ဂျူနီယာဝင်း – အယ်ဒီတာများ
(အတွေးအမြင်မဂ္ဂဇင်း၊ ဖေဖော်ဝါရီ ၂၀၁၉) မိုးမခ၊ ဖေဖော်ဝါရီ ၂၊ ၂၀၁၉
(”Journalism“ (သတင်းစာပညာ) လုို့အမည်ပေးထားတဲ့ စာအုပ်ကုို James Glen Stovell (ဂျိမ်းစ် ဂလန် စတုိုဗယ်) ကရေးပါတယ်။ အခု သူရေးထားတာတွေထဲက စိတ်ဝင်စားမယ့် အကြောင်းအရာများကို သင့်လျော်သလုို ဘာသာပြန်ပေးထားတာပါ။ စာရေးသူဖြည့်စွက်ထားတာတွေကို ကွင်းစကွင်းပိတ်နဲ့ လုပ်ပေးထားပါတယ်။)
(‘၂၁ရာစု ဂျာနယ်လစ်ဇင်’အမည်နဲ့ ပထမပုိုင်း ဘာသာပြန်စာအုပ် ထွက်တယ်။ အခု တင်ဆက်ထားတာတွေက စာအုပ်ထဲမပါပါဘူး။ ဒုတိယအပုိုင်းတွေ ဖြစ်ပါတယ်။ အယ်ဒီတာတွေ အကြောင်း ပါ။ သူဆုိုလုိုတဲ့ အယ်ဒီတာဆုိုတာ သတင်းအေဂျင်စီတွေ၊ သတင်းလုပ်ငန်းတွေနဲ့ ဆုိုင်တဲ့ အယ်ဒီတာတွေ ဖြစ်ပါတယ်။ သုို့သော် အယ်ဒီတာတွေရဲ့ သဘောသဘာဝတွေကတော့ အတူတူပါပဲ ဆုိုတာ တွေ့ရပါတယ်။)
( အယ်ဒီတာ ဆုိုတာ … တဲ့။ )
၁။ အယ်ဒီတာ – သတင်းလုပ်ငန်းမှာ တာဝန်ရှိဆုံးပုဂ္ဂိုလ်ဖြစ်ပါတယ်။ သူက ဌာနကြီးတစ်ခုလုံး လည်ပတ်မူကို တာဝန်ယူရပါတယ်။ အယ်ဒီတာများဟာ ဂျာနယ်လစ်ဇင်လုပ်ငန်းစဉ် ရဲ့ အဓိက ကိုင်တွယ်သူလည်း ဖြစ်ပါတယ်။ (ဂျာနယ်လစ်ဇင် journalism ကုို သတင်းစာပညာ လုို့ တုိုက်ရုိုက်ဆိုရပါမယ်။ အဲသည်ထဲမှာ သတင်းစာ၊ မဂ္ဂဇင်း၊ ဂျာနယ်၊ စာစောင်၊ သတင်းလုပ်ငန်းနဲ့ဆုိုင်တဲ့ မီဒီယာများ၊ သတင်းထုတ်လွှင့်မူများ အကုန်ပါပါတယ်။ အဲသည်ဌာန အသီးသီးတွေမှာ အယ်ဒီတာအဖြစ် တာဝန်ယူလုပ်ဆောင်နေသူတွေကုို ရည်ညွှန်းပါတယ်။ အခုသည်အပိုင်းမှာ တင်ပြတဲ့ အယ်ဒီတာ ဆုိုတာက သတင်းလုပ်ငန်းပိုင်း ကုို အဓိက ရည်ရွယ်ထားပါတယ်။)
၂။ ကော်ပီအယ်ဒီတာ – သတင်းထောက်တွေ၊ တခြားသောအယ်ဒီတာတွေ ရေးသားတာတွေကို စီစစ်ရတဲ့ အဓိကပုဂ္ဂိုလ်ပါ။ သူတို့မှာ ကျယ်ပြန့်တဲ့ အသိပညာရှိထားရမယ်။ ဘာသာစကားအသုံးပြုပုံတွေကို နားလည် သုံးတတ်ရမယ်။ (ကော်ပီအယ်ဒီတာ ဟာ အယ်ဒီတာလောက်တော့ သြဇာမညောင်းဘူးလို့ နောက်ပိုင်း သူ ရေးသားထားတာတွေအရ ယူဆပါတယ်။ အယ်ဒီတာတစ်ယောက်ဖြစ်ချင်ရင် ကော်ပီအယ်ဒီတာ အဆင့်တစ်ခုကို ကျော်ဖြတ်ရပါတယ်။)
၃။ အယ်ဒီတာများဟာ သတင်းထောက်တွေနဲ့ ယုံကြည်မူ တည်ဆောက်ထားရမယ်။ တစ်ဦးအပေါ်တစ်ဦး စိတ်ချင်းဆက်နေသလို နားလည်မူ ယုံကြည်မူတွေ ရှိထားရမယ်။ သတင်းထောက်များဟာ အယ်ဒီတာရဲ့ အလုပ်ပိုင်းဆိုင်ရာ ကျွမ်းကျင်မူ၊ ထောက်ပံ့မူအပေါ်မှာ အားထားသင့်တဲ့ အနေအထားမျိူးနဲ့ နေရပါတယ်။
၎။ အယ်ဒီတာများဟာ သတင်းလုပ်ငန်းမှာ တာဝန်ရှိသူဖြစ်သလို၊ သတင်းကို စားသုံးသူ ပရိသတ်တွေအပေါ်မှာလည်း တာဝန်ရှိပါတယ်။ သည်လို ပရိသတ်တွေကို အကောင်းဆုံးသတင်းတွေကို ပေးရမယ် ဘယ်လိုပေးရမလဲ ဆိုတာ သူတို့တာဝန်ဖြစ်ပါတယ်။
၅။ အယ်ဒီတာတွေရဲ့ ရိုးသားဖြောင့်မတ်မူ၊ သတင်းနယ်ပယ်ဆိုင်ရာမှာ အသိပညာရှိမူတွေဟာ သတင်းလုပ်ငန်းကြီး ရဲ့အဆင့်အတန်းကို ရော၊ နံမယ်ကိုပါ ကိုယ်စားပြုလျက်ရှိနေပါတယ်။
မီဒီယာလောက၏ အရေးအကြီးဆုံးအလုပ်
ယနေ့မီဒီယာ လောကမှာ အယ်ဒီတာထက် အလုပ်ပိုများတဲ့သူ၊ အရေးကြီးတဲ့ အလုပ်ဟာဖြင့် မရှိတော့ပါဘူး။ အယ်ဒီတာတွေက စာရေးဆရာတွေ ထက်တောင် တာဝန်ကြီးပါသတဲ့။ (သည်နေရာမှာ စာရေးဆရာ ဆုိုတာ အများ သိထားနားလည်ထားတဲ့ ၀တ္တုရေးတဲ့သူ၊ ကဗျာဆရာ၊ စာရေးဆရာ ဆုိုတဲ့အဓိပ္ဗါယ်တွေ အပြင် သတင်းရေးသားသူတွေ ပါပါတယ်။ သည်အပုိုင်းမှာ သတင်းကုို စီကာပတ်ကုံး လူနားလည်အောင် ရေးသားတင်ပြသူတွေ ကုို စာရေးဆရာတွေလို့ ကင်ပွန်းတပ်ထားတာ ဖြစ်ပါတယ်။ သူတုို့ကုို writer – ရုိုက်တာ – စာရေးသူတွေ- စာရေးဆရာတွေ- လုို့ခေါ်ပါတယ်။ အခုနောက်ပိုင်းမှာ စာရေးဆရာ လုို့ခေါ်ထားတာတွေကုို တွေ့ရင် သတင်းနဲ့ဆုိုင်တဲ့ စာရေးဆရာတွေလုို့ နားလည်ပေးဖုို့ ကြိုတင်ပြောထားပါရစေ။)
သတင်းထောက်တွေ၊ သတင်းရေးဆရာတွေရဲ့ အလုပ်တွေရဲ့တာဝန်ဆိုတာ အယ်ဒီတာတွေ အိပ်နေသလောက်ပါပဲ။ အယ်ဒီတာတွေဟာ သတင်းစားသုံးသူ ပရိသတ်တွေနဲ့ သတင်းထုတ်လုပ်မူတွေကို ကောင်းကောင်းကြီးနားလည်း ချည်းကပ်တတ်ရပါတယ်။ အယ်ဒီတာများဟာ ဘာသာစကားတွေ နားလည်ထားပီး ထုတ်လုပ်မူပိုင်းဆိုင်ရာ ဥပဒေသတွေ၊ စတိုင်တွေကိုသိထားရပါတယ်။ သူတို့က ဦးဆောင်နိုင်ရမယ်၊ ချော့တတ် ပေါင်းတတ်ရမယ်၊ အယ်ဒီတာတွေဟာ သူတုို့ဆီ သတင်းရေးသားပေးပုို့တဲ့ စာရေးဆရာတွေကို လည်း အလုပ်ကောင်းကောင်း ခိုင်းတတ်ရပါမယ်။
အယ်ဒီတာများဟာ သတင်းအဖွဲ့အစည်းတွေ တင်ပြတဲ့ သတင်းအချက်အလက်ဆိုင်ရာ လုပ်ငန်းစဉ်တွေကို နားလည်ရမယ်။ သူတို့က သတင်းအချက်အလက်တွေ တစ်ခုနဲ့တစ်ခု ဆက်စပ်နေမူတွေကိုလည်း ချက်ဆို နားခွက်က မီးတောက်ဆိုသလို အကင်းပါးနေဖို့ လိုပါတယ်။ ဒါ့အပြင် ယခုလက်ရှိနဲ့ ဒိအရင်က အဖြစ်အပျက်တွေကိုလည်း မှတ်မိတဲ့ မှတ်ညဏ်ကောင်းရတယ်။ ဒါမှလည်း အခြေအနေကို သုံးသပ်တတ်မယ်၊ ဆုံးဖြတ်တတ်မယ်၊ ယခုလက်ရှိအဖြစ်အပျက်က အမှန်အကန် တကယ့် ပုံစံကို ဖော်တတ်မှာ ဖြစ်ပါတယ်။
ဂျာနယ်လစ်ဇင် ဆိုတဲ့ သတင်းစာပညာပိုင်းဆိုင်ရာ အခြေအနေများကို နှိူက်နှိူက်ချွတ်ချွတ် တူးဖော်ထားပီး အယ်ဒီတာတွေရဲ့ သဘောသဘာဝအတိုင်း တိကျပြတ်သားမူ၊ လုပ်ငန်းဆက်သွယ်မူနဲ့ ရှေ့လျောက် ဘာဆက်လုပ်ရမယ် ဆိုတာတွေကို အကြမ်းအားဖြင့် ဆုံးဖြတ်နိုင်စွမ်းရှိရပါမယ်။ သူတို့က ပရိသတ်ရဲ့ ယုံကြည်မူနဲ့ သတင်းအားထားမူတွေ အပေါ်မှီခိုနေပါတယ်။
(သည်တော့ တိုတိုပြောရရင်) အယ်ဒီတာတွေဆိုတာ မဂ္ဂဇင်းမှ၊ သတင်းစာမှ မဟုတ်ပါဘူး။ သူတို့ကို တစ်ခုခုရဲ့ အယ်ဒီတာ လို့ခေါင်းစဉ်တပ် လိုက်တာနဲ့၊ ခေါ်ဝေါ်လိုက်တာနဲ့ အယ်ဒီတာရဲ့ အရည်အချင်းတွေ အရည်အသွေးတွေ အကုန်လုံးပါသွားတော့တာပါပဲ။ အဲသလို ပါဝါရှိတယ်ပေါ့။ သတင်းခေတ်ဆိုတာ သူတို့မပါပဲ ဘာမှ အလုပ်မဖြစ်ပါဘူး။
အယ်ဒီတာဆိုတာ ဘယ်သူလဲ
ဂျာနယ်လစ်ဇင် ခေတ်မှာ အယ်ဒီတာဆိုတာ သတင်းအဖွဲ့အစည်းရဲ့ ခေါင်းဆောင်ဖြစ်ပါတယ်။ လုပ်ငန်း သေးသေးလေးကနေ လုပ်ငန်းကြီးတိုင် အဲသလိုပဲ သတ်မှတ်ပါတယ်။ တချိူ့သော ထုတ်လုပ်သူတွေကတော့ သူတို့ကို “ထောက်ပံ့ကူညီပေးသူ အယ်ဒီတာများ“ လုိ့ဂုဏ်တင်ပီး ခေါ်ကြပါတယ်။ အမှန်တော့ သူတို့က အဲသလောက်ကြီးတော့ မဟုတ်ကြပါဘူး။
(သည်နေရာမှာ ဖြတ်ပြောရရင် ထုတ်လုပ်သူ ဆုိုတာ သတင်းစာထုတ်လုပ်သူ၊ သတင်းလုပ်ငန်း ထုတ်လုပ်သူ တွေကုို ခေါ်ပါတယ်။ ကုမ္မဏီပိုင်ရှင် သဌေးပေါ့။ သတင်းလုပ်ငန်း လည်ပတ်စေဖုို့ ပုိုက်ဆံထုတ်ပေးသူပေါ့။ သူက ကောင်းပေ့တော်ပေ့ ဆုိုတဲ့ အယ်ဒီတာကို ငှားထားပါတယ်။ ဒါကြောင့် သူတုို့သတင်းလုပ်ငန်း အောင်မြင်ဖုို့ဆုိုရင် အယ်ဒီတာကောင်းကောင်း ခန့်ထားရတယ်ပေ့ါ။)
သည်တော့ ပြောရရရင် အများအားဖြင့် သူတို့ကို အယ်ဒီတာချူပ် လုို့နံမယ်တပ်ပီး ခေါ်ဝေါ်ကြတယ်။ သူ့အောက်မှာ အမည်မျိူးစုံတပ်ထားတဲ့ အယ်ဒီတာတွေလည်း ရှိပါတယ်။ ဌာနတစ်ခုခု ရဲ့ နေရာမှာ အယ်ဒီတာအဖြစ်လုပ်နေတယ်လို့ အမည်တပ်လုိုက်တယ်ဆုိုတာက သူသည် ထုို ဘာသာရပ်အတွက် တာဝန်ရှိသူ လုို့ခေါ်လုိုက်တာပါပဲ။စီမံခန့်ခွဲမူ အယ်ဒီတာ၊ အားကစား အယ်ဒီတာ စသဖြင့် စသဖြင့်။ သူက အဲသည်နေရာနဲ့ သက်ဆုိုင်သမျှအတွက် တာဝန်ဟူသမျှ ယူပေတော့ ဆုိုတဲ့သဘော။
အခု သတင်းထုတ်လုပ်ရေး မှာ အယ်ဒီတာများလို့ ဆုိုလုိုက်တော့ သတင်းအယ်ဒီတာများ၊ အားကစားဆုိုင်ရာ အယ်ဒီတာများ၊ အလုပ်စီးပွားရေး ဆုိုင်ရာ အယ်ဒီတာများ၊ ဘ၀တက်လမ်းဆုိုင်ရာ အယ်ဒီတာများ၊ ဂရပ်ဖစ်ဆုိုင်ရာ အယ်ဒီတာများ၊ ဓါတ်ပုံ အယ်ဒီတာများ ဆုိုပြီး ထွက်လာတာပါပဲ။ သူတုို့ဟာ သတင်းထောက်တွေနဲ့ သူတို့လုိုအယ်ဒီတာတွေ အားလုံးနဲ့ ပတ်သက်တဲ့ တာဝန်အပြည့် ယူထားရပါတယ်။ သူတုို့ထမ်းဆောင်နေတဲ့ ဧရိယာ နယ်ပယ်အတွင်းမှာ တိကျတဲ့ တုိုက်ရုိုက်ဆက်နွယ်နေတဲ့ သတင်းတွေကုို ကုိုင်ထားပါတယ်။ အဲသည်အယ်ဒီတာ တစ်ယောက်ချင်းမှာလည်း အယ်ဒီတာအရည်အချင်းတွေ အပြည့်အ၀ရှိနေရပါတယ်။
အယ်ဒီတာများရဲ့ သဘောသဘာဝများ
အယ်ဒီတာတွေဟာ ပါးနပ်ရမယ်၊ စူးရှထက်မြက်တဲ့ စိတ်ရှိရမယ်။ အချက်အလက်တွေနဲ့ ပတ်သက်လုို့ သူတုို့က ချက်ချင်းလက်ငင်း အသုံးချတတ်၊ မြင်တတ်ရမယ်။ သမုိုင်းကြောင်းတွေကုိုလည်း သိထားပီး စာပေပညာကုိုလည်း နှံ့စပ်နေရမယ်။ သဒ္ဒါပုိုင်းဆုိုင်ရာ (သည်နေရာမှာ အင်္ဂလိပ်စာ ဘာသာသဒ္ဒါကုို ဆုိုလုိုပါတယ်။ မြန်မာဘာသာအရဆုိုရင် စာလုံးပေါင်း သတ်ပုံ သဒ္ဒါ တွေ အကုန်ပါမယ်) နဲ့ စကားလုံး အဖြတ်အတောက် တွေကုိုလည်း သေသေချာချာ တတ်သိနားလည် ထားဖုိ့လုိုပါတယ်။ ဒါပေမယ့် အင်္ဂလိပ်စာ စာလုံးပေါင်းတွေကုို တော့ အကုန် ကျွမ်းကျွမ်းကျင်ကျင် သိထားဖုို့မလုိုပါဘူး။ ဖြစ်တတ်တဲ့ အမှားတွေကုို လောက် သိထားရင်တော်ပါပီ။
အယ်ဒီတာများဟာ လူမူ ဆက်ဆံရေးမှာမရှိမဖြစ် လုိုအပ်တဲ့ လူမူရေးသဘောတရားနဲ့ ပထ၀ီဝင်အနေအထား (အဲဒါက ကြည့်ရတာတော့ ဘယ်နေရာဒေသမှာ ဘာဖြစ်တယ် ဆုိုတာနဲ့ မြေပုံကုို မြင်တတ်နေရမယ့်သဘောထင်ပါတယ် အခုခေတ်တော့ ဂူးဂဲလ် မက် ပေါ့။) တွေကုို သိထားသင့်ပါတယ်။ ဘယ်နေရာမှာ အချက်အလက် တွေ သတင်းတွေရမယ် ဆုိုတာကုို သိထားရပုံဟာ သတင်းထောက်တွေလုိုပဲ ဖြစ်ပါတယ်။ အချိန်တွေ ဘယ်လောက်ကုန်ကုန် သတင်းအချက်အလက်တွေရဖုို့ဆုို ပေးဆပ်ဖုို့ အသင့်ဖြစ်နေရပါတယ်။
အယ်ဒီတာများဟာ သူတုို့စားပွဲပေါ်ရောက်လာတဲ့ အချက်အလက်တွေမှန်သမျှကုို နားမလည်ရင် နားမလည်သလုို မေးခွန်းထုတ်မယ်၊ အမှားရှာမယ်။ သတင်းတစ်ပုဒ်ကုို သူတို့နားမလည်ဘူးဆုိုတာဟာ သတင်းဖတ်သူအနည်းငယ်လည်း နားမလည်လောက်ပါဘူး ဆုိုတဲ့သဘောဖြစ်ပါတယ်။ အယ်ဒီတာတွေလည်းပဲ အနည်းနဲ့အများတော့ လူတုိုင်းနားလည်တာမျိူးကုို နားမလည်တာမျိူးလည်း ဖြစ်တတ်တာပါပဲ။ ဒါလေးတောင် မသိဘူးလားလို့ တဖက်သားက မြင်တာမျိူးမဖြစ်အောင် ဂရုစိုက်ဖုို့တော့ လိုပါတယ်။
ဒါ့အပြင် သူတုို့ရဲ့ ထူးခြားတဲ့ အသိပညာဆုိုတာက သတင်းဖတ်သူတွေရဲ့ အမြင်၊ စိတ်ပိုင်းဆုိုင်ရာကုို သိနေရတာ ဖြစ်ပါတယ်။ သည်တော့ ဘယ်သတင်းဟာဖြင့်၊ ဘယ်စာဟာဖြင့် ဆုိုပီး လူတွေသိချင်တယ်၊ မသိချင်ဖူး၊ စိတ်မ၀င်စားဖူး ဆုိုတာကုို သူတုို့က ကျွမ်းကျင်စွာ ဆုံးဖြတ်တတ်ရပါတယ်။ ဒါဟာ ထုတ်လုပ်ရေးအောင်မြင်မူ အတွက် အရေးပါတဲ့ စိတ်ဓါတ်ဆုိုင်ရာ ဖြစ်ပါတယ်။
နောက်ဆုံးတစ်ချက်ကတော့ အယ်ဒီတာတွေရဲ့ အတွေ့အကြုံဟာ ရင့်ကျက်လေ အယ်ဒီတာကောင်းဖြစ်လေ ပါပဲ။ သည်တော့ အယ်ဒီတာ ဖြစ်ချင်ကြတဲ့ ယနေ့ခေတ်လူငယ်တွေ အနေနဲ့ ကိုယ့်ရဲ့ အရည်အချင်းကို သွေးပီးရင်းသွေးနေရမယ်၊ အသိပညာကုိုလည်း ဆွဲဆန့်နုိုင်သမျှ ဆွဲဆန့်နေရမယ်၊ အရည်အချင်းကိုလည်း တုိုးတက်အောင် ရယူပီးရင်းကုို ရယူနေရပါမယ်။
အယ်ဒီတာနဲ့ စာရေးဆရာတုို့ရဲ့ ဆက်သွယ်မူ
(စာရေးဆရာ ဆုိုတဲ့အဓိပ္ဗါယ် ရှေ့မှာ ရှင်းပြထားပီးဖြစ်လုို့ ထပ်မရှင်းတော့ပါ။)
ကျွမ်းကျင်တဲ့ စာရေးဆရာတွေ (သတင်းရေးဆရာ တွေထဲမှာလည်း သိပ်ကုို တော်ပြီး ပြည့်စုံတဲ့ တင်ပြမူတွေနဲ့ ရေးတတ်သားတတ်သူတွေကိုဆိုလိုပါတယ်။ စာရေးဆရာတွေလို အရည်အချင်း ပြည့်ဝသူတွေ) အတွက် သူတို့စာကုို သူတုို့ စီစစ်ပီး သားဖြစ်ပါတယ်။ (ဆုိုလုိုတာက အယ်ဒီတာက ဘာမှသိပ်ပြင်စရာမလုိုတော့ဘူး။) အများအားဖြင့်တော့ သတင်းရေးဆရာအများစုမှာ သူုတုို့ကုိုယ်ပုိုင်ရေးတဲ့ စာဆုိုတာ မရှိပါဘူး။ (ဆုိုလုိုတာက သတင်းကို အချက်အလက်ပြည့်စုံအောင် ရေးသားတင်ပြတယ်။ အယ်ဒီတာက စီစစ်တည်းဖြတ်၇တယ်။ ဒီတော့ သူတုို့ရေးတဲ့စတုိုင် စာ ဆုိုတာ မရှိဘူး။) အယ်ဒီတာက သူတုို့ရေးထားတာတွေကုို စီစစ် တည်းဖြတ် အမှားကင်းအောင် လုပ်ပါတယ်။ ဒါကြောင့် သူတုို့ဟာ သတင်းစာလုပ်ငန်းမှာ အယ်ဒီတာတွေပေါ် မှီခုိုနေကြရပါတယ်။ ဒိလုိုနဲ့ အယ်ဒီတာ-စာရေးဆရာ တွေဆက်ဆံရေး ဆုိုတာ ပေါ်လာပါတယ်။
သူတို့နှစ်ဦးနှစ်ဖက်ဟာ ဒီလုပ်ငန်းအဆင်ပြေဖုို့ တက်ညီလက်ညီကျော်ဖြတ်ရတယ်ပေါ့။ သတင်းရေးသူဟာ ဒီအကြောင်းအချက်အလက်နဲ့ ပတ်သက်လုို့ ကျွမ်းကျင်နေရမယ်၊ ဒါကုို ရေးသားတဲ့နေရာမှာလည်း အချက်အလက်စုံလင်ရမယ်။ အယ်ဒီတာရဲ့ တည်းဖြတ်မူအောက်မှာ သည်လုို စုံစုံစိစိ ရေးထားတဲ့ ဆောင်းပါးဟာ သိပ်ကုို ပြိးပြည့်စုံတဲ့ သတင်းတစ်ပုဒ် ဖြစ်လာပါတယ်။
သူရေးတဲ့စာကို အယ်ဒီတာက စဖတ်လုိုက်တာနဲ့ ဘာမှမသိတဲ့ အကြောင်းအရာတစ်ခုကုို မိတ်ဆက်တာကို ချက်ချင်း သိမယ်။ သတင်းဖတ်သူတွေ သိချင်မယ့် မေးခွန်းတွေပေါ်လာမယ်။ သည်တော့ မေးလေ့ရှိတဲ့ မေးခွန်းက “သည်အကြောင်းအရာက အဓိပ္ဗါယ်ရှိရဲ့လား“။ ဒါက သတင်းဖတ်သူတွေဆီက ဖြစ်လာမယ့် တုန့်ပြန်မူတစ်ခု။
ဟုတ်တယ်လေ အယ်ဒီတာတွေက ချက်ချင်းလက်ငင်း ပေါ်လာတဲ့ ဖတ်တဲ့သူတွေဆီက အတွေးတွေကုို ဖမ်းဆုပ်နုိုင်စွမ်းရှိတယ်။ ရှင်းလင်းပြတ်သားမူမရှိတာကုို မြင်တယ်။ သတင်းေ၇းတဲ့သူနဲ့ အယ်ဒီတာဆုိုတာ နှစ်ဦးနှစ်ဖက် ဘက်မျှနေတယ်။ အယ်ဒီတာက ဖတ်သူတွေရဲ့ အဆင့်အတန်းကို သိတယ်၊ သတင်းဖတ်သူတွေက ဘာကုို လက်ခံတယ် လက်မခံဖူးဆုိုတာကုိုသိတယ်။ စာဖတ်ပရိသတ်က ဘယ်သူတွေလဲ ဘယ်လုို အဆင့်အတန်းလဲ ဘယ်လုို အကျိူးသက်ရောက်သလဲ သည်သတင်းစာ၊ သတင်း ထုတ်လုပ်မူရဲ့ နံမယ်ဟာ သူတုို့အပေါ်တည်နေတယ်။
ပြောရရင်တော့ အယ်ဒီတာတွေရဲ့ နေရာဟာ သိပ်ကုို ထူးခြားပီး ပြောင်မြောက်တဲ့ တာဝန်ကြီးတစ်ခုကို ရွက်ထားရသလိုပဲ။ သတင်းရေးသားတင်ပြသူ (စာရေးဆရာ)တွေထက်ကို သူက အတွေ့အကြုံရင့်နေရမယ်။ သတင်းထုတ်လုပ်ရေးရဲ့ အသက်ဟာ သတင်းရေးသူတွေ၊ စာရေးဆရာတွေထက် မသာရင်သာနေရမယ် လျော့တော့မလျော့ပါဘူး။ ဘာကြောင့်ဆုို သတင်းရေးသူတွေ ရေးပေးသမျှကုို အယ်ဒီတာတွေကပဲ ဆုံးဖြတ်ချက်ချပီး ပြင်တယ် ဆင်တယ် စီစစ်တယ် တည်းဖြတ်တယ်၊ တခါတလေ အကုန်လုံးနီးပါး ကုို ရေးသားတဲ့ပုံစံပါ ပြောင်းပေးရတတ်တာကုိုး။
အယ်ဒီတာတစ်ယောက်ဖြစ်လာဖုို့
အယ်ဒီတာ အလုပ်ဟာ လူတုိုင်းအတွက် မဟုတ်ပါဘူး။ လူတော်တော်များများက သတင်းစာလုပ်ငန်းခွင်ထဲ ၀င်ကြတယ်။ ဘာကြောင့်လဲ – သူတုို့က သတင်းတွေကုို တင်ပြချင်တယ်၊ သတင်းတွေ ရေးချင်တယ်၊ ဓါတ်ပုံတွေ ရုပ်ပုံတွေနဲ့ ဂရပ်ဖစ်တွေ လုပ်ရတာ သဘောကျတယ်.. စသဖြင့် စသဖြင့်။ သူတုို့က သူတို့အလုပ်ကို စိတ်စို်က်ပီး ဖန်တီးကြတယ်၊ တခါတရံ တကုိုယ်တော် လုပ်လိုကြတယ် – တကယ့် ပရော်ဖက်ရှင်နယ်တွေလုို ပေါ့။- – သူတို့က အယ်ဒီတာတွေလုို ကျယ်ပြန့်တဲ့ နယ်ပယ်ထဲ မကူးခတ်ချင်ကြဘူး။ ကုိုယ့်နေရာလေးမှာပဲ နေချင် လုပ်ချင်ကြတယ်။ ဒါကြောင့် အယ်ဒီတာအလုပ် လူတုိုင်းမလုပ်ချင်ဘူး၊ လူတုိုင်းအတွက်လည်း မဟုတ်ဘူး။ အယ်ဒီတာဖြစ်လာဖို့ ရှေ့မှာ တင်ပြထားသလို ပညာတွေအများကြီး ယူထားရဦးမယ်။
တချိူ့ကကျပြန်တော့ သတင်းစာလုပ်ငန်း (ဂျာနယ်လစ်ဇင် အလုပ်) ကုို စိတ်ဝင်စားကြတာက သတင်းဖြန့်ဖြူးမူကုို တွင်တွင်ကျယ်ကျယ် လုပ်ပြချင်တာ၊ သူတုို့တကုိုယ်တော် လုပ်ပြချင်ကြတာမျိူး ဖြစ်တယ်။ သူတုို့ကျွမ်းကျင်တဲ့ ဘာသာရပ်ဆုိုင်ရာ လေ့လာမူ၊ လုိုက်စားမူတွေကို အယ်ဒီတာကွ ဆိုပြီး အသုံးချပြချင်ကြတယ်။ အယ်ဒီတာတွေကုို (ပြောရရင်တော့) စာရေးဆရာတွေ၊ သတင်းထောက်တွေထက် ပုိုပြီး ပုိုက်ဆံပုိုပေးရတယ်။ လခပုိုရကြတယ်။ ဒါဟာလည်း အယ်ဒီတာ အလုပ် နံမယ်ကြီးတဲ့ အကြောင်းတစ်ကြောင်းပေါ့လေ။
ဒီတော့ အယ်ဒီတာ ဖြစ်အောင် ဘယ်လိုလုပ်ကြမလဲ
အများစုကတော့ သတင်းထောက်တစ်ယောက် ဖြစ်ဖြစ်၊ ကော်ပီ အယ်ဒီတာဆုိုတဲ့ သတင်းတွေကုို ဖတ်ရူ တည်းဖြတ် စီစစ်တဲ့သူဖြစ်ဖြစ် စတင်ပြီး ခြေလှမ်းလှမ်း ကြပါတယ်။ အဲသည်လုို စစချင်း အဆင့်မှာ တော်တော်လေး အလုပ်ဖြစ်လာပီဆုိုရင် အဆင့်မြင့်တဲ့ အယ်ဒီတာတစ်ယောက် ဖြစ်လာနုိုင်တယ်ပေါ့။ ဒါပေမယ်လည်း သတင်းရေးတဲ့အလုပ်နဲ့၊ စာရေးသားတဲ့အလုပ်တွေမှာ မာစတာဖြစ်မလာလည်း အဲသည်အရည်အချင်းတွေ မပါလည်း အယ်ဒီတာတွေ ဖြစ်လာနုိုင်ပါတယ်။ ဆုိုလုိုတာက အယ်ဒီတာဖြစ်လာမယ့်သူဟာ သတင်းစာပညာကုို တတ်သိနားလည်မယ်၊ ဘာလုိုအပ်တယ်ဆုိုတာ တောင်းဆုိုတတ်တဲ့ အရည်အချင်းရှိရင် ဖြစ်တယ်။ အခြေခံအားဖြင့် အယ်ဒီတာများဟာ ရုိုးသားဖြောင့်မတ်မယ် ဆုိုရင်ကုို အဆင့်မှီတဲ့ သတင်းလုပ်ငန်းကို လုပ်လုို့ရပါတယ်။
ဒါ့အပြင် အယ်ဒီတာဖြစ်မယ့်သူတွေဟာ တခြားသော လူတွေနဲ့ အဆင်ပြေပြေ ဆက်ဆံအလုပ်လုပ်နုိုင်ရပါမယ်။ ဒါမှ ဘယ်သူတွေက ဘာအရည်အချင်းရှိတယ်၊ ဘယ်သူတွေကုို အုပ်စုဖွဲ့ပေးမယ်၊ သူတုို့ကုို ဘာလုပ်ခုိုင်းမယ် ဆုိုတာကုို အသာလေး လုပ်တတ်ပါမယ်။ ကုိုယ့်လုပ်ဖော်ကိုင်ဖက်တွေကုိုလည်း လေးစားတဲ့ စိတ်ရင်းရှိပြီး ဒါဟာလည်း အယ်ဒီတာတစ်ယောက်ရဲ့ အရည်အချင်းကောင်းတစ်ရပ် ဖြစ်ပါတယ်။
အယ်ဒီတာများဟာ တင်ပြလာတဲ့ သတင်းတွေကုို ဖတ်ပီး ပြန်လှန် မေးခွန်းတွေမေးတဲ့အခါမှာ မကျေမနပ်နဲ့ မေးတာမျိူး မဟုတ်ရပါဘူး။ သူတို့ရဲ့ စကားလုံးတွေနဲ့၊ အပြောအဆုိုတွေမှာ တဖက်သားရဲ့ အမှားများနဲ့ အပြစ်ပြောစရာတွေကုို ထောက်ပြပေးတဲ့ သဘောလောက်ပဲ ဖြစ်ပါတယ်။ တဖက်သားကို နှိမ်ချတဲ့ အမြင်မျိူး မရှိရပါဘူး။ သူတုို့ရဲ့ အမူအယာတွေကုို ကြည့်လုိုက်တာနဲ့ သူတုို့ဟာ အယ်ဒီတာဆုိုတဲ့ အလုပ်ကုို ကောင်းကောင်းလုပ်နေတာပဲလို့ တဖက်က တွေ့မြင်နေကြရတာမျိူး။
နောက်ဆုံးပြောရရင်တော့ အယ်ဒီတာကောင်းတစ်ယောက်ဟာ အယ်ဒီတာ အလုပ်ကုို နားလည်ရတယ်၊ ရည်ရွယ်ချက်ကို မမေ့ရဘူး၊ သူတို့လုပ်ပိုင်ခွင့်အောက်မှာ လုိုအပ်ရင်လုိုအပ်သလုို အစီအစဉ်တွေ ပြောင်းတာ၊ ပြင်တာ လုပ်သွားမယ်။ သည်တော့ အယ်ဒီတာတစ်ယောက်ဖြစ်ချင်ရင် အကောင်းဆုံးကတော့ အယ်ဒီတာကောင်းတွေ ဘယ်လုိုအလုပ်လုပ်နေကြသလဲ ဆုိုတာကုို ကြည့်သင့်တယ်၊ လေ့လာသင့်တယ်။ သူတုိ့လုပ်ပုံကိုင်ပုံတွေကုို သေချာစောင့်ကြည့်ကြသင့်ပါတယ် ဆုိုတာကုို တင်ပြလုိုက်ရပါတယ်။
ဂျူနီယာဝင်း
