယ်ဝါဟုသိကြမှတ်မိကြပေ

လိမ့်မည်ဖြစ်ပေတော့သည်။

ဒေါ်ခင်မျိူးချစ်၏ထိုအမှတ်တရစာအုပ်ကလေးမလွတ်တန်းဖတ်ဖြစ်အောင်ဖတ်လိုက်ကြပါဦး။

ဒီနှစ်သစ်ကလေးကိုဒီစာအုပ်လေးနှင့်ဖွင့်လိုက်ရတာမင်္ဂလာရှိသောနှစ်သစ်ဖြစ်သွားရပါပြီဟုသာ…။