ပြည်သူလူထုကြီးမှာကိုယ်တတ်နိုင်သလောက်လေးကို
ဒုက္ခသည်များအားပေးလှူခဲ့ကြပါသည်။
မအူပင် ကျိူက်လတ် ဖျာပုံ ဒုက္ခသည်စခန်းများသို့
ဂျူနီယာဝင်း နှင့်သူ့မိတ်ဆွေများသွားရောက်လှူဒါန်းခဲ့
ကြစဉ်က။
ဂျူနီယာဝင်း မှသူခံစားခဲ့ရသမျှကိုတင်ပြလိုက်ပါသည်။
”ကိုယ့်ထက်အသက်ကြီးတဲ့ဦးကြီးတစ်ယောက်က
ကျွန်မကို - ကျေးဇူးတင်ပါတယ်ခင်ဗျာ၊ကျမ်းမာချမ်းသာကြပါစေကွယ်-
လို့ရိုရိုသေသေပြောပါတယ်။တကယ်တော့ကျွန်မတို့ဟာသူတို့နဲ့
ဘာမှမထူးခြားသူတွေပါပဲ။နာဂစ်မုန်တိုင်းကြီးဆိုတာဟာ
သဘာဝဘေးပါပဲ။ဘယ်သူမဆို ကျွန်မတို့တောင်မှ
ဒီဘေးဒဏ်ကိုမရှောင်ရှားနိုင်ပါဘူး။ခံရတဲ့သူတွေအချင်းချင်း
မို့လို့ကျေးဇူးတင်စကားကိုအခုလိုအပြောခံရတာ
တော်တော်လေးစိတ်မကောင်းဖြစ်မိရပါတယ်။”
”ဟောဒီကလေးကအသက်ငယ်ငယ်ပဲရှိဦးမယ်။သူကအ်ိမ်ထောင်
ဦးစီးအခေါ်ခံနေရပြီ။သူ့ရဲ့မိဘ၊အဘိုးအဘွားတွေဘယ်ရောက်
သွားလို့လဲလို့မမေးရက်ပါဘူးရှင်။”
”သူတို့တတွေဟာကိုယ့်အားကိုယ်ကိုးနေကြသူတွေပါ။
အခုတော့ဘာမှသွေးသားမတော်စပ်တဲ့သူတွေရဲ့အကူအညီ
ကိုရယူနေကြရပါတယ်။တချိန်ကြရင်ကျွန်မတို့ကို
ပြန်ပြီးဂရုစိုက်ပေးကြမယ့်၊ကျွန်မတို့တတွေကိုပြန်ပြီး
မေတ္တာတွေပြန်ပေးကြမယ့်သူတွေလို့ဆိုရင်မမှားပါဘူးနော်”
”ဧရာဝတီတိုင်းသူလေးတွေမှာသနပ်ခါးမပျက်ပါဘူး။ကလေးလေး
တွေမှာလဲသနပ်ခါးဘဲကျားနဲ့ပါ။သူတို့လေးတွေကိုမြင်ရတွေ့ရသူကို
စိတ်အေးချမ်းစေပါတယ်။သူတို့ကစကပ်မ၀တ်ဖူး။ထမီပဲဝတ်ပါသတဲ့။
အဲဒီလိုဒုက္ခတောထဲမှာအမှတ်မထင်တွေ့မြင်လိုက်ရတဲ့သူတို့လေးတွေရဲ့
ချစ်စရာကောင်းတဲ့အကျင့်စရိုက်ကလေးတွေဖြစ်ပါတယ်။”
”ကျွန်မတို့တတွေတတ်နိုင်သလောက်လေးနဲ့သူတို့လေးတွေကိုပေး
ဆပ်ခွင့်ရခဲ့တာပါပဲ။
ဟောဒီဒုက္ခတောထဲ၊ဟောဒီကပ်ဆိုးကြီးထဲကနေပြီး
စိတ်ချမ်းသာ၊ကိုယ်ကျမ်းမာနဲ့ရတနာသုံးပါးကိုဦးထိတ်ပန်ဆင်လျက်
မြတ်စွာဘုရားရဲ့အဆုံးအမတော်အတိုင်းလိုက်နာရင်း
အမြန်ဆုံးလွတ်မြောက်နိုင်ကြပါစေ လို့ အမြဲတန်းဘုရားရှိခိုးတိုင်း
ဆုတောင်းပေးနေပါတယ်။”
No comments:
Post a Comment