Burma Writer - LuDu-DawAMar

စာရေးဆရာမကြီးလူထုဒေါ်အမာ (၁၉၁၅-၂၀၀၈)

..................................................................................................(ပန်းချီ-၀င်းအောင်)

စာရေးဆရာမကြီးလူထုဒေါ်အမာ သည်ဧပြီလ-ရ-ရက်၂၀၀၈ ခုနှစ်တွင်

ကွယ်လွန်ကြောင်းကြားသိလိုက်သဖြင့်စာဖတ်ပရိသတ်များအနေဖြင့်ဝမ်းနည်းစိတ်မကောင်းဖြစ်ရပါသည်။

”စာရေးဆရာမကြီးလူထုဒေါ်အမာကို ၁၉၁၅ ခု၊နိုဝင်ဘာလ-၂၉-ရက်နေ့၊

ဦးထင်-ဒေါ်စုတို့မှမွေးဖွားပါတယ်။

ဆရာမကြီးက မြန်မာပြည်တွင်စစ်ဆေးခဲ့သောအမူအခင်းများ၊

ဏန္ဒမာလာ၊ ဂျူံနှင့်စစ်သား၊ သက်တန့်ရောင်၊

ကွန်မြူနစ် တရုတ်ပြည်အင်အားပြိုင်ပွဲ၊ သမတဟိုချီမင်း၊

ငြိမ်းချမ်းရေးသို့၊ ဆိုရှယ်လစ်တိုင်းပြည်များသို့၊ အိုယန်ကီးတို့၊

ငွေနှင့်လက်နက်၊ ပြည်သူချစ်သောအနုပညာများ၊

ရတနာပုံမန္တလေး ကျွန်မတို့မန္တလေး၊ ရွှေမန်းတင်မောင်၊

ဘ၀ချင်းမတူသည့်တရုတ်ပြည်၊ အောင်ဗလ-ဖိုးစိန်-စိန်ကတုံး၊

ရွှေရိုး ဘကလေး(ပ)(ဒု)၊ ရွှေမန်းတင်မောင်၊ အငြိမ့်၊ ကမ္ဘာ့အကြီးဆုံးစာအုပ်၊

ရွှေဒေါင်းတောင် ဆောင်းပါးများ၊ ဆရာကြီး သခင်ကိုယ်တော်မှိူင်း၊

တော်လှန်တဲ့ တရုပ်ပြည် ကျွန်တော်မှတ်မိသမျှ၊ ချင်းတွင်းမှပင်လယ်သို့၊

မြန်မာ့မဟာဂီတ၊ အာဖရိက ၀တ္ထုတိုများ၊ ဆေးလိပ်နဲ့လူသား၊

မန္တလေးသူ မန္တလေးသားများ၊ ထိုင်းဝတ္ထုများ ဘာသာပြန်၊

အမေ့ရှေ့စကား၊

စသည်များကိုရေးသားထုတ်ဝေခဲ့ပါတယ်။

ရတနာပုံမန္တလေး ကျွန်မတို့မန္တလေး

၁၉၉၃ ခုနှစ်

ရွှေမန်းတင်မောင်

၁၉၇၀-နိုဝင်ဘာ

သခင်ကိုယ်တော်မှိူင်း

၁၉၇၆ ခုနှစ် စက်တင်ဘာ

ရွှေရိုး ဘကလေး (ပ)

၁၉၆၉ ခုနှစ် ဖေဖော်ဝါရီ

အမေ့ရှေးစကား

၁၉၉၇ ခုနှစ် သြဂုတ်လ

၁၉၉၄ ခုနှစ် ဖြူးမြို့နယ်မဂ္ဂဇင်း မှာပါတဲ့ဆောင်းပါးတစ်ပုဒ်ထဲမှအမှတ်တရ

စကားပါ။

“အဝေးရောက်သားသမီးများ” တဲ့။

”အမိနိုင်ငံဟာဒီလိုပေါကြွယ်ဝတာနဲ့အတူအမိနိုင်ငံမှာရှိတဲ့ဘာသာတရား

ကလည်းသူတစ်ပါးကိုမေတ္တာထားနိုင်တယ်။ကိုယ့်ထက်ဆင်းရဲဒုက္ခရောက်

သူတွေကိုသနားဂရုထားနိုင်တယ်။ကိုယ့်နဲ့အတူရှိသူ၊ကိုယ့်ထက်သာသူကို

ဝမ်းသာအယ်လဲသာဓုခေါ်နိုင်တယ်။မရှိရင်ဝေစားမယ်လို့ပေးနိုင်ကျွေးနိုင်တယ်။

သူတစ်ပါးရဲ့ကျူးကျော်စော်ကားမူကိုသည်းခံခွင့်လွှတ်ချေဖျောက်နိုင်တဲ့ဘာသာ

တရားမျိူးကိုလည်းလက်ကိုင်ထားကြသေးတယ်။တင်းတိမ်ရောင့်ရဲမူကိုလည်း

ကျင့်သုံးလိုက်ကြသေးတယ်။

ကဲ ဘယ်လောက်များနေချင်စဖွယ်ကောင်းတဲ့နိုင်ငံပါလဲ။

ဒါနဲ့များလူတွေဘာလို့များသူများနိုင်ငံတွေထွက်ပြီးရှာဖွေနေကြရသလဲလို့မေး

လာရင်တော့ဒါဟာအခိုက်အတန့်ကိစ္စ၊အစာဝတော့ဌာနပြန်မယ့်သူချည်း။

ကျွန်မတို့နိုင်ငံမှာလွတ်လွတ်လပ်လပ်အေးအေးချမ်းချမ်းစည်းစည်းလုံးလုံး နဲ့

ညီညီညွတ်ညွတ်အချင်းချင်းလက်တွဲလုပ်ဆောင်နိုင်ကြရင်ဘာမကြာတဲ့ကာလမှာ

လုပ်စရာအလုပ်တွေတောင်ပုံရာပုံရှိလာမှာ၊အဲဒီတော့အဝေးရောက်သားသမီးတွေ

လည်းအားလုံးပြန်လာကြမှာ၊သူများနိုင်ငံတွေလိုခုမချမ်းသာသကောလို့စိတ်ဓါတ်

မကျပါဘူး။ကျွန်မတို့ဟာမြန်မာ့မြေပေါ်ကမြန်မာတွေပါ။”

(ရတနာပုံမန္တလေး ကျွန်မတို့မန္တလေး၊အမေ့ရှေးစကား၊ စာအုပ်များမှ)

Read More

Burma Poet – Zaw Gyi

Burma Poet – Zaw Gyi

ဧပြီလဖွား

မြန်မာ ကဗျာဆရာကြီး ဇော်ဂျီ (၁၉၀၇-၁၉၉၀)

ရှေ့ဆောင်လူငယ် အတွဲ ၁၊ အမှတ် ၄၊ ဒီဇင်ဘာ ၁၉၆၄ ခုနှစ်မှာရေးစပ်

ခဲ့တဲ့ကဗျာတစ်ပုဒ်။

ဂုဏ် အလှ တဲ့။

ငါ့ညီပြောင်ဝင်း၊ မောင်သစ်ဆင်း

မင်း၏သားငယ်၊ သက်နှစ်ဆယ်သည်

ဘယ်ဂုဏ်မျိူးကို ကြိုက်သနည်း။

ရွှေဂုဏ် ငွေဂုဏ်၊ ရာထူး ဂုဏ်သည်

လူ့ဘုံလောက၊ အကာမျှတည့်

သူက ငြူစူ၊ မကြည်ဖြူ၍

ခွာယူလိုက ခွာ၍ရ။

ရိုးဂုဏ် ဖြောင့်ဂုဏ်၊ ယဉ်ကျေး ဂုဏ်သည်

လူ့ဘုံလောက၊ နှစ်သာရတည့်

သူက ငြူစူ၊ မကြည်ဖြူလည်း

ခွာယူမရ ကွာမကျ။ ။

ဆရာဇော်ဂျီ ၏ စာပေနှင့်ဘ၀ဖြစ်စဉ်အနည်းအကျဉ်း

၁၉၀၇ ခုနှစ် ဧပြီလ ၁၂- ရက်သောကြာနေ့တွင်ဖျာပုံမြို့၌အဖဦးယော၊

အမိဒေါ်စိန်ညွန့်တို့မှဖွားမြင်ပါသည်။သားချင်းကိုးယောက်အနက်သားဦးဖြစ်သည်။

အမည်ရင်းဦးသိန်းဟန်ဖြစ်ပါသည်။

ငယ်စဉ်ကဖျာပုံမြို့ဘုန်းတော်ကြီးကျောင်း၊မြန်မာကျောင်း၊အင်္ဂလိပ်မြန်မာအစိုးရအထက်

တန်းကျောင်း၊ဖျာပုံအမျိူးသားကျောင်း၊ရန်ကုန်မြို့အမျိူးသားအထက်တန်းကျောင်း၊အထောက်

ပံ့ခံမြို့မအမျိူးသား(တိုင်းရင်းသား)အထက်တန်းကျောင်းများတွင်ပညာသင်ကြားခဲ့ကာ

၁၁-တန်းဆင်းအောင်မြင်ခဲ့သည်။

၁၉၂၄တွင်သစ္စာဝါဒီသတင်းစာတိုက်ကကြီးမှူးကျင်းပသောကဗျာဘာသာပြန်ပြိုင်ပွဲတွင်

စိတ္တသုခလင်္ကာဖြင့်သစ္စာဝါဒီဆု(ရွှေဒင်္ဂါးငါးပြား)ရရှိခဲ့သည်။(Henry Wotton’The Character of

A Happy Lifeကဗျာဘာသာပြန်ဆိုမူဖြစ်သည်)

၁၉၂၅-၂၆တွင်ရန်ကုန်တက္ကသိုလ်တွင်ပညာသင်ခဲ့သည်။၁၉၂၈တွင်ပိတောက်ပန်းကဗျာကို

ရှေးဦးစွာဟံသာ့ကြေးမုံစာစောင်တွင်ဖော်ပြခြင်းခံရသည်။မတ်လထုတ်တက္ကသိုလ်ကျောင်း

တိုက်မဂ္ဂဇင်းတွင်ထပ်မံဖော်ပြခြင်းခံရသည်။ဥပစာတန်းမြန်မာစာအမှတ်အများဆုံး သာဒိုးအောင်

ဆုရခဲ့သည်။

၁၉၂၉တွင်ဝိဇ္ဖာဘွဲ့၊၁၉၃၆တွင်မဟာဝိဇ္ဖာဘွဲ့၊၁၉၃၈တွင်စာကြည့်တ်ိုက်ပညာ၊

ပညာတော်သင်လန်ဒန်တက္ကသိုလ်နှင့်ဒဗ္ဗလင်တက္ကသိုလ်၌ပညာသင်ခဲ့သည်။

၁၉၄၀တွင်စာကြည့်တ်ိုက်ဒီပလိုမာရရှိခဲ့သည်။၁၉၅၅တွင်စာပေဗမာန်ဆုစာပဒေ

သာဆု“သခင်ကိုယ်တော်မှိူင်း ဠီကာ”ရရှိခဲ့သည်။

၁၉၆၁တွင်သီရိပျံချီဘွဲ့တံဆိပ်ရခဲ့သည်။

၁၉၇၉တွင်”နင်လားဟဲ့ချစ်ဒုက္ခနှင့်အခြားဝတ္ထုတိုများ”ဘာသာပြန်စာအုပ်ဖြင့် အမျိူး

သားစာပေ(ဘာသာပြန်ရသစာပေ)ဆုရခဲ့သည်။

၁၉၈၇တွင်”ရှေးခေတ် ပုဂံကဗျာများနှင့်အခြားကဗျာများ”ကဗျာစာအုပ်ဖြင့်အမျိူးသား

စာပေ(ကဗျာ)ဆုရခဲ့သည်။

၁၉၉၀ စက်တင်ဘာလ ၂၆ ရက်ဗုဒ္ဓဟူးနေ့နံနက်ငါးနာရီခွဲအချိန်တွင်ရန်ကုန်မြို့ဗဟန်း

မြို့နယ်ကမ္ဘာဇလမ်း အမှတ်(၁၀က)နေအိမ်တွင်ကွယ်လွန်သည်။

၁၉၀၆ ခုနှစ်တွင်ဆရာဇော်ဂျီမွေးနေ့နှစ်တရာပြည့်အမှတ်တရအဖြစ်မြန်မာကဗျာဆရာ၁၀၀

စာအုပ်ထွက်ရှိခဲ့သည်။

ထိုစာအုပ်ထဲတွင်ဂျူနီယာဝင်းက”ကဗျာဆရာဇော်ဂျီအမှတ်တရ”ဟူ၍ကဗျာတစ်ပုဒ်ကို

ယခုလိုရေးဖွဲ့ထားပါသည်။

လှိူင်းနှင့်စင်ရော်

လွမ်းစရာဖြစ်ရတာ “လှိူင်းကလေးသင်”မှာ၊

စူးစူးဝါးဝါး ပုရစ်သံ

သာယာနာပျှော်ဖွယ်ဖြစ်ရတာ ”သီချင်းသည်” မှာ၊

အသက်မရှိတဲ့ ဒီရေလဲ

သက်ဝင်လှူပ်ရှားလာရတာ ”ဒီရေသမီး” မှာ၊

မင်းကောင်းနော်ရထာ

ပြန်တမ်းတလာမိရတာ ”ရှေးခေတ်ပုံဂံပြည်မှာ၊

ဆွေးမြေံလာရ၊သွေးစက်နဲ့ကျမျက်ရည်စီးရပုံရယ်

”၁၉၄၈လွတ်လပ်ရေးနေ့”မှာရင်နင့်စရာ၊

ဒို့ဗိုလ်ချူပ်အသက်ပေးရ၊ ၀မ်းနည်းခံရခက်ရ

ထို့တနေ့က ဖြစ်ရပုံရယ်

”ပြောလိုက်ပါဘိ၊ ဟောပါဘိ” ကဗျာလေးထဲမှာ၊

လွတ်လပ်ရေးအဆင်သင့်ရလိုက်ကြတဲ့

သားငယ်သမီးငယ်တ်ို့အတွက်

မောင်သစ်ဆင်း ကဗျာတွေထဲက

တန်ဖိုးရှိတဲ့ သတိပေးစကားတွေ

လွတ်လပ်ရေးတန်ဖိုးသိကြကွဲ့

သတိရှိကြပါကွဲ့ ဆိုတဲ့

”လွတ်လပ်ရေးအောင်ပွဲနေ့” ကအမှတ်တရပါ။

ခေတ်ကလဲမှီ

ရှေ့မှီ နောက်မှီ

ခေတ်သမိုင်းနှင့်လဲချီ

ဆရာဇော်ဂျီရဲ့ နှလုံးသားထဲက ကဗျာတွေ

နှလုံးသားနှင့် ခံစားကြည့်ကြဖို့တော့လိုနေပြီ။

အချက်အလက်များကို “ဇော်ဂျီ ကဗျာပေါင်းချူပ်”၊”အမျိူးသားစာဆိုဇော်ဂျီနှင့်

မြန်မာကဗျာဆရာတစ်ရာ”တ်ို့မှရယူပါကြောင်းကိုမှတ်တမ်းတင်လိုက်ရပါသည်။

Read More

Tabaung Festival(March)

Tabaung festival (march)

The last month of the myanmar calendar falls in march. Tabaung is a month

of the pagoda festivals. Shwedagon Pagoda festival is one of the highlights of

the season in Yangon. . Tabaung festival is marked by the building of sand stupas.

By juniorwin

တီးမှူတ်တဖုံ လူမျိူးစုံ သဲပုံစေတီပွဲ။

Festive building and paying respects

To the miniature pagodas of sand.

.............................................ပန်းချီ ဦးဘကြည်...Artist-UBaKyi

Read More

Burma Writers Play (Part 2)

တောင်သမန်လယ်စား မောင်ဖေငယ်

ဒုတိယပိုင်း ဇတ်သိမ်း

အဓိကဇတ်ဆောင်များ

တောင်သမန်စားမောင်ဖေငယ်..................သုခ

ဒိုင်းအတွင်းဝန် .....................................ဦးခင်မောင်လတ်

ဒိုင်းဝန်ကတော် .....................................ခင်မျိူးချစ်

ဒိုင်းခင်ခင်............................................မလှသန်း(တက္ကသိုလ်သက်နှင်း)

ရနောင်မြို့မောင်မောင်တုတ်.....................၀ဇီရာ

သီပေါမင်း............................................မေဂျာဗခို

စုဖရားလတ်.........................................မေနွဲ့

(၃)

၁၂၄၀-ခုသတင်းကျွတ်လဆန်း-၆-ရက် အင်္ဂါနေ့-၂-ချက်တီးကျော်တွင်မင်းတုံးမင်း နတ်ရွာစံသော်၊မိဖုယားခေါင်ကြီးမဟုတ်သော်လည်းဆင်ဖြူရှင်တော်ကိုပေးသနား ကာမိဖယားခေါင်ကဲ့သို့မြှောက်စားထားသည်ရှင်ဖြူရှင်မရှင်အလယ်နန်းမတော် ဘုရားသည်မင်းတုံးမင်းမကျန်းမာစဉ်ကပင်၊အဆောင်တော်ပိတ်ပြီးကုသခဲ့၏။အခြား မိဘုရား-၃၈-ပါးကိုဝင်ခွင့်မပြုရုံမကကင်းဝန်မင်းကြီးဦးကောင်းရွှေပြည်ဝန်မင်းဦးဖိုး လှိူင်၊ တိုင်တားမင်းကြီးဦးဖိုးဘိုနှင့်တိုင်ပင်ကာတိုင်းပြည်ညိမ်ရန်အတွက် မက္ခရာမင်း သားကြီးကအစသီဘော၊သာဂရ၊ရခိုင်၊ပျဉ်းမလွန်စတသာမင်းသားတို့အထိသား တော်အားလုံးကိဖမ်းထားလိုက်၏။

ထို့နောက်အိမ်ရှေ့မင်းအဖြစ်သီပေါမင်းသားကိုခန့်ရန်ဆုံးဖြတ်ခန့်ထား၏။သီပေါကို မောင်မောင်တုတ်ကကြေးတိုက်တွင်ထမ်း၍ထုတ်ခဲ့သည်။

မင်းတုံးမင်းနတ်ရွာစံပြီးနောက်မိဖုယား ၄၉ ပါး သား ၅၀ ပါး မြေးထီး ၃၈ ပါး မြေးမ ၄၅ ပါး

ကျန်ခဲ့၏။

(၄)

မင်းတုံးမင်းနတ်ရွာစံလျှင်အိမ်ရှေ့မင်းသားသီပေါမင်းသည်နန်းတော်သို့ပြောင်း၍စံပြီး နန်းသိမ်း၏။မောင်မောင်တုတ်ကိုနေ့ညမပြတ်ခေါ်ထား၏။မောင်ဖေငယ်နေမကောင်း သဖြင့်အိမ်ပြန်အိပ်စေပြီးနံနက်ညီလာခံတက်စေ၏။

မောင်ဖေငယ်ကိုရွှေတိုက်စိုးအရာနှင့်တောင်သမာန်နယ်စားစီးတော်မြင်းဝန်အဖြစ်သူ ကောင်းပြု၏။ဒိုင်းဝန်မင်းကိုအတွင်းဝန်ပုဂံမြို့စားပေး၏။ဒိုင်းအတွင်းဝန်၏ဘခင် လန်းပတ်မင်းကြီးအားဝန်ကြီးခန့်၏။

မောင်မောင်တုတ် မင်းညီမင်းသားအခွင့်အရေးရပြီး ရနောင်မြိုကကိုစားစေကာ

လက်သုံးတော်ကိုင်မြောက် ဓါးဝယ်ဗိုလ်ကြီးဖြစ်၏။ရွှေနန်းရှင်အားပူးတွဲ၍သာခစား ကြ၏။

၁၂၄၀ ခုနှစ်တန်ဆောင်မုန်းလပြည့်ကျော် ၁၀ ရက်န့တွင်မဟေသီ ဘိသေကသဘင်

ဆင်ယင်ရာ ဆင်ဖြူရှင်ကသီပေါမင်းအားသူ၏ သ္မီးတော်ကြီး မိုးနောင်စုဖယားကြီးနှင့် လက်ထပ်ရန်စီစဉ်နေစဉ်တွင် မင်္ဂလာအခါတော်ကျချိန်၌ မိုင်းနောင်စုဖယားကြီးနှင့် သီပေါတို့ထိုင်ရာအမရာသနပလ္လင်ပေါ်သို့မြတောင်မြို့စား စုဖရားလတ်ကတက်ကာ ကြားထဲမှဇွတ်ဝင်ထိုင်သဖြင့် တချန်တည်းပင်သီပေါကိုယ်တော်သည်မိဖုရားနှစ်ပါးနှင့် လက်ထပ်ပြီးသားဖြစ်သွား၏။

သီပေါသည်စုဖယားလတ်နှင့်သာလျှင်ပေါင်းသင်းနေရပြီး စုဖုယားကြီးထံသို့သွားခွင့် မရ။

(စုဖယားလတ်သည် ဘုရင် မိဖုယားများများယူသည့်စနစ်ကိုတော်လှန်သည်။)

စုဖယားခ၏လတ်ကမောင်မောင်တုတ်ကိုဘုရင့်နောင်ဘွဲ့နှင့်နန်းတွင်းသို့တံခါးမရှိ ဒါးမရှိဝင်စေထွက်စေခွင့်ပေး၏။

မောင်ဖေငယ်ကိုရွှေငွေဖဲကတ္တီပါဆုပေး၏။

၁၂၄၀ ခု တပို့တွဲလဆန်း ၁၀ ရက်နေ့ညတွင်ယခင်ကဘမ်းထားသည့်မင်းသားများ

အရာရှိများ သားသမီးများပါမကျန် လူ ၅၀ ခန့်ကိုမောင်မောင်တုတ်ကသီပေါမသိဘဲ

သတ်လိုက်၏။

ထောင်ပြောင်းစေဟုအမိန့်ရှိသည်ကိုအမှတ်မှားသဖြင့်သတ်ခဲ့ရ၏။

နောက်ကိလက်သုံး တော်များ ၀န်ကြီးများနှင့် အတွင်းဝန်များ မသိကြဘဲ

ကွပ်မျက်ခြင်းမပြုရဟုအမိန့်ထုတ် ခဲ့၏။

(၅)

ထို့နောက် ရာဇပဝေသ ဘိသိတ်သွန်းပြီးသီပေါကမင်းစုဖုယားလတ်ကိုမိဖရားခေါင်ထီး ဆောင်းမင်္ဂလာမဟာဥကင်ဖွင့်၍လုပ်ရာ ကညာခင်ခင်ကြီးသည်ဘိသိတ်တော်ဆက်အ

ဖြစ်န၀ရတ်ထီးရွှေဖလားကိုကိုင်ရန်အရွေးခံရ၏။

ထို့ကြောင့်မိဖရားခေါင်ကြီးစုဖရားလတ်ကမျက်စေ့ကျကာလှပသောခင်ခင်ကြီး(ဒိုင်း

ခင်ခင်)ကိုအပါးတော်ခစါးစေဟုမြှောက်စား၏။အသက်ဆယ့်လေးငါးနှစ်ရှိခင်ခင်ကြီး ကိုမင်းနှင့်မိဖရားနှစ်ပါးစလုံးကချစ်၏။

တနေ့တွင်သီပေါကမောင်တုတ်နှင့်မေါင်ဖေငယ်ကိုခေါ်ကာဒိုင်းခင်ခင်ကိုနန်းရမိဖရား မြှောက်လိုသည်ဟုပြော၏။ဒိုင်းခင်ခင်ကိုသူစံရာပန်းခုံတော်သို့ခေါ်ပေးရန်ဆိုရာမောင် ဖေငယ်သည်နှစ်မကောင်းစားသည်ကိုမြင်လိုသည်ကတကြောင်း သခင့်ကိုသစ္စာမ

ဖောက်လို၍တကြောင်း ဒိုင်းခင်ခင်ကိုခေါ်ထုတ်ကာသီပေါထံသို့ပို့ပေ။မကြာခဏ ယောင်္ကျားလိုဝတ်ပြီးသီပေါထံသို့ခေါ်ပေး၏။

နောက်ဆုံးတွင်မိဖရားလတ် မိဖရားခေါင်ကြီးသိသွား၏။ဒိုင်းခင်ခင်ကိုမြောက်ရွှေရေး ဆောင်တွင်မိဖရားအဖြစ်ထားရန် စီစဉ်လျက်ရှိစဉ်တွင်သီပေါမင်းမမာဖြစ်၏။မိဖရား ကြီးကအတွင်းဝန်များနှင့်တိုင်ပင်ရာရွှေသေတ္တာ(ပစ်စာ)တွင်းမှမောင်တုတ်မိန်းမများ

များယူပုံ ရမ်းပုံများကိုတိုင်သောစာနှင့်ဒိုင်းခင်ခင်ကြီးနှင့်မျှကာရနောင်မောင်တုတ်ကို နန်းဝင်ရန်ဒိုင်းဝန်ကတော်ကလုပ်ကြံသည်ဟုစာများတွေး၏့ရပြီးမောင်မောင်တုတ်

မောင်ဖေငယ် ဒိုင်းဝန်ကတော်နှင့်ဒိုင်းခင်ခင်တို့ကိုအချွေအရံများနှင့်တကွဘမ်းလိုက်

၏။တခြားစီခွဲထား၏။

ရနောင်မောင်မောင်တုတ်ကိုသတ်စေ အမိန့်ပေးသော်လည်းကိုယ့်ကိုယ်ကိုယ်သတ် သေသွား၏။ဒိုင်းဝန်နှင့်ဒိုင်းဝန်ကတော်တို့ကိုကွပ်မျက်လိုက်ကြ၏။

ခင်ခင်ကြီးတွင်သန္ဓေရှိရာမင်း၏သန္ဓေကိုသတ်လျှင်မင်းဆက်ပြတ်တတ်သည်ဟုမ

သတ်ပဲချူပ်ထား၏။

မောင်ဖေငယ်ကိုမိုးကောင်းသို့ပို့ပေးလိုက်ပြီးသတ်ရန်အမိန့်ထုတ်၏။မိုးကောင်း ရောက်လျှင်မိုးကောင်းဝန်ကမသတ်သေးပဲဆိုင်းထား၏။

နောက်ဆုံးတွင်ဒိုင်းခင်ခင်ကြီးကိုမွေးဖွားသည့်တိုင်အောင်မစောင့်ဘဲသတ်လိုက်၏။

မောင်ဖေငယ်ကိုဗန်းမော်ဝန်ကထုတ်ကာဗန်းမော်သို့ခေါ်ပြီးသတ်၏။အသတ်ခံရ ချိန်တွင်ဒိုင်းခင်ခင်တယောက်မိဖရားဖြစ်နေပြီဟုယူဆနေသည့်မောင်ဖေငယ်သည်- ချစ်ရသူခင်ခင်ငယ့်-ချီတေးထပ်ကိုရေးကာရဲဝံ့စွာသေပွဲဝင်သွား၏။

Read More

Happy Birthday To Yous 14-3-2008

Happy Birthday dear Twins
Maung Yit and Junior Win
မောင်ရစ် နှင့် ဂျူနီယာဝင်း အမွှာမောင်နှမ မွေးနေ့ အမှတ်တရ
14-3-2008

Read More

Burma Singer – Sai Htee Saing

Burma Singer – Sai Htee Saing(1940-2008)

The famous Burma Singer, Sai Htee Saing (Shan Nationality)

has passed away at the age of 58.

He sang hundreds of own tune songs in both shan and myanmar languages.

All his fans in Burma and also round the world

now feel so sad after hearing the lost of their star.

juniorwin

လူသေပေမယ့် နံမယ်မသေ

သူ့သီချင်းတွေကရှင်သန်နေလျက်

သူ့အသံဖြင့်ပရိသတ်ကြီးကိုဖျော်ဖြေနေဆဲပါ

ကမ္ဘာကြီးတည်မြဲသ၍ပေါ့

ပရိသတ်တစ်ယောက်အနေဖြင့်ဝမ်းနည်းစိတ်မကောင်းပါ။

ရှမ်းတိုင်းရင်းသား အဆိုတော်တစ်ဦးဖြစ်တဲ့ ဦးစိုင်းထီးဆိုင်

ကြည်လင်ပြတ်သားတဲ့အသံပိုင်ရှင်

သီချင်းတွေရာချီပြီးဆိုကာ ပရိသတ်ကိုပေးဆပ်ခဲ့သူ

သူ့ဘ၀သမိုင်းကိုဖြင့် ဂီတဖြင့်ရေးခြစ်ခဲ့ပြီပေါ့

ဒီလိုအဆိုတော်အတွက် ပရိသတ်ကဘယ်လိုလုပ်ပြီးမေ့သွားနိုင်ပါ့မလဲလေ။

စိုင်းပြန်ရဦးမယ်

တေးရေး စိုင်းခန်းလိတ်

တေးဆို စိုင်းထီးဆိုင်

ပျော်ရွှင်ကြည်နူးရတာ ဒီတခါနောက်ဆုံးဖြစ်မှာ စိုးရိမ်တယ်အချစ်ရယ်

ကြင်နာချစ်စကားပြောတာ ဒီတခါနောက်ဆုံးဖြစ်မှာ စိုးရိမ်တယ်အချစ်ရယ်

မပြန်နဲ့ဦး မပြန်နဲ့ဦးကွယ်

နေပါဦးလို့ မပြောတောင်မှ နားလည်တယ်

ကိုယ်လဲပဲ ဘယ်ခွဲရက်မှာလဲ တွေ့မြင်ချစ်စ အချိန်မှာ

ပြန်ကာသွားရင်

ခုလို နောက်ထပ်တခါ မတွေ့မှာကို စိုးတယ်

နေချင်ပေမယ့်လဲကွယ် မနေနိုင်တော့ဘူး အချစ်ရယ်

စိုင်းပြန်ရဦဲးမယ်

မခေါ်ချင်ပေမယ့်လဲကွယ် မခေါ်ပိုင် မခေါ်ဝံ့ဘူးကွယ် အချစ်ရယ်

စိုင်းပြန်ရဦဲးမယ်

မပြန်ချင်ဘူး မပြန်ချင်ဘူးကွယ်

နေချင်သေးတယ် ချစ်သူရဲ့အနားမှာကွယ်

ရင်ထဲခံစားရတာတွေ ပြောမကုန်သေးတဲ့အချိန်မှာ

ပြန်ကာသွားရင်

ခုလိုနောက်ထပ်တခါ မတွေ့မှာကို စိုးတယ်

ပြန်လည်ဆုံဆည်းဖို့ကွယ် ရင်မှာမတင်မကျနဲ့ကွယ်

စိုင်းပြန်ရဦဲးမယ်

မကြာခင်ပြန်တွေ့ကြမယ် ယုံကြည်မျှော်လင့်ရင်းနဲ့

စိုင်းပြန်ရဦဲးမယ်

ကိုယ်ကအဝေး ဘယ်လောက်ဝေးနေ ဘယ်လောက်ဝေးလည်း

စိတ်မှာတော့ ချစ်သူထံ အမြဲကျန်နေရစ်တယ်

Read More

Burma Writers Play 1952 - ဂျူနီယာဝင်း

Taungtamin-Lai-Sai Maung Pe Nge

A play presented by the Burma Writers Association in celebration of

Poets’Day , November 17 through 19

နိုဝင်ဘာလ ၁၇ ရက်နေ့မှ ၁၉ ရက်နေ့ထိသတ်မှတ်သောကဗျာဆရာများနေ့ အတွက်စာရေးဆရာများကပြဖျော်ဖြေကြသော ဒိုင်းခင်ခင် ပြဇတ်။

စာရေးဆရာပြဇတ်ဟုလည်းခေါ်တွင်သည်။

တောင်သမန်လယ်စား မောင်ဖေငယ်

(သရုပ်ဖော်ပြဇတ်တွင်ပါဝင်ကပြသူများ)

တောင်သမန်စားမောင်ဖေငယ် သုခ

ဒိုင်းအတွင်းဝန် ဦးခင်မောင်လတ်

ဒိုင်းဝန်ကတော် ခင်မျိူးချစ်

ဒိုင်းခင်ခင် မလှသန်း(တက္ကသိုလ်သက်နှင်း)

မောင်မောင်နွဲ့ ဇ၀န

ရနောင်မြို့မောင်မောင်တုတ် ၀ဇီရာ

သီပေါမင်း မေဂျာဗခို

ကင်းဝန်မင်းကြီး ဒဂုန်ဦးစန်းငွေ

ခန်းပါတ်မင်းကြီး စိန်မင်းသား

ရွှေပြည်ဝန်ကြီး အိန္ဒာနွယ်

တိုင်တားမင်းကြီး ငွေဥဒေါင်း

ဗန်းမော်ဝန် ဦးစံလှထွန်း

ဗိုလ်မှူး ညိုညိုလေး

ဗိုလ်မှူး ဒဂုန် ငမောက်

နန်းတွင်းစစ်သား တက္ကသိုလ်စန်း၊တက္ကသိုလ်မြင့်မောင်၊နန်းငွေ

အ၇ပ်သားများ လင်းယုန်နီ၊အောင်လင်း၊ကြည်မျိူးနွယ်၊၀င်းမြင့်

၊နေ၀င်း၊တက္ကသိုလ်ချစ်ဆွေ

ဆင်ဖြူမရှင် သီတာခင်ထွေး

စုဖရားလတ် မေနွဲ့

စုဖယားလေး တက္ကသိုလ်ကြည်မာ

အပျိူတော်ခင်မကြီး မမြတင်

အပျိူတော်ခင်ဆုံ မကြီးတန်

အပျိူတော်ခင်ထား မကျင်လှ

အပျိူတော်ခင်နှင်း မနှင်းမေ

ဒိုင်းဝန်အိမ်အစေအပါး မသန်း

တောင်သမန်လယ်စားမောင်ဖေငယ်

ဇတ်လမ်းအကျဉ်းချူပ်

(၁)

လောင်းရှည်မြို့စားသီရိမဟာသုပဘာဒေ၀ီ ဘွဲ့တော်ခံ မိဘုရားကြီးသည်မင်းတုန်းမင်း တရားကြီးကမျက်မန်ပွားရာမှအညိုအညင်ခံရကာချိူ့တဲ့စွာနေရစဉ်၌သားတော်သီပေါ မင်းသားလေးသည်ပဌမပြန်စာပြန်ပွဲကြီးသုံးကြိမ်ပြန်ဆိုခဲ့သဖြင့်စာပေနှင့်ဘာသာကို လေးစားသောမင်းတုန်းမင်းတရားကြီးကသားတော်သီပေါမင်းကိုမြှောက်စားခဲ့၏။

မင်းသား၏အဆောင်အယောင်နှင့်လက်သုံးတော်ဓါးပိုင်မင်းသားကိုသူရဲကောင်းပြုရာ တွင်ရှေ့လွှတ်တော်ကြီးမြောက်ဘက်၌သီးသန့်ဆောက်လုပ်သောစံအိမ်တော်ဲနှင့်စံမူ ၏။

ထိုစဉ်တွင်သီပေါဘုရင်၌အခြွေအရံလူပျိူတော်သားများဝိုင်းရံခစားလျက်ရှိရာ၌ဘိုး တော်ဘုရာသားတော်တပါးဖြစ်သောရွှေဖြူမင်းသား၏မြေးမောင်ဖေငယ်နှင့်ရေနံ ချောင်းမင်းကြီး၏သားမောင်တုတ်တ်ို့သည်မင်းသားနှင့်အရင်းနှီးဆုံးဖြစ်၏

မောင်ဖေငယ်သည်ပညာရင့်သန်သူတုိ့အလျှောက်နူးညံ့သိမ်မွှေ့သည်။မောင်မောင် တုတ်မှာလက်ရုံးရည်သမားဖြစ်သည့်အလျှောက်ဟောဟောဒိုင်းဒိုင်းနှင့်မဟုတ်မခံရှိ သည်။

(၂)

မောင်ဖေငယ်သည်သီပေါမင်း၏လူပျိူတော်မဖြစ်ခင်ကအမျိူးကိုချစ်သည့်စာဆိုတော် လူငယ်ကလေးတစ်ဦးဖြစ်၏။သက္ကရာဇ်၁၂၃၃-ခုနှစ်တွင်မင်းတုံးမင်းကအင်္ဂလိပ်လက် ရှိရန်ကုန်ရွှေတိဂုံစေတီတော်ကိုထီးတင်ရာပုပ္ပါးဝန်သည်ထီးတော်နှင့်အတူရန်ကုန်သို့ စုန်ဆင်းလာ၏။ရွှေတိဂုံကုန်းတော်ပေါ်၏အနီးတွင်ပုပ္ပါးဝန်ကထီးတော်ရုံယာယီဆောက် ကာခေတ္တထားရာ၌ထီးတော်ရုံကိုထီးဖြူနှစ်လက်မိုးထား၏

ထိုစဉ်တွင်အိန္ဒိယဘုရင်ခံချူပ်လာဒ်မင်းကြီးသည်ရန်ကုန်သို့လာရာမှထီးတော်ရုံအနီး ၌ပင်ယာယီတဲနှင့်နေ၏။လာဒ်မင်းကြီးယာယီတဲတွင်ထီးတော်ရုံကဲ့သို့ထီးဖြူနှစ်လက် မိုးထားကာစံနေရာမြင်ရသူမြန်မာတိုင်းမချိကြ။လာဒ်မင်းကြီးသည်အိန္ဒိယသူပုန်တို့်က နောက်ကြောမှဓါးနှင့်နှစ်ချက်ထိုးကာလုပ်ကြံလိုက်သဖြင့်သေဆုံးသွားသည်တွင်မောင် ဖေငယ်စာချိူးတော့၏။

.....ထီးဖြူရုံပြဿဒ်နှင့်၊မအပ်တဲ့မရာ၊လဒ်ဆ်ိုတဲ့မိစ္ဆာ၊ပိတ်ရှာပြီ ၀ီဇီ၊ဘုန်းမတန်ဘုန်း တန်ကြံ ဆုံးရုပ်နံ၊လားရ ဇီဝီ၊မင်းတုတုခွေးသေသေတယ်၊သွေးထွေထွေယိုဘိ၊လဒ် ရန်ဇတ်ဒါဏ်တိ၊နတ်ဖန်ဘိဘုန်းတော်၊ကျွန်းစင်္ကာပူတလွှား၊ရွှေဓါးပွါးသတရသနော်၊

လှေခါးတက်ပေါ်၊ထီးဖြူတော်နှစ်ချက်ကြောင့်၊သင့်အသက်ထွက်လွယ်စေ၊ဒါးနှစ်ချက် လေးလက်ဖြင့် လေးချက်မွှေမည်ဘေးသက်သေ၊လက်ငင်းဗျလေး။.......

မောင်ဖေငယ်၏စာကိုတွေ့ရသောအောက်မြန်မာပြည်မှအင်္ဂလိပ်တို့သည်မင်းတုန်း မင်းကြီးထံသို့လျှောက်ထားတိုင်ကြားကာကန့်ကွက်၏။ထိုစဉ်ကမင်းတုန်းမင်းသည် အင်္ဂလိပ်တ်ို့အားပေါင်းသင်းနေရချိန်တွင်နိုင်ငံရေးစိတ်ထက်သန်သည့်စာဆိုတော် ကလေး၏ဘေးကြောင့်အမူမပွားဆိုသဖြင့်မောင်ဖေငယ်ကိုထိတ်တုံးခတ်ခါအကျဉ်း ချထား၏။

.......သမုတိအတွကင်င၀က်ကဒဏ်ခံ၊အထက်ကကြံဟန်ကိုရွှေနန်းစံမသိ၊ရှစ်ခုနှစ် တောင်မျက်နှာတွင် မက္ခရာမင်းနှင့်ပါဘိ၊ပလိပ်ကြောင်းအောင်ပန်းခွေ၊မောင်ထမ်း ချေနေဘိ၊ညောင်ရမ်းဆွေရ၀ိနှင့်ပြကတိ မသွေ၊ရန်သူတော်ရွှေဘိုသွား၊ဖေကိုဘွား ခဲ့ရသက်သေ ၃ခုနှစ်ကုလားပြေ၊ဇယားခြေဇတ်ကြီးနှင့်တသီးပချင်းနိုင်ငံ၊ကူးခဲ့ပုံစံ ယခုဖြင့်ကောင်းမွေလွန်တယ်-ဆိုးမွေခံထိပ်တုံးနှင့်လေး။........

သီပေါမင်းသားသည်မယ်တော်ရှင်ဖြူမရှင်အလယ်နန်းတော်ဖုယား၏သ္မီးလတ်၊

မြတောင်မြို့စားထိတ်စုံဘုရားလတ်နှင့်ကျောင်းသားဘ၀စါပေသင်အဲနေစဉ်ကပင် ချစ်ကျွမ်းဝင်ခဲ့ရာမင်းသားနှင့်မင်းသ္မီးအပြန်အလှန်ပေးကြသည့်တေးထပ်များစာများ သည်မောင်ဖေငယ်ရေးပေးသည်ဟုဆို၏။

မောင်ဖေငယ်သည်ဒိုင်းဝန်နှင့်ဒိုင်းဝန်ကတော်တုိ့ကမွေးစားသောသားဖြစ်ပြီးဒိုင်း ၀န်နှင့်ဒိုင်းဝန်ကတော်တွင်ခင်ခင်ကြီး(ဒိုင်းခင်ခင်)ဟုမွေးစားသ္မီးငယ်ကလေးရှိ၏။

သူတ်ို့နှစ်ယောက်နေရာချရန်ရာထားသည့်အတိုင်းမောင်ဖေငယ်ကဒိုင်းခင်ခင်ကြီး အပေါ်တွင်ချစ်မိသောလည်းဒိုင်းခင်ခင်မှာငယ်လွန်းသဖြင့်မပြောဘဲအလိုလိုက်ကာ အကြိုက်ပြုခဲ့ရ၏။

ဒုတိယပိုင်း(ဇတ်သိမ်း)ကိုနောက်အပတ်လောက်မှာတင်ဆက်သွားပါ့မည်။

၁၉၅၂-ခုနှစ် ဒိုင်းခင်ခင်ပြဇတ်တွင်သရုပ်ဆောင်နေကြသော

ဦးသုခ၊ဦးခင်မောင်လတ်၊ဒေါ်ခင်မျိူးချစ်နှင့်ဒေါ်လှသန်း

Read More