လရောင်သာတဲ့ လပြည့်ညအောက်မှာ (၂)
ဂျူနီယာဝင်း
ဒီဇင်ဘာ ၁၂၊ ၂၀၁၂
“လရောင်သာတဲ့ညပြည့်ညအောက်မှာ ဘယ်သူက ကျွန်မနဲ့အတူ ကမ္ဘာကြီးကို အလင်းတွေ ထွန်းညှိပေးချင်ကြပါသလဲ“။ ဟောသည် လပြည့်ညအောက်မှာ ဖတ်ထားမိတဲ့ကဗျာတစ်စကို ငြီးလိုက်မိတယ်။
ဒီလပြည့်ညမှာ တောင်တန်းတွေဆီက ငိုကြွေးသံတွေကို ကြားတယ်။ ဒါပေမယ့်သည်လို လပြည့်ညသန်းခေါင်ယံမှာ ဘာတွေများဖြစ်ကြမှာလဲ ဆိုတာကို မသိဘူး။ င့ါနှယ့်.. ကံကောင်းတယ်လို့ ပြောရမှာလား … ဟောသည်နောက်တနေ့မနက်စောစောကြီးမှာ ဘာတွေဖြစ်ကြမှာလဲ ဆိုတာကို မသိလိုက်ဖူးလေ။
ဟောသည် ဝင်းပနေတဲ့ လပြည့်ဝန်းကြီးအောက်မှာပေါ့ …. တောင်တန်းတွေဆီက အော်ဟစ်သံတွေလား၊ သွေးဆာနေတဲ့ မကောင်းဆိုးဝါး တွေရဲ့ နိုးထလာတဲ့အသံတွေလား …. အဲသည်လိုအဖြစ်တွေနဲ့ သည်လိုအချိန်မှာ ကျွန်မက အိပ်လို့ကောင်းနေလိုက်တာ။ စိတ်မကောင်းစရာအဖြစ်တွေဟာ အဲသည်လပြည့်ညသန်းခေါင်ယံမှာ ဖြစ်ပျက်ခဲ့ပြီ။ ဝမ်းနည်းကြေကွဲနေတဲ့ မျက်ရည်တွေနဲ့ မျက်နှာသစ်၊ ညီးတွားသံတွေလွှမ်းနေတဲ့ လေထုကိုရူရိူက်၊ နာကြင်စွာငိုကြွေးသံတွေကို သောတဆင်၊ အသည်းနှလုံး ကွဲကြေကျနေတာကို ခံစား၊ ငါတို့တိုင်းပြည်ကြီးရဲ့လပြည့်ညအောက်က အဖြစ်ဆိုးကိုကြားလိုက်ရပြီ။
သည်လိုကြောက်စရာအဖြစ်အပျက်ကို မြင်သိကြားသိပြီးတော့ အသည်းနှလုံး မကြေကွဲ၊ မတုန်လှူပ်တဲ့သူ ရှိနို်င်ပါ့မလား။ ဒါအိပ်မက် များလား… ညက လသာနေတာကိုကြည့်ရင်း မိုးချူပ်သွားတာ မှတ်မိနေတယ်။
ညပြည့်ည… တန်ဆောင်တိုင်လပြည့်နေ့… ဆိုတာတဲ့….. သံယာတော်များကို သင်္ကန်းတော်များ ကပ်လှူတဲ့ကာလ….. လှူဖွယ်ပစ္စည်းများ ကပ်လှူပ် ရတဲ့ ကာလတဲ့…. မေမေကြီးပြောနေကျစကား …. ဘဘကြီးရဲ့ ဆုံးမစကားသံတွေ ကြားနေတယ်…..။
သည်တော့ ဘယ်လိုလုပ်ပြီး ရွှေဝါရောင်သင်္ကန်းတော်က အဲသည်မနက်စောစောကြီးမှာ ကြောက်ရွှ့ံဖွယ်အဖြစ်ဆိုးနဲ့ ကြုံကြရမှာလဲ။ သည်လိုညပြည့်ညအောက်မှာ ဖြစ်ခဲ့တာတွေကို မယုံနိုင်ဘူး။ ဒါပေမယ့် မျက်မြင်သက်သေတွေက ပြောတယ်၊ အဲဒါမနက်စောစောကြီးမှာ တကယ်ပဲ ဖြစ်ပျက်ခဲ့သတဲ့။
သြော်… ကြင်နာခြင်းကင်းမဲ့တဲ့ သည်ကမ္ဘာကြီးကို ထားရစ်ကာ ထွက်ခွာသွားကြတဲ့ ကျွန်မအဘိုးအဘွားများအတွက် သည်လိုလသာသာ အောက်က တုန်လှူပ်ဖွယ်အဖြစ်ဆိုးကို မတွေ့မမြင်သွားရလေခြင်းလို့ ကြံဖန်ပြီး ဝမး်သာမိပါရဲ့။ ဒါပေမယ့် သည်လိုလသာသာ အောက်မှာ ဖြစ်ခဲ့ရတဲ့အိပ်မက်ဆိုးကို ကြုံတွေ့ခဲ့သူများအတွက်တော့ ပုံမှန်အခြေအနေရောက်ဖို့ အချိန်တွေယူကြရပေလိမ့်ဦးမယ်။ အခုထိ နာကြင်ခံစားနေရဆဲသူတို့တွေကို ဘယ်လိုနှစ်သိမ့်ရမှန်းလည်း မသိ။ သို့သော်လည်း ဟောသည်ချရေးလိုက်မိတဲ့ ဝမ်းနည်းစာနာမိတဲ့ စကားလုံးများဟာ ကျွန်မအဘိုးအဘွားများရဲ့ နှလုံးသားတွေက ထွက်ပေါ်လာတာများဖြစ်တယ် ဆိုတာကိုတော့ မှတ်တမ်းတင်ချင်တယ်။
(Junior Win ရေးသားထားသော Under The Moon Lit Night 2 ကိုကိုယ်တိုင်ဘာသာပြန်ထားသည်။)
No comments:
Post a Comment