စာအုပ်တွေ
စိတ်ကူးချိူချိူစာအုပ်တိုက်ကနေပြီး ၁၁နှစ်ပြည့်အဖြစ် ကလေးလူငယ်များကိုရည်ရွယ်ပြီးစာအုပ်၁၁အုပ်
ထုတ်ဝေလိုက်ပါတယ်။စာအုပ်၁၁ အုပ်ကိုအမည်တွေတပ်ပြီးကိုယ်နှစ်သက်ရာကိုယ်စိတ်ဝင်စားဖွယ်ရာ
ဖတ်ရူနိုင်တဲ့ထူးခြားတဲ့တင်ဆက်မူဖြစ်ပါတယ်။အဲဒီခေါင်းစဉ်တွေကိုရေးပြရရင်….
လူမူဆက်ဆံရေး
အနုပညာ
စာဖတ်ခြင်း
သိပ္ပံပညာ
မိဘဆရာ
သဘာဝပတ်ဝန်းကျင်
ကွန်ပြူတာနဲ့အိုင်တီ
ညဏ်ပညာ
အားကစားနှင့်ကျမ်းမာပျော်ရွှင်ခြင်း
ရဲစွမ်းသတ္တိ နှင့်
သမိုင်းနှင့်ယဉ်ကျေးမူ များဖြစ်ကြပါတယ်။
စာအုပ်တစ်အုပ်ချင်းဆီမှာနံမယ်ကျော်စာရေးဆရာကြီးများဖြစ်ကြသော
ခင်မျိူးချစ်၊ဇော်ဂျီ၊အောင်သင်း၊လူထုဒေါ်အမာ၊ပီမိုးနှင်း၊သိန်းဖေမြင့်၊မောင်ခင်မင်(ဓနုဖြူ)၊ပျဉ်းမနားမောင်နီသင်း၊
ဦးဖေမောင်တင်၊စောမုံညင်း၊မင်းယုဝေ၊ဆင်ဖြူကျွန်းအောင်သိန်း၊တက်တိုး၊မောင်သော်က၊တိုက်စိုး၊အမျိုးသား
ပညာဝန်ဦးဖိုးကျား၊မင်းသုဝဏ်၊မောင်ထင်၊ဒေါက်တာသန်းထွန်း၊ပါရဂူ၊ဒေါက်တာခင်မောင်ညွန့်၊
အစရှိသည်တို့ရဲ့လက်ရာဟောင်းလက်ရာသစ်များကိုတွေ့ရပါတယ်။
ခင်မျိူးချစ်ရဲ့ အမှိူက်ပုံဆွသူ ဆိုတဲ့ဆောင်းပါးဟာသမိုင်းနှင့်ယဉ်ကျေးမူ ဆိုတဲ့စာအုပ်လေးမှာ
တွေ့နိုင်သလို စာအုပ်စာပေအသိဥာဏ်ပညာနှင့်ပရိုမီးသိရက်စ် ဆောင်းပါးကို စာဖတ်ခြင်းဆိုတဲ့စာအုပ်မှာရှာ
ဖတ်နိုင်ပါတယ်။ အဲသည်လိုပဲ ဦးဖိုးကျားရဲ့အမျိူးသားပညာကျော်ရှိမဟာပညာကျော် ဆောင်းပါးကိုညဏ်ပညာ
ဆိုတဲ့စာအုပ်မှာတွေ့ရှိရပါတယ်။ မိဘဆ၇ာ ဆိုတဲ့စာအုပ်လေးမှာလည်းတက်တိုးရဲ့ဖခင်တစ်ဦး၇ဲ့သြ၀ါဒများ၊
လူထုဒေါ်အမာ၇ဲ့အမေ့ကိုဦးညွတ်လျက်၊ဦးဖေမောင်တင်ရဲ့အမိကိုယ်စားအသက်စွန့်သောမင်းသား..အစရှိ
သောစာပေများကိုတွေ့ရမှာဖြစ်ပါတယ်။
ထို့အပြင်သံအမတ်ကြီးဦးသက်ထွန်း၊ဒေါက်တာခင်မောင်ဝင်း၊ဘိုးလှိူင်၊ကြည်နိုင်၊ကိုတာ၊လူထုစိန်ဝင်း၊
မောင်ဝံသ၊ဒေါက်တာခင်ရီဝင်း၊ကောက်နွယ်ကနောင်၊စိုးစိုး(အင်္ဂပူ)၊ချစ်နိုင်စိတ်ပညာ၊ညီပုလေး၊ရွှေကူမေနှင်း၊ဂျူး၊
တက္ကသိုလ်မောင်အောင်ဆွေ၊ခင်မောင်တိုးမိုးမိတ်၊ချစ်စံဝင်း၊မစန္ဒာ၊သစ္စနီ၊စိုးမြင့်လတ်၊အံ့မောင်၊ဒေ၀ီသန့်စင်၊
ကျော်ဦး၊ ခင်စောတင့်၊မောင်ကိုကိုအမရပူရ၊ခင်မောင်ညိုဘောဂဗေဒ၊လေးကိုတင်၊၀င်းထွဏ်ဇော်၊နန်းအိအိဇာ၊
ချစ်ဦးညို၊နုနုရည်အင်းဝ၊ဖေမြင့် နဲ့ ဂျူနီယာဝင်းတို့ရဲ့ဆောင်းပါးများကိုလည်းတွေ့ရပါဦးမယ်။
ညဏ်ပညာ ဆိုတဲ့စာအုပ်မှာဒေါက်တာခင်မောင်ဝင်းက ပညာဗဟုသုတ ၊ ဂျူနီယာဝင်း ကရဲစွမ်းသတ္တိ ဆိုတဲ့
စာအုပ်မှာ သတ္တိရှိခြင်း ဆောင်းပါး နှင့် သိပ္ပံပညာ ဆိုတဲ့စာအုပ်မှာ သိပ္ပံပညာကမ္ဘာ ဆောင်းပါးများကိုတွေ့ရ
မယ်။
(ပုံ - ဟောဒီ ရဲစွမ်းသတ္တိ စာအုပ်လေးမှာ ဂျူနီယာဝင်း ကသူ့ရဲ့ဆောင်းပါးတစ်ပုဒ်ပါပါသတဲ့။)
ဖေမြင့်ရဲ့ စာဖတ်ခြင်းနှင့်ဘ၀တိုးတက်မူရလိုလျှင်ဆိုတဲ့ဆောင်းပါးကို စာဖတ်ခြင်းစာအုပ်မှာတွေ့နိုင်သလို
ကြည်နိုင်ရဲ့ဘုန်းကြီးကျောင်းသားအကောင်းစား ဆောင်းပါးကို လူမူဆက်ဆံရေး စာအုပ်မှာတွေ့ရပါတယ်။
ထို့ပြင်စာအုပ် ကလေးလူငယ်စာအုပ်တွေမှာမပါမဖြစ်မပါမပြီးတဲ့ပုံပြင်တွေကို စာအုပ် ၁၁ အုပ်မှာတစ်ပုဒ်ကျဆီ
ပုံပြင် ၁၁ ပုဒ် ဖြင့် တက္ကသိုလ်ရွှေရီဝင်း ကရေးသားထားတာများပါဝင်ပါတယ်။ အနုပညာ ဆိုတဲ့စာအုပ်မှာ
သူငယ်ချင်းနှစ်ယောက်ရှိလေသည် ၊ ကွန်ပြူတာနှင့်အိုင်တီ စာအုပ်မှာ ကြယ်တံခွန်မှလွတ်မြောက်ခြင်း၊
ရဲစွမ်းသတတ္တိ စာအုပ်မှာ သန်လျက်တော်သူခိုး၊ သမိုင်းနှင့်ယဉ်ကျေးမူ မှာပုဂံသူရဲကောင်းများ ပုံပြင်များပါတဲ့။
ထို့အပြင် ကာတွန်းဆိုတာလည်းကလေးလူငယ်များအကြိုက်ဆိုတော့ကလေးများအချစ်တော် ကာတွန်း
အော်ပီကြယ် ရဲ့ အော်ပီကြယ်ကော်လံ တွေကိုလည်း သမိုင်းနှင့်ယဉ်ကျေးမူ၊အားကစား၊စာဖတ်ခြင်း၊ရဲစွမ်း
သတ္တိ၊ကွန်ပြူတာ၊သဘာဝပတ်ဝန်းကျင်၊မိဘဆရာ၊အနုပညာ….စသဖြင့်တွေမှာတစ်မျက်နှာကာတွန်းများ
တွေ့ရဦးမယ်။ဘဌေးကြည်ရဲ့ရုပ်ပုံဇာတ်လမ်းများလည်းပါပါသေးတယ်။
ဒါ့အပြင်အာတာဗျူးများကလည်းစာအုပ်တိုင်းမှာပါပါတယ်။သိပ္ပံပညာ ဆိုတဲ့စာအုပ်မှာဒေါက်တာခင်မောင်ဝင်း
နှင့်အင်တာဗျူးမှာ “၀ါသနာမပါသောလည်းသင်္ချာပါရဂူဖြစ်ခဲ့သူ” ဆိုတဲ့ခေါင်းစဉ်နဲ့ဆွေးနွေးချက်များပါသလို၊
စာဖတ်ခြင်းဆိုတဲ့စာအုပ်မှာမောင်ဝံသနဲ့“စာဖတ်ချင်စိတ်ရှိအောင်ကလေးတွေကိုမက်လုံးပေးရမယ်”ခေါင်းစဉ်နဲ့
လည်းကောင်း၊သဘာဝပတ်ဝန်းကျင်ဆိုတဲ့စာအုပ်မှာတော့ “သစ်ပင်စိုက်ခြင်းအနုပညာ” FRIDA ဦးအုန်းနဲ့
အင်တာဗျူးများ….စသဖြင့် စသဖြင့်ဆိုပါတော့….။
စာရွက်ကောင်းကောင်းဖြူဖြူချောချော အဖုံးကကြွေချောနဲ့မို့ကိုင်ချင်ဖတ်ချင်သိမ်းထားချင်စရာဖြစ်ရပါကြောင်း
ကိုမိတ်ဆက်တင်ပြလိုက်ရပါတယ်။
No comments:
Post a Comment