ဂျူနီယာဝင်း၏ အင်္ဂလိပ်ဘာသာစာအုုပ် Memory of My Grandparents ထွန်းဖောင်ဒေးရှင်းစာပေဆုု ရရှိ January 18, 2017

ဂျူနီယာဝင်း၏ အင်္ဂလိပ်ဘာသာစာအုုပ် Memory of My Grandparents ထွန်းဖောင်ဒေးရှင်းစာပေဆုု ရရှိ January 18, 2017

  REFERENCE _ (MOEMAKA Online NEWS)

http://moemaka.com/archives/56064

၂၀၁၇ နှစ်ဆန်းတွင် ထုုတ်ပြန်ကြေညာသော ၂၀၁၅နှစ်အတွင်း ထုုတ်ဝေခဲ့သည့် စာအုုပ်များထဲမှ ထွန်းဖောင်ဒေးရှင်းစာပေဆုု ရရှိသည့် စာရင်းတွင် ဂျူနီယာဝင်း အင်္ဂလိပ်ဘာသာဖြင့် ရေးသားခဲ့သည့် A Memory of my Grandparents စာအုုပ်က အထုုပ္ဗတ္တိစာပေ (အင်္ဂလိပ်) တွင် ဆုုချီးမြှင့်ခြင်း ခံရသည်။

အဆိုုပါ စာအုုပ်သည် ၂၀၁၅ ခုုနှစ် တွင် စာပေဇနီးမောင်နှံဖြစ်သော ဦးခင်မောင်လတ် ဒေါ်ခင်မျိုးချစ် ရာပြည့်အထိမ်းအမှတ် ထုုတ်ဝေခြင်း ဖြစ်သည်။ သူတိုု့စာပေမောင်နှံနှင့် သူတိုု့၏ စာပေနှင့် နိုုင်ငံရေးမိတ်ဆွေများ၊ မိသားစုုသူငယ်ချင်းများ၏ ဖြတ်သန်းမှုများ အမှတ်တရများကိုု ဓာတ်ပုုံများ ကောက်နှုတ်ချက်များနှင့် မြေးဖြစ်သူ  စာရေးဆရာမ ဂျူနီယာဝင်းက ၎င်း၏ ဘဝအမြင်ကနေ ပြန်လည် စုုဆောင်းရေးသား တင်ပြထားခြင်း ဖြစ်သည်။ ၂၀၁၅ ရာပြည့်နှစ် မေလတွင် အဆိုုပါ စာအုုပ်ကိုု ထုုတ်ဝေခဲ့ပြီး အဆိုုပါ ရာပြည့်အထိမ်းအမှတ်အဖြစ် ဦးခင်မောင်လတ်နှင့် ဒေါ်ခင်မျိုးချစ်တိုု့နှင့် ခေတ်ပြိုင်စာပေမိတ်ဆွေများ၏ ဓာတ်ပုုံများ ပြပွဲကိုုပါ ကျင်းပခဲ့သည်။ ၎င်းနောက် ရာပြည့်ပြခန်းကိုု စီစဉ်ပြီး အဆိုုပါ ဓာတ်ပုုံများကိုု စုုစည်းထားရှိခဲ့သည်။

အဆိုုပါ စာအုုပ်ကိုု ရန်အောင်စာပေက ထုုတ်ဝေဖြန့်ချိခဲ့သည်။ မိုုးမခမီဒီယာကလည်း စီစဉ်ထုုတ်ဝေရာတွင် ပူးပေါင်း ဆောင်ရွက်ပေးခဲ့ပါသည်။ ၂၀၁၅ တွင် မေလတွင် အင်္ဂလိပ်ဘာသာဖြင့် မူရင်း ထုုတ်ဝေခဲ့ပြီးနောက် မြန်မာစာဖတ်ပရိသတ်အတွက် ၂၀၁၅ ဒီဇင်ဘာလတွင် မြန်မာဘာသာပြန်နှင့် ဆက်လက် ထုုတ်ဝေခဲ့သည်။

စာရေးသူ ဂျူနီယာဝင်းက စာပေဆုုရရှိခြင်းအတွက် အမှတ်တရ ကျေးဇူးစကားကိုု  သူ၏ ဖေ့စ်ဘွတ်တွင် အောက်ပါအတိုုင်း ရေးသားဖော်ပြခဲ့သည်။

စာဖတ်ပရိသတ်များသုုိ့

Junior Win’s A Memory of My Grandparents အင်္ဂလိပ်ဘာသာဖြင့် ရေးသားထွက်ရှိထားသော စာအုုပ်သည် ၂၀၁၆ခုုနှစ် ထွန်းဖောင်ဒေးရှင်း၏ အထုုပတ္တိစာပေ (အင်္ဂလိပ်) တွင် ဆုုရရှိကြောင်း သိရပါသည်။ ထုုိစာအုုပ်သည် အဘုုိးအဘွားများ အမှတ်တရ ဖြစ်ကာ မိသားစုုလုုပ်အားဖြင့် ထွက်ရှိခဲ့တာဖြစ်တာကြောင့်လည်း မိသားစုုစုုိက်ထူခဲ့သော မှတ်တုုိင်တစ်ခုုလည်း ဖြစ်ပါသည်။ ယခုုလိုု ထွန်းဖောင်ဒေးရှင်းက လူကြီးမင်းများက ထုုိစာအုုပ်ကလေးအား အသိအမှတ်ပြုဆုုပေးခဲ့တာကိုုမိသားစုုမှ လွန်စွာ ကျေးဇူးတင်ရှိပါကြောင်း မှတ်တမ်းတင်လုုိက်ရပါသည်။ ဘဘကြီးဦးခင်မောင်လတ်နဲ့ မေမေကြီးဒေါ်ခင်မျိူးချစ် တုုိ့သည်လည်း သူတုုိ့သားသမီးမြေးများနဲ့ ထပ်တူထပ်မျှ ကျေနပ်ဝမ်းသာနေကြလိမ့်မည်ဟုု ယုုံကြည်ပါသည်။ ထုုိစာအုုပ်ကလေး၏ စာမျက်နှာတုုိ်င်းသည် မိသားစုု၏ ကြိုးပမ်းမူများ အမှတ်ရစရာများ ဖြစ်နေတာကြောင့် ဤဆုုသည် မိသားစုုအားလုုံးနဲ့ သက်ဆုုိင်ရုုံမက အဘုုိးအဘွားများအတွက်လည်း သူတုုိ့ကုုိ ဂုုဏ်ပြုမှတ်တမ်းပြုရာရောက်သော အမှတ်တရဖြစ်ပါသည်။

ဘဘကြီးမေမေကြီးတုုိ့၏ ကျေးဇူးတရားအား ပုုိ၍ သတိရလွမ်းဆွတ်လျက်။