တွေးမိသောအတွေးများ စာအုပ်တွင်ဖော်ပြခဲ့သောဆောင်းပါး။ဂျူနီယာဝင်း၏ပထမဦးဆုံးလက်ရာ။
“ဆက်ခံသူ”
တနေ့သ၌ကျွန်မထံသို့စာတိုက်မှဖြတ်ပိုင်းတစ်ခုရောက်လာပါသည်။၁၉၈၅-၈၆ပညာသင်နှစ်အတွက်ရန်ကုန်
တက္ကသိုလ်သို့သင်္ချာဘာသာရပ်ဖြင့်ပထမနှစ်တက်ရောက်ခွင့်ရကြောင်းအကြောင်းကြားသည့်ဖြတ်ပိုင်းဖြစ်ပါ
သည်။ဆယ်တန်းအောင်သည့်အမှတ်ဖြင့်လျှောက်မည်ဆိုလျှင်ရနိုင်သောဓာတုဗေဒနှင့်ရူပဗေဒဘာသာရပ်
များကိုမလျှောက်ပဲသိပ္ပံဘာသာရပ်တွင်အနိမ့်ဆုံးဖြစ်သောသင်္ချာကိုလျှောက်ခဲ့ခြင်းမှာသင်္ချာဆရာတစ်ဦးဖြစ်
သောကျွန်မဖခင်၏တိုက်တွန်းချက်ကြောင့်မဟုတ်ဘဲစာကျက်ရမှာပြင်းသောကျွန်မ၏မွေးရာပါစိတ်ဓာတ်ကြောင့်
သာဖြစ်ပါသည်။
တက္ကသိုလ်ပထမနှစ်တွင်ကျွန်မသည်အတန်းငယ်စဉ်တုန်းကလိုစာမေးပွဲအောင်မှတ်ရရန်သာစိတ်ဝင်စားခဲ့
ကြောင်းဝန်ခံပါသည်။တက္ကသိုလ်ဒုတိယနှစ်တွင်ကျွန်မ၏အသက်အရွယ်ကြောင့်လား၊ကျွန်မ၏အမွှာအကိုက
စက်မူတက္ကသိုလ်ကျောင်းသား၊ကျွန်မကသင်္ချာအဓိကကျောင်းသူဟူသောကျွန်မတို့မောင်နှမနှစ်ယောက်၏
အဆင့်အတန်းကွာဟမူကြောင့်လားတော့မသိပါ။ကျွန်မ၏အတွေးအခေါ်များပြောင်းလဲခဲ့ရပါသည်။ကျွန်မ
ငယ်ငယ်ကသင်္ချာကျသဖြင့်မျက်နှာငယ်နှင့်ဆရာမဆီလိုက်ခဲ့ရသောကျွန်မ၏ဖခင်။သင်္ချာဆရာကြီးသမီးက
သချာင်္ကျတယ်ဟူသောဖေဖေ့တပည့်များ၏လှောင်ပြောင်ရယ်မောသံတွေကိုခံနိုင်ရည်မရှိတော့သောကြောင့်
ဂုဏ်ထူးတန်းဝင်ချင်သောရည်ရွယ်ချက်များဖြင့်သင်္ချာဘာသာရပ်အပေါ်စိတ်ဝင်စားမူများသည်ကျွန်မထံသို့
ပြင်းပြစွာရောက်ရှိလာခဲ့ပါတော့သည်။
သို့ရာတွင်ကျွန်မ၏အကြီးမားဆုံးအခက်အခဲတစ်ခုမှာအလွတ်ကျက်ခြင်းဖြစ်သည်။ကျွန်မသည်မည်မျှခက်ခဲ
သောသင်္ချာပုစ္ဆာများဖြစ်စေနားလည်အောင်မှတ်သည်။အလွတ်ကျက်ရမည့်အဆင့်ကိုတတ်နိုင်သမျှရှောင်သည်။
ထို့ကြောင့်ကျွန်မငယ်စဉ်ကပြုမူခဲ့သည့်အတိုင်းနည်းနည်းလေးနားမလည်သည်နှင့်ကျွန်မ၏ဖခင်ကိုမေးမြန်းပါ
တော့သည်။ထိုအခါကျွန်မနှင့်ကျွန်မဖခင်အကြားတွင်နားမလည်မူများနှင့်ရင်ဆိုင်ခဲ့ရပါသည်။
ပုစ္ဆာတစ်ပုဒ်အားကျွန်မဖခင်အားမေးမိလျှင်နာရီဝက်တစ်နာရီကြာအောင်စာရွက်ပေါင်းများစွာနှင့်စိတ်ရှည်လက်
ရှည်ရှင်းပြတတ်သောကြောင့်တခါတရံအဆင့်တဆင့်လောက်ကိုနားမလည်ရုံလောက်နှင့်အချိန်ကုန်ခံပြီးမေးရန်
တွန့်ဆုတ်ခဲ့ရသည်။“ဒီကနေဒါဘယ်လိုဖြစ်သွားတာလဲ ဖေဖေ”ဟုကျွန်မကမေးလျှင်“စာရွက်နှင့်ဘောပင်ယူခဲ့
စမ်း၊ဒီအတိုင်းပြောလို့မရဘူး။အဲဒီနောက်ကွယ်မှာအတွေးအခေါ်တွေအများကြီးရှိတယ်။ဒီတော့သဘောတရား
ကိုသေသေချာချာပြောမှနားလည်မှာ”ဟုအမြဲတမ်းအပြောခံရသောကြောင့်ဖြစ်သည်။
“စာမေးပွဲခန်းထဲမှာအဲဒီအဆင့်ကိုအကြာကြီးစဉ်းစားနေရင်အချိန်တောင်လောက်မှမဟုတ်ဘူးဖေဖေ။သမီးအ
လွတ်ကျက်လိုက်တော့မယ်”ဟုအလွတ်ကျက်ရမှာကြောက်သောကျွန်မပင်လျှင်ကျွန်မဖခင်ကိုလက်မြှောက်ပြီး
စောဒကတက်ခဲ့ရသောအကြိမ်များမနည်းခဲ့ပါ။သို့ရာတွင်unseenကိုကြောက်သောကျွန်မ၊ဒါတွေသိမှunseen
ကိုစဉ်းစားတတ်မှာ၊တော်ကြာဂုဏ်ထူးတန်းမ၀င်ရင်ဘယ့်နှယ်လုပ်မလဲဟူသောစိုးရိမ်ကြောင့်ကြစိတ်များကြောင့်
ကျောင်းမှာသင်သောlectureအပြင်ဖေဖေသင်ပြပေးထားသောအချက်များကိုnotesပြန်ထုတ်ထားသောစာအုပ်
များကြားတွင်နှစ်မြုပ်ရင်းအပင်ပန်းခံကြိုးစားခဲ့ရပါသည်။
စာမေးပွဲဖြေခါနီးတွင်အချိူ့သောပုစ္ဆာများကိုအလွတ်ကျက်ခဲ့ရပါသည်။ဖခင်ကလည်းကျက်ရန်တိုက်တွန်းသော
ကြောင့်ကျွန်မထုတ်ထားသောnotesများကိုဘေးဖယ်ထားပြီးဒုတိယနှစ်စာမေးပွဲကိုအောင်မြင်စွာဖြေဆိုနိုင်ခဲ့
ပါတော့သည်။
ဂုဏ်ထူးတန်းကျောင်းသူဘ၀
ငယ်စဉ်ကတည်းကအလွတ်ကျက်ရမှာကြောက်သောကျွန်မသည်နားမလည်သောအကြောင်းအရာများကိုကျွန်မ
ဖခင်ကမည်မျှပင်အချိန်ကုန်ခံခံ၊စာရွက်ဘယ်လောက်ကုန်ကုန်လိုက်နာမှတ်သားသောအလေ့အကျင့်ကိုဆက်
လက်၍ကျင့်သုံးခဲ့ပါသည်။အကြောင်းမှာကျွန်မဖခင်သင်ပြပေးထားသောအတွေးအခေါ်များ၊သဘောတရားများ
၏အရေးပါပုံကိုပို၍သိလာသောကြောင့်ဖြစ်ပါသည်။
ကျွန်မငယ်စဉ်ကအသေအလဲကြိုးစားမှတ်သားခဲ့ရသောအကြောင်းအရာများသည်ယခုဂုဏ်ထူးတန်းတွင်ပြန်
လည်အသုံးချခွင့်ရလာပါသည်။အဘယ့်ကြောင့်ကျွန်မဖခင်ကဤအချက်တွေကိုအလေးပေးခဲ့ရသလဲဟူသော
မေးခွန်း၏အဖြေကိုအတန်းကြီးလာမှနားလည်ခဲ့ရပါတော့သည်။သို့ရာတွင်တခါတရံကျွန်မဖခင်၏ရှည်လျား
သောအသေးစိတ်လွန်းသောရှင်းပြချက်များကြောင့်သင်္ချာယူမိတာမှားပြီ၊တခြားဘာသာဆိုဖေဖေ့လည်းမေး
စရာမလိုဘူးဟုနောင်တရစိတ်များလည်းမကြာခဏဆိုသလိုဝင်လာတတ်ပါသေးသည်။
၁၉၉၃ခုနှစ်တတိယနှစ်ဂုဏ်ထူးတန်းကျောင်းသူဘ၀တွင်ဒုတိယနှစ်တုန်းကကဲ့သို့တက်ကြွသောစိတ်ဓါတ်များ
ပြန်ဝင်လာခဲ့ပါသည်။အကြောင်းမှာQualifyဖြစ်မှမဟာသိပ္ပံတက်ခွင့်ရမည်ဟူသောကန့်သတ်ချက်ကြောင့်ဖြစ်
ပါသည်။ကျွန်မတွင်အလွတ်ကျက်သောစိတ်ဓါတ်များမရှိတော့ပြီဖြစ်သောကြောင့်ယခုအရေးကြီးသောစာမေးပွဲ
အတွက်ကျွန်မ၏လေ့ကျင့်မူအစီအစဉ်ကိုတစ်မျိူးတစ်ဖုံပြောင်းလဲခဲ့ရပါသည်။
ပထမအဆင့်အနေနှင့်လုပ်ရိုးလုပ်စဉ်ဖြစ်သောနားမည်သောခက်ခဲသေပုစ္ဆာများကိုကျွန်မဖခင်ကိုမေးပြီးနားလည်
အောင်ကြိုးစားပါသည်။ဒုတိယအဆင့်အနေနှင့်ကျွန်မဖခင်ရှင်းပြသောအချက်များကိုဦးနှောက်ထဲတွင်စဉ်းစား
တတ်အောင်အစီအစဉ်ချပါသည်။နောက်ဆုံးအဆင့်အနေနှင့်ထိုပုစ္ဆာများကိုအလွတ်ချတွက်ခြင်းဖြစ်ပါသည်။ထို
သို့အလွတ်ချတွက်ရာတွင်ဖေဖေရှင်းပြထားသောအချက်များကိုဂုဏ်ထူးတန်းပထမနှစ်နှင့်ဒုတိယနှစ်တုန်းကလို
ချမရေးတော့ဘဲအတန်းထဲမှာသင်ထားသည့်အတိုင်းတစ်ကြောင်းပြီးတစ်ကြောင်းစိတ်ရှည်ရှညနှင့်အချိန်ယူစဉ်း
စားပြီးရေးချပါသည်။ယင်းကဲ့သို့အချိန်ယူချက်တွက်ခြင်းကိုပွဲမ၀င်ခင်အပြင်မှာကျင်းပဆိုသကဲ့သို့ထပ်ကာထပ်
ကာလေ့ကျင့်ပါသည်။ကျွန်မသည်စာမေးပွဲခန်းထဲတွင်အချိန်ကုန်အနည်းဆုံးနှင့်အမှန်ကန်ဆုံးအဆင့်ထိဖြေဆို
နိုင်သူတစ်ဦးဖြစ်အောင်ကြိုးစားခဲ့ရပါသည်။
ထိုအရေးကြီးသောတတိယနှစ်ဂုဏ်ထူးတန်းစာမေးပွဲအတွက်ကျွန်မလုပ်နေကျအလုပ်တစ်ခုကိုလုပ်ပါသည်။
ယင်းမှာဘာသာရပ်များနှင့်ပတ်သက်ပြီးမေးနိုင်သောမေးခွန်းများကိုကျွန်မဘာသာထုတ်ခြင်းဖြစ်ပါသသည်။
ထိုဘာသာရပ်များထဲမှAlgebraဘာသာအတွက်မေးခွန်းပေါင်း၇၀ရလာပါသည်။ထိုဘာသာဖြေရမည့်ညတွင်
ကျွန်မဖခင်အားပြပြီးspotရိုက်ခိုင်းပါသည်။သချာင်္ဆရာကြီးဖြစ်သောကျွန်မဖခင်ကကျွန်မထုတ်ထားသည့်ထဲ
မှရွေးပေးရာမေးခွန်း ၆၀ လောက်ရှိသွားပါသည်။ကျွန်မလုပ်ရိုးလုပ်စဉ်အတိုင်းspotရိုက်ခိုင်းတာဖြစ်သောလည်း
ဤမျှလောက်ရွေးပေးမည်မှန်းကြိုတင်ခန့်မှန်းပြီးသားဖြစ်ပါသည်။
ထိုAlgebraကိုကောင်းမွန်စွာဖြေနိုင်ပြီးအိမ်သို့ပြန်လာခဲ့ပါသည်။ကျွန်မပြန်ရောက်ပြီးသိပ်မကြာခင်တွင်ကျွန်မ
ဖခင်သည်ရုံးချိန်ထက်စောလွန်းစွာပြန်ရောက်လာပြီးအလောတကြီးမေးပါသည်။
“သမီးဘယ်နှပုဒ်ရလဲ။မနေ့ညကဖေဖေရွေးပေးတဲ့အထဲကတစ်ပုဒ်မှမပါဘူး။”
ကျွန်မက“ဟုတ်လား။သမီးကသိပ်တောင်သတိမထားမိဘူး။ဒါမျိူးကဖြစ်နေကျပဲ။ဖေဖေ့ကိုရွေးခိုင်းတယ်ဆိုတာ
လည်းအပျင်းပြေရွေးခိုင်းတာပါ။စိတ်မပူပါနဲ့ဖေဖေ။သမီးခြောက်ပုဒ်လုံးရတယ်”ဟုလက်မထောင်ပြီးပြန်ပြောနိုင်
ခဲ့ပါသည်။
အထက်ပါအလားတူအဖြစ်အပျက်မျိူးသည်ယခုမှအသစ်အဆန်းမဟုတ်ဘဲကျွန်မ၏ပညာသင်ကာလတစ်
လျောက်လုံးအမြဲတမ်းကြုံတွေ့နေကျဖြစ်သောကြောင့်ကျွန်မအတွက်မဆန်းတော့ပဲယခုလိုအောင်မြင်စွာဖြေ
ဆိုနိုင်ခဲ့ခြင်းဖြစ်ပါသည်။
ထိုမှတဖန်မဟာသိပ္ပံနောက်ဆုံးနှစ်ကျောင်းသူဘ၀သို့တက်လှမ်းခဲ့သောကျွန်မသည်မည်သို့မည်ပုံဆက်လက်
ကြိုးစားလျှောက်လှမ်းခဲ့ရသည်ကိုအထူးရေးသားပြစရာမလိုတော့ဟုယူဆမိပါသည်။ကျွန်မမဟာသိပ္ပံကျမ်းပြု
ကျောင်းသူဘ၀အထိသင်္ချာဆရာကြီး၏သမီးအနေနှင့်လျှောက်ခဲ့ရသောလမ်းတွင်ပတ်ဝန်းကျင်၏ကောက်ချက်
များနှင့်အမေးခံခဲ့ရသောမေးခွန်းများအပြင်သင်္ချာဆရာကြီး၏သမီးဟူသောအပေါ်ယံအမြင်ဖြင့်သုံးသပ်ချက်များ
ထင်မြင်ယူဆချက်များစွာကိုရင်ဆိုင်ခဲ့ရပါသည်။တချိူ့သောမေးခွန်းများမှာကျွန်မကိုယ်တိုင်ဘာပြန်ဖြေရမှန်း
မသိသောမေးခွန်းများဖြစ်ပါသည်။အောက်ပါတို့ကိုလေ့လာကြည့်စေလိုပါသည်။
သူငယ်တန်းမှရှစ်တန်း
“ဆရာ့သမီးကဒီလသင်္ချာနှစ်ဘာသာလုံးကျလို့ဆရာကျောင်းလိုက်သွားရတယ် ဟုတ်လား။ဆရာကသင်မပေး
ဘူးလား။သမီးကရောဖေဖေ့ကိုမမေးဘူးလား။”
(ဖေဖေ့တပည့်များ)
တက္ကသိုလ်ပထမနှစ်
“သချာင်္ဆရာရဲ့သမီးမို့သင်္ချာယူတာလား။အဖေကယူခိုင်းလို့လား။”
(အသိအကျွမ်းများ)
တက္ကသိုလ်ဒုတိယနှစ်
“နင့်ကိုမေးရတာစိတ်ကုန်လာပြီ။နင်ရှင်းပြတာအရှည်ကြီးပဲ။အဲဒါမသိလည်းဒီအတိုင်းကျက်ဖြေရင်လည်း
ရတယ်မဟုတ်လား။”
(ကျွန်မ၏သူငယ်ချင်းများ)
ပထမနှစ်ဂုဏ်ထူးတန်း
“သချာင်္ဆရာကြီးသမီးဆိုတော့ဂုဏ်ထူးတန်းဝင်မှာပေါ့။”
(အသိအကျွမ်းများနှင့်တက္ကသိုလ်မှဆရာဆရာမများ)
ဒုတိယနှစ်ဂုဏ်ထူးတန်း
“နင်သချှင်္ာတစ်ဘာသာမှဂုဏ်ထူးမပါဘူး။ဘယ်လိုဖြစ်တာလဲ။နင့်အဖေတော့တော်တော်ဆွေးသွားမှာပဲ။”
(အတန်းဖော်တစ်ဦး)
တတိယနှစ်ဂုဏ်ထူးတန်း
“နင့်အဖေကသင်္ချာဆရာဆိုတော့အရမ်းကံကောင်းတာပဲ။မေးစရာရှိရင်ချက်ချင်းကောက်မေးလိုက်ရုံပဲ။ငါတို့လို
တကူးတကသွားပြီးမေးစရာမလိုဘူး။အချိန်ကုန်လည်းသက်သာတယ်။”
(ကျွန်မ၏သူငယ်ချင်းများ)
“ငါ့ကိုပုစ္ဆာရှင်းပြစမ်းပါ။ပြီးတော့အေ၇းကြီးတာတွေပြောပါဦး။နင်ဘာတွေကြည့်လဲဟင်။”
(အတန်းဖော်များ)
မဟာသိပ္ပံနောက်ဆုံးနှစ်
“သမီးကဂုဏ်ထူးတန်းသိပ်ဝင်ချင်တာပဲ။မမတုန်းကဘယ်လိုကြိုးစားခဲ့သလဲဟင်။မမတို့တုန်းကသင်ရိုးနဲ့အခု
သင်ရိုးနဲ့မတူတော့ဘူးလို့ပြောတယ်။အဲဒါဘာဖြစ်လို့လဲဟင်။”
(ဒုတိယနှစ်မှညီမငယ်တစ်ဦး)
ယခုမဟာသိပ္ပံကျမ်းပြုကျောင်းသူဘ၀(၁၉၉၇)
“သချာင်္ဆရာ့သမီးဆိုတော့ဆရာ့ခြေရာနင်းတာပေါ့။”
(ဖေဖေ့တပည့်များနှင့်တက္ကသိုလ်မှဆရာဆရာများ)
ကျွန်မဖခင်သည်သင်္ချာဟူသောအမွေကိုပေးဝေသူဖြစ်၍ကျွန်မကဆက်ခံသူဖြစ်ပါသည်။ကျွန်မသည်ဆက်ခံသူ
တစ်ယောက်အနေနှင့်ထိုပညာအမွေကိုလွယ်လွယ်ကူကူရရှိခဲ့သူဖြစ်ခဲ့ပါသလား။ကျွန်မ၏ရှေ့ဆက်ရမည့်ခရီး
လမ်းသည်အဆင်ပြေချောမွေ့သောပန်းခင်လမ်းဖြစ်ပါမည်လား ထိုမေးခွန်းများ၏အဖြေကိုကျွန်မ၏ဆောင်းပါး
ကိုဖတ်ရူပြီးသောစာဖတ်ပရိသတ်များဖြေဆိုပေးနိုင်လိမ့်မည်ဟုမျှော်လင့်ရင်းကျွန်မ၏ဆောင်းပါးကိုနိဂုံးချူပ်
လိုက်ရပါသည်။
(ဆက်ပါဦးမည်။)
No comments:
Post a Comment