Monday, May 9, 2016

Book Review - ပျော်ဖုို့အတွက် စာဖတ်ပါ

စာအုပ်ကြော်ငြာ -

စာအုပ်အမည် - ပျော်ဖုို့အတွက် စာဖတ်ပါ
ရေးသူ - ဂျူနီယာဝင်း
ထုတ်ဝေသူ - ဦးသိန်းလွင် (လင်းလွန်းခင်စာပေ)
လ်ိပ်ကန်ပန်းခြံဈေး၊ လိပ်ကန်လမ်း တုိုက်(ဒီ) ပထမထပ် ပုဇွန်တောင်မြို့နယ်
၇န်ကုန်မြို့ ဖုန်း - ၀၉ ၂၂၀၁၇၃၀၊ ၀၉  ၄၂၀၁၄၅၂၃၁။
မျက်နှာဖုံး - ဗဂျီလင်းဝဏ
ပထမအကြိမ် မေလ ၂၀၁၆
အုပ်ေ၇ - ၅၀၀
တန်ဖိုး - ၂၀၀၀ကျပ်

ကုိုသီဟလတ်၏ တုိုက်တွန်းမူဖြင့် မြန်မာသစ်မဂ္ဂဇင်းတွင် ၂၀၀၉ ခုနှစ် ဒီဇင်ဘာလကနေ ၂၀၁၂ ဧပြီလတုိုင် ရေးသားဖြစ်ခဲ့သော ပျော်ဖုို့အတွက်သာစာဖတ်ပါ ဟူသောလစဉ်ဂဏထဲက စာအုပ် ၈၀ကနေ ယခုအခါ စာအုပ် ၄၀အကြောင်းကို လင်းလွန်းခင်စာပေကနေ ထုတ်ပေးလုိုက်လုို့ ယခု ထွက်ရှိလာတာဖြစ်ပါသည်။ စာဖတ်တယ်ဆုိုတာ ပျော်ဖုို့အတွက်ပဲ ဖတ်ရမည် ၊ ပျော်ဖုို့အတွက်သာ စာဖတ်ပါ ဟူသော ဦးခင်မောင်လတ်နဲ့ ဒေါ်ခင်မျိူးချစ်တုို့ မိသားစုလက်စွဲ ယုံကြည်မူဖြင့် ယနေ့ခေတ်စာဖတ်သူများကုို စာဖတ်ဖုို့အားပေးလုိုက်သော စာအုပ်တစ်အုပ်ဖြစ်သည်။ စာရေးသူကုိုယ်တုိုင် စာဖတ်ဖုို့အားပေးအားထုတ်ရင်းကနေ စာဖတ်တာစွဲသွားအောင် ကိုယ်တုိုင်ကုိုယ်ကျ လက်တွေ့ခံစားချက်ကနေ ရေးသားဖြစ်ခဲ့သော စာအုပ်တွေအကြောင်းဖြစ်သည်။ စာဖတ်ဖုို့အချိန်ပေးရခြင်း၊ တခြားသော ကိစ္စများအပေါ် အာရုံများခြင်း အစရှိသော အကြောင်းပြချက်များဖြင့် စာဖတ်ဖုို့ အချိန်မပေးနုိုင်ပါက စာဖတ်ဖုို့မည်သုို့မျှ ဖြစ်နုိုင်မှာမဟုတ်ပဲ အချိန်တွေကုန်မှန်းမသိကုန်သွားမည်ဖြစ်ကြောင်းကုို ထုိုညွှန်းထားသော စာအုပ်များကုို  ဖတ်မိရင်း ခံစားမိကြလိမ့်မည်။

စာရေးသူကုိုယ်တုိုင် မူရင်းအင်္ဂလိပ်ဘာသာဖြင့် ရေးသားထားသော စာအုပ်များကုို ဖတ်ရူပြီး ရေးသားချက်များဖြစ်တာကြောင့် စာဖတ်ပရိသတ်များအနေနှင့် သူရေးတာတွေဖတ်ရင်း စာဖတ်ဖုို့စိတ်ဝင်စားလာမည်ဆုိုပါက အတုိုင်းထက်အလွန် ၀မ်းမြောက်မိမည် ဖြစ်ပါသည်။ အာဏာရှင် ဟစ်တလာသည် သူကုိုယ်တိုင်စာဖတ်ခြင်းကြောင့် သူဘယ်လောက်ပညာတတ်ခဲ့ တာလဲဆုိုတာကုို သူအာဏာရချိန်မှာ ပြည်သူလူထုကုို စာဖတ်ခွင့်မပေးပဲ စာအုပ်တွေကုို မီးရူိူ့ဖျက်စီးခဲ့ပါသည်။ သူတုိ့ စစ်အာဏာရှင်တွေ၏ အိမ်မှာတော့ စာကြည့်တုိုက်နှင့်၊ စာအုပ်တွေအပြည့်ထားရှိတာ တွေဟာလည်း သမုိုင်းမှာ တကယ်ဖြစ်ခဲ့တာပါပဲ။ လူတွေစာဖတ်တာများ သည်လောက်ကြောက်ရသလားဟု အတွေးဝင်လာပါက သင်စာဖတ်ဖုို့နည်းနည်းစိတ်ပါလာပြီဟု ယူဆရမည်ဖြစ်ပါသည်။ ဘယ်နှစ်အုပ်ဖတ်ရင် စာဖတ်တာ အကျူိးရှိမှာလဲ ဟုသော မေးခွန်းကိုလည်း မဖြေတတ်ပါ။ ပျော်ဖုို့အတွက်သက်သက်ဖြင့်သာ စာဖတ်ဖုို့လိုပါသည်။ ဘာရည်ရွယ်ချက်နဲ့မှ စာဖတ်တာမျိူးကုို မလုပ်စေချင်ပါ။ စာဖတ်ရင်းနဲ့ ပျော်လာဖုို့သာ လုိုပါသည်။ စာဖတ်ရင်းပျော်လာလျင် စာဖတ်ပြီးရင်းဖတ်ချင်လာပါလိမ့်မည်။

စာအုပ်တစ်အုပ်ဖတ်ပြီးတဲ့အခါ စာရေးဆရာ အကြောင်းသိချင်လာမည်။ သူရေးသားချိန်တုန်းက သမုိုင်းနောက်ခံကုို သင်သိချင်လာမည်၊ သည်ဇာတ်လမ်းဘယ်လုိုရသလဲဟု သင်စိတ်ဝင်စားလာမည်၊ ၀တ္တုဇတ်ကောင်များကုို သင်စိတ်ကူးယဉ်မိလာမည်၊ ၀တ္တုထဲက ဇတ်ဝင်ခန်းများကုို သင်မမေ့နုိုင်ဖြစ်လာမည် …. သူတုို့ပြောသော စကားလုံးတွေကုို အလွတ်ရလာမည်၊ ထုိုဝတ္ထုကုို ရုပ်ရှင်ရုိုက်တာတွေကုို သင်ကြည့်ချင်လာမည်၊ ထုိုရုပ်ရှင်များကုို ၀တ္ထုနဲ့ ယှဉ်တွဲကြည့်မိကာ အားမလုိုအားမရတွေဖြစ်လာမည်၊ ထုိုစာရေးဆ၇ာ၏ အရေးအသားများ အလွန်ကြိုက်လာကာ သည်စာရေးဆရာရေးတာတွေ အကုန်ရှာဖတ်ချင်လာမည်၊ တခါတရံ စာကြောင်းတစ်ခုတွေ့တာနဲ့ ဒါသောမတ်ဟာဒီရေးတာပေါ့၊ ဒါက ချာ်းဒစ်ကင်းပေါံ့ဟု သူတုို့ရေးသားမူတွေကုို နည်းနည်းလောက် ဖတ်မိရုံနဲ့ သိလာမည်။ သင်ဖတ်ချင်သော စာအုပ်တစ်အုပ်ရှာမရရင် စိတ်မကြည်မလင်ဖြစ်ကာ အိပ်မပျော်နုိုင်ဖြစ်လာမည်၊ ကိုယ်ဖတ်ချင်သော စာအုပ်တစ်အုပ်မရမချင်း ဘာမှစိတ်ဝင်စားလုို့မရအောင် စိတ်တုိုနေမည်၊ စာအုပ်ရှားတဲ့တုိုင်းပြည်မှာ နေနေရလေခြင်းဟု ကိုယ့်ကုိုယ်ကိုယ် ဒေါသထွက်ကာ ပတ်ဝန်းကျင်ကုို မကျေမနပ်ဖြစ်လာမည်။  ဒါတွေဟာ စာဖတ်တာစွဲရင်းကနေ ရတဲ့အရသာတွေပဲဖြစ်ပါလိမ့်မည်။ သည်တော့ စာဖတ်ဖုို့တနေ့ကုို ၃နာရီလောက်ပေးပြီး ကုိုယ့်ဘ၀မှာ စာဖတ်တာနှင့်ကျေနပ်နေပြီဟု သင့်မှာခံစားမိဖုို့ ကြိုးစားရမှာ လွယ်တော့မလွယ်ပါ။ သုို့သော် ဤသိုို့သောစိတ်ဖြင့် တကယ်စာအုပ်တွေဖတ်ပြီး ပျော်ရွှင်နေသူတစ်ဦးက ရေးလုိုက်သော စာအုပ်တွေအကြောင်းကုို သင်ဖတ်လုိုက်ပါကလည်း သူ့လုိုစိတ်လေးဝင်သွားမည်ဆုိုပါလျှင် အလွန်ကျေနပ်စရာဖြစ်ပါလိမ့်မည်။

စာဖတ်ရင်းဖြင့် ပျော်ရွှင်ကြပါစေ။



Book Review - မောင်တုို့ယောင်္ကျား

စာအုပ်ကြော်ငြာ

စာအုပ်အမည် - မောင်တုို့ယောင်္ကျား
ရေးသူ - ခင်မျိူးချစ်
ပထမအကြိမ် - ၁၉ ၄၈
ဒုတိယအကြိမ် - ၂၀၀၃
တတိယအကြိမ် - ၂၀၁၆ဇန်န၀ါရီ
ဇွန်ပွင့်စာအုပ်တုိုက် အမှတ် ၂၅၇၊ ၃၉ လမ်း
ကျောက်တံတား၊ ရန်ကုန်။
မျက်နှာဖုံးဒီဇုိုင်း - ၀င်းမြင့်ဦး
အုပ်ရေ - ၅၀၀
တန်ဖုိုး - ၁၈၀၀ကျပ်

ဂျပန်ခေတ်တွင်း ဆုိုးဝါးစွာကျော်ဖြတ်ခဲ့ရသည့် ကံတရားလှိူင်းတံပုိုးကုို အပျော်ခရီးထွက်သလုို ပျော်ပျော်ကြီးစီးနေကြသော ဦးခင်မောင်လတ်နဲ့ ဒေါ်ခင်မျိူးချစ်တုို့ မောင်နှံ၏ အဖြစ်အပျက်တစိတ်တဒေသကုို လှစ်ဟပြခဲ့သည့် သည်ဝတ္ထုအဖြစ် ဆရာတင့်တယ်က ရည်ညွန်းရေးသားထားလေသည်။ ဘာလုို့ဆုို သူကုိုယ်တုိုင်က သူတုို့နှစ်ဦးအကြောင်း အနီးကပ် သိထားသောကြောင့် ဖြစ်လေသည်။ ထုိုဝတ္ထုထဲကအဓိကဇာတ်လုိုက်သည် မုဆုိုးဖုိုတစ်ဦးဟု ရေးသားခဲ့ခြင်းကြောင့် ဒေါ်ခင်မျိူးချစ်၏ ခင်ပွန်းဦးခင်မောင်လတ်ကုို စာဖတ်ပရိသတ်က မုဆုိုးဖုိုဟု အထင်ရောက်ရပုံကုို သူတုို့နှစ်ဦးပြန်ပြောင်းပြောဆုိုကြကာ ရယ်မောနေကြတာ တွေ့ဖူးပါသည်။ ၀တ္ထုသည် သွက်လက်စွာပင် လှူပ်ရှားလျက်ရှိကာ စာဖတ်သူများအား ပွင့်လင်းတောက်ပသော အမြင်များဖြင့် ဇာတ်ကွက်များသည် သင့်စိတ်အာရုံအား တဖြေးဖြေးဖမ်းစားသွားမည် ဖြစ်ပါသည်။ ဆရာတင့်တယ်၏ မှတ်ချက်အရ ဤ၀တ္ထုကြီးကား တကယ်ပင်ထူးသော ၀တ္ထုဆန်းကြီးတစ်ပုဒ်ဟု ဆုိုပါက ဒေါ်ခင်မျူိးချစ်ကတော့ “ကြံကြံဖန်ဖန်….. ရုိုဇာအီလီရစ်ခ်ျ ဘလူးရီးဖေးစကီး ကုိုဖတ်ဖူးဖူးလား“ ဟု ပြန်ပြောလေမည် ဖြစ်ပါသည်။ သည်တော့ စာကြီးပေကြီးများ ဖတ်ရည်ဝနေသော ဒေါ်ခင်မျိူးချစ်က သူ့ပညာစွမ်းဖြင့် ဖန်တီးလုိုက်သော မောင်တုို့ယောင်္ကျား ၀တ္ထုကြီးသည် တကယ်ပဲ မြန်မာ့တေးသံများစီးဝင်နေသော၊ အနှစ်သာရပြည့်ဝသော၊ မြန်မာအမျိူးသမီးလေးများ၏ သဘောသဘာဝကုို ပေါ်လွင်သော၊ အိမ်ထောင်ရှင်အမျိူးသား အမျိူးသမီးများ၏ဘ၀ကို စူးရှသောအမြင်များဖြင့် ရေးသားထားသည့် ချစ်စရာ မြန်မာဝတ္ထုကောင်းတစ်ပုဒ် ဖြစ်သွားလေတော့သတည်း။