Article – Economic View and Traditional View – Junior Winစီးပွားရေးအမြင်နှင့် ရိုးရာအစဉ်အလာအမြင်. ဂျူနီယာဝင်း

စီးပွားရေးအမြင်နှင့် ရိုးရာအစဉ်အလာအမြင်

Article – Economic View and Traditional View – Junior Win

ဂျူနီယာဝင်း၊ မတ် ၁၃၊ ၂၀၁၃

ကျွန်မအဘွားကပြောပါသည်။

“ဘယ်နေ့ဘယ်ရက်မှာ မွေးတာလဲဆိုတာ မသိတဲ့ ဗမာလူမျိူးအဖြစ် ရပ်တည်ဖို့ဆိုတာ မဖြစ်နို်င်” … တဲ့။

ဒါကို သိမထားရင် ဘယ်ရက်က ဆံပင်ညှပ်ရမည်၊ ခေါင်းလျော်ရမည်ဆိုတာတောင် သိမှာမဟုတ်၊ မေမေကြီးက စာရေးဆရာ“ရွှေရိုး“၏ “မွေးနေ့သောကြာ၊  တနင်္လာ၊ ဆံညှပ်ကေသာ မပြုရ“ ဟူသော ရေးသားချက်ကိုပါ ဆွဲယူရှင်းပြခဲ့ပါသည်။ မြန်မာလူမျိူးများ၏ အယူအဆမှာ “မွေးနေ့ဆိုတာ ရက်သတ္တပတ်၏ ကိုယ်မွေးဖွားသောနေ့ကို ဆိုလိုပါသည်။

ကျွန်မတို့ အမွာမောင်နှမ (မောင်ရစ်နဲ့ ကျွန်မ) တို့က တနေ့တည်းဖွား ကြာသပတေးမွေးသူတွေ ဖြစ်သည်။ သည်တော့ ကြာသာပတေး၊ သောကြာနှင့် တနင်္လာနေ့တွေသည် ခေါင်းလျော်ဖို့ ဆံပင်ညှပ်ဖို့ ကံမကောင်းသော နေ့ရက်များဖြစ်ပါသည်။ ယင်းသည် ရှေးရိုးရာအစဉ်အလာအားဖြင့် ယုံကြည်လာသော ဗမာ့အလေ့အထတစ်ခု ဖြစ်ပါသည်။ ဒါကိုလိုက်နာလာတာ ကျွန်မတို့ကလေးဘဝကတည်းက ဖြစ်ပါသည်။ ကျွန်မ သတိထားမိခဲ့သည်မှာ တချိူ့သောဆံပင်ညှပ်ဆိုင်များသည် တနင်္လာနေ့နှင့် သောကြာနေ့များတွင် ဆိုင်များ ပိတ်ပါသည်။ လူအများစုသည် ထိုမိရိုးဖလာအစဉ်အလာများကို ဂရုတစိုက် လိုက်နာလိုကြပါသည်။

“ယနေ့ခေတ်”

တစ်နေ့မှာ ကျွန်မဆံပင်ညှပ်ဖို့ စိတ်ကူးရပါသည်။ ကျွန်မ၏ညီမတစ်ယောက်က တနင်္လာနေ့ သို့မဟုတ် သောကြာနေ့ကို ရွေးကာ ဆံပင်ညှပ်ခြင်းဖြင် ့ပို်က်ဆံချွေတာရာရောက်သည်ဟု အကြံပေးပါသည်။ ကျွန်မ  အစသူပြောတာ နားမလည်ပါ။  ကျွန်မတို့ ကာလကြာရှည်စွာ ယုံကြည်လာခဲ့တာက ထိုနေ့တွေသည် မြန်မာ့ရိုးရာအစဉ်အလာအရ ဆံပင်မညှပ်သင့်သော နေ့ရက်များ ဖြစ်ပါသည်။ သူကဆက်ပြောသည်မှာ ဆံပင်ညှပ်ဆိုင်အချိူ့သည် ထိုနေ့တွေမှာ ဆံပင်လာညှပ်သူများအား စျေးလျော့ပေးကြောင်း၊ အကြောင်းမှာ ထိုနေ့တွေမှာ ဆံပင်ညှပ်ဆိုင်လာသူ နည်းနေသောကြောင့်ဟု  ဆိုပါသည်။ သည်တော့ သူတို့က တနင်္လာနေ့နှင့် သောကြာနေ့တွေမှာ ဆံပင်ညှပ်ခ လျော့သည်ပေါ့။ ထို့ကြောင့် ထိုနေ့တွေမှာ အထူးသဖြင့် လာသူပိုများလာမည်။ ဒါစျေးလျော့ပေးလို့ပေါ့။ အံ့သြစရာပဲ။

“နိဂုံး“

ယခု ကျွန်မ သဘောပေါက်သွားသည်မှာ တခါတရံ တနင်္လာနေ့နှင့် သောကြာနေ့တွေမှာ ဆံပင်ညှပ်ဆိုင် တစ်ချိူ့ ကြိတ်ကြိတ်တိုးနေတာကို တွေ့ရခြင်း အကြောင်းရင်းဖြစ်ပါသည်။ သည်တော့ ပိုက်ဆံချွေတာသောအားဖြင့် ကျွန်မတို့၏ ဗမာ့ရိုးရာအစဉ်အလာတစ်ခုက ပျောက်ကွယ်သွားတော့မည်ဟု ခံစားမိပါသည်။ တစ်ချိူ့လူငယ်လူရွယ်များသည် တနင်္လာနေ့နှင့် သောကြာနေ့များကို ဆံပင်ညှပ်ခလျော့ယူသော ဆိုင်များရှိသောအသိကြောင် ့စီးပွားရေးရူထောင့်က ကြည့်ပါက ကံကောင်းသောနေ့များအဖြစ် မှတ်ယူထားကြတာကို တွေ့မြင်လို်က်ရပါသည်။ အထူးသဖြင့် ထိုနေ့တွေမှာ ဆံပင်ညှပ်ဆိုင်တွေကတော့ ဆံပင်လာညှပ်သူတွေ ကောင်းကောင်းရလို်က်တာပဲပေါ့။ သို့သော် ရှေးရိုးအစဉ်အလာ ရူထောင့်အမြင်ကကြည့်ရင်တော့ ကျွန်မတို့၏ရိုးရာအစဉ်အလာ ယုံကြည်မူကား တဖြည်းဖြည်း မှေးမှိန်လာပြီ ဖြစ်ပါတော့သည်။

(Junior Win ရေးသားသော Economic View and Traditional View ပို့စ်ကို Walking Through The Wonderland ဒစ်ဂျစ်တယ်စာအုပ်တွင် ဖော်ပြခဲ့သည်ကို ယခုကိုယ်တိုင်ဘာသာပြန်ဆိုထားသည်။ ယခုအခါ အတွေးအမြင် အမှတ်၂၅၂တွင် အင်္ဂလိပ်ဗမာ နှစ်ဘာသာဖြင့် ဖော်ပြခဲ့ပါသည်။)

(မှတ်ချက်။ ကိုယ်တိုင်ဆံပင်သွားညှပ်တုန်းက ဆံပင်ညှပ်ဆရာက မနက်ဖြန်ကျလာခဲ့ပါ။ ဆံပင်ကောက်မယ်၊ ဆံပင်ကို ကိုယ်ကြိုက်တဲ့အရောင် ဆိုးမယ်ဆိုရင် ၂၀ ရာခို်င်နှူန်း ဒစ်စ်ကောင့် ရှိသတဲ့။ ဘာလို့လဲ မေးမိတော့ တနင်္လနေ့ဖြစ်လို့ လို့ဆိုတာ သိရတယ်။ ကိုယ်တိုင်လက်တွေ့ကြုံခဲ့တုန်းက ရေးဖြစ်ခဲ့တာပါ။ သည်ဆောင်းပါးထဲက မရေးဖြစ််တဲ့အကြောင်းအရာများ ကျန်ခဲ့တယ်။ တနင်္လာဆိုတာ မြတ်စွာဘုရား တောထွက်တဲ့နေ့၊ ဆံတော်ချတဲ့့နေ့၊ သောကြာဆိုတာ မြတ်စွာဘုရား ဖွားမြင်တော်မူတဲ့ နေ့များဖြစ်ပါတယ်လို့ ကိုယ့်အဘိုးအဘွား၊ မိဘများက အမေးရှိလို့ အဖြေကြားနာဖူးပါတယ်။ ဒီနေ့သည်ရက်များကို ဗုဒ္ဓဘာသာဝင် မြန်မာလူမျိူးများက အလေးအနက်ထားပြီး ဆံပင်မညှပ်၊ ခေါငး်မရိတ်တဲ့နေ့များအဖြစ် သတ်မှတ်ခဲ့ခြင်း ဖြစ်ပါတယ်ဆိုတဲ့အကြောင်း ဖြည့်ရေးလိုက်ပါတယ်။)