“မိုုးမခ” ပျိုးချချိန် (မောင်ရစ်တိုု့ရဲ့ နောင်တခေတ်) ဟံသာဝတီ ဦးဝင်းတင်

ဘဘဦင်္းဝင်းတင် လက်ရေးနှင့် ဆောင်းပါးတောင်းစဉ်က... ဘဘရေးပို့စဉ်က....

ဘဘကျမ်းမာလာပါစေ

ဆုတောင်းလျက်

မောင်ရစ်၊ဂျူနီယာဝင်း မိသားစု 

 

(ဘဘလက်ရေး ဂျူနီယာသို့)

၂/၃/၁၄

ဂျူနီယာ

            ဆောင်းပါးတော့ရေးပြီးသွားတယ်၊

ပြန်ဖတ်ချိန်မရလိုက်ဘူး။

            ကွန်ပြူတာစာစီပြီးရင်

Proof ပြန်ပို့ပေးပါ။ တခေါက်ပြန်

စစ်ပါရစေ -

ဦးဝင်းတင်

 

(မြန်မာပြည်အတွင်းထုတ်ဝေမည့် မိုးမခ မဂ္ဂဇင်းအတွက် ဆရာကြီး ဦးဝင်တင်ရဲ့ အမှာစာ ဖြစ်ပါတယ်)

“မိုုးမခ” ပျိုးချချိန် (မောင်ရစ်တိုု့ရဲ့ နောင်တခေတ်)

ဟံသာဝတီ ဦးဝင်းတင်

မတ်လ ၂၉၊ ၂၀၁၄

 (ဘဘဦးဝင်းတင်နှင့်အတူ အမှတ်တရ။)

(၁)

ကျုုပ်ဒီစာကိုု ဆယ်ကျော်သက်စိတ်ထားနဲ့ ရေးသဗျာ။ “ဟား ဟား ဟား …” (ရှစ်) ဆယ်ကျော်သက်ကိုု ပြောတာပါ။ ကျုပ်အသက်က ရှစ်ဆယ်ငါးဆိုုတော့ ကိုုးဆယ် တဝက်ကျိုးပြီပေါ့။ ဒီအရွယ် စကားပြောလိုု့၊ စာရေးလိုု့ တယ်မကောင်းလှဘူးဗျ။ လူက မခိုုင်၊ လက်ကယိုုင်၊ အာက အော့အစ်၊ လျှာကထစ် နေပြီကိုုး။

ဒီစာကိုု အစမ်းစာလေးလိုု ရေးချင်တယ်။ အလွမ်းစာလေးလိုုလဲ ဖွဲ့ချင်တယ်။ အရွှမ်းစာလေးလိုုလဲ နွဲ့ချင်တယ်။ အကြမ်းစာကြီးလိုုလဲ ကြိမ်းချင်တယ်။ အမှန်းစာကြီးလိုုလဲ ဟိန်းချင်တယ်။ စုုံလိုု့ ပေါ့ဗျာ။

ဒီအသက်အရွယ်ဆိုုတာ ဘဝအလင်းရောင်တွေ မှုန်မိုုက်၊ ဘဝခံစားချက်တွေ တုုန်ခိုုက်တဲ့ အချိန်မဟုုတ်လား။ စိတ်ကူးကတော့ ဘဝဂန္ထဝင် သံစုုံတီးဝိုုင်းကြီးကိုု ဟောဟောဒိုုင်းဒိုုင်း ဟိန်းဟိန်းညံညံ အသံပေါ် အသံဆင့် မိုုးလုုံးပွင့်အောင် တီးခတ်သလိုု ရေးလိုုက်ချင်တာ။ ဗုုံသံပေါ် ဆိုုင်းသံကြီးဆင့်၊ တယောသံပေါ် “ချယ်လိုု” သံကြီးဆင့်သလိုု သံစုုံမြှင့် ရေးလိုုက်ချင်တာ။ အသံစုုံပေါ့လေ။ မိုုးမခပွင့်လေးရဲ့ လန်းဆန်း သိမ်မွေ့မှုနဲ့ မိုုးကြိုးလျှပ်စီးရဲ့ တုုန်ဟည်းချိမ်းဟစ်မှုကိုု ဆစ်ပိုင်း ပေါင်းဖွဲ့ သီကုုံး နှောစပ်တဲ့ အသံစုုံဖြစ်စေချင်တာ။

မိုုးမခပျိုးချချိန်ဟာ မောင်ရစ်တိုု့ရဲ့ နောင်တခေတ်ဖြစ်တယ်။ ကလောင်ဦးလှည့်တာကတော့ ဘဝစုုံ၊ ကာလစုုံ၊ ကိစ္စစုုံ၊ ခေတ်ဂနိုုင်စုုံ တောမြိုင်ကြီးထဲက မိုုးမခပင်ကလေးနဲ့ သူရဲ့ ပျိုးလက်ရှင် မောင်ရစ်တိုု့ရဲ့ ဗီဇ၊ ဇာစ်မြစ်၊ ဘဝရှင်သန်မှုနဲ့ ရုုန်းကန် အားမာန်တွေကိုု သဗ္ဗရနာမ်ပေါင်း သောင်းပြောင်းထွေလာ ပြောပြချင်တာ။

(၂)

မောင်ရစ်က သူ့မဂ္ဂဇင်းသစ်ကိုု ဆယ်နှစ်သက်တမ်း နံမယ်ဟောင်းနဲ့ပဲ ထုုတ်မယ်။ “မိုုးမခ” ။ မိုုးမခသံကြားတော့ နှစ်ခြောက်ဆယ်ကျော်က ကဗျာပဲ့တင်သံ ကျုပ်နှလုုံးသားကိုု ပွတ်တိုုက် ရိုုက်ခတ်လာတယ်။

၁၉ ၅၀ နှစ်များရဲ့ အစဦးပိုုင်းလောက်မှာ မောင်ရစ်တိုု့ အဖိုုး၊ ဆရာကြီး ဦးခင်မောင်လတ်က ရန်ကုုန်တက္ကသိုုလ် အင်္ဂလိပ်စာဌာနမှာ ကထိကလုုပ်နေတယ်။ အဖွား ဒေါ်ခင်မျိုးချစ်က မြန်မာနိုုင်ငံ ဘာသာပြန်စာပေအသင်း (စာပေဗိမာန်) မှာ အယ်ဒီတာလုုပ်နေတယ်။ ကျူပ်ကလည်း အသက် ၂၀ ငယ်ငယ်ရွယ်ရွယ်နဲ့ စာပေဗိမာန်အယ်ဒီတာ ဖြစ်လာတယ်။

၁၉ ၅၂ မှာ ဒေါ်ခင်မျိုးချစ်ရော၊ သူတိုု့နဲ့အတူနေ ဦးသိန်းမောင် (စာရေးဆရာ ထင်လင်း) ရော ကျုပ်ပါ ၀ိဇ္ဖာစာမေးပွဲ ဝင်ကြတယ်။ ဘာသာရပ်တူ (အင်္ဂလိပ်စာ၊ နိုုင်ငံရေးဗေဒ၊ ဥရောပခေတ်သစ်သမိုုင်း၊ ပင်ရင်းအင်္ဂလိပ်စာ) ဖြေကြတယ်။

အင်္ဂလိပ်စာပေ သင်ရင်း နိုုင်ငံစုုံစာပေရဲ့ ကဗျာတွေကိုု လေ့လာရတယ်။ မှတ်မိသလိုုရှိနေသေးတဲ့ ကဗျာတွေထဲမှာ William C. William ရဲ့ “မိုုးမခ” ကဗျာလေးပါတယ်။

မိုုးမခပါတကား

နွေနှောင်းရက်ကျန်

ကာလလွန်ပြီ။

နေဒဏ်မှာ ရွက်မကြွေ

နေရှိန်မှာ မပျောင်း မခွေ

နှောင်းနွေ ရွက်ကျန်

မညို မဝါ မရွှေ။

တကိုုယ်တော် မိုုးမခရေ

ရေစပ်မြစ်ကမ်းပါး

သစ်အုုပ်တွေကြားမှာ

အများနဲ့ ကင်းကင်း

မာန်ပြင်းအားနဲ့ မားမားရပ်တယ်။”

(William Carlos Williams (17 September 1883 – 4 March 1963 / New Jersey)

အဲဒီအချိန်က လွတ်လပ်ရေးတိုုက်ပွဲဝင် စာရေးဆရာမကြီး ဒေါ်ခင်မျိုးချစ်တိုု့မိသားစုု ရန်ကုုန်တက္ကသိုုလ် တကောင်းဆောင်ဝင်းကြီးထဲမှာ နေတယ်။ “အေးရိပ်သာ” ဆိုုတဲ့ တန်း လျားလေးမှာ။ စာရေးဆရာ သော်တာဆွေတိုု့၊ ကဗျာဆရာမ ကြည်အေးတိုု့၊ နာမည်ကျော် အနုုပညာရှင် တက္ကသိုုလ်ကျောင်းသူ မလှသန်း (နောင် လေတပ်ဗိုုလ်ကြီးမမ)။ င်္ပြးတော့ ကျုပ်တိုု့ရဲ့ စားအိမ်၊ သောက်အိမ်၊ အိပ်အိမ်၊ နားအိမ်၊ ကဗျာအိမ်၊ အကအိမ်၊ အလှအိမ်ပေါ့။ ကျုပ်က အဲဒီအချိန်က သထုုံဆောင်မှာ နေတယ်။

“အေးရိပ်သာ” ဆိုုတာက ဆရာကြီး မင်းသုုဝဏ်ရဲ့ “အေးရိပ်သာတဲ့ ပင်ညောင်ညို” ဆိုုတဲ့ ကဗျာကိုု ပဲ့တင်သံ၊ ရောင်ပြန်ဟပ်နေတဲ့ နေရာကလေးပေါ့။

ဒီနေ့ မောင်ရစ်တိုု့ နောင်ခေတ်မျိုးဆက်က မိုုးမခ ပျိုးသစ်ချကြမယ်ဆိုုတော့ “အေးရိပ်သာကိုု လွမ်းတယ်။ ပင်ညောင်ညိုဆိုုတဲ့ အဖွဲ့ကိုုလည်း အမှတ်ရတယ်။ ပင်ညောင်ညိုကြီးကလည်း “အေးရိပ်သာ” နားမှာပဲ ထီးထီးမားမားကြီး ရှိတာကိုုး။ ပင်ညောင်ညိုဆိုုတာ သူ့နည်းသူ့ဟန်နဲ့ မားမားရပ်တည်တယ်။ မြန်မာ့အားမာန် သစ်ပင်ကြီးပါတကား။ အကြောင်းအခြေအနေအရ မောင်ရစ်တိုု့ ပျိုးထောင်ကြမယ့် သတ္တိ အားမာန် ဉာဏ်တော်လှန် သစ်ပင်သစ်က မိုုးမခ မဟုုတ်။ ညောင်ညိုပင်ကြီးဖြစ်တယ် ဆိုုလည်း ကျုပ်ကတော့ ရေကူလောင်းမှာပဲ။

မောင်ရစ်ဟာ ပင်ညောင်ညိုရိပ်မှာ မျိုးဇာစ် မြစ်စွဲ၊ မုုိးမခကဗျာရိပ်မှာ ဉာဏ်သတ္တိ စွဲခဲ့သူပဲလေ။

မောင်ရစ်မှာ ခေတ်ဟောင်းကျော်၊ ခေတ်ကောင်းမျှော်၊ ခေတ်ညစ်ချိုး၊ ခေတ်သစ်ပျိုးနိုင်စွမ်း၊ သမိုုင်းပြောင်တဲ့ မျိုးဇာစ် မြစ်စွဲရှိတယ်လေ။ ဉာဏ်ဇာတိစွဲ ရှိတယ်လေ။

ကြိုးစားပေါ့။

(၃)

မောင်ရစ်တိုု့ အမွှာမောင်နှမ လူ့ဘဝရောက်ကြတဲ့ ၁၉၆၈ မှာ မြန်မာသတင်းစာလောက၊ စာပေလောက ဆူဝေလှုပ်ခတ်နေပြီ။ နိုုင်ငံရေး ရုုန်းကန်လှုပ်ရှားမှု “အသေခံဗုုံးတွေ” တအုုန်းအုုန်း ကွဲတယ်။ အာဏာရှင်ခေတ်ဆိုုးကြီးရဲ့ ဖိနှိပ်ချုပ်ချယ်မှု ယန္တယားတွေကိုု ချိုးဖဲ့ ဖြုတ်သိမ်းဖိုု့ ကြိုးစားတဲ့ ရုုန်းကန်မှုတွေ ဖြစ်ပေါ်တယ်။ လှုပ်ရှားမှုတွေဟာ အများကြီး ကိုုယ်ကျိုးစွန့်ရတယ်။ ဖိနှိပ်မှု ဘေးရန်ကိုု အများကြီး ရင်ဆိုုင်ရတယ်။

အဲဒီနှစ်တဝက်လောက်မှာ ဆိုုဗီယက်လာ အရှေ့အုုပ်စုု ဆူပွက်တယ်။ လွတ်လပ်ခွင့်တောင်းဆိုုမှုတွေ ပေါက်ကွဲလာတယ်။ ချက်ကိုုစလိုုဗက်ကီးယား၊ ဟန်ဂေရီ၊ အရှေ့ဂျာမဏီ၊ ပိုုလန် စတဲ့ ကွန်မြူနစ်နိုုင်ငံတွေထဲမှာ စာနယ်ဇင်းသမားတွေ၊ နိုုင်ငံရေးသမားတွေ၊ ကျောင်းသားလူငယ်တွေက ပြည်သူ့လွတ်လပ်ခွင့်၊ နိုုင်ငံရေးလွတ်လပ်ခွင့်၊ စားဝတ်နေရေး လွတ်လပ်ခွင့်တွေ တောင်းဆိုုလာကြတယ်။ ရုုန်းကန်လှုပ်ရှားမှုတွေ ပေါ်လာတယ်။ ဆိုုဗီယက်က အင်အားသုုံး တုုန့်ပြန် ဖြိုခွင်းမှုတွေ လုုပ်တယ်။

မြန်မာပြည်တွင်းမှာလည်း လှုပ်ရှားသံပေးလာတော့ အာဏာရှင်ဦးနေဝင်းက သူ့လူတွေကိုု စာနယ်ဇင်းထိပ်သီးတစုုနဲ့ တွေ့ ရှင်းခိုုင်းတယ်။

တော်လှန်ရေးကောင်စီဝင် ပြန်ကြားဝန်ကြီးဌာနဝန်ကြီး ဗိုုုုလ်ချုပ်သောင်းဒန်၊ ပြန်ကြားရေးဝန်ကြီးဌာန အတွင်းဝန် ဒုဗိုုလ်မှူးကြီး တင်ထွန်း၊ ပြန်ကြားရေးမူဝါဒ ညွှန်ကြားရေးမှူးသစ် ဗိုုလ်မှူးသောင်းထုုိက်နဲ့ အဖွဲ့တွေ တက်တယ်။ နေရာက မြန်မာအသံ ဧည့်ခန်းမမှာ။ မိုုးတွင်းကြီး။

သတင်းစာဆရာကြီးတွေဖြစ်တဲ့ ဆရာကြီးရွှေဥဒေါင်း၊ ဦးသိန်းဖေမြင့်၊ ဆရာဇဝန၊ ဦးခင်မောင်လတ်၊ ဆရာတက်တိုုး၊ ဦးဘကျော်၊ ဦးလှမြိုင်၊ ဦးသန်းစော၊ ကြေးမုုံဦးသောင်းတိုု့ တက်ကြတယ်။ ကျုပ်လဲ ပါတယ်။

သတင်းလွတ်လပ်ခွင့် မရှိတာ၊ သတင်းမှောင်ချတာ၊ ပိတ်ဆုုိ့တာ၊ သတင်းစာဆရာတွေကိုု စာရေးဝန်ထမ်းပမာ သဘောထားဆက်ဆံတာ စတဲ့အကြောင်းအရာတွေကိုု ဆွေးနွေးကြတယ်။

တင်ပြဆွေးနွေးရင်း ပေါက်ကွဲကုုန်တယ်။ အတွင်းဝန်ဗုုိလ်မှူးကြီးက သူတိုု့အထက်အမိန့်အရ လုုပ်နေတာ။ ဘာမှဂရုုမစိုုက်ဘူး။ တပ်ပြန်သွားဖိုု့ အိပ်ရာအမြဲလိပ်ထားတယ်ဆိုုတဲ့ စကားမျိုးနဲ့ ကြမ်းပြတယ်။ ကျုပ်ကလဲ ငုုံ့မခံဘူး။ စစ်ဗိုုလ်တွေက အပွင့်တွေ ကြယ်တွေ ရာထူးခန်းတွေနဲ့ တပ်ပြန်သွားကြမှာ။ ကျုပ်တိုု့က လမ်းပေါ် ဆင်းသွားမှာ။ ဘယ်ကိုု သွားရ၊ သွားရ စာနယ်ဇင်းလွတ်လပ်ခွင့်ကိုုတော့ အရယူသွားမှာပဲဆိုုတဲ့ စကားမျိုးနဲ့ ရမ်းပြတယ်။

ဆရာဦးခင်မောင်လတ်က “လူထုုမှာ သတင်းသိပိုုင်ခွင့် ရှိတယ်။ ဘယ်သူ မှ သတင်းပိတ်ခွင့် မရှိဘူး။ သတင်းတွေ ဘယ်သူ့အမိန့်နဲ့ ပိတ်သလဲ။ ဝန်ကြီးပိတ်သလား။ ဝန်ကြီးက ဘာကောင်မိုု့ ပိတ်ရမှာလဲ။ တော်လှန်ရေးကောင်စီဝင်က ပိတ်သလား။ တော်လှန်ရေးကောင်စီဝင်က ဘာကောင်မိုု့ ပိတ်ရမှာလဲ …” ဆိုုတဲ့ စကားမျိုးနဲ့ သိမ်းကျုံးရိုုက်တယ်။ ပွဲ လဲ ပျက်ကရော။

အကျိုးဆက်ကတော့ ဦးခင်မောင်လတ်ကိုု ပင်စင်ပေးတယ်။ ဒေါ်ခင်မျိုးချစ်က သူ့ဆန္ဒအလျောက် အလုုပ်ထွက်တယ်။ ဆရာကြီးရွှေဥဒေါင်းက ကိုုခင်မောင်လတ်မလုုပ်ရင် ငါလဲ မလုုပ်ဘူးဆိုုပြီး ပင်စင်ယူတယ်။ ကျုပ်က မန္တလေးကိုု လွင့်တယ်။ ရန်ကုုန်ဟံသာဝတီသတင်းစာကိုု မန္တလေး ရွှေ့ထုုတ်ပေးရတယ်။ နောက်တော့ ကျုပ်လဲ ဟံသာဝတီက ပြုတ်တယ်။

အဲဒါတွေဖြစ်ပွားခဲ့တာ မောင်ရစ်တိုု့ မွေးတဲ့နှစ်မှာပဲ။ ဒီလိုုနဲ့ မောင်ရစ်မှာ စာပေ စာနယ်ဇင်း လွတ်လပ်ခွင့် တိုုက်ပွဲဝိဉာဏ် တွယ်ခဲ့တယ်။ အဲဒီစိတ်ဓာတ် အားမာန်ကိုု အသိဉာဏ် ပညာ ရင့်သန်သန်နဲ့ ယှဉ်တွဲကိုုင်စွဲရင် မောင်ရစ်တိုု့မျိုးဆက် စာပေလွတ်လပ်ခွင့်တိုုက်ပွဲ သမိုုင်းအမွေဆက်ခံနိုုင်မှာပဲ။ မောင်ရစ်တိုု့မျိုးဆက်ဟာ တော်လှန် မာန်စျာန် ဉာဏ်သတ္တိတွေ ခိုုင်ခိုုင် နိုုင်နိုုင်ပိုင်ပိုင် ဖြိုင်ဖြိုင် မွေးကြရမှာပဲ။ အဲဒီစိတ်ထားဝတိ ံတွေကိုု အောင်ပွဲခံချိန် အောင်ပွဲခံနိုုင်အောင် သူတိုု့ စွဲစွဲမြဲမြဲ ပျိုးထောင် မွေးမြူသွားကြရမှာပဲ။

(၄)

မောင်ရစ်တိုု့ မျိုးဆက် လူလားမြောက်ချိန်မှာ ဒီမိုုကရေစီလူထုုအရေးတော်ပုုံကြီး သက်ဝင်လှုပ်ရှားတယ်။

ရှစ်လေးလုုံးအရေးတော်ပုုံကြီးရဲ့ အစဦးပိုု်င်းရက်တွေမှာ စာပေစာနယ်သမားတွေ လက်တွဲဆန္ဒဖော်ထုုတ်မှု ပေါ်ပေါက်လာတယ်။ အာဏာ ရှင်တွေက လူထုုအုုံကြွမှုကြီးကိုု အကြမ်းဖက်ဖြိုခွဲခဲ့တယ်။ အဲဒီရက်ရက်စက်စက် ချေမှုန်းမှုကြီးကိုု စာပေစာနယ်ဇင်းသမားတွေက ဆန့်ကျင် ကန့်ကွက်ခဲ့ကြတယ်။ ဒီမိုုကရေစီတောင်းဆိုုချက်တွေ ဖော်ထုုတ်ခဲ့ကြတယ်။

ကျုပ်တိုု့ (ဝင်းခက်ရယ်၊ လေသူရဲတဦးရယ်) ဒေါ်ခင်မျိုးချစ်အိမ်ရောက်သွားတယ်။ နေ့လည်ပိုုင်းက မောင်သော်ကအိမ်မှာ ကျုပ်ရယ်၊ မောင်သော်ကရယ်၊ မောင်ကိုုယုုရယ်၊ ဝင်းခက်ရယ်၊ လေသူရဲတဦးရယ်၊ စာပေစာနယ်ဇင်းသမားတွေရဲ့ ဆန္ဒသဘောထား ကျေညာချက် စာတန်းကိုု ရေးဆွဲ လက်မှတ်ထိုုးခဲ့တယ်။ အဲဒီကတဆင့် ကာတွန်းငွေကြည်အိမ်သွားတယ်။ သဘောတူ လက်မှတ်တောင်း တယ်။ ဒုုတိယ ဆရာကြီး မင်းသုုဝဏ်အိမ်သွားတယ်၊ လက်မှတ်တောင်းတယ်။ ဒေါ်ခင်မျိုးချစ်အိမ်က တတိယရောက်တဲ့ အိမ်ပဲ။

ဒေါ်ခင်မျိုးချစ်က အိပ်ရာထဲ လဲနေတယ်။ ကျုပ်တိုု့အဖွဲ့က စာပေစာနယ်ဇင်းသမားတွေရဲ့ ကျေညာစာတန်းကိုု ပြတယ်။ သဘောတူ လက်မှတ်တောင်းတယ်။ အမကြီးက အပြေးအလွှားဖတ်ကြည့်တယ်။ ဖတ်လဲပြီးရော ငိုုလိုုက်တာ။ ဟီးချလိုု့၊ ချုံးပွဲချလိုု့ ငိုုတာ။ ကျုပ်ကိုု ဖက်အော်တယ်။

“ကိုုဝင်းတင်ရေ … ရှင်လုုပ်ဖော်ရတယ်။ ကျေးဇူးတင်တယ်။ ဝမ်းသာလိုုက်တာ” တဲ့။

သူ့တမျက်နှာလုုံးကတော့ မျက်ရည်အိုုင်ထွန်းလိုု့။

“ကိုုလတ်ရေ … သားကြီးခေါ်၊ သမီးကြီးခေါ်။ မြေးအမွှာ ခေါ်။ အားလုုံးလက်မှတ်ထိုုးကြမယ်။”

အမကြီးက ဦးခင်မောင်လတ်ကိုု ခိုုင်းတယ်။

အမကြီးက ကျေညာစာတန်းကိုု တရမ်းရမ်းလုုပ်ရင်း ကျယ်ကျယ်လောင်လောင် အော်နေတယ်။ ကျမက ဒါမျိုးဆိုု ထိပ်ဆုုံးက လက်မှတ်ထိုုးချင်တာရှင့် … တဲ့။ ကျုပ်က ရပါတယ်။ အမကြီး စိတ်ကြိုက်လုုပ်လိုု့ ဖြေတယ်။ အမကြီးက သူ့နံမယ်ရေးထားတဲ့ နံပတ်ရှစ်ကနေ ထိပ်ဖျားကိုု မျဉ်းကြောင်းရှည်ကြီး ကန့်လန့်ဆွဲတယ်။ စာရွက်ထိပ်ဖျားမှာ “ခင်မျိုးချစ်” စာလုုံးကြီးကြီး လက်မှတ်ကြီးကြီး ထိုုးလိုုက်တယ်။

အဖိုုး အဖွားတွေ အောက်မှာ မောင်ရစ်နဲ့ အမွှာညီမ ဂျူနီယာဝင်း လက်မှတ်ထိုုးကြတယ်။

“မင်းတိုု့ အရေးတော်ပုုံထဲ ရောက်ပြီ။ သစ္စာမြဲကြ” လိုု့ ဒေါ်ခင်မျိုးချစ်က သူ့မြေးတွေကိုု ပြောတယ်။

ကျုပ်ရင်ထဲမှာတော့ တုုန်ခါလှိုက်ခုုန်နေတယ်။ အံ့သြဘနန်းအဖြစ် ဆရာမကြီးကိုု ငေးငိုုင်ကြည့်နေမိတယ်။ အရေးတော်ပုုံတပ်သားတွေ တိုုးပွားလာပုုံက အားရစရာကြီးပါကလား။ မျိုးဆက်သုုံးဆက်လုုံး တရက် တချိန် တအိမ် တနေရာထဲမှာ အရေးတော်ပုုံသစ္စာဆိုုလာကြတာပါကလား။ ဝမ်းမြောက်လိုုက်တာ။ အံ့သြလိုုက်တာ။ အားရှိလိုက်တာ။

(၅)

မောင်ရစ်တိုု့ နောင်ခေတ်မျိုးဆက်ဟာ နယ်ချဲ့ဆန့်ကျင်တိုုက်ပွဲဝင် သတင်းစာဆရာ၊ စာရေးဆရာ၊ ကဗျာဆရာ၊ နိုုင်ငံရေးသမား ဗီဇဝိဉာဉ်ကိုု အမွေခံခဲ့တယ်။ အာဏာရှင်ဖိနှိပ်ချုပ်ချယ်မှုကိုု အံတုု အာခံသူများဘဝ ခံယူခဲ့တယ်။ ရှစ်လေးလုုံးအရေးတော်ပုုံကြီးမှာ တတိယမျိုးဆက် အရေးတော်ပုုံတပ်သားဘဝနဲ့ လူလားမြောက်ခဲ့တယ်။

ဟော – ဒီအချိန်မှာတော့ သူတိုု့မျိုးဆက်က မောင်ရစ်တိုု့ နောင်ခေတ်အတွက် “မိုုးမခ” ပျိုးချနေကြလေပြီ။

မျိုးဆက်သစ် မိုုးမခ ဟာ …

“နေဒဏ်မှာ ရွက်မကြွေ

နေရှိန်မှာ မပျောင်းမခွေ

နှောင်းနွေရက်ကျန် မညို မဝါ မရွှေ …”

ဆိုုတဲ့အရေးတော်ပုုံဂုုဏ်ရည်တွေနဲ့ ပြည့်လျမ်းနေလိမ့်မယ်လိုု့ ယုုံကြည်မျှော်လင့်ပါရဲ့။

မောင်ရစ်တိုု့ရဲ့ မျိုးဆက်တွေရေ … နိုုင်ငံရေးအခြေခံ ပန္နက်ခိုုင်ခိုုင်စိုုက်တဲ့ စာပေအားမာန် စွမ်းရည်နဲ့ ခေတ်ဝန်ကိုု နိုုင်နိုုင်ထမ်း၊ ခေတ်လမ်းကိုု ကျဲကျဲလှမ်းနိုင်ကြပါစေလိုု့ ဆန္ဒပြုလိုုက်ပါတယ်။

ကျုပ်နဲ့ မောင်ရစ် တလောက ရန်ကုုန်မှာ ဆုုံဖြစ်လိုုက်တယ်။ ကျုပ်ပြောလိုုက်တဲ့ စကားတခွန်း မှတ်မိဦးမယ် ထင်ရဲ့။ “ဒီနေ့ နိုုင်ငံရေးက လမ်းခုုလတ် ရောက်နေတာ မဟုုတ်ဘူး။ ဒိုု့ ဒီနေ့ ရောက်နေတာက နိုုင်ငံရေးလမ်းဆုုံလမ်းခွ ကွ။ ဒီမိုုကရေစီအပြောင်းအလဲ၊ အရွေ့အလျားတွေ လမ်းခွဲကိုု ရောက်နေတာဟေ့။ လမ်းဟောင်းကိုု ဆက်ညောင်းနေဖိုု့ မဟုုတ်ဘူး။ လမ်းချော လမ်းဖြောင့် ရွေးကြရတော့မယ်။ လမ်းဆုုံးမှာ ရွာတွေ့မယ့် လမ်းမှန်ကိုု ရွေးကြရတော့မယ်။

မောင်ရစ်တိုု့ မျိုးဆက်သစ်နဲ့ မိုုးမခ လမ်းမှန်ပါစေ။ ရှင်သန်ပါစေ။ လမ်းဖြောင့်ပါစေ။ စွမ်းတောင့်ပါစေ။

- ဟံသာဝတီဦးဝင်းတင်

(စာကြွင်း …)

မောင်ရစ်ရေ …

မင်းရဲ့ မိုုးမခအကြို တော်လှန်မာန်စျာန် ဉာဏ်သတ္တိကိုု ၁၉၈၀ နှစ်များလောက်တုုန်းက ကျုပ်ယုုံကြည်စိတ်ချ မျှော်လင့်အားထားခဲ့တယ်။ ကိုုရင်တိုု့ ဝင်နွှဲတဲ့ စီးပွားရေးတက္ကသိုုလ် ကာတွန်းပြပွဲမှာ ကိုုရင့်ကာတွန်း အနုုပညာလက်ရာတခုုကိုု ကျူပ် အကဲဖြတ်ခဲ့ဖူးတယ််။ မှတ်မိ သေးလား။ ဒီနေ့လည်း ဒီသုုံးသပ်ချက်အတိုုင်းပဲ။ ကိုုရင့်ရဲ့ နိုုင်ငံရေးစာပေစွမ်းအားကိုု ကျုပ်ယုုံကြည်အားထားဆဲပဲ။ အဲဒီအချိန်က ကျုပ်ရဲ့သုုံးသပ်ချက်လေးကိုု မှတ်မိသတိရသေးလား။ မှတ်မိသတိရသေးရင် ကျုပ်ရဲ့ ဒီဆောင်းပါးအဆုုံးမှာ ဖော်ပြလိုုက်ပါကွယ်။

ဟံသာဝတီဦးဝင်းတင်

ဖေဖော်ဝါရီ ၈၊ ၂၀၁၄

                                                           (ဘဘလက်ရေး မောင်ရစ်သို့)

Read More

အံ့ဖွယ် စတုုရန်း - ဂျူနီယာဝင်း

အံ့ဖွယ် စတုုရန်း - ဂျူနီယာဝင်း

(Academic Weekly Educational Journal Vol3 No8 နှင့် Vol3 No9 တို့တွင်နှစ်ပတ်ဆက်တိုက် ဖော်ပြခဲ့သော Melencolia ပန်းချီကားအကြောင်းဆောင်းပါးဖြစ်သည်။)

 ပုံ (၁)

Abrecht Durer  (ဂျူရာ) (၁၄၇၁-၁၅၂၈) သည် ဂျာမန်လူမိုျး ပန်းချီဆရာတစ်ဦးဖြစ်ရုံမက သစ်သားထွင်းပုံနှိပ်ပန်းချီကားများကို လည်း ရေးဆွဲထွင်းတတ်သူဖြစ်ကာ သီအိုရီဆန်ဆန် စဉ်းစားတွေးခေါ်တတ်သူလည်း ဖြစ်ပါသည်။ ဖခင်ဖြစ်သူသည် ရွှေပန်းထိမ်ဆရာ တစ်ဦး ဖြစ်သည်။ သူ့ကို မေလ ၂၁ ရက်နေ့မှာ မွေးဖွားခဲ့ပြီး သားသမီး ၁၈ ယောက်ထဲတွင် သူက ဒုတိယမြောက်ဖြစ်လေသည်။ ဖခင်ဖြစ်သူ၏ ရွှေပန်းထိမ်အတတ်ပညာ၊ ပန်းချီပညာများအပြင် သူ၏ ခေါင်းကိုင်ဖခင်တစ်ဦးဖြစ်သူ Antonkoberger ၏ ပုံနှိပ်ထုတ်လုပ်ငန်းများတွင်လည်း ပါဝင် လုပ်ကိုင်နိုင်ခဲ့သူဖြစ်ပါသည်။

သူ့ဘဝအကျိုးပေးအတိုင်းပင် ငယ်ရွယ်စဉ်ကပင် ပုံနှိပ်လုပ်ငန်း၊ အက္ခရာထွင်းလုပ်ငန်းများတွင် ကျွမ်းကျင်ခဲ့သူဖြစ်လေသည်။ ထိုခေတ် က Nurenberg တွင် နာမည်ကျော်ပန်းချီဆရာ Michael Wolgemut  ထံတွင် သူအသက် ၁၅ နှစ်အရွယ်ကစ၍ တပည့်ခံခဲ့သည်။ ဂျူရာသည် ၁၄၉ဝ ပြည့်နှစ်နောက်ပိုင်းတွင် ကျောက်ထွင်းပန်းပု ထုပညာရှင် Martin Schongauer သို့ ပညာဆည်းပူးဖို့ ဥရောပ မြောက်ပိုင်းသို့သွားခဲ့သည်။ သို့သော် သူ မရောက်မီ Martin ကွယ်လွန်ခဲ့ရာ Martin ၏ ညီအစ်ကိုများထံတွင် ဆက်လက် ပညာသင်ယူခဲ့ သည်။

ဂျူရာသည် ထိုမှတစ်ဖန် အီတလီ၊ ဗင်းနစ်မြို့များမှသည်Nurenberg သို့ ပြန်ရောက်လာသည့် ကာလတစ်လျှောက်လုံးတွင် ပန်းချီ ကား များများစွာရေးဆွဲခဲ့ကာ သစ်သားထွင်းလက်ရာများလည်း အများအပြား ရေးဆွဲခဲ့သည်။ သူရေးဆွဲသောလက်ရာများမှာ အထူး သဖြင့် လူ့ကိုယ်ခန္ဓာ ပုံပန်းများသည် ထိုခေတ်က နာမည်ကျော်ပန်းချီဆရာများဖြစ်သည့် Lorenzo dei Credi, Mantegna တို့၏ သြဇာသက်ရောက်မှုများ လွှမ်းမိုးနေသည်ဟု ဆိုကြသည်။ ၁၄၉၁ ခုနှစ်မှာ ထပ်မံရေးဆွဲသော ပုံတူသည်လည်း လူသိများသော ပုံတူဖြစ် သည်။ဂျူရာ့အကြောင်းကို စဉ်းစားလိုက်လျှင် သူ့ကုုိယ်ပုုိင်ပန်းချီကားချပ်များအပြင် သူ၏အကောင်းဆုံးနှင့် နာမည်အကြီးဆုံး သစ်သားထွင်း ပုံနှိပ်ပန်းချီကားကို မေ့ထား၍ မရနိုင်ချေ။

 

ပုံ (၂)

၁၅၁၄ ခုနှစ်မှာ ရေးခဲ့သော ထို Melencolia တွင် ထူးခြားသော Magic square (အံ့ဖွယ်စတုရန်း) (၄ x ၄ စတုရန်းကွက်) ပါဝင်နေပေ သည်။ ၄င်းသည် ပုံ၏လယ်ယာ အပေါ်ဘက်တွင် ထွင်းထားသည်။ အံ့ဖွယ်စတုရန်းဟူသည်ကား ၁,၂,၃,၄ —,၁၆ ထိ ပါဝင်သော ကိန်း ဂဏန်းများကို စတုရန်းတွင် အတန်းလိုက်၊ ဒေါင်လိုက် ထောင့်ဖြတ်လိုက်ထည့်ထားရာ ပေါင်းလဒ်သည် အားလုံး ၃၄ ဖြစ်စေသော စတုရန်းကိုခေါ်သည်။ ၄င်းအံ့ဖွယ်စတုရန်းကို ရေးသားခဲ့သော ခုနှစ် ၁၅၁၄(၁၅နှင့်၁၄) ကုုိအောက်ဆုံးအတန်းအလည်အကွက်နှစ်ကွက်တွင်ထည့်သွင်းရေးဆွဲထားတာကုုိတွေ့နုုိင်ပါသည်။ ၃ x ၃ အံ့ဖွယ်စတုရန်းများ ပေါ်လာပြီး နောက် ဂျူရာသည် ပထမဦးဆုံး ၄ x ၄ အံ့ဖွယ်စတုရန်းကို ရေးသားဖော်ထုတ်ခဲ့သူအဖြစ် အသိအမှတ်ပြုခဲ့ကြပါသည်။ ဂျူရာက ဘယ်လိုလုပ်ပြီး စဉ်းစားလိုက်သလဲဆိုတာကတော့ ပဟေဠိဖြစ်နေဆဲဖြစ်ပါသည်။

(မှတ်ချက်။ ယခုုဂျူရာရေးဆွဲသော Melencolia ပန်းချီကားပုုံနှင့် ပန်းချီကားညာဘက်အပေါ်ထောင့်မှာ ထည့်သွင်းရေးခဲ့သော အံ့ဖွယ်စတုုန်း Magic Square ပုုံနှစ်ပုုံကုုိ ဖော်ပြထားပါသည်။ လေ့လာကြည့်ကြပါ။)

● Melencolia ပန်းချီကား အကြောင်း

Melencolia II ဟူ၍ ပန်းချီကားကိုအမည်ပေးထားသည်။

ပန်းချီကားသည် ဂျာမန်ဘာသာဖြင့်ဖြစ်ပြီး အဓိပ္ပယ်မှာ melancholy စိတ်မချမ်းမသာဖြစ်ခြင်း၊ depressive စိတ်ဓါတ်ကျဆင်းခြင်း ဟူသော အဓိပ္ပါယ်များ သက်ရောက်နေသည်။

ပန်းချီကားထဲတွင် ပါဝင်နေသောအရာများကုုိ ယခုုလုုိတွေ့ရှိရသည်…

- ပုုံ၏နဘေးပတ်ပတ်လည်တွင် ဂျီသြမေတြီဆုုိင်ရာသင်္ကေတများ၊ ဆောက်လုုပ်ရေးဆုုိင်ရာ တန်ဆာပလာများကိုု ထည့်သွင်းထားခြင်း။

- 4 x 4 magic square အံ့ဖွယ်စတုုန်းကုုိ ပန်းချ၊ီကားရေးဆွဲသော ခုုနှစ် ၁၅၁၄ ပါဝင်ထည့်သွင်းရေးထားခြင်း။

- မျက်နှာပြင် ၆ ခုုပါသော ရွမ်းဗတ်ကုုိ လူ့ဦးခေါင်းခွံအဖြစ် မှိန်ဖျော့ဖျော့ထွင်းထားခြင်း။ ထုုိပုုံသဏ္ဍာန်သည် ယခုုအခါ ဂျူရာ၏ ကိုုယ်ပုုိင် ပုုံသဏ္ဍာန်သင်္ကေတအဖြစ် လက်ခံထားသည်။

- အချိန်ကုုိ တုုိင်းတာသောသဲနာရီ hourglass ကိုုတွေ့ရခြင်း။

- ချိန်ခွင်ပါရှိခြင်း။

- ညဏ်ကြီးရှင်ဟူသော အမှတ်တံဆိပ်ဖြစ်သော အတောင်ပံနှင့် ပုုံသဏ္ဍာန်။

- မှတ်စုုစာအုုပ်နှင့် သော့ချိတ်များ။

- သတိပေးဆုုိင်းဘုုတ်နှင့် သက်တန့် တွဲဖက်ကာ ကောင်းကင်တွင်ရှိနေပုုံ။

- သချာင်္သဘောတရားများ ပါဝင်နေသော သင်္ကေတများ၊ ကွန်ပတ်စ်သုုံးကရိယာများ၊ ဂျီသြမေတြီပုုံများ၊ အံ့ဖွယ်စတုုရန်း၊ တုုိင်းတာပုုံ စနစ် များနှင့် အချိန်ပြကရိယာများ။

Melencolia ဟူသောပန်းချီကားအမည်နှင့်ပတ်သက်ပြီး သမုုိင်းပညာရှင်များက အမျိုးမျိုး အဓိပ္ပယ်ဖွင့်ကြသည်။ ဒါဟာ ပန်းချီဆရာက မိမိကုုိယ်ကိုုယ်ယုုံကြည်မူကင်းမဲ့တာကုုိပြတာဟုု ဆုုိသည်။ အကြောင်းကတော့ ဂျူရာဟာ ထိုုပန်းချီကားကုုိမဆွဲခင်လေးမှာ သူက သည်လုုိရေး ခဲ့သတဲ့။

“လှပခြင်းဆုုိတာဘာလဲ..ငါမသိပါလား̋။

သည်တော့ သူရေးဆွဲသော ထုုိပန်းချီကားသည် သူ၏ဖွင့်ဟဝန်ခံချက် ဖြစ်လိမ့်မည်။ ပြန်လည်ထွန်းကားခြင်းခေတ်က ပန်းချီ ပညာသည်တွေ အပေါ် (သုုိ့မဟုုတ်) အနုုပညာအပေါ် ယုုံကြည်မူကင်းမဲ့မူ များဖြစ်လေမလားဟုုုု တွေးယူ ကလေသည်။

Read More

စာအုုပ္စင္

စာအုုပ္အမည္ - အေမးနွင့္အေျဖစြယ္စုုံက်မ္း - ကမာၻျဂိဳလ္

မူရင္းစာအုုပ္ - Question and answer Encyclopedia 2006

ဘာသာျပန္သူ - ဂ်ဴနီယာ၀င္း

ရန္ေအာင္စာေပ

ထုုတ္ေ၀သူ ဦးလွတိုုး

ပထမအၾကိမ္

၂၀၁၄ မတ္လ

အုုပ္ေရ ၁၀၀၀

တန္ဖုုိး ၁၀၀၀က်ပ္

စာမ်က္နွာ - ၁၃၂

အခန္းမ်ား၁၄ခန္း(ကမာႀၻကီး၊တုုိက္မ်ား၊ေျမပုုံမ်ား၊မီးေတာင္ငလ်င္၊ျမစ္ေခ်ာင္းအင္းအုုိ္င္၊ သမုုဒရာ၊ သဲကႏၱာရ၊ ေတာေတာင္၊ ေလထုု၊ ရာသီဥတုု၊ ကမာၻသယံဇာတမ်ားစသျဖင့္)

အတြင္းပုုံမ်ားအျဖဴအမဲဓါတ္ပုုံမွတ္တမ္းမ်ား

စာအုုပ္အတြင္းထူးျခားခ်က္မ်ား - ေမးခြန္းႏွင့္အေျဖမ်ားကုုိရုုပ္ပုုံမ်ားနွင့္ယွဥ္တဲြေဖာ္ျပမူ

အေမးႏွင့္အေျဖစြယ္စုုံက်မ္းဟူေသာစီးရီးေအာက္တြင္သိပႏွင့္နည္းပညာ၊ အႏုုပညာအားကစားေဖ်ာ္ေျဖေရး၊ ကမာၻ့သမုုိင္း၊  လူ႕ကုုိယ္ခႏၶာ၊စၾကာ၀ဌာ၊ ကမာၻျ၈ိဳလ္၊ ကမာၻတခြင္၊  သဘာ၀ကမာၻ ဟူေရြ႕ အေၾကာင္းအရာ ၈ခုု (စာအုုပ္၈အုုပ္)ရွိပါသည္။ ထုုိစာအုုပ္ ၈အုုပ္တြင္  သက္ဆုုိင္ရာအခန္း ၁၄ ခန္းဆီပါရွိသည္။

ယခုုထြက္ရွိလာတာက ၆ အုုပ္ေျမာက္ ကမာျ၈ိဳလ္ ျဖစ္ပါသည္။ ကမာၻျ၈ိဳလ္အေၾကာင္း တြင္ကမာၻေျမ၊ေျမပုုံမ်ား၊ ေက်ာက္တုုံးေက်ာက္ျဖစ္ရုုပ္ၾကြင္း၊ ျမစ္ေခ်ာင္းအင္းအုိင္၊ ေတာေတာင္ ေရေျမမ်ားႏွင့္ ရာသီဥတုုမ်ားစသည္ျဖင့္ အခန္း ၁၄ ခန္းပါ၀င္သည္။ အထူးသျဖင့္ ကမၻာၾကီး၏ က်မ္းမာေရးနွင့္ဆုုိင္ေသာဖန္လုုံအိ္မ္သက္ေရာက္မူ၊ စြမ္းအင္၊ အသစ္ဖန္တီးႏုုိင္ေသာနည္း (Recycling)၊စြမ္းအင္ေျခြတာေရးမ်ားကုုိတုုိတုုိနွင့္အဓိပယ္ဖြင့္ထားတာမ်ားပါ၀င္သည္။

မီးေတာင္၊ ငလ်င္၊ မုုန္တုုိင္းမ်ားအခန္းမ်ားတြင္ ျမန္မာျပည္အပါအ၀င္ ကမာ့ႏုုိင္ငံအႏွ႕ံအျပား မွာၾကဳံေတြ႕ခ့ဲရေသာသဘာ၀ေဘးအႏၱရယ္မ်ား ႏွင့္ပတ္သက္သည့္ အခ်က္အလက္္မွတ္တမ္း မ်ားကုုိထပ္မံျဖည့္စြက္ထားခ်က္မ်ားႏွင့္အတူေတြ႕ရမည္ျဖစ္သည္။အတြင္းမွတ္တမ္းဓါတ္ပုုံမ်ားႏွင့္ ရုုပ္ပုုံမ်ားသည္ ေမးခြန္းအေျဖပုုံစံ ေရးသားခ်က္မ်ားနွင့္အတူ အသက္၀င္လ်က္ရွိပါသည္။

အေမးႏွင့္အေျဖစြယ္စုုံက်မ္းစီးရီးတြင္ ေနာက္ထပ္ ကမာၻတခြင္ႏွင့္ သဘာ၀ကမာၻ ႏွစ္အုုပ္သာထြက္ဖုုိ႕ က်န္ပါေတာ့သည္။

Read More

ရုပ္ျပ အဂၤလိပ္ျမန္မာ အဘိဓာန္၊ တကၠသို္လ္ေရႊရီ၀င္း၊ စိတ္ကူးခ်ဴိခ်ဴိ

ရုပ္ျပ အဂၤလိပ္ျမန္မာ အဘိဓာန္၊ တကၠသို္လ္ေရႊရီ၀င္း၊ စိတ္ကူးခ်ဴိခ်ဴိ

စာအုုပ္အမည္ – ရုုပ္ျပ အဂၤလိပ္ ျမန္မာအဘိဓာန္

မူရင္းစာအုုပ္ – Picture Dictionary

ဘာသာျပန္သူ – တကၠသုုိလ္ေရႊရီ၀င္း

စိတ္ကူးခ်ဴိခ်ဴိစာေပ

ထုုတ္ေ၀သူ – ဦးစန္းဦး

၂၀၁၄ မတ္လ

ပထမအၾကိမ္

အုုပ္ေရ ၅၀၀

တန္ဖုုိး ၃၀၀၀ က်ပ္

စာအုုပ္အရြယ္အစား ၁၃စင္တီ x ၂၀.၅ စင္တီ

စာမ်က္နွာ ၁၃၈

စာအုုပ္အတြင္း -ေဆးေရာင္စုုံ

          အဂၤလိပ္အကၡရာ A B C D မွသည္  X Y Z      အထိအကၡရာ ၂၆လုုံး ျဖင့္ေရးသားေသာ အဂၤလိပ္စာလုုံးမ်ားကုုိ အဓိပယ္ဖြင့္ဆုုိခ်က္မ်ား ျဖင့္ အဂၤလိပ္လုုိေရာ ျမန္မာလုုိပါ အတူယွဥ္တဲြ ေဖာ္ျပထားသည္။ ရုုပ္ပုုံကေလးမ်ားမွာအဂၤလိပ္စာလုုံးမ်ားအလုုိက္ ပါ၀င္ထားသည္။ ဥပမာ – Library ဟူေသာစကားလုုံးကုုိရွာပါကယခုုလုုိရွင္းထားသည္။

          Library is a place where books are kept. စာၾကည့္တုုိက္သည္ စာအုုပ္မ်ားထားရာေနရာျဖစ္သည္။ ကၽြႏုုိပ္တုုိ႕သည္ စာၾကည့္တုုိက္မွစာအုုပ္မ်ားကုုိငွားနုုိင္သည္။ ဟူ၍ ရွင္းထားတာကိုုေတြ႕မည္။ ထုုိ႕အျပင္ ထုိအကြက္ေလး၌ စာအုုပ္မ်ားစီထားေသာ စာၾကည့္တုုိက္က စာအုုပ္စင္တစ္ခုု ကိုုျပထားပါသည္။

          ထုုိနည္းလည္းေကာင္းတျခားေသာ မိမိစိတ္၀င္စားသိခ်င္မည့္ အဂၤလိပ္စာလုုံးေလး မ်ားကုုိအကၡရာစင္လုုိက္ ရွာေဖြေလ့လာပါက အသိပညာတုုိးမည့္စာအုုပ္တစ္အုုပ္ျဖစ္ပါသည္။ ရုုပ္ပုုံမ်ားကလည္း ေဆးေရာင္စုုံမ်ားျဖစ္ေသာေၾကာင့္ ကေလးလူငယ္ လူၾကီးမေရြးဖတ္ရင္းနွင့္ စိတ္၀င္စားလာမည့္ စာအုုပ္ေကာင္းတစ္အုုပ္ျဖစ္ပါသည္။

Read More

ျမန္မာျပည္ က အပတ္စဥ္ဂ်ာနယ္ – Academic Weekly Educational Journal

ျမန္မာျပည္ က အပတ္စဥ္ဂ်ာနယ္ –  Academic Weekly Educational Journal ဂ်ဴနီယာ၀င္း၊ မတ္ ၁၈၊ ၂၀၁၄

Academic Weekly Educational Journal လုုိ႕အမည္ေပးထားတဲ့ဂ်ာနယ္တစ္ေစာင္ထြက္ လာတာတစ္ႏွစ္ေက်ာ္ပါျပီ။ သည္ဂ်ာနယ္မွာ ပန္းခ်ီက႑တစ္ခုုကုုိအစပ်ဴးိကာ ပန္းခ်ီကားမ်ားအေၾကာင္းေရးသားခဲ့တာ အခုုအပတ္ပါဆုုိ ပန္းခ်ီကားေပါင္း ၅၀ ေက်ာ္ပါျပီ။ သည္လုုိနဲ႕ အခိ်န္ကာလ ကိုတြက္ခ်က္လုုိက္မိတာပါ။ ေဒါက္တာခင္ေမာင္၀င္း(သခ်ာၤ) ကလည္းပဲ သခ်ာၤဉာဏ္စမ္းမ်ားကုုိ တင္ဆက္လာတာ သည္ဂ်ာနယ္ေလးစကတည္းကပါပဲ။ သည္ဂ်ာနယ္ေလးကုုိ ယဥ္ပါးလာရာက အျမဲလုုိလိုုဖတ္ရင္း နဲ႕စိတ္၀င္စားဖြယ္ အစီအစဥ္ေလးမ်ားကုုိ ၾကိဳးစားတင္ဆက္ေန တာကုုိလည္း သတိျပဳမိရပါတယ္။ သည္ေတာ့ သူ႕အေၾကာင္းကုုိအမွတ္တရ ေရးရင္းမသိသူေတြ လည္းသိသြားေအာင္ပါ။

ဆက္သြယ္ရန္လိပ္စာ အမွတ္၃၃ (ေျမညီထပ္) ေဇယ်၀တီလမ္းစမ္းေခ်ာင္းျမိဳ႕နယ္
ဖုုံးနံပါတ္မ်ား ၀၁ ၅၃၆ ၇၁၃။ ၀၉  ၄၂၁ ၀၃၉ ၈၇၀။ ၀၉  ၅၄၁ ၅၉ ၀၆
Email; academicweekly@gmail.com
နာယက ေအာင္ေက်ာ္ဦး(မဟာ၀ိဇၹာ)
အယ္ဒီတာခ်ဴပ္/ထုုတ္ေ၀သူ ၀တ္ရည္ေက်ာ္ဦး
အမူေဆာင္အယ္ဒီတာ ယဥ္ေကသီ
လက္ေထာက္အယ္ဒီတာ ေအးမင္းထုုိက္
အပတ္စဥ္ ထုတ္ဂ်ာနယ္
တန္ဖုိး – ၅၀၀ က်ပ္

ပါ၀င္ေသာက႑မ်ား – ဉာဏ္စမ္းပေဟဌိမ်ား၊ သိပၸံဆုုိင္ရာေမးခြန္းအေျဖမ်ား၊ နိုုင္ငံတကာက နံမယ္ေက်ာ္ပုုဂၢိဳလ္မ်ားအေၾကာင္း၊ ပညာေရးအင္တာဗ်ဴးမ်ား (ေက်ာင္းသား၊ ဆရာဆရာမမ်ား)၊ အဂၤလိ္ပ္စာသင္ခန္းစာမ်ား၊ ဆရာ မိဘ ေက်ာင္းသား အေမးအေျဖ၊ ပညာေရးေဆာင္းပါးမ်ား၊ ပညာရည္ခၽြန္ဆုုရသူမ်ားအေၾကာင္း၊ အင္တာနက္ကြန္ျပဴတာ ဆုိင္ရာေဆာင္းပါးတုိမ်ား၊ ကေလးငယ္မ်ားအေၾကာင္း၊ ဘာသာရပ္ဆုုိင္ရာသင္ခန္းစာမ်ား၊ အတုိအထြာ ပညာေရး သတင္းမ်ား၊ ပညာေရးစကား၀ုိင္းမ်ား ႏွင့္ စိတ္၀င္စားစရာ စာအုုပ္မ်ားကုုိ မိတ္ဆက္ေပး ျခင္းနဲ႕ ေဗဒင္က႑ အစရွိသျဖင့္။

ပရိသတ္အင္အား – ေက်ာင္းမ်ားနဲ႕ ပညာေရးမိသားစုမ်ား ကေတာ့ အထူးအားေပးၾကတဲ့ ဂ်ာနယ္တစ္ေစာင္အျဖစ္ အသိအမွတ္ျပဳရပါမယ္။ သိသူေဖာ္စား မသိသူေက်ာ္သြား ဆုိသလုိ၊ စိတ္၀င္စားဖြယ္ အပတ္စဥ္အစီအစဥ္မ်ားေၾကာင့္ ပရိသတ္ခိုင္ခုိင္မာမာ ရွိလာမယ့္ စာေစာင္တစ္ခု အျဖစ္ျမင္မိပါတယ္။ ေက်ာင္းတြင္း ဆရာဆရာမမ်ား ေက်ာင္းသားေက်ာင္းသူမ်ားက ပုိျပီး အားေပးၾကမွာကုိေတာ့ ခန္႕မွန္းမိပါတယ္။ ပရိသတ္ ပုိျပီးက်ယ္ျပန္႕ လာဖုိ႕၊ ျမင္ရုံနဲ႕ စိတ္္၀င္စားျပီး ဂရုစုိက္မိဖုိ႕ကုိ အယ္ဒီတာအဖဲြ႕မ်ား အစြမ္းကုန္ ၾကိဳးစားလ်က္ရွိေနတာကုိ လည္းအသိအမွတ္ျပဳမိပါတယ္။

ထူးျခားေသာက႑မ်ားအျဖစ္ ေက်ာင္းကထူးခၽြန္တဲ့ေက်ာင္းသား ေက်ာင္းသူကေလးမ်ားနဲ႕  အင္တာဗ်ဴးမ်ားကို မိဘမ်ားလည္းပါ၀င္လ်က္ တခါတရံ ေတြ႕ရျခင္း၊ ႏုိင္ငံတကာက ပညာတတ္ကမာၻေက်ာ္ပုဂၢဳိလ္မ်ား၊ ဘဲြ႕မရေသာလည္း ပညာတတ္ကမာၻေက်ာ္ ပုဂၢိဳလ္မ်ား အေၾကာင္း၊ အင္တာနက္ပညာေရး သတင္းတုိေလးမ်ား၊ ကေလးငယ္မ်ားအတြက္ ကစားရင္းသင္ၾကားတဲ့ ရုပ္ပုံမ်ားနဲ႕ အယ္ဒီတာအဖဲြ႕ရဲ႕ အပတ္စဥ္ အာေဘာ္မ်ား၊ သူတို႕ေတြရဲ႕ ၾကိဳးပမ္းမူမွတ္တုိင္မွတ္တမ္းမ်ား ကို စာဖတ္သူမ်ားဆီက စိတ္၀င္စားတဲ့တုန္႕ျပန္မူ မ်ားအျဖစ္ မွတ္တမ္းတင္ရမွာျဖစ္ပါတယ္။

ပညာေရး ေဘာင္ခတ္ထားမူ – စာေစာင္ဟာပညာေရး ဟူေသာေဘာင္အတြင္းမွာ အသက္၀င္လ်က္ရွိတယ္ လုိ႕ဆုိရပါမယ္။ သုိ႕ေသာ္လည္း အျပင္ဗဟုသုတ မ်ားကုိလည္း ေရွ႕မွာတင္ျပထားသလုိ ထည့္သြင္းေဖာ္ျပလ်က္ ရွိတာေၾကာင့္ ေက်ာင္းသားေက်ာင္းသူ ဆရာမိဘ မ်ားအတြက္ ေက်ာင္းစာအျပင္ စိတ္၀င္စားနုိင္တယ္လုိ႕ ေကာက္ခ်က္ခ်လုိ႕ ရပါတယ္။

နိ္ဂုံး – စာေစာင္ရဲ႕ ေဘာင္ကုိ ပညာေရး – Education လုိ႕ သတ္မွတ္ထားတဲ့အတြက္ ပညာေရးအျပင္ကပရိသတ္ကုိ ဆဲြေဆာင္ႏုိင္ဖုိ႕ နည္းနည္းအခက္အခဲရွိႏုိင္ပါတယ္။ “ပညာေရး“ ဆုိတဲ့စကားလုံးကိုက ေလးလံျခင္း၊ ျငီးေငြ႕စရာ၊ ပ်င္းစရာေကာင္းျခင္း၊ အိပ္ငုိက္ခ်င္စရာ ဆုိတဲ့အဓိပၸါယ္မ်ဴိးေတြ ၀င္ေနပါတယ္။ သည္ေတာ့ ဂ်ာနယ္အဖဲြ႕အေနနဲ႕ လည္းေတာ္ေတာ္ေလး ရုန္းကန္ျပီး စာေစာင္ေလးကုိ မိတ္ဆက္ေနရတဲ့သေဘာ ျဖစ္ေနပါတယ္။
တကယ္ကေတာ့  စာေစာင္ေလးထဲမွာ ျပင္ပဗဟုသုတမ်ားအျပင္ ေပ်ာ္ရႊင္ဖြယ္ဖတ္စရာေတြ လည္းပါတာကုိ ျပင္ပပရိသတ္ကသိႏုိင္ဖုိ႕ အာရုံစုိက္မူရရွိဖုိ႕ ၾကိဳးစားရတာလြယ္ေတာ့မလြယ္ဖူးေပါ့။ တဖက္ကေန စဥ္းစားၾကည့္လုိက္ရင္လည္း ခက္ခက္ခဲခဲနဲ႕ ရလာတဲ့ပရိသတ္ဟာ ခုိင္မာတယ္လုိ႕ ဆုိႏုိင္ပါတယ္။ ဒါ့အျပင္ ပညာေရး ဆုိတဲ့ စကားလုံးဟာ မူလတန္းအလယ္တန္း အထက္တန္းကေန စလုိ႕ တကၠသိုလ္ေတြအထိ ပက္သက္ေနပါတယ္။ တကယ္ပဲ ဒီပညာေရး ပရိသတ္အားလုံးက သည္ဂ်ာနယ္ကုိ စိတ္၀င္စားလာမယ္ ဆုိရင္ ပရိသတ္အင္အားက မနည္းဘူးပဲ လုိ႕ေတြးမိပါတယ္။  သည္ဂ်ာနယ္ေလး ေအာင္ျမင္ပါေစ လုိ႕ဆုေတာင္းေပးရင္းနဲ႕ အယ္ဒီတာအဖဲြ႕ကုိလည္း အားေပးလုိက္ပါတယ္။

Read More

သမုုိင်းထဲကရုုပ်ရှင် ရုုပ်ရှင်ထဲကသမုုိင်း Gandhi ဂျူနီယာဝင်း

သမုုိင်းထဲကရုုပ်ရှင် ရုုပ်ရှင်ထဲကသမုုိင်း

Gandhi

ဂျူနီယာဝင်း

(English for All မဂဇင်း မတ်လ ၂၀၁၄ တွင်ပါရှိသောဆောင်းပါး)

Gandhi (ဂန္ဓီ) ဟုုအမည်တွင်သော ရုုပ်ရှင်ကားကြီးသည် ၂၀ ရာစုုအစောပိုုင်းကာလ အတွင်း အနိယတွင် ဗြိတိသျှအစုုိးရ အုုပ်စုုိးစဉ်ကာလ ဗြိတိသျှကိုု ဆန့်ကျင်ဦးဆောင်ခဲ့သူ အကြမ်းမဖက်သော လူထုုခေါင်းဆောင် Mahatma Gandhi (မဟတမဂနီ) ၏အတ္ထုပတ္တိကုုိ ရုုိက်ကူးထားသော ရုုပ်ရှင်ဖြစ်သည်။ ဂန္ဓီအဖြစ် Ben Kinsley ကသရုုပ်ဆောင်ကာ ဒါရုုိက်တာမှာ Richard Attenborough ဖြစ်သည်။

ရုုပ်ရှင်သည် ၁၉၄၈ခုုနှစ် ဇန်နဝါရီလ ၃၀ ရက် ဂန္ဓီလုုပ်ကြံခံခဲ့ရသော နေ့တွင်စတင်ထားသည်။ ဂန္ဓီသည် သူ၏သမီးများ၊ သူ့ကုုိပြုစုုနေသူများ၏ အကူအညီဖြင့် သူ့အားထောက်ခံသူများ၊ ရုုိသေကုုိင်းရုုူိင်းကြသူများ နှင့်တွေ့ဆုုံရန် လမ်းလျှောက်ထွက် လာသည်။ လူအုုပ်ကြီးကြားထဲတွင် Na-huram Gode အမည်ရှိလူတစ်ဦး ကလုုိက်ပါလာကာ ဂန္ဓီရှေ့သုုိ့ အရောက်တွင် သေနတ်ဖြင့် အလွတ်ပစ်ခတ်ခဲ့သည်။ ဂန္ဓီသည် “ဘုုရားသခင်“ (Oh! God) ဟုုညီးတွားရင်း ပွဲချင်းပြီး သေဆုုံးသွားသည်။ ပြီးနောက် ဂန္ဓီ၏အသုုဘအခန်းအနား  ကိုုဆက်လက်ပြသ သွားသည်။

ထုုိအသုုဘအခန်းအနား ကုုိပုုိ့ဆောင်ကြသောလူအုုပ်ကြီးများ၊ ဝမ်းနည်းပူဆွေးနေသူများ၊ တစ်ကမာလုုံးနှမျော ဝမး်နည်းမူများစွာကုုိ ထုုိအဖြစ်အပျက်ကုုိ ပြသနေစဉ်အတွင်း အစီအစဉ် ကြေငြာသူက နောက်ခံပြောပြ သွားပါသည်။ အဓိကအားဖြင့် ဂန္ဓီသည် အကြမ်းမဖက်ပဲ ဥပဒေကုုိ ဆန့်ကျင်ခြင်းကုုိ လက်တွေ့အသုုံးပြု သွားခဲ့သူ အထင်ရှားဆုုံး ပုုဂိုလ်တစ်ဦး ဖြစ်သည်။ “ဥပဒေများသည် မည်ကဲ့သိုု့ပင် မတရားစေကာမူ ထုုိဥပဒေကုုိ ချိူးဖောက်ခြင်းသည် နုုိင်ငံ၏တည်ငြိမ် အေးချမ်းရေးကုုိ မထိခုုိက်စေရ။ ဤနေရာတွင် ဥပဒေချိူး ဖောက်သူများဘက်မှ ကုုိယ့်ကိုုယ်ကုုိယ်ထိန်းနုုိင်ရန် အလွန််အရေးကြီးသည်။ အီကိစတွင် မဟတမဂနီသည် သူ၏တပည့်များကုုိ အလွန်ခက်ခဲစွာ ပညာပေးစည်းရုုံးခဲ့ရသည်။“ ဟူရွေ့ John Rawls)ဂျွန်ရော့ - နုုိင်ငံရေး ဒသနပညာရှင်တစ်ဦးက ကောက်ချက်ချခဲ့သည်။

အကြမ်းမဖက်ပဲ ဥပဒေကုုိဆန့်ကျင်သောလုုပ်ရပ်သည် စည်းမကျော်အောင် အလွန်သတိထား၍ လုုပ်ရသော လုုပ်ရပ်ဖြစ်ပြီး နည်းနည်းမှ အမှားမခံ သောလုုပ်ရပ်ဖြစ်သည်။ ထုုိ့ကြောင့် လုုပ်သာသူဘက်မှ အလွန်ပညာပြည့်ဝဖုုိ့ လုုိသည်။ အောင်မြင်ဖုုိ့အလားအလာ မှာလည်းအလွန်နည်းသည်။ ထုုိ့ကြောင့်လည်း လုုပ်သောသူ တော်တော်နည်းသည်။ ဂန္ဓီသည် အကြမ်းမဖက်သောနည်းကုုိ အသက်ပေးကာ လုုပ်ပြသွားခဲ့သည်။ သူ့ကုုိအာဏာပုုိင်တွေကလည်း မကြိုက်၊ သူ့ဘက်သားတွေကလည်း မကြိုက်တာကုုိခံရသည်။ ထုုိ့ကြောင့် သူ့ုလုုိရုုိးသားအေးဆေးသော ခေါင်းဆောင်တစ်ဦး ၏ဘဝသည် မတရားသော လောကကြီးထဲမှာ မွေးဖွားလာရခြင်းကုုိက တော်တော်နှမျောစရာ ကောင်းသည်။

ရုုပ်ရှင်အစပုုိင်း သူ၏အသုုဘအခမ်းအနားတွင် သူ့အားဂုုဏ်ပြုသောစကားတွင် မဟတမဂန္ဓီ ၏ထူးခြားသော ၀ိသေသကုုိ ထည့်သွင်းပြောကြားသွားသည်မှာ လွမ်းစရာဖြစ်ပါသည်။

“ချမ်းသာကြွယ်ဝမူမရှိ ….. ပုုိင်ဆုုိင်မူဘာမှမရှိ ….. အစုုိးရကချီးမြင့်ထားတဲ့ ရာထူးဂုုဏ်ဒြဗ်မရှိ …… အစုုိးရဝန်ထမ်းလည်းမဟုုတ်တဲ့ ရုုိးရုုိးသာမန်လူသားတစ်ယောက်ပါ။ …..သူက စစ်တပ်ရဲ့ အကြီးအကဲလည်းမဟုုတ်…ကျယ်ပြောတဲ့ မြေပုုိင်ရှင်တစ်ဦးလည်း မဟုုတ်ပါဘူး။ သူ့ပုုံစံက….. သေးသေးညှပ်ညှပ်…… အသားညိုညှက်ညှက်…..။ သူ့ရဲ့ အဆင်တန်ဆာဆုုိတာ ကလည်း…. ခါးအောက်ပုုိင်း လုုံရုုံလေး ဝတ်ဆင်ထားတဲ့ ခြုံလွှာလေးသာပါ…။ အုုိ…… ကြည့်လုုိက်စမ်းပါဦး ….. ဒီလုုိလူသားတစ်ဦးအတွက်…. တကမ္ဘာလုံးက အစုုိးရအဖွဲ့အစည်းတွေ ….. ဂုုဏ်သရေရှိ ပုုဂိုလ်တွေ အားလုုံးက စုုပေါင်းပြီး လေးလေးစားစား ဂုုဏ်ပြု ဆုုတောင်းပေးနေကြရတယ်……“

‘…. without wealth… without property …. without official titles or offices … Mahatama Gandhi … was not the commander of armies…. Nor a ruler of vast lands…. Yet men…. governments,  dignitaries from all over the world…. have

joined hands today to pay homage …. to this little brown man in the loindoth.’

Read More

စကၠဴကိုအေပါက္ေဖာက္ျခင္း (သခ်ာၤဥာဏ္စမ္း ) ေဒါက္တာခင္ေမာင္၀င္း (သခ်ာၤ)၊

မတ္ ၁၅၊ ၂၀၁၄

(Academic Weekly Educational Journal Vol 3 No 11, 13-3-2014 မွ)

အလ်ား ၆ လက္မနွင့္ အနံ ၄ လက္မရွိေသာ စကၠဴတစ္ခုကုိ အေပါက္ေဖာက္ မည္ဆုိလွ်င္ အေပါက္၏အရြယ္သည္ အ၀န္းအားျဖင့္ ၆+၄+၆+၄ = ၂၀ လက္မ က်ယ္ႏုိင္သည္ဟု ထင္စရာရွိပါသည္။

သုိ႕ေသာ္ အလ်ား ၆ လက္မႏွင့္ အနံ ၄ လက္မရွိေသာ စကၠဴတစ္ခုကို အ၀န္းအားျဖင့္ ၂၄ လက္မေက်ာ္ေသာ အေပါက္ျဖစ္ေအာင္ေဖာက္နုိင္သည္။ အ၀န္းအားျဖင့္ ၄၈ လက္မေက်ာ္ေသာ အေပါက္ျဖစ္ေအာင္လည္း ေဖာက္နုိင္သည္။ မည္ကဲ့သို႕ျဖစ္ႏုိင္သနည္း။

စဥ္းစားနည္း

ပုံ

စကၠဴအသားကိုျဖတ္မထုတ္ပဲ အေပါက္ေဖာက္ေသာနညး္ကုိစဥ္းစားပါ။

တြက္နည္းနွင့္အေျဖ။

 

ပုံ

ေရွးဦးစြာစကၠဴကို ဤပုံတြင္ျပထားသည့္အတုိင္းေဖာက္ပါ။ ျပီးလွ်င္ေအာက္တြင္ ျပထားသည့္ အတုိင္း ကပ္ေၾကးျဖင့္ ညွပ္ပါ။ ျပီးလွ်င္ A မွ B အထိထပ္ျဖတ္ပါ။ ျပီးလွ်င္ A နွင့္ B မွကိုင္၍ဆဲြဆန္႕လုိက္ပါ။

ညွပ္ေသာလုိင္းမ်ားအေရအတြက္ကိုတည္၍ အေပါက္သည္က်ယ္ မည္ျဖစ္သည္။ အကယ္၍ A4 စကၠဴကုိ ဤနည္းအတုိင္း ျဖတ္မည္ဆုိလွ်င္ အေပါက္သည္လူႏွစ္ေယာက္ ၀င္ဆန္႕သည္။ ေအာက္ကပုံကုိၾကည့္ပါ။

Read More

စာရေးဆရာက သူ့စာမူ သူပိုုင်တယ်၊ ထုုတ်ဝေသူနဲ့ မဆိုုင်ဘူး မောင်ရစ်

စာရေးဆရာက သူ့စာမူ သူပိုုင်တယ်၊ ထုုတ်ဝေသူနဲ့ မဆိုုင်ဘူး

မောင်ရစ်၊ မတ် ၆၊ ၂၀၁၄

ဟိုုတခါက အီးဘုုတ်တွေ ထုုတ်တဲ့ကိစ္စ၊ မိုုးမခမီဒီယာအနေနဲ့လည်း မေတ္တာနဲ့ Amazon Kindle E-Book  အဖြစ် မြန်မာစာအုုပ်တွေ တင်ပေးချင်တဲ့ကိစ္စ ပြီးတော့ ကော်ပီရိုုက် (မူပိုုင်ခွင့်) ကိစ္စကိုု အင်တာဗျုးမှာလည်း ပြောခဲ့ပြီ၊ စာရေးပြီးတော့လည်း ပြောခဲ့ပြီ။ အခုုလည်း မြန်မာပြည်တွင်းက စာရေးဆရာတွေဘက်က ထပ်မေးလာလိုု့ စာရေးပြီးတော့ ထပ်ပြောရပါဦးမယ်။

စာရေးဆရာက သူ့စာမူ သူပိုုင်တယ်။ စာအုုပ်ထုုတ်တဲ့သူက သူထုုတ်တဲ့စာအုုပ်ပဲ သူပိုုင်တယ်။ စာရေးဆရာရဲ့ စာမူကိုု သူမပိုုင်ဘူး။ သူနဲ့ တိုုက်ရိုုက် မသက်ဆိုုင်ဘူး။ ဥပမာ – စာရေးဆရာဆီက စာမူကိုု ဝယ်ပြီး ထုုတ်ဝေသူက စာအုုပ်ထုုတ်ရင် သူထုုတ်တဲ့ ပထမအကြိမ်၊ အုုပ်ရေ၊ တန်ဖိုုးနဲ့ ညီတဲ့ စာမူခပေးချေပြီး ထွက်လာတဲ့ စာအုုပ်အသွင်သဏ္ဍာန်ကိုုသာ ထုုတ်ဝေသူက ပိုုင်ဆိုုင်တယ်လိုု့ ဆိုုလိုုတာပါ။ စာရေးဆရာရဲ့စာမူကိုု သူမပိုုင်ဘူး။ ပထမနှိပ်ခြင်းကုုန်ရင် ဒုုတိယနှိပ်ခြင်းမှာ စာရေးဆရာကိုု ထုုတ်ဝေသူက စာမူခထပ်ပေးရပါတယ်။ စာရေးဆရာက သူ့ဖာသာသူ ထပ်မံ ထုုတ်ဝေချင်လိုု့ စီမံ ထုုတ်ဝေရင်လည်း တားမြစ်လိုု့ မရပါဘူး။ တခုုပဲ ရှိပါတယ်။ ထုုတ်ဝေသူက အချိန်အကန့်အသတ်တခုုနဲ့ ဒီစာမူကိုု ဒီစာအုုပ်ကိုု တခြားမှာ မသုုံးအောင်၊ မထုုတ်အောင် ကန့်သတ်တာမျိုး၊ နားလည်မှုမျိုးကိုု စာရေးဆရာနဲ့ ထုုတ်ဝေသူက စာချုပ် ချုပ်ဆိုထားရင်တော့ တမျိုးပေါ့။ ဘက်စ်ဆဲလာစာရေးဆရာတွေရဲ့ စာအုုပ်တွေဆိုုရင်တော့ တုုိက်တွေက အဲသလိုု စာချုပ်ချုပ်လေ့ရှိပါတယ်။

သိုု့သော် … ဒီသိုု့သော်က အခုု လာမေးနေတဲ့မေးခွန်းနဲ့ ဆိုုင်ပါတယ်။ အကယ်၍ စာအုုပ်သည် ပုုံနှိပ်စာအုုပ်အဖြစ်ကနေ “အခြားအသွင်သဏ္ဍာန်တခုုကိုု ပြောင်းသွားခဲ့သည် ရှိသော် …” ဘယ်သူနဲ့ ဆိုုင်သလဲ။ စာရေးဆရာနဲ့ပဲ ဆိုုင်ပါတယ်။ စာမူတခုုဟာ မည်သည့်အသွင်ပြောင်းပြောင်း အနုုပညာပစ္စည်း သိုု့မဟုုတ် စာပေတခုု စာမူတခုုအဖြစ်နဲ့ စာရေးဆရာရဲ့ ပိုုင်ဆိုုင်မှုအဖြစ်ကနေ ပြောင်းရွှေ့သွားခြင်း မရှိပါဘူး။ စာရေးဆရာကပဲ ပိုုင်ပါတယ်။ အသွင်ပြောင်းသွားတာကိုု မူလထုုတ်ဝေသူက သူပဲ ပိုုင်ဆိုုင်တယ်လိုု့ တိုုက်ရိုုက် ကောက်ချက်ဆွဲခွင့် မရှိပါ။ စာရေးဆရာနဲ့ ပြန်လည် တိုုင်ပင်ညှိနှိုင်း သဘောတူညီမှု ပြန်ယူပြီး ဆောင်ရွက်ရမှာ ဖြစ်ပါတယ်။

ပြောချင်တာက ပြန်ကြားရေးဝန်ကြီးဌာနတိုု့၊ အီးဘုုတ်ကုုမ္မဏီတွေတိုု့၊ အီးစာကြည့်တိုုက်တိုု့၊ အီးဝန်ဆောင်မှုတိုု့ လုုပ်နေကြတဲ့ မြန်မာပြည်တွင်းမှာ မြန်မာစာအုုပ်တွေကိုု အီးဘုုတ်အသွင်ပြောင်းကြတဲ့အခါ အဲသည်အီးဘုုတ်တွေကိုု မူလပုုံနှိပ်ထုုတ်ဝေသူတွေက သူတိုု့တသက်လုုံးပိုုင်တဲ့ ပစ္စည်းတခုုလိုုသဘောထားပြီး လုုပ်ကိုုင်နေကြတာကိုု တွေ့မြင်နေရလိုု့ ဝင်ပြောရတာဖြစ်ပါတယ်။ အီးဘုုတ်အသွင်ပြောင်းလိုုက်တာနဲ့ စာရေးဆရာနဲ့ စာမူခဆိုုင်ရာ ခွင့်ပြုချက်ဆိုုင်ရာ ပြန်လည် ညှိနှိုင်းစာချုပ်ချုုပ်ရမယ်၊ ခွင့်တောင်းရမယ်။ စာရေးဆရာတွေက မကျေနပ်လိုု့ ကန့်ကွက်ရင် လိုုက်နာရမယ်။ ငါထုုတ်တဲ့စာအုုပ် အီးပဲထုုတ်ထုုတ် ဘုုတ်ပဲထုုတ်ထုုတ် စာရေးဆရာနဲ့ မဆိုုင်ဘူးလိုု့ မလုုပ်ကြဖိုု့ မေတ္တာရပ်ခံတဲ့စာကိုု ရေးရတာပါ။

တလောကကြားတာကတော့ နိုုင်ငံတော်ဆိုုတာကြီးရဲ့ စေတနာရှေ့ထားပြီးတော့ ပြန်ကြားရေးကဆိုုလား အီးစာကြည့်တိုုက် အီးဘုုတ်တွေ အခမဲ့ ၀ိုုင်ယာလက်စ်ပေါ်က ဖြန့်ချိမယ်။ စာရေးသူတွေက ဝေသန္တရာစိတ်ထားနဲ့ သဘောထားကြပါဆိုုလား သတင်းစာ၊ ဂျာနယ်အချို့မှာ ထုုတ်ပြန်အသိပေးတယ်လိုု့ ဖတ်လိုုက်ရတယ်။ နောက်တော့ ပုုံနှိပ်စာအုုပ်တွေကိုု အီးဘုုတ်တွေအဖြစ် ပြည်တွင်းမှာ အသွင်ပြောင်းထုုတ်ကြမယ် … ပြန်ကြားရေးရယ်၊ ကုုမ္မဏီရယ်၊ ထုုတ်ဝေသူတွေရယ်က သူတိုု့ထုုတ်ခဲ့တဲ့ စာအုုပ်တွေကိုု စိတ်ကြိုက် အသွင်ပြောင်းကြ၊ ထုုခွဲကြ၊ ဝေမျှကြမယ် ဆိုုလားပဲ … ဒါမျိုးလဲ ကြားရပြန်တယ်။ “စာရေးဆရာတွေကျတာ့ရော” ဆိုုတော့ “သူတိုု့နဲ့ မဆိုုင်ဘူး” ဆိုုလားပဲ။ “သူတိုု့ထုုတ်တဲ့စာအုုပ် သူတိုု့စာအုုပ်။ စာရေးဆရာတွေက ဘာမှ ဝင်ရှုပ်စရာမလုုိဘူး” လုု့ိ ထုုတ်ဝေသူတချို့က ပြန်ပြောတဲ့အကြောင်း စာရေးဆရာအချို့က သတင်းပြန်ပေးပါတယ်။ ဒီလိုုမျိုး လုုပ်လိုု့ မရတဲ့အကြောင်း အခုုဒီစာရေးပြီး မေတ္တာရပ်ခံအပ်ပါတယ်။

စာရေးသူက စာမူပုုိင်ပါတယ်။ ထုုတ်ဝေသူနဲ့ မဆိုုင်ပါဘူး။ အတိုုင်းအတာတခုု အထိပဲ အသွင်သဏ္ဍာန်တခုုအနေနဲ့ ပိုုင်ပါတယ်။ တသက်လုုံး ငါ့ဟာလိုု့ ဆိုုနေရင် ခင်ဗျားတိုု့ ထုုတ်ဝေသူတွေကလည်း အာဏာရှင်အစုုိးရနဲ့ ပေါင်းပြီး မောင်ပိုုင်စီး စားသောက်နေကြတဲ့ ခရိုုနီတွေလိုု ဖြစ်ကုုန်ကြတော့မှာပေါ့။ အီးဘုုတ်တွေ အီးစာကြည့်တိုုက်တွေ လုုပ်ချင် ကိုုင်ချင်ရင် မူလပိုုင်ရှင်စာရေးသူတွေကိုု သီးခြားခံစားခွင့်၊ ခွင့်ပြုချက်၊ အသိအမှတ်ပြု လေးစားမှု စသည်တုုိ့ ပေးအပ်ပြီးမှသာ လုုပ်ကိုုင်ဆောင်ရွက်သင့်ပါတယ်။

အခုုတောင် မြန်မာရုုပ်ရှင်တွေ သီချင်းတွေကိုု ခိုုးကူး ခိုုးဝေပြီးတော့ ဝေသန္တရာလုုပ်နေတဲ့သူတွေက အင်တာနက်ပေါ်မှာ ခိုုးရာပါပစ္စည်းနဲ့ အလှူရှင်မျက်နှာကြီးလုုပ်နေကြတာ ရှက်စရာပါ။ အခုုလည်း မြန်မာစာအုုပ်တွေကိုု ခိုုးကူး ခိုုးဖြန့်နေတဲ့ အီးဘုုတ်ခိုုးဖြန့်တွေကလည်း သူတိုု့ကိုုယ်တိုုင်ကပဲ မြန်မာစာပေလောကကြီး မြှင့်တင်နေသလိုုလိုု အင်တာနက်ပေါ်မှာ သူခိုုးတွေနဲ့ ခိုုးရာပါတောင်းစားသူတွေ တော်သလင်းဇာတ်ခင်းနေကြတာ စိတ်မကောင်းစရာပါ။ ဒါကိုု ထုုတ်ဝေသူတွေက သူတိုု့လိုုမျိုး တတန်းစားတည်း ခံယူပြီးတော့ မူလပိုုင်ရှင်စာရေးဆရာတွေ စာမူရှင်တွေကိုု ပစ်ပယ်ပြီး အသွင်ပြောင်းချင်တိုုင်းပြောင်း၊ အကျိုးအမြတ်ကိုု လက်ဝါးကြီးအုုပ်တာမျိုးကိုု မကြားလိုု မမြင်လိုုပါ။

မိုုးမခက ဦးဝင်းတင်နဲ့ အင်တာဗျုးတဲ့ ဆောင်းပါးတွေ ရှိတယ်။ ဒါကိုု ထုုတ်ချင်တဲ့ ထုုတ်ဝေသူက တောင်းတော့ ကျနော်က ဦးဝင်းတင်ဆီက ခွင့်ပြုချက်တောင်းပါတယ်။ အင်တာဗျုးတွေက မိုုးမခကစီစဉ်တာပါ။ ငါတိုု့်ဟာပဲလိုု့ ဆိုုချင် ဆိုုနိုုင်ပါတယ်။ သိုု့သော် မူလအာဘော်ပြောဆိုုသူက ဦးဝင်းတင်ဆိုုတော့ သူ့ကိုုလည်း ခွင့်တောင်း အသိပေးရပါတယ်။ ပြီးတော့ မိုုးမခဆိုုတာက ဘာမှမဟုုတ်တဲ့ မီဒီယာဆိုုတော့ စာမူခတွေဘာတွေ မတောင်းပါဘူး။ စာမူခများ ပေးရင် ဆရာဦးဝင်းတင်ကိုုသာ ကန်တော့ဖိုု့ မေတ္တာရပ်ခဲ့ပါတယ်။ ဆရာဦးဝင်းတင်ကလည်း သူ့စာမူခတွေအားလုုံးကိုု သူ့ဖောင်ဒေးရှင်းကိုု ရည်စူးပြီး လှူဒါန်းလိုုက်ပါသတဲ့။ သည်တော့ ပြောချင်တာက ဦးဝင်းတင်အင်တာဗျူးစာအုုပ်လိုုမျိုးကိုု ပြန်ကြားရေးဝန်ကြီးကနေ အီးစာကြည့်တိုုက်အဖြစ် ၀ိုုင်ယာလက်တွေ ဘာတွေနဲ့ အသွင်ပြောင်းထုုတ်ဝေချင်တယ်ဆိုုရင် ဦးဝင်းတင်ဆီက တိုုက်ရိုုက်ခွင့်တောင်းကြပါလိုု့ ပြောချင်ပါတယ်။

စာရေးဆရာတွေသာလျင် သူတိုု့စာမူများ၏ အရှင်သခင်ဖြစ်ပါတယ်။ စာရေးဆရာဟာ သူရေးတဲ့ စာမူတွေနဲ့ စာအုုပ်အတွက် တာဝန်ယူပါတယ်။ ခံစားပါတယ်။ အခန့်မသင့်လိုု့ ထောင်ကျ တန်းကျရင်လည်း သူတိုု့ပဲ ထောင်ကျတာပါ။ ဘယ်ထုုတ်ဝေသူတွေက ဘယ်စာရေးဆရာအတွက် ကိုု်ယ်စား ထောင်ကျခံပေးကြတဲ့ ရာဇဝင်များ ရှိခဲ့သလဲ။ အယ်ဒီတာအောင်ဆန်းကသာ စာရေးဆရာ ညိုမြအတွက် ကျောင်းအထုုတ်ခံရတယ်လိုု့ပဲ ကြားဖူးတယ် မဟုုတ်လား။

Read More