Biography of U Htein Win (or) Thakin Htein Win (1912 – 2010)

Biography of U Htein Win (or) Thakin Htein Win (1912 – 2010)
ဘဘဦးထိန်ဝင်း သို့မဟုတ် သခင်ထိန်ဝင်း (၁၉၁၂ - ၂၀၁၀)၏အတ္ထုပတ္တိအကျဉ်း
(ဘဘဦးထိန်ဝင်းသည်ဘဘကြီးဦးခင်မောင်လတ်နှင့်မေမေကြီးဒေါ်ခင်မျိူးချစ်တို့၏အလွန်ချစ်ခင်ရသောမိတ်
ဆွေကြီးဖြစ်ပါသည်။ဘဘဦးထိန်ဝင်းဟုဆိုလိုက်ပါလျှင်အရပ်မြင့်မြင့်ထောင်ထောင်မောင်းမောင်းအသားဖြူဖြူ
ပြုံးရွှင်သောမျက်နှာအေးချမ်းသောစိတ်အစဉ်ဖြင့်အလွန်တရာမှကောင်းမွန်သောစိတ်နှလုံးရှိကြောင်းမြင်ရုံနှင့်ပင်
ခံစားမိကာအထူးချစ်ခင်လေးစားရသူတစ်ဦးဖြစ်ရပါသည်။အထူးသဖြင့်ဘဘဦးထိန်ဝင်းကိုတွေ့တိုင်းဘဘကြီး
နှင့်အလွန်တူလှသောကြောင့်ဘဘကြီးကိုအထူးသတိရမိပြီးတခါတရံမျက်ရည်ပင်ကျမိရပါသည်။ဘဘဦးထိန်
ဝင်းကွယ်လွန်သွားပြီဖြစ်သဖြင့်ဘဘကြီးမေမေကြီးတို့ချစ်ခင်လေးစားရသောမိတ်ဆွေကြီးအကြောင်းကိုထပ်မံ
တင်ဆက်ဖို့ဆန္ဒရှိနေဆဲဖြစ်ပါသည်။ယခုတင်ဆက်လိုက်သည်မှဘဘဦးထိန်ဝင်းသည်အမြင်အားဖြင့်လေးစား
ကြည်ညိုထိုက်သည်မဟုတ်ပဲသူ၏ဘ၀တသက်တာလုပ်ရပ်များသည်လည်းအထူးပင်အေးချမ်းတည်ညိမ်ကာ
သာသနာအကျိူးကိုမိမိ၏ဘ၀ကဲ့သို့ရင်ဝယ်ပိုက်ကာလုပ်ဆောင်ခဲ့သည်များအဖြစ်စာဖတ်သူများကိုဝေမျှပေး
လိုခြင်းဖြစ်ပါသည်။သည်လိုပုဂ္ဂိုလ်ထူးပုဂ္ဂိုလ်မြတ်မျိူးနှင့်သည်ဘ၀မှာတွေ့ခွင့်ကန်တော့ခွင့်ရခြင်းသည်ပင်လျှင်
ကုသိုလ်ထူးပါပေ့ဟုခံစားမိရသည်များကိုစာဖတ်သူများလည်းဖတ်ကြည့်ပြီးထပ်တူခံစားနိုင်ကာသာဓုခေါ်နိုင်
ကြပါစေ….. ဂျူနီယာဝင်း။)

သာသနာ့ဒါယကာကြီးဘဘဦးထိန်ဝင်းကိုသာသနာသက္ကရာဇ် ၂၄၅၆ မြန်မာသက္ကရာဇ် ၁၂၇၄ တော်သလင်း
လဆန်း ၄ ရက် စနေနေ့ ၁၄-၉-၁၉၁၂ ညဉ့် ၇ နာရီခွဲတွင်မြောင်းမြမြို့ခရိုင်မော်လမြိုင်ကျွန်းမြို့နယ် ကျိူက်ပိ
ရွာတစ်ဖက်ကန်းရှိသောင်တန်းကျေးရွာ၌ဖွားမြင်သည်။မိဘများမှာအဖမြေတိုင်းစာရေးကြီးဦးကျော်ဟန် အမိ
ဒေါ်မေသန်းဖြစ်ပြီးမွေးချင်း ၅ ယောက်အနက်အကြီးဆုံးသားဖြစ်သည်။အင်္ဂလိပ်-မြန်မာ ၇ တန်းအထိပညာ
သင်ခဲ့သည်။
ပဉ္စမတန်းစာမေးပွဲမဖြေဆိုရသေးမီလပွတ္တာမြိ့သို့ဖခင်ပြောင်းရွေ့ရသဖြင့် လပွတ္တာမြို့မြန်မာစာသင်ကျောင်း
တွင်စာပေများဆက်လက်သင်ကြားရင်း လပွတ္တာမြို့တွင်တကြိမ်တခါမျှမထူထောင်ဖူးသေးသောသုသုဗောဓက
စာဖတ်အသင်းကိုကူလီအခစားလုပ်၍ကြိူးစားထူထောင်ခဲ့သည်။ထို့ပြင် လပွတ္တာမြို့၌အင်္ဂလိပ်စာသင်ကျောင်း
တစ်ခုကိုလည်းဖြစ်မြောက်အောင်ကူညီဆောင်ရွက်ခဲ့သည်။ယင်းနောက် လပွတ္တာမြို့နယ်ကံဘက်ရွာ၌လည်း
ကုသလ၀သီစာဖတ်အသင်းကိုတည်ထောင်ခဲ့သည်။ဆင်းရဲသူများနှင့်အသိမိတ်ဆွေမရှိသောဧည့်သည်များ၏
နာရေးကိစ္စများကိုတွင်းတူးမြေမြုပ်သည်အထိကူညီခဲ့သည်။
၁၉၃၄ တွင်ရန်ကုန်သို့ရောက်ရှိခဲ့ပြီးဆရာဒဂုန်နတ်ရှင်၏ကူညီမူဖြင့်ဦးဗဂျီငိုစတင်တည်ထောင်ထုတ်ဝေသော
တိုးတက်ေ၇းမဂ္ဂဇင်းတိုက်တွင်လုပ်ကိုင်ခဲ့သည်။၁၉၃၉ တွင်ရာဇဓမ္မသင်္ဂဟကျမ်းကိုရိုက်နှိတ်ပြီးစီးခဲ့သည်။စွန်း
လွန်းဆရာတော်ဘုရား၏အမေးအဖြေစာအုပ်များလည်းရိုက်နှိတ်နိုင်ခဲ့ပြီးနောက်လောကုတ္တရာအတွက်ထူးခြား
သောအတွေ့အကြုံများရရှိခဲ့သည်။
၁၉၅၄ တွင်ကုသလ၀သီစာပုံနှိတ်တိုက်ကိုတည်ထောင်ခဲ့ပြီး
၁၉၅၀ ပြည့်မှစ၍ ၁၉၆၃ ဒီဇင်ဘာလအတွင်ရိုက်ကူးဖြန့်ချီပြီးသောကျမ်းစာများမှာ -
၁။စွန်းလွန်းဆရာတော်အမေးအဖြေ ၁၃၁၁ (၁၉၄၉ ပထမအကြိမ် ၎င်းနောက်အကြိမ်ကြိမ်ရိုက်နှိတ်လှူဒါန်းခဲ့)
၂။အရှင်ဇနကာဘိဝံသဆရာတော်၏ဗြဟ္မလသုတ်မြန်မာပြန်
၃။ပိဠိကတ်တော်သင်ရိုးအုပ်၂၀ကိုသန့်ရှင်းအောင်တည်းဖြတ်သုတ်သင်ပြီးသင်္ဂါယနာတင်အဖွဲ့သို့ ၀န်ကြီးချူပ်
ဟောင်းဦးနုမှတဆင့်လှူဒါန်းခဲ့
၎။ပိဠိကတ်တော်များကိုဆရာဦးအောင်မိုးအကူအညီဖြင့်မြန်မာပြန်ဆိုခဲ့ရာ ဒိဃနိကာယ်၊မဇ္စိုမနိကာယ်အထိပြီး
၅။အတုမဲ့ချမ်းသာ
၆။မဟာဂန္ခာရုံဆရာတော်၏သဂြိုလ်ဘာသာဌီကာ
၇။တရားဥပဒေတော်ကြီး
၈။သမညဖလသုတ်မြန်မာပြန်
၉။ဟိတောပဒေသပုံပြင်
၁၀။ဇနီးမောင်နှံရာသက်ပန်
၁၁။ရာဇဓမ္မသင်္ဂဟကျမ်း
၁၂။မင်္ဂလာပုံပြင်
၁၃။ကလေးဗုဒ္ဓ၀င်
၁၄။ကမ္မဌာန်းဘာသာဠီကာ
၁၅။ဘာသာသွေး
၁၆။မြန်မာ့မျက်ပွင့်ရွာဓလေ့ လူ့ဓလေ့
၁၇။စာဓလေ့
၁၈။ရုပ်စုံဗုဒ္ဓသာသနာဝင်
၁၉။ဓမ္မ၀ိနယပြန်တမ်း
၂၀။မနောမယိဒ္ဓိကြေးမုံ
၂၁။ရတနာ့ဂုဏ်ရည်
၂၂။ကိုယ်ကျင့်အဘိဓမ္မာ
၂၃။အနာဂတ်သာသနာ
၂၄။မူလတန်းဘာသာရေး
၂၅။ဗုဒ္ဓနည်းဖြင့်ထူထောင်ကြစို့ စာတမ်းများ
၂၆။ရွှေကျင်နိကာယသာသနာဝင်
၂၇။ယောကီပါရဂူကျမ်း တို့ဖြစ်ကြပါသည်။
၁၉၅၈-၅၉ တွင်တိုင်းပြည်နှင့်သာသနာတော်အတွက်ဆောင်ရွက်ခဲ့ရာအထူးသဖြင့်ကြားဖြတ်ရွေးကောက်ပွဲတွင်
တရားသဖြင့်အောင်မြင်ရန်ဝင်ရောက်ကူညီရင်း“မြန်မာပြည်ကိုဗုဒ္ဓသာသနာတော်၏အဆုံးအမဖြင့်ထူထောင်
ခြင်းသာလျှင်အသင့်တော်ဆုံးဖြစ်ကြောင်း”စာရွက်စာတမ်းများရိုက်နှိတ်လှူဒါန်းခဲ့ပါသည်။
မြန်မာနိုင်ငံတွင်ဗုဒ္ဓဘာသာတည်ရှိနေခြင်းအတွက်အလွန်ဝမ်းမြောက်ဖွယ်ဖြစ်ပြီးရှေးဆရာတော်သံဃာတော်
များနှင့်ပုဂံခေတ် ရှင်အရဟံ အနော်ရထာစသည်တိုင်းပြည်အတွင်းဗုဒ္ဓဘာသာကိုစနစ်တကျထူထောင်ပေးသွား
ကြသောပုဂ္ဂိုလ်များကိုအထူးကျေးဇူးတင်ဝမ်းမြောက်မိသည်။
(ဆဌသင်္ဂါရတနာတင်စတင်ကျင်းပစဉ်က၀ိုင်အမ်ဘီအေအမည်ဖြင့်ဓမ္မ၀ိနယပြန်တန်းရိုက်နှိတ်လှူဒါန်းခဲ့သည်။)
၁၉၆၀(၁၂-၃-၆၀)စနေနေ့တွင်မနောမယိဒ္ဓိပညာကိုလက်ခံယူခဲ့သည်။
၁၉၆၁(၁၉-၈-၆၁)တွင်ရန်ကုန်မြို့ဝိုင်အမ်ဘီအေအသင်းတိုက်၌မနောမယိဒ္ဓိပညာပြပွဲကြီးကျင်းပခဲ့သည်။
ယင်းနောက်ကျူံမငေးမြို့အထက်ပိုင်းစေတီတော်ကိုထီးတင်ခြင်း ဘုရားကြီးတိုက်အတွင်းမိဘများ၏သိမ်ကို
ဘုရားနှင့်တကွအဆောက်အဦပါပြုပြင်လှူဒါန်းသည်။၅-၇-၆၃တွင်ယောကီပါရကူကျမ်းကိုရိုက်နှိတ်လှူဒါန်း
သည်။မနောမယိဒ္ဓိကြေးမုံအမည်ဖြင့်စာတအုပ်ရေးသားနိုင်ခဲ့သည်။
၁၉၆၂-၆၃တွင်ရွှေကျင်ဂိုဏ်းဒသမအကြိမ်မြောက်အစည်းအဝေးအမှီရွှေကျင်နိကာယသာသနာဝင်ကျမ်းစာကြီး
ကိုရွှေင်္ဟသာဆရာတော်ဘုရားကြီး၏ကောင်းမူဖြင့်ရိုက်နှိတ်လှူဒါန်းခဲ့သည်။
၁၉၆၃ တွင်ရန်ကုန် ၁၀၇ စိန်ဂျွန်းလမ်းနေအိမ်၌တော်လှန်ရေးအစိုးရ၏အထိန်းသိမ်းခံခဲ့ရသည်။
၁၉၆၄-၆၅-၆၆-၆၇ ခုအောက်တိုဘာလအထိ ၄ နှစ်မျှထောင်အတွင်းနေခဲ့ရသဖြင့်ဗုဒ္ဓ၏အဆုံးအမသာသနာ
တော်၏တန်ဖိုးကိုပိုမိုနားလည်သိရှိကာကံ ကံ၏အကျိူးကိုပိုမိုသဘောပေါက်လာခဲ့သည်။
“ဗုဒ္ဓအလိုတော်ကျမြန်မာပြည်ကိုထူထောင်ခြင်းသာလျှင်အချမ်းသာဆုံးလူမျိူး အချမ်းသားဆုံးနိုင်ငံတော်ဖြစ်နိုင်
မည်။ဗုဒ္ဓအလိုတော်ကျ ဗုဒ္ဓ၀ါဒ ဗုဒ္ဓသာသနာတော်ကိုစနစ်ကျကျနားလည်ကျင့်သုံးလျှင်မုချတစ်ကမ္ဘာလုံးတွင်
ချမ်းသာစွာရှိလိမ့်မည်ဟုပိုမိုခိုင်မြဲစွာယုံကြည်လာခဲ့ပါသည်။”
၁၉၇၃တွင်အမရပူရမဟာဂန္ဓာရုံဆရာတော်အားပဌာန်းတရားတော်ဟောကြားပေးရန်လျှောက်ထားခဲ့ရာ ၁၇
ရက်တိတိပဌာန်းတရားတော်ဟောကြားပေးတော်မူခဲ့သဖြင့်သာသနာတော်အတွက်အလွန်ကြီးကျယ်သော
ကျေးဇူးတစ်ခုဖြစ်ခဲ့ပါသည်။
၁၉၇၃ တွင်သရိုက်ရွာဘုရားနှင့်ရဟန္တာသိမ်ကိုပြုပြင်ရန်ဆရာတော်နှင့်တိုင်ပင်လျှောက်ထားခဲ့ပြီးကျူံမငေး
အိမ်ကိုရောင်းချကာပြုပြင်ပြီးစီးခဲ့သည်။
၁၉၈၀တွင်နိုင်ငံ့ဂုဏ်ရည်ဘွဲ့ကိုရရှိခဲ့သည်။
၁၉၈၃ တွင်တစ်ဘ၀သာသနာအမည်ဖြင့်တောင်မြို့မဟာဂန္တရုံဆရာတော်၏သာသနာပြုပုံအပြည့်အစုံပါဝင်
သောကျမ်းစာအုပ်ကြီးကိုစိတ်တိုင်းကျပြီးစီးထုတ်အောင်မြင်ခဲ့သည်။
၂၃-၉-၈၅ (၁၃၄၇ တောင်သလင်းလဆန်း၉ရက်)တနင်္လာနေ့တွင်သာသနာ့ဝန်ဆောင်ကျောင်းတိုက်တည်
ထောင်ရန်မြေစတင်ဝယ်သည်။
၂၃-၅-၈၆ ကဆုန်လပြည့်သောကြာနေ့တွင်သာသနာ့ဝန်ဆောင်ကျောင်းတိုက်ဖွင့်လစ်သည်။1
၁၉၈၈ တွင်မင်္ဂလာဗျူဟာအသင်းတိုက်၌သမဏကျော်စာတော်ပြန်ပွဲအတွက်သြ၀ါဒခံယူကျင်းပပြီး
၉-၁၂-၈၈ တွင်စာဆိုတော်နေ့တွင်မဟာဗျူဟာသာမဏေကျော်စာတော်ပြန်ပွဲကိုကမ္ဘာအေးမဟာဂန္ဓာရုံကျောင်း
တိုက်၌စတင်ကျင်းပနိုင်ခဲ့သည်။
၉-၂-၉၀ ၁၃၅၁တပို့တွဲလပြည့်မနောမယိဒ္ဓိပညာစတင်တည်ထောင်သူဂုဏ်းချူပ်ကြီး၏အသက်နှစ်၁၀၀ပြည့်
နှစ်တွင်ပုဂံတွင်မနောမယိဒ္ဓိဓမ္မာရုံတစ်ခုဖြစ်မြောက်အောင်စတင်တည်ဆောက်ခဲ့သည်။
ဆရာကြီးဦးရွှေအောင်၏ဗုဒ္ဓ(သို့)အနှိူင်းမဲ့ကျေးဇူးရှင်ကျမ်းစာကိုတနှစ်ထဲလေးကြိမ်တိုင်တိုင်ရိုက်နှိတ်ပြီးစီး
အောင်မြင်ခဲ့သည်။
ဘဘဦးထိန်ဝင်းသည်သာသနာတော်သန့်ရှင်းတည်တံ့ပြန့်ပွားရေးကိစ္စများကိုတစိုက်မက်မက်ဆောင်ရွက်ခဲ့
သည်။
(ဘဘဦးထိန်ဝင်းသည် ၂၀-၅-၂၀၁၀ ကြာသာပတေး ည ၁၀:၃၀ တွင်ရန်ကုန်မြို့ Asia Royal
ဆေးခန်းတွင်ကွယ်လွန်ခဲ့ပါသည်။)
ဘဘဦးထိန်ဝင်း၏ဆုံးမခဲ့သောစကားများ……
အားလုံး စကားကိုရှင်းအောင်ပြောကြ ၊ စည်းစည်းလုံးလုံးနေ။
သရဏဂုံကို အသက်နှင့် ထပ်တူဆောက်တည်ပါ။
ဗုဒ္ဓသာသနံစိရံတိဠတု အနာဂတေသာသနံလဇ္ဇီရက္ခိဿတိ
တစတစ စွန့်ဝံ့မှသာလျှင် ဘ၀နှောင်းနှောင်း ဆက်တိုင်းကောင်း၏

Read More

The Passing of Thakhin Htein Win

သခင်ထိန်ဝင်း (သို့မဟုတ်) ဘဘဦးထိန်ဝင်း သို့မဟုတ်

သာသနာစိတ်ဖြင့်နိုင်ငံရေးကိုဆောင်ရွက်ခဲ့သူ

ဂျူနီယာဝင်း

သခင်ထိန်ဝင်းကိုဘဘကြီးမေမေကြီးတို့နှင့်အလွန်ချစ်ခင်သောမိတ်ဆွေရဲဘော်ရဲဘက်တစ်ဦးအဖြစ်စတင်

သတိထားမိရသည်မှာကျွန်မငယ်စဉ်ကတည်းကပင်ဖြစ်ပါသည်။ဘဘဦးထိန်ဝင်းဟုပဲခေါ်ပါသည်။ဖေဖေနှင့်

မေမေတို့ကလည်းဘဘဦးထိန်ဝင်းသို့မဟုတ်တခါတရံဦးလေးဦးထိန်ဝင်းဟုခေါ်တတ်ပါသည်။ဘဘကြီး

တို့မေမေကြီးတို့ကိုအလွန်သံယောဇဉ်ကြီးကာချစ်ခင်လှသူတစ်ဦးအဖြစ်မြင်ရတွေ့ရသည်မှာအံ့သြစရာ

မဟုတ်ပါပေ။သူတို့ခေတ်သူတို့အခါမှာအဲသည်လိုမိတ်ဆွေရောင်းရင်းမောင်နှမရင်းချာထက်ပင်ချစ်ခင်

သောသွေးသောက်တွေများစွာရှိပါသည်။အခုလိုခေတ်ထဲမှာသည်လိုချစ်ခင်လှသောမိတ်ဆွေကောင်းမျိူး

ဆိုတာရှားပါးပါဘိ။တကယ်ကိုအားကျလောက်စဖွယ်ကြည်နူးစဖွယ်ဖြစ်ရပါသည်။ဘဘကြီးနှင့်မေမေကြီး

တို့ကွယ်လွန်ခဲ့ပြီး၁၀နှစ်ကျော်မှာဘဘကြီးမေမေကြီးတို့ကိုအလွန်ချစ်ခင်လှသောဘဘဦးထိန်ဝင်းဘ၀တပါး

သို့ပြောင်းသွားခဲ့လေပြီ။ကွယ်လွန်ချိန်အသက်၉၈နှစ်မို့ဘ၀ကိုအားပါးတရဖြတ်သန်းခဲ့လေပြီဟုဆိုနိုင်ပါ

သောလည်းအသက်ရှိလျက်နှင့်သည်လောကထဲမှာရှိနေစေချင်၊နေစေချင်ပါသေးသည်။ဘဘကြီးမေမေကြီး

တို့အထူးချစ်ခင်လှသောမိတ်ဆွေရင်းချာသာမကနိုင်ငံရေးလောကထဲမှာပင်အတူတွဲဖက်လှူပ်ရှားခဲ့လေသူ

တစ်ဦးဖြစ်ကာမေမေကြီကို “မမမြ မမမြ”နှင့်ရင်းနှီးစွာခေါ်ကာစကားတွေဖောင်ဖွဲ့ကာပြောတတ်သူတစ်ဦး

အဖြစ်မြင်ယောင်မိနေဆဲဖြစ်ပါသည်။အသံသြသြ အရပ်မြင့်မြင့်ထွားထွားကျိူင်းကျိူင်း အသားဖြူဖြူ တောင့်

တောင့်တင်းတင်းနှင့်သည်ဘဘကိုကျွန်မသိပ်ကိုမှတ်မိခဲ့တာပေါ့။ပင်နီတိုက်ပုံသို့မဟုတ်အဖြူေ၇ာင်တိုက်ပုံ

ကိုဝတ်ဆင်တတ်ပါသည်။မေမေကြီးတို့က “သခင်ကြီး”ဟုခေါ်ပါသည်။ခြံပေါက်ဝကနေ မမမြ ကိုခင်မောင်လတ်

ဟုခေါ်ကာလူမရောက်ခင်အသံကရောက်နှင့်တတ်သူ၊ဘဘဦးထိန်ဝင်းဟေ့ဟုဆိုလိုက်တာနှင့်အိမ်ကဘဘ

ကြီးတို့မေမေကြီးတို့တတွေဝမ်းသာအားရပြေးကြိုကြကာစကားဖောင်ဖွဲ့မပြီး၊သူတို့ပြောဆိုနေကြတာ

တွေတခါတရံနားမလည်။ဘဘကြီးတို့ကလည်းဘဘဦးထိန်ဝင်းတို့အိမ်မသွားပဲမနေနိုင်။အဲသည်လိုချစ်

ခင်ကြသောမိတ်ဆွေအဖြစ်ဟာစဉ်းစားကြည့်လိုက်တိုင်းပေါ်လာတတ်ပါသည်။တကယ်ပဲအားကျမိပါသည်။

ဘဘဦးထ်ိန်ဝင်း၏မြေးတစ်ဦးဖြစ်သောမအေးချမ်းကိုညီမတစ်ဦးလိုချစ်ခင်ခဲ့ပါသည်။သည်ညီမလေးကသူ့အဘိုး

အကြောင်းတွေကိုအားပါးတရရေးတုန်းကဘဘကြီးမေမေကြီးတို့အကြောင်းတွေကိုပါထည့်ရေးခဲ့ပါသည်။ထိုစဉ်

ကသြော်…ငါတို့အဘိုးအဘွားတွေကတကယ်လဲမေတ္တာဓါတ်အပြည့်ဖြင့်ဆုံးမသြ၀ါဒတွေဆိုခဲ့သည်ပဲဟုကျေနပ်

ခဲ့မိရသည်ပေါ့။ယခုတော့သည်ညီမလေးရေးသောစာတွေကိုပြန်ရှာပြန်ဖတ်ကာဘဘဦးထိန်ဝင်းအကြောင်းတွေ

ကိုပြန်ပြောချင်ပါသည်။အမှတ်တရပြန်လည်ဖော်မိရင်းနှင့်စာဖတ်သူများလည်းသူရေးသောစာတွေပြန်ဖတ်ကြည့်

ကြဖို့တိုက်တွန်းရမည်ပင်။(အတွေးအမြင်အမှတ်၂၀၈တုန်းက “ကျွန်မနှင့်စာရေးဆရာမကြီးဒေါ်ခင်မျိူးချစ်”၊

အမှတ်၂၁၆တုန်းက“အနှိူင်းမဲ့ဗုဒကိုပူဇော်ခဲ့သူနှစ်ဦး”-သူ့ကလောင်အမည်က မအေးချမ်း(မြန်မာစာ)ပါ။)

အဲသည်ထဲကဘဘဦးထိန်ဝင်းအကြောင်းတွေပြန်လည်ဖော်ထုတ်ပေးလိုက်ရပါသည်။အောက်ကအချက်များ

မှာမအေးချမ်း(မြန်မာစာ)ရေးသားထားသည်များကိုကောက်နှူတ်တင်ပြချက်များသာဖြစ်ပါသည်။ပို၍အသေး

စိတ်သိလိုပါလျှင်အတွေးအမြင်မဂ္ဂဇင်းထဲမှာပြန်လည်ဖတ်ရူကြဖို့တိုက်တွန်းလိုက်ရပါသည်။

၁။၁၉၃၇ခုနှစ်ဧပြီလ ၁ ရက်နေ့အင်္ဂလိပ်အစိုးရယူနီယမ်ဂျက်အလံနှင့်၁၉၃၅မှာဗြိတိသျှပြဌာန်းတဲ့အုပ်ချူပ်ရေး

ဥပဒေစာအုပ်ကိုမီးရှိူ့ကန့်ကွက်ခဲ့တဲ့သမိုင်းအထောက်အထားအခိုင်အမာရှိခဲ့သည်။ထိုဆန့်ကျင်မီးရှိူ့ပွဲတွင်

ဦးနု(၀န်ကြီးချူပ်) ဦးလှဖေ(ဗိုလ်လင်္ကျာ) ဦးထွန်းအုံ ဦးထွန်းအေးတို့နှင့် အတူသခင်ထိန်ဝင်းနှင့်

ဒေါ်ခင်မျိူးချစ်(မခင်မြ)တို့ပါခဲ့သည်။ဘဘဦးထိန်ဝင်းကယခုလိုမကြာခနဆိုခဲ့ကြောင်းဆောင်းပါးတွင်

ဖော်ပြထားသည်။

“အဲဒီတုန်းကတောင်းပန်လို့လည်းမရဘူး။မခင်မြတစ်ယောက်ကစမူဆာပုံစံအကျီင်္ င်္ဖို့ယို့ဖားယားကြီးဝတ်လို့

ယောင်္ကျားတွေကြားထဲရဲရဲဝံ့ဝံ့လိုက်တော့တာပဲ။လူစွမ်းကောင်းမကြီးလေ။”

(စမူဆာအကျီဆိုသည်မှာရင်ဖုံးအကျီပင်ဖြစ်ကာရှေ့တွင်အချွန်ပုံသဏာန်ချူပ်ထားသည်။)

၂။ဘဘဦးထိန်ဝင်းသည်ကိုယ့်နိုင်ငံ ကိုယ့်လူမျိူးကိုထေရ၀ါဒဗုဒ္ဓဘာသာသနာစိတ်နဲ့ခိုင်မာအောင်တည်ဆောက်

ခြင်းသည်ပိုမုိခိုင်မာပြီးရေရှည်တည်တံ့ခိုင်မြဲတယ်ဆိုသည့်သဘောကိုကောင်းကောင်းသဘောပေါက်ခဲ့သူဖြစ်၍

အင်္ဂလိပ်ခေတ် ဂျပန်ခေတ်တစ်လျောက်လုံးနိုင်ငံရေးဆောင်ရွက်ရာတွင်သာသနာစိတ်နှင့်ပဲတိုက်ပွဲဝင်ဆောင်

ရွက်ခဲ့သူတစ်ဦးဖြစ်သည်။

၃။တိုင်းပြည်ညိမ်းချမ်းကြီးပွားအောင်ဗုဒ္ဓ၏ကိုယ်ကျင့်တရားကောင်းလမ်းစဉ်များနှင့်လက်တွေ့ကျကျတည်

ဆောက်နိုင်မှသာအောင်မြင်နိုင်ပုံကိုသိမြင်စေနိုင်ဖို့ကိုယ့်လူမျိူးတစ်ရပ်လုံးအတွက်ကိုယ်ကျင့်ဗုဒ္ဓ၀င်ကောင်း

တစ်အုပ်ပေါ်ထွန်းဖို့စိတ်ဆန္ဒဖြင့် မဟာဂန္ဒရုံဆရာတော် သပြေကန်ဆရာတော် တောင်မြို့ဆရာတော် မဟာ

စည်ဆရာတော် တို့ထံအဆင့်ဆင့်လျှောက်ထားခဲ့သည်။သို့သော်မဟာဂန္ဒရုံဆရာတော်မှာဒကာဦးထိန်ဝင်း

၏ဆန္ဒကိုဖြည့်ဖို့အားထုတ်ဆဲပျံလွန်တော်မူခဲ့သည်။ထိုနှစ်ပေါင်းများစွာအကောင်အထည်မဖော်နိုင်သေးသော

ဆန္ဒကိုအားထုတ်ချင်ခဲ့ပြီးသူ့အသက် ၈၀ပြည့်နှစ်မှာနှိူးဆော်စာတစ်စောင်ရိုက်နှိတ်ဖြန့်ဝေခဲ့သည်။

“လူပုဂ္ဂိုလ် ရဟန်းပုဂ္ဂိုလ်မည်သူမဆိုမိမိတိုင်းပြည်နှင့်လူမျိူးသာသနာအတွက်ကူညီတော်မူကြစေလိုပါသည်။

ဤစာမူကိုကျွန်တော်တို့အပိုင်ရယူလိုခြင်းမရှိပါ။စာရေးသူအားပူဇော်ရန်သာရည်ရွယ်ရင်းရှိပါသည်။မိမိရေးသား

ထားသောစာမူကိုမိမိသဘောကျစီမံရန်သာဖြစ်ပါသည်။သဘောထားအသေးစိတ်ကိုဆွေးနွေးရန်အလိုရှိပါက

မည်သူမဆိုတွေ့ဆုံဆွေးနွေးပါမည်အကြောင်းလေးမြတ်စွာဖိတ်ကြားအပ်ပါသည်။ကျွန်တော်သည်ပိဌိကတ်

တတ်မြောက်သောပညာရှင်မဟုတ်သော်လည်းဖြစ်မြောက်လိုသောဗုဒ္ဓ၀င်အတွက်ပညာရှိများလက်ခံနိုင်အောင်

ဆွေးနွေးတင်ပြပါမည်။”

၎။(ထိုကာလမှတိုင်၁၉၉၃ခုနှစ်ထိကြိုးပမ်းမူများ၊ဖြစ်မြောက်အောင်လုပ်ဆောင်မူများကားအံ့မခန်းဖြစ်ပါသည်။

အချူပ်ဆိုရသော၁၉၉၃ခုနှစ်ဖေဖော်ဝါရီလတွင်ထိုကိုယ်ကျင့်ဗုဒ္ဓ၀င်ကျမ်းစာအပြီးသတ်ခဲ့သည်။)

ကိုယ်ကျင့်ဗုဒ္ဓ၀င်ကျမ်းစာသည်၁၉၉၃ခုနှစ်ဖေဖော်ဝါရီလတွင်အပြီးသတ်ခဲ့သည်။ရေးသားသူဆရာကြီးဦးရွှေ

အောင်မှာ၁၉၉၄ခုနှစ်ဒီဇင်ဘာလ ၂၂ ရက်နေ့တွင်အသည်းရောဂါဖြင့်ကွယ်လွန်ခဲ့သည်။ကြိုးပမ်းအားထုတ်

သူအဘဦးထိန်ဝင်းမှာယခုအသက်၉၈နှစ်ရှိပြီး(ယခုဤဆောင်းပါးရေးစဉ်တွင်)အသက်ထင်ရှားရှိနေဆဲပင်

ဖြစ်ပါသည်။ဗုဒ္ဓကိုပူဇော်ခဲ့သူထိုပုဂ္ဂိုလ်နှစ်ဦး၏ကိုယ်ကျင့်ဗုဒ္ဓ၀င်ကျမ်းမှာ ၁ နှစ်အတွင်လေးကြိမ်တိတိပြန်

လည်ရိုက်နှိတ်ခဲ့ရသည်အထိကြီးကျယ်စွာအောင်မြင်ခဲ့ပါသည်။ထိုလေးကြိမ်စလုံးကိုပါရမီစာပေမှထွက်ရှိ

ခြင်းဖြစ်သည်။ယခုနောက်ပိုင်းအခြားစာပေတိုက်အချိူ့မှပြန်လည်ရိုက်နှိတ်သောစာအုပ်တွင်ဆရာကြီးဦး

ရွှေအောင်၏နိဒါန်းမပါရှိကြောင်းရေးသားထားသည်။(ထိုနိဒါန်းကိုအတွေးအမြင်အမှတ်၂၁၆တွင်ပါရှိသည်။)

၅။ဘဘဦးထိန်ဝင်းသည် “ဗုဒ္ဓလောကသားတို့၏အနှိူင်းမဲ့ကျေးဇူးရှင်(ကိုယ်ကျင့်ဗုဒ္ဓ၀င်)ကျမ်းစာ”ကိုမြန်မာ

ပြည်သားများသာမကကမ္ဘာသူကမ္ဘာသားများကိုပါသိစေချင်သောဆန္ဒကြောင့်ဆရာကြီးဦးရွှေအောင်ရေး

သားပြီးစာမူများကိုဆရာကြီးဦးလှမောင်အားဘာသာပြန်ဆိုပူဇော်စေခဲ့ပြီးနောက်အင်္ဂလိပ်ဘာသာပြန်စာမူ

များကိုဆရာဦးခင်မောင်လတ်ကိုပြန်လည်ဖတ်ရူပေးဖို့တောင်းပန်ခဲ့ပြီးအင်္ဂလိပ်စာမူကိုပါပူးတွဲဖြန့်ချီပေးခဲ့ပါ

သည်။

၆။စာကောင်းပေကောင်းတစ်ခုထွက်ပေါ်လာစေဖို့ပုံဖော်ေ၇းသားသူနှင့်အားထုတ်ကြိုးပမ်းသူနှစ်ဦးစလုံး

တန်ဖိုးထားသင့်သူများဖြစ်ပေသည်။ထေရ၀ါဒဗုဒ္ဓဘာသာကိုအသွင်သဏာန်နှင့်အနှစ်သာရတထပ်တည်း

ကျအောင်အားထုတ်ကြိုးပမ်းခဲ့ကြသူထိုနှစ်ဦးကိုလေးစားကြည်ညိုလာမိရပါသည်။

ဤကားဘဘဦးထိန်ဝင်းအားအမှတ်တရလွမ်းမောဖွယ်ရေးသားချက်များအဖြစ်ပြန်လည်တင်ပြရင်းဖြင့်

ဘဘကောင်းရာသုဂတိလားပါစေဟုဆုတောင်းမေတ္တာဖြင့်……။

(ဓါတ်ပုံမှာ - ၁၉၃၇ ခုနှစ်တိုးတက်ရေးမဂ္ဂဇင်းအယ်ဒီတာအဖွဲ့ပုံ။နောက်-ဦးထ်ိန်ဝင်း၊ဒေါ်ခင်မျိူးချစ်၊ဦးထွန်းခင်။

ရှေ့တွင်ထိုင်နေသူများ - ဦးထွန်းသန်း၊ဦးဘရင်)

Read More

Condolence - Writer, Singer, Actor – (U) Thu Maung – By - juniorwin

Condolence - Writer, Singer, Actor – (U) Thu Maung – By - juniorwin

စာရေးဆရာ အဆိုတော် ရုပ်ရှင်မင်းသား (ဦး) သုမောင် အတွက်အလွမ်းစာ

သို့မဟုတ် သဘာဝအုပ်စုထဲက သုမောင်

ဂျုနီယာဝင်း

(ဦး) သုမောင်ကိုစတင်ရင်းနှီးခဲ့ရသည်မှာသူရေးသားခဲ့သောစာပေများနှင့်ဖြစ်ပါသည်။ထူးခြားသောကလောင်

အမည်သည်ပင်ဆွဲဆောင်မူရှိခဲ့သည်ဟုထင်ပါသည်။(ဦး) သုမောင်ရေးသားသောစာများမှာမိသားစုဇာတ်လမ်း

များ မိသားစုအတွင်းကနေ့စဉ်ဖြစ်ပျက်နေသောအဖြစ်အပျက်များ ဖခင်ဦးသာဓု မိခင်အမေညိုတို့အကြောင်း

တွေလည်းပါကာညီအကိုများနှင့်ဆက်ဆံပြောဆိုပုံများအပြင်လာရောက်သောဧည့်သည်များပင်မကျန်သူတို့

၏အကြောင်းများကိုသဘာဝကျကျရေးဖွဲ့တတ်သူတစ်ဦးဖြစ်ပါသည်။သူများအကြောင်းများကိုရေးသည်ဟုဆို

လိုက်လျှင်အတင်းပြောသည်မဟုတ်ပဲသဘာဝကျသောနေထိုင်မူ ပြောဆိုမူ ဟာသဆန်ဆန်များ ဖြစ်ကာ

(ဦး) သုမောင်၏ရေးသားခြင်းပုံစံသည် Family Saga ခေါ်သောမိသားစုအဖြစ်များကိုရေးသားဖွဲ့သောစံပြ၀တ္ထု

ပုံစံများဖြစ်ပါသည်။ထိုရေးသားချက်များကားမြန်မာ့စာပေလောကတွင်အလွန်ရှားပါးကာစာရေးဆရာများအများ

စုပင်ရေးသားမူမရှိသောပုံစံဖြစ်ပါသည်။သူ့ဝတ္ထုများကိုဖတ်ရင်းနှင့်သူ၏ဇနီးသည်(ဒေါ်)အေးဘုံ၊ညီအကိုများ

ဖြစ်ကြသော မင်းလူ(စာရေးဆ၇ာ)၊မောင်ဝဏ(စာရေးဆရာ ဒါရိုက်တာ)နှင့်မောင်ရူပ တို့ကိုပါရင်းနှီးကျွမ်းဝင်

လာရပါသည်။မေမေကြီးဒေါ်ခင်မျိူးချစ်ကသူရေးသောဝတ္ထုပုံစံများနှင့်ပတ်သက်၍“မြန်မာဝတ္ထုတွေထဲမှာဒါမျိူး

တွေရှိစေချင်တယ်”ဟူသောဆောင်းပါးတစ်ပုဒ်တွင်ယခုလိုဆိုခဲ့ပါသည် - “မိသားစုအသိုင်းအ၀ိုင်း ကိုသရုပ်ဖော်

တဲ့ဝတ္ထုမျိူးတွေဟာဒိထက်များများဖတ်ချင်ပါတယ်။မြန်မာဝတ္ထုတွေထဲမှာသိပ်မများလှဘူး။စာပေနယ်မှာခေတ်

အဆက်ဆက်မရိုးနိုင်တဲ့သစ်ဆန်းနေတဲ့Family Saga ၀တ္ထုအမျိူးအစားတွေထဲမှာသုမောင်ရဲ့ဝတ္ထုတွေပါဝင်

ပါတယ်။”ထို့ကြောင့်သူရေးသားသောထိုသဘာ၀၀တ္ထုများသည်ငယ်စဉ်ကရင်းနှီးခဲ့ရပြီးထူးခြားသောအရေးအ

သား အဖြစ်သတိထားမိခဲ့ကာယခုတိုင်မမေ့နိုင်ဖြစ်နေဆဲဖြစ်ရပါသည်။

နောက်ပိုင်းတွင်(ဦး) သုမောင်ကိုသတိပြုမိရခြင်းအချက်ကရုပ်ရှင်မင်းသားအဖြစ်ဖြင့် အကြင်တို့လင်မယား

ချစ်စံနမူ အစရှိသောရုပ်ရှင်ကားများတွင်ဖြစ်ပါသည်။သဘာဝစာရေးဆရာသည်ရုပ်ရှင်ရိုက်သောအခါတွင်

လည်းသဘာဝကျကျပင်ရိုက်တတ်ပါလေသည်။သူ၏သရုပ်ဆောင်သည်များကိုကြည့်ရသည်မှာရုပ်ရှင်ထဲက

ရုပ်ရှင်မင်းသားနှင့်မတူပဲအပြင်မှာသာမန်လူသားတစ်ဦးကသူ့အလုပ်သူလုပ်နေသည်ကိုဘေးကနေကြည့်နေ

ရသကဲ့သို့ဖြစ်ရပါသည်။အကြင်တို့လင်မယား ရုပ်ရှင်ကားသည်အလွန်အောင်မြင်ခဲ့သောရုပ်ရှင်ကားတစ်

ကားဖြစ်ခဲ့ပါသည်။တချိူ့မှာ၂ခါပြန်၃ခါပြန်ပင်ကြည့်ရူကြသည်ကိုတွေ့ဖူးခဲ့ပါသည်။ မှတ်မိနေသောနောက်

ရုပ်ရှင်ကားတစ်ကားမှာ အချစ်နှင့်သူ၏ကိုကို ရုပ်ရှင်ဖြစ်ပါသည်။ထိုကားသည်လည်း (ဦး) သုမောင် ကို

အမှတ်တရဖြစ်စေခဲ့သောရုပ်ရှင်တစ်ကားဖြစ်ပါသည်။သူသည်သရုပ်ဆောင်သည့်အလုပ်ကိုအသာလေးပင်

သရုပ်ဆောင်သွားပုံ၊အ၀တ်အစားသာမန်၊ပြောဆိုပုံအေးအေးဆေးဆေးနှင့်သရုပ်ဆောင်ပြနေသည်ကိုဘယ်

အချိန် တွေးကြည့်လိုက်လိုက်သည်လိုပင်တွေ့မြင်နေရပါသည်။ ယင်းသည်ပင်(ဦး) သုမောင် ၏ထူးခြားချက်၊

အံ့သြလောက်ဖွယ်သရုပ်ဆောင်ပညာပင်ဖြစ်ပါတော့သည်။ (ဦး) သုမောင်အကယ်ဒမီရခဲ့သော ရုပ်ရှင်ကား

ကြီးကား ခုနှစ်စဉ်အလွမ်း ဖြစ်ပါသည်။ထိုကားသည်စာရေးဆရာမင်းလူ၏၀တ္ထု မောင်ဝဏ၏ရိုက်ချက်၊ညီ -

မင်းသားအာယု(အမည်မှားနေရင်ခွင့်လွှတ်ပါရန်)၏ဧည့်သည်ပါဝင်သရုပ်ဆောင်မူများဖြစ်သည်ဟုထင်ပါ

သည်။မြန်မာရုပ်ရှင်လောကတွင်ထူးခြားသောသရုပ်ဆောင်မူ၊နေပုံထိုင်ပုံရိုးစင်းမူ၊အေးဆေးတည်ညိမ်သော

စကားအပြောအဆိုများကားခေတ်တစ်တွင်တစ်ယောက်ဆိုသကဲ့သို့ကဗည်းတင်ရှိနေမည်ဖြစ်ပါတော့

သည်။

(ဦး) သုမောင် ၏ပညာစွမ်းကားမပြီးသေးပါ။သူကသီချင်းလည်းဆိုပါသည်။(ဦး) သုမောင်၏ထူးခြားချက်တစ်

ခုကအသံဖြစ်ပါသည်။သူ၏အသံတွင် ဆွဲဆောင်မူ ရှိနေပါသည်။ဘာပြောပြောနားထောင်နေရတာနှင့်ပင်တန်

နေပါသည်။သည်လိုအသံပိုင်ရှင်ကသီချင်းဆိုသည်ဆိုတော့ဆိုဘွယ်ရာမရှိတော့ပါ။အိမ်ကလုပ်သောထမနဲ

ပွဲ - ၁၉၈၄ တုန်းက(ဦး) သုမောင်ကိုယ်တိုင်လာပြီးမေမေကြီးဒေါ်ခင်မျိူးချစ်နှင့်သီချင်းအတူဆိုပြဘူးပါသည်။

အဲဒီတုန်းကသီချင်းလေးက ပွဲကြိုက်ခင် ။ကိုယ်အလွန်နှစ်သက်သောစာရေးဆရာကယခုလိုအဘွားကို

ချစ်ချစ်ခင်ခင်နှင့်ရင်းရင်းနှီးနှီးအတူသီချင်းဆိုပြ၊မေမေကြီးကိုလည်း အမေ ဟုခေါ်သည်ကိုကြားရသည်မှာ

ပီတိဂွမ်းဆီထိ သကဲ့သို့လေးလေးနက်နက်ခံစားပျော်ရွှင်ခဲ့ရဘူးပါသည်။

(ဦး) သုမောင် ကွယ်လွန်သည့်သတင်းကိုကြားပြီးစိတ်မကောင်းဖြစ်ရပါသည်။မတ်လဖွားဖြစ်ကြောင်းလည်း

ယခုမှသိရပါသည်။ကိုယ့်လိုသာမန်ပရိသတ်တစ်ဦးပင်လျှင်ခံစားစိတ်ထိခိုက်နေရလျှင်သူနှင့်အေးအတူ

ပူအမျှလက်တွဲကာနေထိုင်ခဲ့ကြသောသူ၏မိသားစုအတွက်ကားဆိုဖွယ်မရှိနိုင်တော့ပြီဖြစ်ပါသည်။ သူ၏ဂီတ

စာပေ အနုပညာ များကားဘယ်တော့မှမတိမ်ကောပဲပရိသတ်များကြားထဲမှာထာဝရရှိနေပေတော့မည်

ဟုနှစ်သိမ့်အလွမ်းစာဆိုမိခြင်းမှတပါး….။

Read More

Watering the flowers and plants in this Hottest season 2010-summer

Watering the flowers and plants in this Hottest season 2010-summer

အလွန်ပူပြင်းသောစံချိန်တင်သည်နှစ်နွေမှာခြံဝင်းထဲကအပင်များကိုကြိုးစားပြီးရေလောင်းပေးနေသည်။

မေမေကြီးဒေါ်ခင်မျိူးချစ်ကဆိုခဲ့သည် - အပင်တွေဟာလည်းအသက်ရှိတယ်။သူတို့လည်းရေငတ်ရှာ

လိမ့်မယ်။သူတို့လေးတွေခြောက်သွေ့နေတာကိုကိုယ်လည်းမကြည့်ရက်ဘူး။သူတို့လည်းကိုယ်နဲ့ထပ်

တူရေလိုတယ်။ - သည်တော့အဆင်ပြေအောင်ကြိုးစားပြီးရေလောင်းပေးဖြစ်သည်။ခါတိုင်းလိုတော့ရေ

တွေတလဟောမလောင်းနိုင်တာကလွဲ၍မသေရုံတော့လောင်းပေးဖြစ်ပါသည်။သည်တော့အခုလို၃လနီးပါး

ရေကိုချွေတာလောင်းဖြစ်သည့်အတွက်ပွင့်လန်းနေသည့်စံပယ်များ၊စိမ်းစိုနေသည့်သစ်ပင်သစ်ခက်များ၊

စားပင်များဖြစ်သည့်ဗူး၊ဖယုံ၊သရက်၊ငှက်ပျောပင်များကပေးသည့်အသီးအရွက်အဖုများကိုတွေ့မြင်လာ

ရသည်ကားရလဒ်ကြီးတစ်ပါးပင်ဖြစ်ပါတော့သည်။နေ့လည်နေ့ခင်းပူအိုက်နေသည့်ကြားမှလေတိုက်ရာ

ကလွင့်ပါးလာသည့်သစ်ပင်တွေဆီကအရိပ်လေအေးများသည်လူကိုအေးမြစေပါသည်။အပြင်ထွက်သည့်

အခါတွင်လည်းအရိပ်လေးအောက်များရောက်သွားလျင်အပင်၏အေးမြသည့်အရသာကိုတန်ဖိုးထား

မိရပါသည်။ဘယ်လောက်ပင်အိုက်စက်နေပါစေသစ်ပင်ပန်းမာန်များ၏စိမ်းစိုသောရနံ့သည်အပူကြောင့်

ဖြစ်ပေါ်လာသောစိတ်မလန်းဆန်းမူများ၊စိတ်မကြည်လင်မူများစွာကိုဖြေဖြောက်ပေးနိုင်ခဲ့ပါလေသည်။

Read More

Nargis Anniversary - Human with Life

နာဂစ်အမှတ်တရဆောင်းပါး

အတွေးအမြင်မဂ္ဂဇင်း အောက်တိုဘာလ ၂၀၀၈ ခုနှစ်အမှတ်စဉ် ၁၉၉

အသက်နဲ့လူတွေ

ဂျူနီယာဝင်း

‘အသက်နဲ့လူတွေ’ပါ။‘အသက်မဲ့လူတွေ’မဟုတ်ပါ။သူတို့မှာကျွန်မတို့လိုပဲအသက်ရှိပါတယ်။

သူတို့ဆိုတာနာဂစ်မုန်တိုင်းကြီးဒဏ်ကြောင့်အသက်အိုးအိမ်စည်းစိမ်ရစရာမရှိအောင်ပျက်စီး

သွားခဲ့ရသူတွေပါ။အသက်တွေရှိသလိုခံစားတတ်တဲ့နှလုံးသားတွေလည်းရှိပါတယ်။ခံစားတတ်

တယ်။ငိုကြွေးတတ်တယ်။ပျော်ရွှင်တတ်တယ်။သနားတတ်တယ်။ပြီးတော့ကျေးဇူးတင်တတ်ကြ

ပါတယ်။

အသက်ရှိတယ်လို့ဆိုလိုက်တဲ့အတွက်ခံစားမူတွေပါသွားပါတယ်။လူတွေလို့ဆိုလိုက်တော့စဉ်းစား

တတ်တဲ့ဦးနှောက်တွေနဲ့အတူတွေးခေါ်တဲ့အသိညဏ်တွေပါသွားတယ်။သူတို့ဟာလေးဘက်လေး

တန်ကာရံထားတဲ့အိမ်ကလေးတွေမှာမိသားစုနဲ့အတူတကွနေကြတယ်။ကျွန်မတို့တွေလိုပဲနေ့

စဉ်ကိစ္စတွေ၊အလုပ်တွေနဲ့ရူပ်နေကြပါတယ်။မိသားစုပျော်ရွှင်စရာတွေလည်းရှိတယ်။စိတ်ညစ်

စရာတွေလည်းရှိတယ်။ပြီးတော့…ကိုယ့်အားကိုယ်ကိုးပြီးနေကြသူတွေပါ။

ရုတ်တရက်အဖြစ်ဆိုးကိုလက်ခံလိုက်ရတဲ့အချိန်မှာကိုယ်ဖက်တွယ်ပြီးနေတဲ့အိမ်ကလေးလည်း

ဘယ်ရောက်သွားပြီလဲ။နေ့စဉ်တွေ့နေကျမိသားစုတွေလည်းဖရိုဖရဲတကွဲတပြားဖြစ်သွားရုံမက

ကိုယ့်အသက်တွေကိုတောင်ဖက်နဲ့ထုတ်ပြီးပြေးလွှားရှင်သန်လာခဲ့ကြသူတွေပါ။ပစ္စည်းဥစ္စာ၊

ငွေကြေး အိုးခွက်ပန်းကန် ဘာဆိုဘာမှမရှိတော့တဲ့ဟောဒီမုန်တိုင်းကြီးကိုကြံ့ကြံ့ခံရင်ဆိုင်ရှင်သန်

ခဲ့ကြရတဲ့အသက်နဲ့လူတွေပါ။ကိုယ့်ဘိုးဘွား ကိုယ့်မိဘ ကိုယ့်သားသမီး ကိုယ့်မြေးကလေးတွေ

ရှာဖွေဖက်တွယ်ဖို့နှလုံးသားနဲ့လူတွေမှာကိုယ့်အသက်လေးဆက်ရှင်ဖို့အရေး သူတကာကို

လက်ဖြန့်တောင်းနေရတဲ့အဖြစ်ကိုလက်မခံချင်ဘဲလက်ခံလိုက်ရပြီ။ရုတ်တရက်ကြီးဆိုသလို

အသိကင်းမဲ့ အရှက်ကင်းမဲ့ .. .. အဲသည်လိုအဖြစ်မျိူးကိုကိုယ်သာကြုံလိုက်ရရင်ဘယ်လိုဖြစ်

သွားမလဲ။ကြိုတင်ပြီးငွေကြေးဥစ္စာတွေကိုလုံခြုံတဲ့နေရာပို့ထားချိန်မရှိ။ကိုယ့်အဘိုးအဘွား

တွေကိုဘေးလွတ်ရာရှောင်ဖို့အချိန်မရှိ၊နို့စို့ရွယ်ကလေးငယ်တွေ၊ကိုယ်ဝန်သည်တွေ၊မပြေး

နိုင်မလွှားနိုင်သူတွေအတွက်စဉ်းစားပေးချိန်မရှိလိုက်တဲ့အဖြစ်။ပြီးတော့သူတို့အားလုံးဟာ

အသက်နဲ့လူတွေပါ။ဝမ်းနည်းကြေကွဲတတ်ပါတယ်။ဆုံးရူံးမူကိုလည်းခံစားတတ်ကြပါတယ်။

ဒါ့အပြင်ဟောဒီဒဏ်ကိုလည်းခံနိုင်ရည်ရှိကြပါတယ။ဒါပေမယ့်ဘယ်လောက်ထိကြံ့ကြံ့ခံပေး

ကြမှာလဲ။သူတို့ရဲ့အခုလောက်ထိခံနိုင်ရည်ရှိမူကိုကျေးဇူးတင်ပါတယ်။သူတို့ရဲ့ဆုံးရူံးမူတွေ

ကိုရင်ဆိုင်ရတဲ့မျက်လုံးတွေ၊သူတို့ရဲ့နှလုံးသားတွေ၊သူတို့ရဲ့အဖြစ်ဆိုးတွေကိုပြန်ပြောဖို့

အင်အားရှိနေဆဲသူတို့ရဲ့စကားလုံးတွေ အသည် အသက်နဲ့လူတွေ။

မိသားစုဝင်တွေအစုလိုက် အပြုံလိုက် ပျောက်ဆုံး သေဆုံး ဆုံးရူံးမူကို လက်ခံလိုက်ကြရပြီ။

အဲသည်အဘိုး အဲသည်အဘွား အဲသည်မိဘ အဲသည်အစ်ကို၊မောင်၊ညီလေး၊ညီမလေး၊သား၊

သမီး၊အဲသည် မြေးကလေးတွေ နဲ့ဘယ်တော့မှပြန်မတွေ့ရတော့ဘူး။အဲသည်လိုမှတ်လိုက်

၇ပြီ။အဲသည်လိုယူဆကြပေတော့။နောက်လိုက်ရှာမနေနဲ့တော့။ဟောသည်မှာတင်သည်ဘ၀

သည်မျှသာ ဘယ်လိုလဲ….သတ္တ၀ါတစ်ခု ကံတစ်ခုဆိုတာကိုဘယ်လိုနှလုံးသွင်းပြီးဘယ်လို

စိတ်ဖြေကြမလဲ။သူတို့မပါပဲကိုယ့်ဘ၀ကိုယ်တည်ဆောက်၊ ကိုယ့်လမ်းကိုယ်ဆက်လျှောက်

ကြရတော့မယ်။အသက်နဲ့လူတွေလေ အသက်မဲ့လူတွေမှမဟုတ်တာ။ခံစားတတ်တယ်။မျက်

ရည်ကျတတ်တယ်။သတိရတတ်တယ်။ဝမ်းနည်းတတ်တယ်။သေသောသူကြာရင်မေ့ ပျောက်

သောသူရှာရင်တွေ့ ဆိုတာမယုံဘူး။နှလုံးသားတစ်ခုလုံး ဆွဲညစ်ဆုတ်နယ် လွှင့်ပစ်ခံလိုက်ရ

တာ။အလောင်းတောင်ရှာမရဘဲသေပြီလို့သတ်မှတ်လိုက်ရတာ။ခံစားတတ်ကြပါတယ်။စက်ရုပ်

မှမဟုတ်တာပဲ။အသက်နဲ့လူတွေပါ။

ဒီအရင်ကအိမ်ထောင်ဦးစီးဆိုတဲ့စကားလုံးကိုကိုယ်နဲကမဆိုင်ဘူးလို့ယူဆခဲ့ကြတယ်။အိမ်

ထောင်ဦးစီးလာပါ။ဒီနေ့အစည်းအဝေးရှိတယ်။အိမ်ထောင်ဦးစီးတွေ……….တဲ့။အဲသည်လို

ဆိုရင်ကိုယ့်အဘိုး ကိုယ့်အဖေ သွားကြရတယ်။မိသားစုထဲမှာအသက်အကြီးဆုံးကိုခေါ်တာ

ပေါ့။အခုတော့အဲသည်လိုမဟုတ်တော့ဘူး။အခုနှစ်မှဆယ်တန်းအောင်တဲ့ကလေးပါ။အခုမှ

ဆယ်တန်းရောက်တာပါ။ကျောင်းမနေဖူးပေမယ့် ၂၀ နှစ်တော့ရှိပါပြီ။အိမ်ထောင်ဦးစီးတွေ

ခေါ်နေတယ်ဆိုရင်အဲဒီအရွယ်ကလေးတွေအပြးအလွားသွားတန်းစီရတယ်။ထိုင်ဆိုတဲ့

နေရာမှာထိုင်ကြရတယ်။လှူတဲ့ပစ္စည်းတွေလက်ခံရတယ်။မိဘကိုယ်စား ဘိုးဘွားကိုယ်စားတဲ့။

အိမ်ထောင်ဦးစီးဆိုတဲ့အခေါ်အဝေါ်ကိုအရင်ကကိုယ်နဲကဘာဆိုင်လို့လဲလို့ထင်ခဲ့တာလေ။

နာဂစ်မုန်တိုင်းကြီးကြောင့်ဘိုးဘွားမိဘတွေမှမရှိတော့တာ။ကိုယ်မှမသွားရင်ကျန်ရစ်ခဲ့တဲ့

ကိုယ့်ညီလေး ညီမလေးတွေဘယ်လိုစခန်းဆက်သွားမှာတုန်း။နာကြင်နေတဲ့နှလုံးသားနဲ့

လူကြီးလုပ်နေကြရပြီ။အသက်နဲ့လူတွေကိုး။ဘယ်ကရောက်လာမှန်းမသိတဲ့သတ္တိတွေ

အင်အားတွေနဲ့ ဘ၀ဆိုတာအဲဒါပဲ။ခါးသီးတယ်။အကြင်နာကင်းမဲ့တယ်။မျက်နှာလိုက်တယ်။

ကံဆိုးမသွားရာမိုးလိုက်လို့ရွာတို့ အကုသိုလ်များဝင်ရင်အတုံးလိုက်အတစ်လိုက်ဝင်တယ်တို့

ရှိသမျှသောစကားပုံတွေ အကုန်မှန်တော့တာပဲ။ကမ္ဘာမြေကြီးပေါ်မှာမတ်မတ်ရပ်၊ခံစားချက်

တွေကိုမြိုသိပ် ကျန်ရှိနေသေးတဲ့ကိုယ့်သွေးသားတွေ့ရဲ့လက်ကိုတင်းတင်းဆုပ်ကိုင်ထား။

ကံကြမ္မာကိုရင်ကော့ပြီးခံမယ်။

မိသားစုနဲ့ထပ်တူထပ်မျှတို့ ကိုယ်ချင်းစာပါတယ် လို့ဆိုတဲ့စကားလုံးတွေကိုမြိုချထားလိုက်။

သူုတို့မိသားစုဝင်ဆုံးရူံးတာတစ်ယာက်လည်းမဟုတ် အစုလိုက်အပြုံလိုက်။အဲဒါ ထပ်တူထပ်

မျှ ဆိုလိုက်ရင်မပြည့်စုံသေးဘူး။ဒီထက်မကအဓိပ္ပါယ်ရှိတဲ့စကားလုံးတွေရှိဦးမယ်။ဒီထက်

ပြင်းထန်တဲ့ကြေကွဲစရာစကားလုံးတွေရှိဦးမယ်။နှူတ်ကနေတောင်ရေရွတ်ဖို့ဘာမှထွက်မလာ

ဘူး။စကားလုံးရှာမရဆိုတာအခုမှပဲသိတော့တယ်။မေးလည်းမမေးရက် ကြားလည်းမကြားရဲ။

စဉ်းစားမိရုံလေးနဲ့တင်ကြက်သီးထမတတ်ခံစားရပါတယ်။သူတို့ကျတဲ့မျက်ရည်တွေမကြည့်ရက်

ဘူး။အချိန်ဆိုတဲ့သမားတော်ကဘယ်မှာတုန်း။ရင်ထဲကဒဏ်ရာတွေကိုဖို့စောလွန်းပါသေးသတဲ့။

ဒီတော့ရင်ထဲကဒဏ်ရာကိုကိုယ့်အားကိုယ်ကိုးပြီးကုစားပေတော့။ရက်ပိုင်းအတွင်းမှာ လပိုင်းအ

တွင်းမှာကိုယ့်ဘ၀ကိုယ်ရပ်တည်ရေး၊စားရေးသောက်ရေး၊နေရေးထိုင်ရေးဆိုတဲ့တာဝန်တွေ

ဝတ္တရားတွေနဲ့ခေါင်းတောင်မဖော်နိုင်တာ။အချိန်ဆိုတဲ့အရာကိုဟားတိုက်လို့တောင်ရယ်လိုက်

ချင်ပါရဲ့။ဟောဒီ လပိုင်းနဲ့ရုန်းကန်လှူပ်ရှား ရှင်သန် …။ဘယ်မှာလဲလွမ်းစရာအချိန်၊မျက်ရည်

ကျစရာအချိန်။ဒီတော့အချိန်ဆိုတာမရှိတော့ဘူး။ဆိုလိုတာက သူတို့ရင်ထဲကဒဏ်ရာတွေကုစား

ဖို့အချိန်မရှိတော့ဘူး။သူ့စားဝတ်နေရေးအတွက် တာဝန်ဝတ္တရားအတွက် ပေးလိုက်ရတဲ့အချိန်

တွေ ကုန်ပြီ။

နာဂစ်မုန်တိုင်းအတွင်းမီးဖွားလိုက်တဲ့ကိုယ်ဝန်သည်တွေ မုန်တိုင်းကြီးထဲပြေးရလွှားရတဲ့ကိုယ်ဝန်

သည်တွေ မုန်တိုင်းအပြီးမှာမွေးကင်းစကလေးတွေအတွက် ဗိုက်ထဲကမွေးကာနီးကလေးအတွက်

သူတိုကဘာတွေစဉ်းစားနေမှာလဲ။ဒါတောင်ဆုံးရူံးသွားတဲ့မိသားစုဝင်တွေအတွက်မပါသေးဘူး။

ကိုယ်ဝန်သည်တွေစိတ်မထိခိုက်ရတို့၊နာရေးကိစ္စတောင်ကိုယ်ဝန်နဲ့မွေးတဲ့သူတွေအတွက်

ကလေးထိခိုက်မှာစိုးလို့လျိူ့ဝှက်ထားရမယ်ဆိုတဲ့အယူအဆတွေဘယ်ရောက်ကုန်ပြီလဲ။

သူတို့များဘယ်လိုအင်အားတွေ သတ္တိတွေနဲ့ရပ်တည်နေကြမှာပါလိမ့်။အသက်နဲ့လူတွေပါပဲ။

ဒါပေမယ့်သာမန်ထက်သတ္တိရှိလိုက်ကြတာ။ဒီလိုစိတ်ဓါတ်ခွန်အားတွေဟာအမှောင်ထဲကအလင်း

ရောင်လား။ဘုရားကပေးတဲ့ဆုလာဘ်တစ်ပါးများဖြစ်နေမလား။

မုန်တိုင်းအတွင်းမှာမွေးကင်းစကလေးတွေကိုမိဘတွေ အစ်ကိုတွေ အစ်မတွေကအတင်းဖက်ပြီး

ပြေးလွှားနိုင်ခဲ့လို့လွတ်ကြတယ်။ဆယ်ကျော်သက်ကလေးတွေကိုယ်ဘာသာအသက်ကိုဖက်နဲ့

နိုင်တဲ့အရွယ်တွေဖြစ်လို့လွတ်ခဲ့နိုင်ကြတယ်။အဲဒီင်္အသက်အရွယ်ကြားကဟိုမရောက်သည်

မရောက်အရွယ်လေးတွေမှာတော့များစွာအသက်ဆုံးရူံးခဲ့ကြရတယ်။တကွဲံတပြားဖြစ်ကုန်ကြ

တယ်။ကျန်ခဲ့တဲ့မွေးကင်းစလေးတွေ၊ကလေးပုစီကွေးလေးတွေမှာသူတိုကကိုထွေးပွေ့ထား

တဲ့ဆွေမျိူးတွေ မိဘတွေ(ရှိသေးရင်တော့)၊ အိမ်နီးချင်းတွေရဲ့လက်ထဲမှာကစားစရာရုပ်ကလေး

တွေပိုက်လို့ပျော်နေကြတယ်။အဖေ အမေ ဘယ်မှာလဲလို့မမေးတတ်ပါဘူး။တစိမ်းတွေလက်

ထဲရောက်လည်းနားမလည်ရှာဘူး။ကစားစရာ စားစရာ ဆော့စရာတွေရှိနေရင်ပြည့်စုံနေကြပြီ။

နောင်သိတတ်တဲ့တစ်နေ့မှာ သူ့ကိုတစ်ယောက်ယောက်ကပြောပြမှသိမယ်။ပါးစပ်ရာဇ၀င်

ဆိုတာကိုလက်ဆင့်ကမ်းတဲ့စကားလုံးတွေနဲ့သူတို့လေးတွေသိသွားကြလ်ိမ့်မယ်။အဲသည်လို

ပဲလက်ခံထားပေတော့။

နာဂစ်မုန်တိုင်းအတွင်းသေဆုံးသွားသူတွေအတွက်ဆွမ်းဦးဆိုတာဘယ်နေမှန်တောင်မသိလိုက်

ရတဲ့အဖြစ်ပါ။သပိတ်သွတ်တာတို့ သက်ပျောက်ဆွမ်းတို့ စဉ်းတောင်မစဉ်းစားရဲခဲ့ဘူး။တမလွန်

ကဘိုးဘွား မိဘ သား သမီး မြေးတွေတော့ကျန်ရစ်ခဲ့သူတွေတာဝန်မကျေခဲ့၇တာကိုနားလည်

ပေးကြပါတော့လို့ပဲတောင်းပန်ကြရတော့မယ်။တစ်လပြည့်(နှစ်လပြည့်)တွေကိုတော့အလှူ

ရှင်တွေရဲ့အလှူငွေလေးတွေနဲ့အမျှအတန်းဝေနိုင်ခဲ့ကြပြီပေါ့။နာဂစ်မုန်တိုင်းကြီးမတိုင်မှီ

ကွယ်လွန်အနိစ္စရောက်သွားသူတွေအတွက်ဝမ်းသာမိပါတယ်။သူတို့ကဒီလိုဆိုးရွားရက်စက်

တဲ့ကြောက်စရာအဖြစ်တွေကိုမြင်မသွားကြဘူး။ကြုံမသွားကြရဘူး။ထိတ်လန့်တုန်လှူပ်

မသွားကြရဘူး။ရူးသွပ်မသွားကြရဘူး။နာဂစ်မုန်တိုင်းအတွင်းလေဒဏ် ရေဒဏ် ကြားမှာ

အသက်ပျောက်ခဲ့ကြသူတွေအတွက်စိတ်မကောင်း ကြေကွဲမိတဲ့ကြားကကျန်ရစ်ခဲ့သူတွေ

ရဲ့ ပူပင်သောက လွမ်းဆွေးအပူမီးတွေ မခံရလေခြင်းလို့ကြံဖန်တွေးပြီးဖြေလိုက်မိပါရဲ့။

မွေးကတည်းကလယ်လုပ် စိုက်ပျိူးရေးလုပ် ငါးဖမ်းလုပ်ငန်း တံငါလုပ်ငန်းနဲ့အသက်မွေးလာ

ခဲ့ကြသူတွေလေ။ရောင့်ရဲတင်းတိမ်တတ်ပါတယ်။ပိုက်ဆံတွေအများကြီးမကိုင်ဖူးကြပါဘူး..တဲ့။

အ၀တ်တစ်စုံလောက်နဲ့နေလို့ဖြစ်ပါသတဲ့။အဲဒီလို ဘ၀ထဲမှာမုန်တိုင်းအတွင်းကွယ်လွန်သွား

သူတွေကိုတော့သတိရနေကြပါတယ်။အရင်ကနေခဲ့ရတဲ့မိသားစုဘ၀ကိုတော့ဘယ်လိုအရာ

မျိူးနဲ့မှမလဲနိုင် တန်ဖိုးထားနေဆဲဖြစ်ကြောင်းပါ။

Read More

May Day – 1 – 5 -2010 - BD of Khin Myo Chit

May Day – 1 – 4 -2010 - BD of Khin Myo Chit

မေဒေးနေ့မွေးနေ့ရှင် မေမေကြီးဒေါ်ခင်မျိူးချစ် ( ၁ -၅-၁၉၁၅ - ၂-၁-၁၉၉၉) အမှတ်တရ

မေမေကြီးသာအသက်ရှိနေဦးမယ်ဆိုရင် ဒီနေ့မေဒေးနေ့ဟာ မေမေကြီးရဲ့ အသက်၉၅နှစ်ပြည့်ပြီပေါ့။

အမြဲတမ်းမေဒေးနေ့ရောက်တိုင်းသတိတရတစ်ခုခုကိုတင်ချင်နေပါတယ်။

ဒီနှစ်တော့တိုက်တိုက်ဆိုင်ဆိုင် အင်္လကာပန်းခင်းမဂ္ဂဇင်း မေလထုတ် ၂၀၁၀ မှာ

တက္ကသိုလ်မောင်ယဉ်သူ ရဲ့ “ဆရာမကြီးဒေါ်ခင်မျိူးချစ်နဲ့ဟာသစာပေသဘောတရား”ဆိုတဲ့

ဆောင်းပါးတစ်ပုဒ်ကိုတွေ့လိုက်ရတယ်။သူကသောင်းပြောင်းထွေလာမဂ္ဂဇင်းမတ်၁၉၈၂ခုနှစ်ထဲ

က“လောကကိုဟာသနဲ့သရုပ်ဖော်ပုံ”ဆိုတဲ့မေမေကြီးရဲ့ဆောင်းပါးကိုပြန်လည်ကောက်နှူတ်ပြီး

တင်ပြပေးထားရုံမကဒေါ်ခင်မျိူးချစ်ကသူ့မွေးနေ့နဲ့ပတ်သက်ပြီးဟာသဆန်ဆန်ပြောဆိုချက်များ

ကိုပြန်လည်ဆန်းသစ်ပေးထားပါတယ်။အဲဒီအတွက်ကိုယ်ကရေးတာထက်သူများရေးထားတာတွေ

ကိုဖတ်ရတာတော်တော်အရသာရှိမိပါတယ်။မွေးနေ့အမှတ်တရမို့လို့တက္ကသိုလ်မောင်ယဉ်သူ

ရေးထားတဲ့ထဲကမွေးနေ့နဲ့ပတ်သက်နေတာလေးကောက်နှူတ်တင်ပြရင်းနဲ့ဒေါ်ခင်မျိူးချစ်

မွေးနေ့ကိုသတိတရတင်ဆက်လိုက်ရပါတယ်။

“ဆရာမကြီးရဲ့“လောကဓံကိုသည်းခံခြင်း” သောင်းပြောင်ထွေလာမဂ္ဂဇင်းဇွန်၁၉၈၂မှာ Dry Humour

(မထိတထိရယ်သွမ်းသွေးခြင်း)ကိုတွေ့လိုက်ရပါတယ်။ဆရာမကြီးဒေါ်ခင်မျိူးချစ်က၁၉၁၅ခုနှစ်မေ

၁ ရက်နေ့မှာမွေးဖွားခဲ့သူဖြစ်ပါတယ်။မေ ၁ ဟာကမ္ဘာ့အလုပ်သမားနေ့ဖြစ်ပြီးနိုငံတကာမှာအထိမ်း

အမှတ်အခမ်းအနားတွေကျင်းပကြပါတယ်။

ဆရာမကြီးကဒီလိုဖြစ်စေချင်တဲ့ဆန္ဒကိုဖော်ပြထားပါတယ်။ဒီဆောင်းပါးရေးနေချိန်မှာဆရာမကြီး

အသက် ၆၇ နှစ်ပြည့်ပါပြီ။

‘ငါ့နှယ်နော်..အခုမှအကြံရတယ်။တကယ်ဆိုရင်မေလတစ်ရက်နေ့ဟာကိုယ့်မွေးနေ့ဖြစ်တဲ့အကြောင်း

ကြော်ငြာမောင်းခတ်ထား၊ရေးဖော်ရေးဖက်တွေလည်းမွေးနေ့ဂုဏ်ပြုဆောင်းပါးရေးဖို့၊ရေးချင်လာ

အောင်ကျွေးမွေးပြီးဆွယ်ထား။အဲဒီဆောင်းပါးထည့်ပေးမယ့်မဂ္ဂဇင်းအယ်ဒီတာကိုလည်းမျက်ရိပ်

မျက်ကဲပြထား အဲသလိုလုပ်မထားမိတာနာတာပဲ။

အခုတော့အဲသလိုဂုဏ်ပြုရေးပေးမယ့်သူမရှိတော့ကိုယ့်ဘာသာကိုယ်အဆိုသွင်း၊ကိုယ်ပဲထောက်

ခံဂုဏ်ပြု မှတ်တမ်းတင်ရတာပေါ့လေ။ ငါ့နှယ် ရှက်လိုက်ပါဘိ သော်တာဆွေရယ်။အဲလေ..ရှက်

ပါဘူး။ကိုယ့်ကိုယ်ကိုယ်ဂုဏ်ပြုတာဘာရှက်စရာလဲ။ကိုယ့်ကိုယ်ကိုယ်မှဂုဏ်မပြုရင်ဘယ်သူက

လာဂုဏ်ပြုမလဲ ဆိုပြီးမိမိကိုယ်ကိုမိမိ ခနဲ့တဲ့တဲ့နဲ့ရယ်သွမ်းသွေးလိုက်ပါတယ်။’

အဲဒီဆောင်းပါးထဲမှာပဲဆရာမကြီးရဲ့ဟာသဆန်ဆန်ရေးသားချက်များနဲ့စာပေအနုပညာဆိုင်ရာ

ယူဆချက်များ သရော်စာအကြောင်းများ ကိုလည်းထည့်သွင်းရေးထားကြောင်းပါ။ဒေါ်ခင်မျိူးချစ်

အကြောင်းအမှတ်တရရေးသားသူတက္ကသိုလ်မောင်ယဉ်သူကိုလည်းကျေးဇူးတင်ပါတယ်။

မေလနဲ့တိုက်တိုက်ဆိုင်ဆိုင်ထည့်ပေးလိုက်တဲ့ ပန်းအင်္လကာမဂ္ဂဇင်းအယ်ဒီတာကိုလည်းကျေး

ဇူးတင်ပါကြောင်းပါ……..။

Read More