အတွေးအမြင် ၂၀၁ ဒီဇင်ဘာလ ၂၀၀၈ တွင်ဖော်ပြထားသော
နိုင်ငံတကာပန်းချီခံစားမူ
King Cophetua and the Beggar Maid
by sir Edward Coley Burne-Jones(1833-1898)
ဘုရင် ကိုဖီတူရာ နှင့် သူတောင်းစားမိန်းခလေး
ဂျူနီယာဝင်း
sir Edward Coley Burne-Jones သည်အင်္ဂလိပ်လူမျိူးပန်းချီဆရာ၊ဒီဇိုင်းဆရာ၊သရုပ်ဖော်
ပန်းချီဆရာဖြစ်ကာEdward Coley Jones အမည်ရင်းဖြစ်သည်။သူ့ကိုBirmingham ဒေသ
တွင်၁၈၃၃တွင်မွေးဖွားသည်။ အော့စ်ဖို့တက္ကသိုလ်တွင်ပညာသင်ခဲ့သည်။
Pre-Raphaelite (ရေဖယ်ခေတ်ကိုအစပျိူးသည့်ပန်းချီခေတ်) ကပန်းချီဆရာတစ်ဦးဖြစ်သူ
Dante Gabriel Rossetti၏သင်ကြားမူအောက်ကထွက်လာသူဖြစ်သည်။သူ၏လက်ရာများ
သည်လူပုံပန်းသဏာန်ဟန် ဟန်အမူအရာ အလယ်ခေတ်ကပန်းချီလက်ရာဒီဇိုင်းများ
စိမ့်ဝင်စီးဝင်လျက်ရှိသည်။အလယ်ခေတ်ကကျေးလက်ဟန်ပန် သမ္မကျမ်းစာလာအကြောငး်
အရာများ ၎င်းတို့၏ခံစားမူများ စိတ်ကူးယဉ်အိပ်မက်ထဲကဇာတ်လမ်းဇာတ်ကွက်များ
ကိုသူရေးဆွဲသောပန်းချီကားများတွင်တွေ့ရသည်။ယင်းသည်သူတက်ရောက်ပညာသင်
ခဲ့သော Pre-Raphaelite ကျောငး်၏အကောင်းဆုံးလက်ရာများကြားစီးဝင်ခဲ့မူဖြစ်လေ
သည်။သူရေးဆွဲခဲ့သည်များထဲက King Cophetus and the Beggar Maidသည်လန်ဒန်က
Tate ပန်းချီပြခန်းတွင် (၁၈၈၄ )ထားရှိပြီးအကောင်းဆုံးလက်ရာတစ်ခုဖြစ်သည်။
၁၈၉၄ခုနှစ်တွင် ဆာဘွဲ့ရရှိခဲ့ပါသည်။
ယခုရွေးချယ်ပြထားသောပန်းချီကားသည်များစွာသောဝေဖန်မူများစွာက
သူ၏အကောင်းဆုံးလက်ရာအဖြစ်သတ်မှတ်ခံခဲ့ရသောပန်းချီကားတစ်ချပ်ဖြစ်သည်။
ပန်းချီဆရာsirEdwardColeyBurne-Jones(1833-1898)သည်ပန်းချီကားကမ်းဗတ်စ်ပေါ်မှာ
စိတ်ကူးနှင့်ပုံဖော်သ၍အသဲနှလုံးများအား
ထိရှသွား စေလောက်သည့်ဘယ်တော့မှမသေသည့်ခံစားမူများကိုပေးခဲ့ပါသတဲ့။
Burne-Jones (ဘန်းဂျူံးစ်) သည်လှပသည့်ဒဏာရီများကို
ပုံဖော်ရာ၌ပြောင်မြောက်လှသူဖြစ်လေသည်။မြင်ရသောမြင်ကွင်းကယင်းကိုသရုပ်ဖော်
ထားပေသည်။သူကစံပြလောက်သူများကိုချယ်မှူန်းသည်။ပြီးတော့ထိုသူများကိုသူ့
ကိုယ်ပိုင်ကမာ္ဘတစ်ခုကိုဖန်တီးပေးသည်။ယင်းသည်ပင်သူ့ခေတ်ကတခြားသောပန်းချီ
ဆရာများကြားတွင်ထူးခြားမူဖြစ်လေသည်။ယခုဖော်ပြထားသောပန်းချီကားသည်ထို
အရည်အချင်းများကိုပြသလိုက်ခြင်းပင်ဖြစ်ပါသည်။မြင်တွေ့ရသည့်သူတောင်းစား
မိန်းခလေးသည်ကဗျာဆရာကြီး Tennyson(တယ်နယ်ဆင်) ရေးစပ်သောကဗျာ
ထဲကအတိုင်းပင်ဖြစ်နေလေတော့သည်…..
"ကောင်းကင်ယံတိမ်တိုက်တွေကြားကလမင်းကြီးရဲ့တောက်ပမူကြောင့်
သူမရဲ့နွမ်းပါးတဲ့အဝတ်အစားကိုမြင်ရတယ်။
သူမရဲ့ခြေမျက်စေ့ကိုတစ်ယောက်ကချီးမွန်း
သူမရဲ့မျက်လုံးတွေကိုတစ်စုံတစ်ယောက်ကချီးကျူး
သူမရဲ့နက်မှောင်တဲ့ဆံနွယ်တွေကိုတစ်ဦးကချီးမြှောက်
သူမရဲ့ချစ်ဖွယ်အမူအယာတွေကိုတစ်စုံတစ်ဦးကချီးမွန်းခန်းဖွင့်
ဘယ်လိုနေရာကကြည့်ကြည့်လှလိုက်တဲ့မျက်နှာလေး
ဒီကမာ္ဘပေါ်မှာဘယ်နေရာရာမှာမှမမြင်ဘူးတဲ့အလှ၊
ဘုရင်ကိုဖီတူရာ က တော်ဝင်တဲ့ကျမး်သစ္စာကိုအခုလိုကျိမ်ဆိုလိုက်ပြီ……
"ဟောဒီသူတောင်းစားမိန်းခလေးဟာငါ၏ဘုရင်မဖြစ်ရမည်။" "
ပန်းချီဆရာသည်ကျွနိုပ်တို့အားထိုသတောင်းစားမိန်းခလေး သနားစဖွယ်ကောင်းသော
တွေဝေသော ဟန်ပန်များဖြင့်သူမ၏နွမ်းပါးသောမီးခိုးရောင်အဝတ်အစားဖြင့်ဘု၇င့်
သလွန်ပေါ်မှာထိုင်နေသည် ကိုရေးဆွဲချယ်မှူန်းပြထား၏။သူမမှာဖိနပ်မပါ။
သူမလက်မောင်းများမှာလည်း
အဝတ်ဗလာ။သူ့ရှေ့အောက်ခြေမှာတော့ဘုရင်ကထိုင်နေသည်။ဘုရင့်လက်ထဲတွင်
အဖိုးတန်ရတနာသရဖူကိုကိုင်ထားသည်။သူမအားသူ၏ချစ်ခြင်းမေတ္တာကိုလက်ခံပေးဖို့
ခွင့်ပန် မော့ကြည့်နေဟန်ဖြစ်သည်။
ပန်းချီဆရာသည်ထိုချစ်ခြင်းမေတ္တာကိုသူ့ပန်းချီကားထဲတွင်မျူးတူးစွာချယ်မှူန်းလိုက်၏။
ထို့ပြင်သူ့ပန်းချီကားကိုကြည့်လိုက်သူတိုင်းအသေးစိတ်ကိုဂရုပြုမိသွားရသည်။
ပြီးတော့သူကဆေးရောင်စုံများစွာကိုလည်းအားပါးတရထည့်သွင်းရေးဆွဲထားသည်။
သူ၏စိတ်ကူးများစွမ်းပကားနှင့်အနုပညာလက်ရာပေါင်းစပ်လိုက်တော့ပန်းချီကျောင်းသား
များ နှင့် ပန်းချီချစ်သူတို့အတွက်ကျေနပ်ပျှော်ရွှင်စရာတွေကိုပေးစွမ်းလိုက်သည့်
ပန်းချီကားတစ်ချပ်ဖြစ်သွားလေတော့သည်။
No comments:
Post a Comment