လရောင်သာတဲ့ လပြည့်ညအောက်မှာ ဂျူနီယာဝင်း

လရောင်သာတဲ့ လပြည့်ညအောက်မှာ

ဂျူနီယာဝင်း

၂၈ရက် နိုဝင်ဘာလဟာ တန်ဆောင်မုန်းလပြည့်နေ့တစ်နေ့ အဖြစ်

မြန်မာပြက္ခဒိန်မှာ တွေ့ရပါတယ်။ အဲဒါ မီးထွန်းပွဲတော်လလို့လည်း ခေါ်ပါတယ်။ ကျွန်မရဲ့ခြံထဲမှာ

ဖယောင်းတိုင်တွေ၊ ရောင်စုံမီးသီးလေးတွေနဲ့ လရဲ့ အလင်းရောင်ကို ပိုပြီး တောက်ပသွားအောင်

ထွန်းညှိထားပါတယ်။

“လရောင်သာတဲ့တညမှာ ဘယ်သူက ကျွန်မနဲ့ အတူ ကမ္ဘာကြီးကို အလင်းတွေ

ထွန်းညှိချင်ကြပါသလဲ”၊ အခုနလေးတင်က ဖတ်ထားတဲ့ကဗျာတပိုင်းတစကို ညီးမိတယ်။ ကျွန်မရဲ့

ငယ်ဘဝကို သတိရတယ်။ ဘယ်အိမ်ကမှ မီးထွန်းရတဲ့ညတွေကို မီးမထွန်းဘဲ ကျော်သွားတာ မရှိပါဘူး။

ဒါပေမယ့် အခုတော့ တချိူ့က မီးထွန်းဖို့ မေ့နေကြလေရဲ့။

ဆိုတော့ အခုကမ္ဘာကြီးတည်ရှိနေတာကို မေ့သွားကြလို့များလား။

သို့သော် ကျွန်မတို့ရဲ့လမင်းကြီးက သူမရဲ့အလင်းရောင်နဲ့

ကမ္ဘာကြီးကို အလင်းရောင်ပေးထားတယ်။ ဒါကြောင့်များ လူတွေ မီးထွန်းဖို့ မေ့သွားကြတာများလား။

ဘာကြောင့်လဲဆိုတော့ ကမ္ဘာကြီးက လရဲ့အလင်းရောင်ကြောင့် တောက်ပနေတာကိုး။ သူမရဲ့အလင်းက

ကမ္ဘာကြီးတစ်ခုလုံးကို အရိပ်တောင်မရအောင် နေ့ခင်းကြောင်တောင်မှာလိုပဲ လင်းလက်နေတယ်။

လပြည့်မှာ မီးထွန်းဖို့မေ့နေသောလည်း လရဲ့တောက်ပလင်းလက်တဲ့ အလင်းတန်းတွေက ကမ္ဘာကြီးကို

ထိန်သွားအောင် အလင်းဓါတ်တွေပေးနေပါတယ်။

ဘယ်သူမှ လပြည့်ညမှာ ပုန်းခိုနေလို့ မရပါဘူး။ သည်လို

လှပတဲ့လမင်းကြီးကို တွေ့ရတာ ကျွန်မဝမ်းသာကြည်နူးမိပါတယ်။ မိခင်လမင်းကြီးရေ… ကျွန်မတို့ရဲ့

အလုပ်တွေသိပ်များတဲ့ သည်မြို့ သည်ရွာ ခရီးဆက်နေရသော်လည်းပဲ၊ ဝမ်းနည်းငိုကြွေးနေတဲ့

တောင်တန်းတွေရဲ့ အော်သံတွေကို ကြားနေရသောလည်းပဲ၊ နေလုံးကြီးထွက်လာတာကို မြင်ရတာလေးကိုပဲ

ကြည့်ပြီး ဝမ်းသာနေရမှာလား။ အလင်းတန်းတွေနဲ့တောက်ပနေတာကိုပဲ ကြည့်ပြီး ကြည်နူးနေရမှာလား။

ကောက်ရိတ်သိမ်းကြ ပျိူးကြဲကြတဲ့ ရာသီပွဲတွေကိုကြည့်နေရတာကိုပဲ ပျော်ရွင်ကြေနပ် နေရမှာလား။

ဟောဒီ မုန်းတီးမူတို့၊ အာဏာရှင်တွေ နှိပ်စက်တာတို့၊

ကြောက်ရွ့ံမူတို့တွေက လူသားတွေရဲ့ နှလုံးသားမှာ အမြဲတန်းအမြစ်တွယ်အောင် မလုပ်နိုင်ဘူး

ဆိုတာကရော တကယ်ပဲလား။ ကျွန်မတို့ရဲ့ မျက်ရည်တွေ မြန်မြန်ပဲ ခြောက်ခမ်းပြီး အလုပ်တွေသိပ်ရူပ်နေတဲ့ကျွန်မတို့ရဲ့စိတ်ထဲကို

ဖယောင်းတိုင်လေးနဲ့ လပြည့်ညကို ထွန်းညှိဖို့ သတိပေးလိုက်ပါဦးလေ။ ဟောသည်လိုချိူမြိန်တဲ့စာလုံးတွေနဲ့

ကမ္ဘာကြီးကို မျော်လင့်ချက်အလင်းရောင်လေးပေးပြီး နိုက်တင်းဂေးရဲ့ နှူတ်ဖျားမှာ တေးသီးချင်းအဖြစ်

သီကြွေးရင်း ဟောသည်ကမ္ဘာမှာ အားလုံး ရန်သူများ ကင်းဖို့ဆုတောင်းကာ လမင်းကြီးကလည်း ကျွန်မတို့ဘက်က

တသက်လုံး ထွန်းလင်းတောက်ပ ပေးနေပါစေသတည်း။

(Junior Win ရေးသားထားတဲ့Under The Moon Lit Night

ကိုကိုယ်တိုင်ဘာသာပြန်ထားသည်။)