စာရေးဆရာက သူ့စာမူ သူပိုင်တယ်၊ ထုတ်ဝေသူနဲ့ မဆိုင်ဘူး မောင်ရစ်၊ မတ် ၆၊ ၂၀၁၄

စာရေးဆရာက သူ့စာမူ သူပိုင်တယ်၊ ထုတ်ဝေသူနဲ့ မဆိုင်ဘူး
မောင်ရစ်၊ မတ် ၆၊ ၂၀၁၄

ဟိုတခါက အီးဘုတ်တွေ ထုတ်တဲ့ကိစ္စ၊ မိုးမခမီဒီယာအနေနဲ့လည်း မေတ္တာနဲ့ Amazon Kindle E-Book  အဖြစ် မြန်မာစာအုပ်တွေ တင်ပေးချင်တဲ့ကိစ္စ ပြီးတော့ ကော်ပီရိုက် (မူပိုင်ခွင့်) ကိစ္စကို အင်တာဗျုးမှာလည်း ပြောခဲ့ပြီ၊ စာရေးပြီးတော့လည်း ပြောခဲ့ပြီ။ အခုလည်း မြန်မာပြည်တွင်းက စာရေးဆရာတွေဘက်က ထပ်မေးလာလို့ စာရေးပြီးတော့ ထပ်ပြောရပါဦးမယ်။

စာရေးဆရာက သူ့စာမူ သူပိုင်တယ်။ စာအုပ်ထုတ်တဲ့သူက သူထုတ်တဲ့စာအုပ်ပဲ သူပိုင်တယ်။ စာရေးဆရာရဲ့ စာမူကို သူမပိုင်ဘူး။ သူနဲ့ တိုက်ရိုက် မသက်ဆိုင်ဘူး။ ဥပမာ – စာရေးဆရာဆီက စာမူကို ၀ယ်ပြီး ထုတ်ဝေသူက စာအုပ်ထုတ်ရင် သူထုတ်တဲ့ ပထမအကြိမ်၊ အုပ်ရေ၊ တန်ဖိုးနဲ့ ညီတဲ့ စာမူခပေးချေပြီး ထွက်လာတဲ့ စာအုပ်အသွင်သဏ္ဍာန်ကိုသာ ထုတ်ဝေသူက ပိုင်ဆိုင်တယ်လို့ ဆိုလိုတာပါ။ စာရေးဆရာရဲ့စာမူကို သူမပိုင်ဘူး။ ပထမနှိပ်ခြင်းကုန်ရင် ဒုတိယနှိပ်ခြင်းမှာ စာရေးဆရာကို ထုတ်ဝေသူက စာမူခထပ်ပေးရပါတယ်။ စာရေးဆရာက သူ့ဖာသာသူ ထပ်မံ ထုတ်ဝေချင်လို့ စီမံ ထုတ်ဝေရင်လည်း တားမြစ်လို့ မရပါဘူး။ တခုပဲ ရှိပါတယ်။ ထုတ်ဝေသူက အချိန်အကန့်အသတ်တခုနဲ့ ဒီစာမူကို ဒီစာအုပ်ကို တခြားမှာ မသုံးအောင်၊ မထုတ်အောင် ကန့်သတ်တာမျိုး၊ နားလည်မှုမျိုးကို စာရေးဆရာနဲ့ ထုတ်ဝေသူက စာချုပ် ချုပ်ဆိုထားရင်တော့ တမျိုးပေါ့။ ဘက်စ်ဆဲလာစာရေးဆရာတွေရဲ့ စာအုပ်တွေဆိုရင်တော့ တုိုက်တွေက အဲသလို စာချုပ်ချုပ်လေ့ရှိပါတယ်။

သို့သော် … ဒီသို့သော်က အခု လာမေးနေတဲ့မေးခွန်းနဲ့ ဆိုင်ပါတယ်။ အကယ်၍ စာအုပ်သည် ပုံနှိပ်စာအုပ်အဖြစ်ကနေ “အခြားအသွင်သဏ္ဍာန်တခုကို ပြောင်းသွားခဲ့သည် ရှိသော် …” ဘယ်သူနဲ့ ဆိုင်သလဲ။ စာရေးဆရာနဲ့ပဲ ဆိုင်ပါတယ်။ စာမူတခုဟာ မည်သည့်အသွင်ပြောင်းပြောင်း အနုပညာပစ္စည်း သို့မဟုတ် စာပေတခု စာမူတခုအဖြစ်နဲ့ စာရေးဆရာရဲ့ ပိုင်ဆိုင်မှုအဖြစ်ကနေ ပြောင်းရွှေ့သွားခြင်း မရှိပါဘူး။ စာရေးဆရာကပဲ ပိုင်ပါတယ်။ အသွင်ပြောင်းသွားတာကို မူလထုတ်ဝေသူက သူပဲ ပိုင်ဆိုင်တယ်လို့ တိုက်ရိုက် ကောက်ချက်ဆွဲခွင့် မရှိပါ။ စာရေးဆရာနဲ့ ပြန်လည် တိုင်ပင်ညှိနှိုင်း သဘောတူညီမှု ပြန်ယူပြီး ဆောင်ရွက်ရမှာ ဖြစ်ပါတယ်။

ပြောချင်တာက ပြန်ကြားရေးဝန်ကြီးဌာနတို့၊ အီးဘုတ်ကုမ္မဏီတွေတို့၊ အီးစာကြည့်တိုက်တို့၊ အီးဝန်ဆောင်မှုတို့ လုပ်နေကြတဲ့ မြန်မာပြည်တွင်းမှာ မြန်မာစာအုပ်တွေကို အီးဘုတ်အသွင်ပြောင်းကြတဲ့အခါ အဲသည်အီးဘုတ်တွေကို မူလပုံနှိပ်ထုတ်ဝေသူတွေက သူတို့တသက်လုံးပိုင်တဲ့ ပစ္စည်းတခုလိုသဘောထားပြီး လုပ်ကိုင်နေကြတာကို တွေ့မြင်နေရလို့ ၀င်ပြောရတာဖြစ်ပါတယ်။ အီးဘုတ်အသွင်ပြောင်းလိုက်တာနဲ့ စာရေးဆရာနဲ့ စာမူခဆိုင်ရာ ခွင့်ပြုချက်ဆိုင်ရာ ပြန်လည် ညှိနှိုင်းစာချုပ်ချုပ်ရမယ်၊ ခွင့်တောင်းရမယ်။ စာရေးဆရာတွေက မကျေနပ်လို့ ကန့်ကွက်ရင် လိုက်နာရမယ်။ ငါထုတ်တဲ့စာအုပ် အီးပဲထုတ်ထုတ် ဘုတ်ပဲထုတ်ထုတ် စာရေးဆရာနဲ့ မဆိုင်ဘူးလို့ မလုပ်ကြဖို့ မေတ္တာရပ်ခံတဲ့စာကို ရေးရတာပါ။

တလောကကြားတာကတော့ နိုင်ငံတော်ဆိုတာကြီးရဲ့ စေတနာရှေ့ထားပြီးတော့ ပြန်ကြားရေးကဆိုလား အီးစာကြည့်တိုက် အီးဘုတ်တွေ အခမဲ့ ၀ိုင်ယာလက်စ်ပေါ်က ဖြန့်ချိမယ်။ စာရေးသူတွေက ဝေသန္တရာစိတ်ထားနဲ့ သဘောထားကြပါဆိုလား သတင်းစာ၊ ဂျာနယ်အချို့မှာ ထုတ်ပြန်အသိပေးတယ်လို့ ဖတ်လိုက်ရတယ်။ နောက်တော့ ပုံနှိပ်စာအုပ်တွေကို အီးဘုတ်တွေအဖြစ် ပြည်တွင်းမှာ အသွင်ပြောင်းထုတ်ကြမယ် … ပြန်ကြားရေးရယ်၊ ကုမ္မဏီရယ်၊ ထုတ်ဝေသူတွေရယ်က သူတို့ထုတ်ခဲ့တဲ့ စာအုပ်တွေကို စိတ်ကြိုက် အသွင်ပြောင်းကြ၊ ထုခွဲကြ၊ ဝေမျှကြမယ် ဆိုလားပဲ … ဒါမျိုးလဲ ကြားရပြန်တယ်။ “စာရေးဆရာတွေကျတာ့ရော” ဆိုတော့ “သူတို့နဲ့ မဆိုင်ဘူး” ဆိုလားပဲ။ “သူတို့ထုတ်တဲ့စာအုပ် သူတို့စာအုပ်။ စာရေးဆရာတွေက ဘာမှ ၀င်ရှုပ်စရာမလုိုဘူး” လုိ့ ထုတ်ဝေသူတချို့က ပြန်ပြောတဲ့အကြောင်း စာရေးဆရာအချို့က သတင်းပြန်ပေးပါတယ်။ ဒီလိုမျိုး လုပ်လို့ မရတဲ့အကြောင်း အခုဒီစာရေးပြီး မေတ္တာရပ်ခံအပ်ပါတယ်။

စာရေးသူက စာမူပုိုင်ပါတယ်။ ထုတ်ဝေသူနဲ့ မဆိုင်ပါဘူး။ အတိုင်းအတာတခု အထိပဲ အသွင်သဏ္ဍာန်တခုအနေနဲ့ ပိုင်ပါတယ်။ တသက်လုံး ငါ့ဟာလို့ ဆိုနေရင် ခင်ဗျားတို့ ထုတ်ဝေသူတွေကလည်း အာဏာရှင်အစုိုးရနဲ့ ပေါင်းပြီး မောင်ပိုင်စီး စားသောက်နေကြတဲ့ ခရိုနီတွေလို ဖြစ်ကုန်ကြတော့မှာပေါ့။ အီးဘုတ်တွေ အီးစာကြည့်တိုက်တွေ လုပ်ချင် ကိုင်ချင်ရင် မူလပိုင်ရှင်စာရေးသူတွေကို သီးခြားခံစားခွင့်၊ ခွင့်ပြုချက်၊ အသိအမှတ်ပြု လေးစားမှု စသည်တုို့ ပေးအပ်ပြီးမှသာ လုပ်ကိုင်ဆောင်ရွက်သင့်ပါတယ်။

အခုတောင် မြန်မာရုပ်ရှင်တွေ သီချင်းတွေကို ခိုးကူး ခိုးဝေပြီးတော့ ဝေသန္တရာလုပ်နေတဲ့သူတွေက အင်တာနက်ပေါ်မှာ ခိုးရာပါပစ္စည်းနဲ့ အလှူရှင်မျက်နှာကြီးလုပ်နေကြတာ ရှက်စရာပါ။ အခုလည်း မြန်မာစာအုပ်တွေကို ခိုးကူး ခိုးဖြန့်နေတဲ့ အီးဘုတ်ခိုးဖြန့်တွေကလည်း သူတို့ကိုယ်တိုင်ကပဲ မြန်မာစာပေလောကကြီး မြှင့်တင်နေသလိုလို အင်တာနက်ပေါ်မှာ သူခိုးတွေနဲ့ ခိုးရာပါတောင်းစားသူတွေ တော်သလင်းဇာတ်ခင်းနေကြတာ စိတ်မကောင်းစရာပါ။ ဒါကို ထုတ်ဝေသူတွေက သူတို့လိုမျိုး တတန်းစားတည်း ခံယူပြီးတော့ မူလပိုင်ရှင်စာရေးဆရာတွေ စာမူရှင်တွေကို ပစ်ပယ်ပြီး အသွင်ပြောင်းချင်တိုင်းပြောင်း၊ အကျုိးအမြတ်ကို လက်ဝါးကြီးအုပ်တာမျိုးကို မကြားလို မမြင်လိုပါ။

မိုးမခက ဦးဝင်းတင်နဲ့ အင်တာဗျုးတဲ့ ဆောင်းပါးတွေ ရှိတယ်။ ဒါကို ထုတ်ချင်တဲ့ ထုတ်ဝေသူက တောင်းတော့ ကျနော်က ဦးဝင်းတင်ဆီက ခွင့်ပြုချက်တောင်းပါတယ်။ အင်တာဗျုးတွေက မိုးမခကစီစဉ်တာပါ။ ငါတို့်ဟာပဲလို့ ဆိုချင် ဆိုနိုင်ပါတယ်။ သို့သော် မူလအာဘော်ပြောဆိုသူက ဦးဝင်းတင်ဆိုတော့ သူ့ကိုလည်း ခွင့်တောင်း အသိပေးရပါတယ်။ ပြီးတော့ မိုးမခဆိုတာက ဘာမှမဟုတ်တဲ့ မီဒီယာဆိုတော့ စာမူခတွေဘာတွေ မတောင်းပါဘူး။ စာမူခများ ပေးရင် ဆရာဦးဝင်းတင်ကိုသာ ကန်တော့ဖို့ မေတ္တာရပ်ခဲ့ပါတယ်။ ဆရာဦးဝင်းတင်ကလည်း သူ့စာမူခတွေအားလုံးကို သူ့ဖောင်ဒေးရှင်းကို ရည်စူးပြီး လှူဒါန်းလိုက်ပါသတဲ့။ သည်တော့ ပြောချင်တာက ဦးဝင်းတင်အင်တာဗျူးစာအုပ်လိုမျိုးကို ပြန်ကြားရေးဝန်ကြီးကနေ အီးစာကြည့်တိုက်အဖြစ် ၀ိုင်ယာလက်တွေ ဘာတွေနဲ့ အသွင်ပြောင်းထုတ်ဝေချင်တယ်ဆိုရင် ဦးဝင်းတင်ဆီက တိုက်ရိုက်ခွင့်တောင်းကြပါလို့ ပြောချင်ပါတယ်။

စာရေးဆရာတွေသာလျင် သူတို့စာမူများ၏ အရှင်သခင်ဖြစ်ပါတယ်။ စာရေးဆရာဟာ သူရေးတဲ့ စာမူတွေနဲ့ စာအုပ်အတွက် တာဝန်ယူပါတယ်။ ခံစားပါတယ်။ အခန့်မသင့်လို့ ထောင်ကျ တန်းကျရင်လည်း သူတို့ပဲ ထောင်ကျတာပါ။ ဘယ်ထုတ်ဝေသူတွေက ဘယ်စာရေးဆရာအတွက် ကို်ယ်စား ထောင်ကျခံပေးကြတဲ့ ရာဇ၀င်များ ရှိခဲ့သလဲ။ အယ်ဒီတာအောင်ဆန်းကသာ စာရေးဆရာ ညိုမြအတွက် ကျောင်းအထုတ်ခံရတယ်လို့ပဲ ကြားဖူးတယ် မဟုတ်လား။