Sunday, April 13, 2014

အောင်ချမ်းသာ(လှည်းတန်း)ပုံပြင် ဂျူနီယာဝင်း


ဧပြီ ၁၂၊ ၂၀၁၄
(အင်္ဂလိပ်လုို ရေးသားသော Aung Chan Thar (Hleedan Story) ကုိုကိုယ်တုိုင် ဘာသာပြန်သည်။)
 
ဘတ်စ်ကားသမားက “လှည်းတန်း” လုို့ဆိုလုိုက်လျှင် ဘတ်စ်ကားပေါ်ကဆင်းကာ “အောင်ချမ်းသာရပ်ကွက်” ကလေးကုို မည်သူမဆုို လမ်းညွှန်ပေးနုိုင်ကာ ရန်ကုန်ကဲ့သုို့သော မြို့ကြီးပြကြီးထဲမှာ သဲကန္တာရထဲက အုိုအေစစ်ကလေးကို တွေ့ရသလုို အောင်ချမ်းသာရွာက လေးကုို တွေ့ရပါတော့မည်။ ကားဟွန်းသံတညံညံ ၀ီစီသံဆူညံသံတွေကြောင့်သာ ရန်ကုန်မြို့ကြီးပြကြီးထဲ သင်ရောက်နေပါလားဟု သင့်ကုို သတိပြုမိစေပါလိမ့်မည်။ အောင်ချမ်းသာအရပ်ထဲကသူတွေပင် သည်ပရ၀ဏ်လေးသည် အိပ်မက်ထဲက ဒေသလေးတစ်ခုအဖြစ် တွေးမြင်နေမှာ ဖြစ်ပါတော့သည်။ မြန်မာဆန်ဆန် သစ်သားအိမ်ကလေးများ၊ တစ်ထပ်တိုက်ကလေးများ၊ လက်ဖက်ရည်ဆိုင်ကလေးများ၊ ကလေးများဆော့ကစားရာ မြေနီလမ်းလေး၊ ညနေခင်း တိုက်ခတ်လျက်ရှိသော လေပြေလေညှင်းကလေးများ၊ သစ်ပင်များ၏ အရိပ် အာ ၀ါသများသည် အောင်ချမ်းသာ ရပ်ကွက်ကလေး၏ အေးချမ်းသာယာမှုကို နေ့စဉ် အဓိပ္ပါယ်ဖော်လျှက်ရှိနေပါသည်။
ယခုရေးနေသောဆောင်းပါးသည် တချိန်တခါက အောင်ချမ်းသာဟု အမြင်တွင်ခဲ့သော နေရာဟောင်းလေးတစ်ခုအကြောင်းဖြစ်ပါသည်။
ရန်ကုန်ကလူတွေကတော့ လှည်းတန်းဟူသောအမည်က စိမ်းမနေပါ။ နေ့စဉ်သုံးစကားလုံးလုို လှည်းတန်းဘတ်စကားဂိတ်၊ လှည်းတန်း ဈေး၊ လှည်းတန်းလမ်းမ၊ လှည်းတန်းရပ်ကွက် စသည့်ဖြင့် ပြောဆုိုသုံးနှုန်းနေကြပါသည်။ လှည်းတန်းဆိုတာ အလွန်ကျယ်ပြန့်သောနေရာ – ရန်ကုန်တက္ကသုိုလ်ပင်မနှင့်နီးသော နေရာတစ်ခု ဖြစ်ပါသည်။ အဲသည် လှည်းတန်းဆုိုသော နေရာကျယ်ကြီးမှာ “အောင်ချမ်းသာ” ဟု ခေါ်တွင်သည့် နေထုိုင်သူ ရာဂဏန်း အိမ်ခြေ ၅၀ ခန့်နေထုိုင်သော၊ သူတုို့၏ဘ၀များက အေးချမ်းအေးဆေးစွာ နေထုိုင်နေကြသော ရပ် ကွက်တစ်ခုရှိပါသည်။ ကျွန်မတုို့နေထုိုင်ကြတာက အဲသည်အောင်ချမ်းသာရပ်ကွက်နှင့် နီးပါသည်။ အဲသည်နေရာကုို မိနစ် ၂၀ ခန့် လမ်း လျှောက်သွားရင် ရောက်ပါပြီ။ ယခုထုိုလှည်းတန်းမှာရှိခဲ့သော “အောင်ချမ်းသာ” ဟူသော ရပ်ကွက်လေးအကြောင်း  - ကျွန်မကုို ယခုတုိုင် နွေးထွေးနေဆဲအတိတ်က အရိပ်ဟောင်းများ – ဟောင်းသွားသော်လည်း ကျွန်မအတွက်တော့ အသစ်ဖြစ်နေဆဲ အဲသည် အောင်ချမ်းသာပုံပြင်လေးကုိုပြောပါမည်။

နောက်ပြန်လှည့်သော် ..

အောင်ချမ်းသာ (လှည်းတန်း) ရပ်ကွက်လေးမှာ ကျွန်မတုို့အဘုိုးအဘွားများ လွန်ခဲ့သောအချိန်ကာလများက နေထုိုင်ခဲ့ကြသော အိမ်အုို ဟောင်းလေး တစ်လုံးရှိပါသည်။ သည်တော့ အခုကျွန်မတုို့နေထုိုင်နေတာက “ပြည်ရိပ်သာ” ဖြစ်ပြီး အောင်ချမ်းသာက အိမ်ဟောင်းလေးသည် ကျွန်မတုို့၏အဘုိုး ဦးခင်မောင်လတ် စာသင်ကြားရာနေရာလေးတစ်ခု ဖြစ်ခဲ့ပါသည်။ ယခု အဲသည်အကြောင်းကုို ဆက်ပြောပါမည်။
ကျွန်မအဘုိုးတွင် ဦးသိန်းမောင်ဟုခေါ်တွင်သော မိတ်ဆွေရင်းကြီးတစ်ဦးရှိပါသည်။ သူက အောင်ချမ်းသာရပ်ကွက်မှာ နေပါသည်။ ပြီး တော့ ကျွန်မအဘုိုးဖြစ်သူ ဘဘကြီးလုိုပဲ အင်္ဂလိပ်စာသင်သော ဆရာတစ်ဦးလည်းဖြစ်ပါသည်။ သူတုို့နှစ်ဦးသည် အောင်ချမ်းသာတွင် အတူတကွ အင်္ဂလိပ်စာသင်တန်းကျောင်းလေးကိုဖွင့်ကာ စာသင်ကြားသောအလုပ်ကို လုပ်ကြပါသည်။ ကျွန်မအဘုိုးသည် အောင်ချမ်းသာ ရပ်ကွက်လေးဆီ နေ့စဉ် လမ်းလျှောက်ကာ သွားပါသည်။ ကျွန်မအဘွား မေမေကြီး ဒေါ်ခင်မျိုးချစ်သည် တခါတရံ ဘဘကြီးနှင့် အဖော်လုပ် ကာ အဲသည်မှာ အင်္ဂလ်ိပ်စာကို အတူတကွ သွားသင်လေ့ရှိပါသည်။ အောင်ချမ်းသာက ထိုကျူရှင်ကျောင်းလေးတွင် ဘဘကြီးနှင့်အတူ အင်္ဂလိပ်စာ လာရောက်သင်ပေးကြသော တခြားဆရာဆရာမများ များစွာရှိပါသည်။

(ဓါတ်ပုံဟောင်းလေး – ဓါတ်ပုံထဲတွင် (လက်ဝဲမှယာ) ဆရာမတစ်ဦး၊ ဦးသိန်းမောင်၊ ဦးခင်မောင်လတ်နှင့် ဦးဘသော် (ဘဘကြီင်္း ဦင်္းခင်မောင်လတ်၏အကို အကြီးဆုံး – ရဲအရာရှိတစ်ဦး၊ ပုလိပ်အရာရှိတစ်ဦးဟူသော ကလောင်ရှင်) တုို့ကုို အောင်ချမ်းသာက ကျူရှင် ကျောင်းလေးတွင် ဆရာများအဖြစ် တွေ့ရပုံ)
ကျွန်မတုို့ အင်္ဂလိပ်စာသင်ကြားသင့်သောအရွယ်သုို့ရောက်လာသောအခါ ကျွန်မတုို့မိခင်ဖြစ်သူက ကျွန်မအဘုိုးနှင့် အတူလုိုက်သွားပြီး အဘုိုးသင်သော အင်္ဂလိပ်စာ သင်တန်းများကုို လုိုက်တက်ခုိုင်းပါသည်။ ဘဘကြီးသည် သူ၏မြေးကလေးများက သူ၏အင်္ဂလိပ်စာသင်တန်း ကုိုလုိုက်တက်ကြတာကုို အလွန်သဘောကျလျက်ရှိပါသည်။
(ကျွန်မတို့အမွှာမောင်နှမနှင့် အဘုိုးအဘွားများနှင့် ကျွန်မတုို့မိခင်တုို့အတူ အောင်ချမ်းသာ ကျူရှင်ခန်းရှေ့)
အောင်ချမ်းသာ (လှည်းတန်း) ရပ်ကွက်ကလေးသည် အလွန်တရာမှ အေးဆေးကာ လူသိများသောနေရာလေးတစ်ခု ဖြစ်ပါသည်။ အဲသည် နေရာလေးအကြောင်းကုို စဉ်းစားမိလုိုက်တုိုင်းမှာ ကျွန်မ၏မှတ်ဉာဏ်များသည် လန်းဆန်းကာ တချို့သော မမေ့နုိုင်သော အမှတ်တရများက တကယ်လုိုပဲ ကျွန်မ၏ရှေ့တွင် ပေါ်လာတတ်ပါသည်။ အဲသည်ရပ်ကွက်မှာနေထိုင်ကြသောလူများသည် မိသားစုဝင်များအတူတကွ နေ ထုိုင်နေကြသလိုပင် ဖြစ်ပါသည်။ ဘာသာရပ်ပေါင်းစုံသင်ကြားသော ကျူရှင်ကျောင်းကလေးများ၊ ဓနုဖြူ ဒေါ်စောရီ၏ထမင်းဆုိုင်တုို့၊ တရုတ်ဟင်းလျာဆုိုင်တုို့၊ အမျိုးသမီးဝတ်အင်္ကျီဆုိုင်တုို့၊ ပါ့စ်ပုို့ဓာတ်ပုံဆုိုင်၊ လက်ဖက်ရည်ဆုိုင်များစသည်ဖြင့် ရောမွှေလျက်ရှိပါသည်။ အောင်ချမ်းသာရပ်ကွက်၏ အပြင်ဘက်ခြမ်းသည် လှည်းတန်းမီးပွိုင့်နှင့် ပြည်လမ်းကို မျက်နှာမူလျက်ရှိပါသည်။ ထုိုအခါ ထုိုမျက်နှာစာ မှာရှိနေသော ၀င်း ဆံသဆုိုင်ကြီး၊ ယူနီယမ် ဓာတ်ပုံဆုိုင်၊ ဂိုးရှိုး အထည်ဆုိုင်၊ ကိုယုံ ကြေးအိုးနှင့် တရုတ်အစားအစာဆုိုင်၊ ရှမ်းတောင်တန်း စားသောက်ဆုိုင်၊ အလိမ္မာစာအုပ်ဆုိုင်၊ အသောက မန္တလေးဖိနပ်ဆုိုင် စသည် စသည်တုို့ကုို လှမ်းမြင်နုိုင်ပါသည်။
၁၉၈၈ခုနှစ် မြန်မာပြည်မှာ လူထုအုံကြွမူများအပြီးတွင် တက္ကသိုလ်များပိတ်ပါသည်။ ကျူရှင်တွေလည်း ပိတ်သွားပါသည်။ ထုိုအချိန်ကစလုို့ ကျွန်မအဘုိုးသည်လည်း သူ၏အင်္ဂလိပ်စာသင်တန်းများကို အောင်ချမ်းသာကနေ ပိတ်လုိုက်ရပါသည်။ ထုိုတက္ကသုိုလ်များပိတ်သွားချိန်မှာ ကျွန်မတို့လည်း အိမ်မှာအားလပ်နေပါသည်။ အချိန်အနည်းငယ်ကြာတော့ ကျွန်မတို့မိဘများ၏ အကြံဉာဏ်ဖြင့် အိမ်မှာ ကျွန်မတို့ မောင် နှမ နှစ်ယောက်ကုို ဘဘကြီးနှင့် မေမေကြီးတို့က အင်္ဂလိပ်စာ သင်ဖြစ်သွားပါသည်။ နေ့စဉ် နေ့လည် ၁၁ နာရီမှ ၁၂ နာရီအထိ တစ်နေ့ကုို တစ်နာရီ ဂျူးလီယက်ဆီဇာ၊ မက်ဘက်၊ ကလီယုိုပါတရာ အစရှိသော ရှိတ်စပီးယားနှင့် ဘားနတ်ရှောပြဇာတ်များကုို သင်ပေးပါသည်။ ကျွန်မတို့အဘွားလည်း ၀င်ရောက်ကာ စာဆွေးနွေးရင်း ၀င်သင်ပေးပါသည်။ ထမင်းစားပွဲလေးသည် ကျွန်မတို့ စာသင်ခန်းဖြစ်လုိုက်၊ ထမင်းစားပွဲဖြစ်လုိုက်၊ စာဆွေးနွေးရေးမှတ်ကြရာဖြစ်လုိုက် အမျိုးမျိုး ဖြစ်ခဲ့ပါသည်။ သည်လုိုနှင့် ကျွန်မအကုို၏ သူငယ်ချင်းတစ်ယောက် နှစ်ယောက်၊ ကျွန်မသူငယ်ချင်း တစ်ယောက် နှစ်ယောက် လာပူးပေါင်းရင်းနှင့် ဘဘကြီးတို့၏ အင်္ဂလ်ိပ်စာသင်တန်းလေးက စည်ကား ခဲ့ပါသည်။ အဲသည်ကနေစလုို့ ဘဘကြီးသည် သူ့ဘ၀တစ်လျောက်လုံး စာသင်ခြင်းအလုပ်ကို ပြည်ရိပ်သာနေအိမ်မှာပင် ကွယ်လွန်သည့် အချိန်ထိ လုပ်ဖြစ်ခဲ့ပါတော့သည်။
သုို့သော် အောင်ချမ်းသာမှာရှိခဲ့ဖူးသည့် စာသင်ကျောင်းအုိုလေးသည် ကျွန်မအဘုိုးအတွက်တော့ ဘယ်တော့မှ မမေ့နုိုင်သည့် သတိရစရာ ဖြစ်နေဆဲဆုိုတာကုို ကျွန်မသိပါသည်။ ထုိုကျောင်းအုိုကလေးကုို ကျွန်မတို့ အဘုိုးအဘွားများ၏ အမှတ်တရနေရာလေး အဖြစ်သော်လည်း ကောင်း၊ ပြတုိုက်ကလေးအဖြစ်သော်လည်းကောင်း ထိမ်းသိမ်းထားဖုို့ မျှော်လင့်ထားပါသည်။ အောင်ချမ်းသာရပ်ကွက်ကလေးသည် ကျူရှင်ကျောင်းများ မရှိတာကလွဲလုို့ ဆက်လက်၍ လှူပ်ရှားအသက်ဝင်လျက် ကျန်ရစ်ခဲ့ပါသည်။ ၁၉၉၆ ခုနှစ်တွင် ဘဘကြီး ကွယ်လွန်ခဲ့ ပါသည်။ မေမေကြီးက ၁၉၉၉ မှာ ကွယ်လွန်ခဲ့ပါသည်။ ကျွန်မတို့ဘုိုးဘွားများ ကွယ်လွန်ခဲ့ပြီးနောက် အောင်ချမ်းသာရပ်ကွက်လေးသည် မထင်မှတ်သော ၀မ်းနည်းဖွယ် အပြောင်းအလဲတစ်ခုနှင့် တွေ့ခဲ့ပါသည်။ ၂၀၀၃ ခုနှစ်မှာ ဖြစ်ပျက်ခဲ့သော ထုိုအဖြစ်ဆုိုးကုို ဘဘကြီး မေမေကြီးတို့ မတွေ့မမြင်သွားခဲ့ရတာ ကံကောင်းလေခြင်းလုို့ ဆိုရပါလိမ့်မည်။ ထုိုအဖြစ်ဆုိုးကုို ဘယ်လုိုလုပ် မေ့နုိုင်မှာလဲ။ သူတို့တတွေသာ ထုိုအဖြစ်နှင့်တုိုးမိပါလျှင် သူတို့အသည်းနှလုံးများ ကွဲကြေသွားပါလိမ့်မည်။ အေးဆေးတည်ငြိမ်သော အေးချမ်းလှသည့် အောင်ချမ်းသာ ရပ်ကွက်ကလေးသည် အစိတ်စိတ် အမွှာမွှာ ပျောက်ပျက်သွားခဲ့ရလေတော့ ကျွန်မတို့၏အဘုိုးအဘွားများ၏ ကျောင်းခန်းလေးလည်း ထုိုကံဆုိုးမူနှင့်အတူ ပါသွားရပေတော့သည်။ အောင်ချမ်းသာက အမှတ်ရစရာများသည် အောင်ချမ်းသာ၏ ကံဆုိုးမုိုးမှောင်ထဲမှာ အတူတကွ လုိုက်ပါသွားပါတော့သည်။

နောက်ပြန်လှည့်သောလည်းပြန်မရနုိုင်တော့သော….

ယခုတော့ဖြင့် ထုိုငြိမ်းချမ်းသော အောင်ချမ်းသာရပ်ကွက်ကလေး ၏နေရာတွင် ဟိတ်ဟန်အပြည့်ဖြင့် နေရာယူထားသော ၀င့်ကြွား လောက်စရာ အဆောက်အဦကြီးသာ တွေ့ရတော့မည်ဖြစ်ပါသည်။ သူက အေးဆေးသော အောင်ချမ်းသာရပ်ကွက်ကလေး၏ လူအေး လူဆေးများပိုင်ဆုိုင်သောနေရာကို လွန်ခဲ့သောနှစ်များစွာက အပုိုင်စီးခဲ့တာဖြစ်ပါသည်။ “လှည်းတန်းစင်တာ” ဟူသောအမည်က အ ဆောက်အဦကြီး၏အပေါ်တွင် ခန့်ညားစွာ ကဗ္ဗည်းထုိုးထားပါလေသည်။ “လှည်းတန်း” ဟူသော အမည်လေးတစ်ခုသည်သာ အိပ်မက်ရွာ ကလေး “အောင်ချမ်းသာ” ၏ အမှတ်တရ အဖြစ်ကျန်ခဲ့ပါတော့သည်။

1 comment:

WISE GUY said...

မျိုးရိုးပီသစွာ ညီမလေးစာရေးကောင်းပါတယ် ...။ ညီမအကိုကိုတော့ တွေ့ဖူး၊ ခင်ဖူးခဲ့ပါတယ် ...။ ကျနော်လဲ လှည်းတန်းသား၊ RIT ထွက်ပါပဲ ...။
လှည်းတန်းသူ၊ လှည်းတန်းသားများအတွက် လှည်းတန်း လမ်းဆုံ ဆိုတဲ့ Group လေးကို Facebook ပေါ်မှာ တည်ဆောက်ထားပါတယ် ...။ ၀င် Join ဖို့ဖိတ်ခေါ်လိုက်ပါတယ် ...။ လှည်းတန်းသူ၊ လှည်းတန်းသားတွေရဲ့ ရင်ခုန်သံလေးတွေ စည်းချက်ညီညီ ဖလှယ်ကြရအောင်ပါ ...။