လွယ်မယောင်နှင့်ခက်သောအင်္ဂလိပ်စာလုံးများ ဂျူနီယာဝင်း

၂ဝဝဝခုနှစ်အမှတ်၁၄၄ဇွန်လအတွေးအမြင်မဂ္ဂဇင်းမှာဖော်ပြခဲ့သောဆောင်းပါးတစ်ပုဒ်

လွယ်မယောင်နှင့်ခက်သောအင်္ဂလိပ်စာလုံးများ.  ဂျူနီယာဝင်း

၂ဝဝဝခုနှစ်အမှတ်၁၄၄ဇွန်လအတွေးအမြင်မဂ္ဂဇင်းမှာဖော်ပြခဲ့သောဆောင်းပါးတစ်ပုဒ်

လွယ်မယောင်နှင့်ခက်သောအင်္ဂလိပ်စာလုံးများ.   ဂျူနီယာဝင်း

What’s in a name?ဆိုတဲ့စကားလုံးကို Sheakspeare ပြဇာတ်တစ်ပုဒ်ဖြစ်တဲ့ Romeo And Juliet ထဲမှာ

တွေ့ဖူးခဲ့တာပါ။ဒီစကားလုံးကိုအဘွားဖြစ်တဲ့မေမေကြီးဒေါ်ခင်မျိူးချစ်ကအကြောင်းတစ်ခုနဲ့တိုက်ဆိုင်လို့ရှင်းပြခဲ့ဖူးပါတယ်။

What’s in a name?ကိုတိုက်ရိုက်ဘာသာပြန်ရင်“နံမယ်ထဲမှာဘာရှိလဲ”ပေါ့။အဲဒီလိုတိုက်ရိုက်ပြန်လိုက်ရင်

အဓိပ္ပါယ်သိပ်မရှိဘူး။ဒီတော့ဘယ်လိုပြင်ရေးမလဲ။

နာမည်ထဲမှာဘာရှိလဲလို့တတွတ်တွတ်ရွတ်ကြည့်လိုက်မိတယ်။Romeo and Juliet ပြဇာတ်ထဲမှာJuliet

ကပြောတာဖြစ်ပါတယ်။

နာမည်ထဲမှာဘာရှိလဲ။နာမည်ထဲမှာဘာရှိပါလိမ့်။နှင်းဆီပန်းလို့ခေါ်တဲ့ပန်းကိုတခြားနာမည်ပေးလိုက်လည်းသူ့ရန့ံကတော့မွှေးမြဲမွှေးနေမြဲပါပဲ။

နှင်းဆီဆိုတဲ့အမည်ကိုမခေါ်လည်းသူ့ရန့ံကပျောက်မသွားပါဘူး။ဆိုလိုတာကနှင်းဆီဆိုတဲ့အမည်ကဘယ်လောက်များအရေးကြီးလို့လဲ။သူ့ကိုတခြားအမည်ပေးလိုက်လည်းသူ့ရန့ံကပျောက်မသွားပါဘူး။ဒါဆိုရင်What’s in a name? ဆိုတာ“နာမည်ကဘာအရေးကြီးလဲ”လို့ဆိုလိုလိုက်တာပါပဲ။

“နာမည်ဘာအရေးကြီးလဲ”လို့ဘာသာပြန်လိုက်ရင်သူ့အဓိပ္ပါယ်ကပြည့်စုံသွားပြီဖြစ်ပါတယ်။နောက်စကားလုံးတစ်ခုကိုမေမေကြီးကရွေးပြီးရှင်းပြပါတယ်။

For Your Eyes Only. ။ဒါက James Bond ရုပ်ရှင်ကားတစ်ကားရဲ့အမည်ဖြစ်ပါတယ်။ဒါကိုတိုက်ရိုက်ဘာ

သာပြန်လိုက်ရင်“သင့်မျက်စိဖြင့်သာ”တဲ့။ဒီလိုဆိုရင်လည်းနားထောင်လို့သိပ်အဆင်မပြေဘူး။မြန်မာစကား

မဟုတ်ဘူး။

“သင့်မျက်စိဖြင့်သာ”(For Your Eyes Only)လို့ရေးထားရင်ဒါကမင်းတစ်ယောက်တည်းကြည့်ဖို့၊ဖတ်ဖို့

လို့ဆိုလိုတာပဲ။အဓိပ္ပါယ်က“ထိတ်တန်းလျိူ့ဝှက်”(Top Secret)နဲ့အတူတူပဲ။

မေမေကြီးကဆက်ပြီးမှတ်ချက်ချပြပါတယ်။What’s in a name?, For Your Eyes Onlyဆိုတဲ့စကားလုံး

တွေမှာမသိတဲ့စကားလုံးတစ်လုံးမှမရှိဘူး။အကုန်လုံးလွယ်လည်းလွယ်၊ကိုယ်သိတာတွေချည်းပါပဲ။ဒါပေမယ့်တိုက်ရိုက်ဘာသာပြန်ယူလို့မရသလိုမြန်မာစကားနဲ့ကိုက်ညီအောင်စဉ်းစားရတာနက်နဲလှတယ်လို့ဆိုပါတယ်။

ကျွန်မအဘိုးဖြစ်သူအင်္ဂလိပ်စာဆရာကြီးဦးခင်မောင်လတ်ကလည်းမေမေကြီးနဲ့အတူသဘောထားရှိသူဖြစ်ပါတယ်။ကျွန်မတို့မြေးမောင်နှမနှစ်ယောက်ကိုအင်္ဂလိပ်စကားတစ်ခုသင်ပေးခဲ့ကြပါတယ်။

“Were I anything but what I am, I would wish me only he.”တဲ့။

ဘာသာပြန်စမ်းလို့ကျွန်မတို့ကိုခိုင်းပါတယ်။အဲဒီအချိန်တုန်းကျွန်မတို့၉တန်းလောက်ပဲရှိဦးမယ်။

ကျွန်မမှတ်မိသလောက်ပြောရရင်ဒီစာကြောင်းရဲ့နောက်ဆုံး“he”ဆိုတာဟာ“I”ကိုပြောတာပဲဆိုတဲ့အချက်ကြောင့်ဒီစာကြောင်းရဲ့အဓိပ္ပါယ်ကရှင်းသွားတယ်ဆိုတာပါပဲ။အဓိပ္ပါယ်က-

“ငါနဲ့ငါသာနှိူင်းစရာ”ဖြစ်ပါတယ်။

ကျွန်မဟာအင်္ဂလိပ်စကားလုံးလွယ်လွယ်လေးတွေနဲ့တည်ဆောက်ထားတဲ့စာကြောင်းတွေကိုစိတ်ဝင်စားခဲ့ပါတယ်။ဘဘကြီးမေမေကြီးတို့ကလည်းဒီလိုစကားလုံးလေးတွေတွေ့ရင်ကျွန်မတို့ကိုခေါ်ပြီးရှင်းပြ၊ဘာသာပြန်ခိုင်းလွန်းတာကြောင့်လည်းဖြစ်နိုင်ပါတယ်။

ကျွန်မနဲ့မေမေကြီးအဲဒီအကြောင်းတွစကားစပ်မိရင်Shakespeareရဲ့ Julius Caesar ပြဇာတ်ထဲက

“The Evil that men do”ဆိုတဲ့စာကြောင်းဆီကိုရောက်သွားတတ်ပါတယ်။အဲဒီနေရာရောက်တိုင်း

မေမေကြီးက“မေမေကြီးတော့ဒီစကားလုံးကိုဘာသာပြန်ဖို့မြန်မာဆန်ဆန်စဉ်းစားလို့မရဘူးကွာ”

လို့ပြောပါတယ်။ဒါနဲ့မေမေကြီးနဲ့ကျွန်မအဲဒီအကြောင်းကိုအတူတကွစဉ်းစားခဲ့ဖူးကြပါတယ်။အဓိပ္ပါယ်ကိုတော့သိနေကြတယ်။စာလုံးတစ်လုံးချင်းကလည်းမသိတဲ့စာလုံးမပါ။ဒါပေမယ့်သူ့အဓိပ္ပါယ်ပေါ်လွင်အောင်ဘာသာပန်ဖို့ခက်လှတယ်။

ဒီစကားလုံးကိုပြောခဲ့သူက Antony ဖြစ်ပါတယ်။Julius Caesarရဲ့အလောင်းကိုလူတွေရှေ့မှာချရင်း

သူကအဲဒီလိုပြောခဲ့တာပါ။သူဆိုလိုတာကအခုလိုအဓိပ္ပါယ်ထွက်ပါတယ်။

“Caesar ကတော့ကွယ်လွန်ရှာပါပြီ။သူလုပ်ခဲ့တဲ့ကောင်းတဲ့လုပ်ရပ်တွေကိုတော့ဘယ်သူကမှစကား

လုပ်ပြီးပြောနေကြမှာမဟုတ်ပါဘူး။သူ့နာမည်နဲ့အတူကျန်ရစ်ခဲ့မှာကတော့သူလုပ်ခဲ့မိတဲ့အပြစ်အနာအဆာတွေပဲဖြစ်ပါတော့တယ်။”

ဒီစကားလုံးတွေနဲ့သူ့လူတွေကိုAntonyကသူ့ဘက်ပါအောင်ဆွယ်လိုက်တာဖြစ်ပါတယ်။Brutusတို့စွပ်စွဲသလိုCaesarဟာအာဏာမက်သူဖြစ်တယ်ဆိုတဲ့စကားကိုတိုက်ရိုက်ဆန့်ကျင်မပြောပဲပညာသားပါပါပြောတဲ့စကားတွေထဲကတချိူ့ဖြစ်ပါတယ်။

(လူ့သဘာဝကိုကအဲဒီလိုပါပဲ။မကောင်းတာကိုပဲပိုမှတ်မိကြ၊မဟုတ်တာလုပ်မိတာလေးတွေကိုပဲရွေးပြီသတိရမိကြ..ဒါကိုဆိုလိုတာဖြစ်ပါတယ်။လူပဲကောင်းတာရှိသလိုမကောင်းတာလည်းရှိတာပေါ့။သို့သော်Caesarခင်ဗျာသူလုပ်မိတဲ့အပြစ်ကလေးတွေကိုပဲရွေးပြီးပြောတာခံနေရတယ်….)

ကျွန်မတို့အခုလိုစဉ်းစားနေတဲ့အကြောင်းအရာကိုပြန်ကောက်လိုက်ရင် The evil that men do,

lives after them. ဆိုပြီးမူရင်းစာကြောင်းကိုပြန်ယူရမှာဖြစ်ပါတယ်။ကျွန်မတို့ကလွယ်လင့်တကူ

The evil that men do လို့ဆိုလိုက်ရင်ဒါအလိုလျောက်သူ့အဓိပ္ပါယ်ပါပြီးသွားတဲ့သဘောဖြစ်ပါတယ်။

ကျွန်မတို့နားလည်သလိုပြောရရင်လူတွေဟာကျွန်မတို့လုပ်မိတဲ့မှားယွင်းမူတို့၊အပြစ်တို့ကိုကောင်းတဲ့လုပ်ရပ်တွေထက်ပိုပြီးမှတ်မိတတ်ကြပါတယ်။အဲဒီလိုဘာမဟုတ်တဲ့အမှားလေးတွေကကျွန်မတို့ဘဝတလျာက်လုံးမှာလိုက်ပါနေပါတော့တယ်လို့အဲဒီလိုအဓိပ္ပါယ်ဖော်ရမှာဖြစ်ပါတယ်။

(အဲ….ကျွန်မကိုယ်ကျွန်မဥပမာထားပြီးပြောပြရရင်….ကျွန်မငယ်ငယ်တုန်းကသချင်္ာညံ့လွန်းလို့သုညတောင်ရဖူးတယ်။အဲဒီသုညရဖူးတဲ့အဖြစ်ကိုဖုံးချင်လွန်းလို့သချင်္ာမှာတော်အောင်ကြိုးစားလိုက်ရ၊ဂုဏ်ထူးတန်းဝင်အောင်လုပ်လိုက်ရနဲ့။သို့သော်လည်းအဲဒီသုညရတာကိုသိထားတဲ့အဲသည်တုန်းကဆရာဆရာမတွေကတော့ကျွန်မကို…သြော်….အတန်းထဲမှာသချင်္ာသုညရတဲ့ကျောင်းသူလေ။သူ့အဖေသချင်္ာဆရာကြီးခင်ဗျာသူ့သမီးသချင်္ာ၂ဘာသာလုံးကျလို့သူ့ဆရာမနဲ့လာတွေ့ရသေးတယ်…လို့ပြောကြလေရဲ့။အဲသည်တုန်းကတကယ်ဆိုတခြားပြောစရာတွေအများကြီးရှိတာပဲ…သချင်္ာဆရာကြီးသမီးဆိုတော်ရောပေါ့။အတန်းထဲမှာစာ…(အဲ…စာကလည်းမတော်တော့….အင်း…ပြောစရာကအဲဒါပဲရှိတယ်ထင်ပါရဲ့။)ခက်တာကအဲသည်လို...လို့ဆိုလိုက်တာနဲ့….အဲသည်လိုပြောလိုက်ရင်ကျွန်မကိုထင်းကနဲတန်းမြင်တော့တာပဲ။ဆိုလိုတာကလူတွေဟာမကောင်းတာ၊အပြစ်လုပ်မိတာ၊အမှားလုပ်မိတာတွေကိုကောင်းတာလုပ်တာထက်ပိုမှတ်မိကြတယ်…အဲဒါကိုဆိုလိုတာပါ။)

ဒီစကားလုံးဟာကျွန်မတို့မိသားစုကြားမှာတော်တော်ခေတ်စားပါတယ်။လူတွေရှေ့ဖတ်ရမယ့်စာတမ်း

ဖတ်ပွဲတွေတက်ရတော့မယ်ဆိုရင် The Evil That Men Do ဖြစ်မယ်နော်လို့သတိပေးကြပါတယ်။ဘာ

အဓိပ္ပါယ်လဲလို့တစ်ယောက်ယောက်ကမေးရင် What’s in a name? For Your Eyes only, တို့လို

တစ်ခွန်းတည်းနဲ့ဖြေလို့မပြီးနိုင်ပါဘူး။ဒါပေမယ့်အရေးပါတဲ့ကိစ္စတစ်ခုခုပြင်ဆင်နေတဲ့အချိန်တွေမှာဒီလိုသတိပေးသံကြားလိုက်ရင်အလုပ်မအားလို့စိတ်ရူပ်နေတဲ့

ကြားကပြုံးမိသွားကြရပါတယ်။

ကျွန်မဖေဖေသချင်္ာဆရာကြီးမှာလည်းပြောစမှတ်တွင်လောက်တဲ့The Evil That 

Men Do ဥပမာရှိပါ

တယ်။ဖေဖေငယ်ငယ်တုန်းကကော်လုပ်တဲ့အကြောင်းပါ။ဖေဖေတီထွင်လိုက်တဲ့

ကော်ကအရောင်အဆင်းရော၊ပုံသဏာန်ရောကော်နဲ့တူပါသတဲ့။ဒါပေမယ့်မကပ်တာတစ်ခုပဲလို့ဆိုပါတယ်။အဲဒီအကြောင်းကိုမေမေကြီးကဖော်ထုတ်ပြောလေ့ရှိတယ်။“သချင်္ာဆရာဘာသီအိုရီတွေတီထွင်သလဲတော့မသိဘူး။သချင်္ာဆရာလုပ်တဲ့ကော်ကကော်နဲ့တော့အကုန်တူတယ်။မကပ်တာတစ်ခုပဲ”လို့ဆိုပါတယ်။အဲဒီအရိပ်ကဒီအဖြစ်သိသူတွေကြားထဲမှာယနေ့တိုင်အရိပ်လိုလိုက်နေပါတယ်။

နောက်Shakespeareရဲ့ကမ္ဘာကျော်စကားလုံးဖြစ်တဲ့“To be or not to be”ဟာဆိုရင်လည်းလွယ်လွယ်

လေးနဲ့တိုက်ရိုက်ဘာသာပြန်ဖို့ခက်တဲ့စကားဖြစ်ပါတယ်။ဒါ Hamlet ပြဇာတ်ထဲမှာရေးထားတာဖြစ်ပါ

တယ်။စာကြောင်းအပြည့်အစုံက“To be or not to be, that is a question” ဖြစ်ပါတယ်။

ဒီစာကြောင်းဟာ“စာဖတ်ရင်ကောင်းမလား၊အိပ်ရင်ကောင်းမလား”ဆိုရင်လည်းဖြစ်ပါတယ်။စားရင်ကောင်းမလား၊မစားရင်ကောင်းမလား၊ဒီအလုပ်လုပ်ရင်ကောင်းမလား၊ကျောင်းပဲတက်ရင်ကောင်းမလား။သွားရင်ကောင်းမလား၊မသွားရင်ကောငး်မလားစသည်စသည်ဖြင့်ကြိုက်ရာထည့်လို့ရတဲ့အတွက်အဓိပ္ပါယ်များစွာအကျူံးဝင်နေပါတယ်။သူ့မူရင်းကိုတိုက်ရိုက်ပြန်ဆိုဖို့စဉ်းစားနေမယ့်အစားတစ်ခုုခုလုပ်ဖို့ချီတုံချတုံဖြစ်နေတဲ့အခါ“To be or not to be”လို့ညည်းလိုက်ရင်ဒါဟာလုံလောက်တဲ့အဓိပ္ပါယ်ဖြစ်သွားပါတယ်။

အင်္ဂလိပ်စာလုံးလွယ်လွယ်လေးတွေနဲ့တည်ဆောက်ထားတဲ့စာကြောင်းတွေကိုကျွန်မရဲ့အဘိုးအဘွားတွေကဂရုတစိုက်အလေးထားပြီးသင်ပေးတတ်ကြပါတယ်။ဒါ့အပြင်လွယ်ပါတယ်ဆိုတဲ့အင်္ဂလိပ်စာလုံးတစ်လုံးတည်းဟာအဓိပ္ပါယ်ပြန်ဖို့ခက်လှကြောင်းကိုလည်းဥပမာတွေနဲ့ရှင်းပြတတ်ကြပါတယ်။

Hairy Joe ဆိုတဲ့ရေဒီယိုပြဇာတ်တစ်ပုဒ်မှာဖြစ်ပါတယ်။ပြဇာ်ရေးဆရာက Sol Panitzဖြစ်ပါတယ်။ပြဇာတ်

အဆုံးမှာစာရေးဆရာကကဗျာလေးစပ်ပြီးအဆုံးသတ်ထားပါတယ်။ပြဇာတ်အဆုံးမှာစာရေးဆရာကကဗျာလေးစပ်ပြီးအဆုံးသတ်ထားပါတယ်။သူ့ကဗျာကဆယ်ကြောင်းလောက်ရှိပါတယ်။အောက်ဆုံးအကြောင်းကအခုလိုရေးထားပါတယ်။

“They all make a free man so tall.”

ဘဘကြီးကဒီကဗျာတစ်ပိုဒ်လုံးမှာအခက်ဆုံးကဒီ tall ဆိုတဲ့စကားလုံးပဲလို့ပြောခဲ့ပါတယ်။ကျွန်မဒီစာကြောင်း

ရဲ့အပေါ်နှစ်ကြောင်းကိုရေးပြချင်ပါတယ်။ဒါမှအဓိပ္ပါယ်ဖော်လို့ရနိုင်ပါလိမ့်မယ်။

There is no freedom too small,

Every man is as good as another,

And they all make a free man so tall.

အပေါ်နှစ်ကြောင်းကိုဆီလျော်အောင်ဘာသာပြန်ုလိုက်ရင် -

“လွတ်လပ်ပါတယ်ဆိုမှတော့ဘယ်လောက်ကလေးလွတ်လပ်ပါတယ်လို့ပြောစရာမလိုဘူး။

လွတ်လပ်သူတွေအားလုံးရဲ့လွတ်လပ်မူကအတူတူပါပဲ။”

လို့ဖြစ်လာပါတယ်။ကျွန်မတို့နောက်ဆုံးစာကြောင်းကိုဆက်စဉ်းစားကြည့်လိုက်ပါတယ်။ဒီနေရာမှာtallဆိုတဲ့

စကားလုံးကိုဘယ်လိုဘာသာပြန်မှာလဲ။tallဆိုတဲ့စကားလုံးဟာလူတိုင်းအလွယ်တကူသိကြပါတယ်။ရှည်သောဆိုတဲ့အဓိပ္ပါယ်ဖြစ်ပါတယ်။ဒီနေရာမှာအဲဒီလိုတိုက်ရိုက်ဘာသာပြန်လိုက်ရင်“ဒါကြောင့်လွတ်လပ်တဲ့လူတွေကသိပ်အရပ်ရှည်ကြတယ်”လို့ဖြစ်သွားပါလိမ့်မယ်။ဒီလိုုဆိုရင်တော့မဖြစ်နိုင်ဘူးလို့တော့ကျွန်မတို့လက်ခံမိကြပါတယ်။ဒီလိုတို်က်ရိုက်ပြန်လို့မရတာဟာစာရေးဆရာကဒီtallကိုအရပ်ရှည်သောဆိုတဲ့အဓိပ္ပါယ်နဲ့ရေးထားတာမဟုတ်လို့ဖြစ်ပါတယ်။

ဘဘကြီးကtallဆိုတဲ့စကားလုံးဟာစာရေးဆရာအမှန်တကယ်ဆိုလိုတာ“great”ဖြစ်တယ်လို့ပြောပြပါတယ်။ဒါမှကဗျာရဲ့ဝိသေသအရsmallနဲ့tallနဲ့ကာရန်မိသွားမှာဖြစ်တယ်လို့ရှင်းပြပါတယ်။ဒီတော့အခုလိုပြန်လိုက်ရင်အဆင်ပြေသွားပါတော့တယ်။“ဒါကြောင့်လွတ်လပ်တဲ့သူတွေကသိပ်ကြီးကျယ်ကြတယ်။”

အဓိပ္ပါယ်ချင်းကိုက်လိုက်မယ်ဆိုရင်tallဆိုတာအရပ်ရှည်တာ၊သူများထက်ခေါင်းတစ်လုံးပိုမြင့်တော့သူများထက်သာတယ်၊ကြီးကျယ်တယ်စသည်ဖြင့်ဆက်စပ်တွေးယူလို့ရသွားပါတော့တယ်။

*****                                        *****************

ဒီလိုအဓိပ္ပါယ်တွေရှိတယ်လို့ဘဘကြီးတို့မေမေကြီးတို့ရဲု့ဆုံးမထားချက်တွေကြောင့်လွယ်တဲ့စကားလုံးလေးကိုတောင်မှအထင်မသေးရဲပါဘူး။ဒီလိုအတွေ့အကြုံတွေကြောင့်ကျွန်မစာတွေဖတ်ရရေးရတဲ့အခါအထောက်အကူတွေများစွာရလာရပါတယ်။ဥပမာပြောရရင်ငါးမန်းတွေရဲ့အကြောင်းကိုဖတ်ဖြစ်တုန်းကဖြစ်ပါတယ်။စာရေးသူကငါးမန်းတွေကကြောက်စရာကောင်းတယ်၊အန္တရယ်ရှိတယ်စသည်ဖြင့်ဆိုရင်းကComicalဖြစ်တဲ့သတ္တဝါတွေလို့လည်းဆိုလိုက်ပါတယ်။Comicalဆိုတဲ့အဓိပ္ပါယ်ကရယ်စရာကောင်းသော၊ရယ်ရွှင်ဖွယ်ဖြစ်သောဖြစ်ပါတယ်။ငါးမန်းတွေကိုကြောက်စရာကောင်းတယ်လည်းပြောပြီးဘာကြောင့်Comicalလို့ဆိုရသလဲလို့ကျွန်မဦးနှောက်ခြောက်သွားရပါတယ်။ဘဘကြီးတို့မေမေကြီးတို့ပေးခဲ့တဲ့သင်ခန်းစာတွေအရနောက်အဓိပ္ပါယ်ရှိရမယ်လို့ကျွန်မတွေးတတ်ခဲ့ပါပြီ။ကျွန်မကThesaurusထဲမှာသူနဲ့အဓိပ္ပါယ်ဆင်တူတာတွေလိုက်ရှာကြည့်ပါတယ်။ဒီတော့မှကျွန်မကစာရေးသူရဲ့ဆိုလိုချက်ကိုိလိုက်ရပါတော့တယ်။

ဆိုလိုတာကEntertainmentဖြစ်ပါတယ်။ငါးမန်းတွေကိုမှန်လုံရေထဲမှာထားပြီးလူတွေကိုဖျော်ဖြေရာသတ္တဝါအဖြစ်သဘောထားကြတယ်ဆိုတာကိုပြောချင်တာဖြစ်ပါတယ်။ဒီလိုရှာဖွေတဲ့နည်းနဲ့ကျွန်မစာရေးသူဆိုလိုချင်တာကိုလိုက်မှီအောင်ကြိးစားလိုက်ရပါတယ်။

ဘဘကြီးမေမေကြီးတို့သာသက်ရှိထင်ရှားရှိနေရင်အတူတကွရှာဖွေကြရင်းထူးခြားတဲ့စကားလုံးလေးတွေအကြောင်းကိုအရသာခံပြီးပြောဖြစ်နေကြမှာသေချာပါတယ်။ဘဘကြီးတို့ပေးခဲ့တဲ့သင်ခန်းစာများကိုပြန်လည်အောက်မေ့ရင်းအမှတ်တရရေးဖွဲ့လိုက်ရပါတယ်။