ပရိုမီးသီးရစ်အတွက်တာဝန်အသစ် ဂျူနီယာဝင်း

ပရိုမီးသီးရစ်အတွက်တာဝန်အသစ်  ဂျူနီယာဝင်း

(အတွေးအမြင် ၂၅၃၊ ၂ဝ၁၃ခုနှစ်ဧပြီလ)

ဂရိများ၏အဆိုအရဒဏာရီနတ်ဘုရားဇီးယုဇ်(Zeus)နတ်မင်းကြီးကိုဆန့်ကျင်ပြီးPrometheus(ပရိုမီးသီးရစ်)ကလူသားများအတွက်မီးကိုပေးခဲ့သည်။ထိုအဖြစ်ကြောင့်ပရိုမီးသီးရစ်သည်ဇီးယုဇ်နတ်မင်းကြီး၏ပြစ်ဒဏ်ကိုခံခဲ့ရသည်။ပရိုမီးသီးရပ်စ်သည်ဇီးယုဇ်နတ်မင်းကြီး၏ပြစ်ဒဏ်ကိုခံခဲ့ရသည်။ပရိုမီးသီးရစ်ကိုကျောက်တုံးမှာချည်နှောင်ထားကာသိမ်းငှက်(သို့မဟုတ်)လင်းတကြီးကသူ့ကိုအဆက်မပြတ်ထိုးဆိတ်စေလေသည်။ထိုအကြောင်းကိုကျွန်မအဘွားဆီကပုံပြင်တစ်ပုဒ်သဖွယ်နားထောင်ခဲ့ရသည်။မေမေကြီးကပြောထားတော့အဲသည်မီးဆိုတဲ့အရာဟာတကယ့်မီးစစ်စစ်ကိုပြောတာထက်'အသိပညာ'ကိုဆိုလိုပါသတဲ့။

လူသားများသည်မီးကိုပိုင်ဆိုင်ခဲ့သည်ကစလို့ကောင်းကောင်းအသုံးချတတ်သွားသည်။အရင်ကသားစိမ်းငါးစိမ်းများကိုသာစားတတ်ရာကနေမီးကိုအသုံးပြုကာချက်ပြုတ်စားတတ်၍အရသာရှိမှန်းသိလာသည်။တဖြည်းဖြည်းနှင့်အသိပညာဉာဏ်အဆင့်အတန်းမြင့်မားလာကာလူနေမူဘဝများတိုးတက်လာသည်။အိမ်တွေဆောက်ကာနေထိုင်ကြ၊အဝတ်အစားများခူျပ်လုပ်ကြကာလူသားများအတွက်အကိူျးရှိမည့်လက်နက်များကိုပင်ကာကွယ်ဖို့အတွက်ပြုလုပ်ဖန်တီးတတ်လာသည်။သည်တော့လူသားများ၏ကောင်းကိူျးချမ်းသာကိုပေးခဲ့သောပရိုမီးသီးရပ်စ်ကိုကျေးဇူးတင်ရမည်။

ပရိမီးသီးရပ်စ်ဆိုတာသူ့ဘဝကိုစတေး၍လူသားများအတွက်မီးကိုပေးခဲ့သူ၊သူ့ကြောင့်လူသားများမီးဆိုတဲ့အသိပညာကိုပိုင်ဆိုင်ခွင့်ရခဲ့။လူသားများဟာကမ္ဘာကြီးထဲကအသစ်အဆန်းဟူသမျှကိုရှာဖွေတွေ့ရှိလာခဲ့ကြ။မယုံနိုင်စရာများကိုတီထွင်ဆန်းသစ်လာခဲ့ကြ။သူ့ကြောင့်လူသားများတောထဲကတိရိစ္ဆာန်တွေလိုမနေထိုင်ရတော့ဘဲစိတ်ချလုံခြုံစွာအန္တရယ်ကင်းကင်နေထိုင်ခဲ့ကြရ။မီးကိုအသုံးချတတ်လာတော့လက်နက်တွေတီထွင်တိုးတက်လာကြတော့လူသားတွေကမုဆိုးတွေဖြစ်လာခဲ့ကြသည်။သူတို့ကတောထဲကတိရိစ္ဆာန်များကိုသတ်ဖြတ်စားသောက်ရာမှာပို၍တိုးပွားလာသည်။တဖြည်းဖြည်းနှင့်အတိုင်းအဆမရှိသတ်ဖြတ်ခဲ့ကြရာမှာတခိူ့ျသောတိရိစ္ဆာန်များမှာမိူျးတုန်းပျောက်ကွယ်သွားသည်အထိကြုံကြရသည်။ဥပမာဒိုဒိုငှက်ဆိုတာခုခေတ်မှာမည်သူမျှမသိတော့ပါ။လူသားများအစာအဖြစ်သတ်စားလိုက်ကြတာမ္ဘာပေါ်မှာမမြင်တွေ့နိုင်တော့ပါ။ဒိုဒိုငှက်သည်ပျံလည်းမပျံနိုင်၊လူကိုဒုက္ခမပေးတတ်သောသတ္တဝါဖြစ်သည်။ထို့ပြင်နှင်းကျားသစ်ခေါ်အဖြူနှင့်အနက်ကြားကျားသစ်မိူျးမှာလည်းအရေခွံရောင်းစားဖို့သတ်ဖြတ်ခဲ့ကြတာမိူျးတုံးလုနီးပါးဖြစ်သွားသည်။မြောက်အမေရိကတိုက်ကျွဲများမှာအမဲလိုက်ခံရတာနှင့်လုံးဝပျောက်ကွယ်သွားပြီဖြစ်သည်။အာဖရိကမုဆိုးများကကြံ့များကိုအစွယ်အတွက်သတ်ကြသည်။ဆိုက်ဗေးရီးယားကျားမိူျးနွယ်များ၏လည်းမိူျးတုံးတော့မည်။စာပို့ခိုလေးများသန်းထောင်ချီပြီးရှိခဲ့ရာမှနောက်ဆုံးလက်ကျန်တစ်ကောင်မှာ၁၉၁၄ခုနှစ်ကတိရိစ္ဆာန်ရုံမှာသေဆုံးသွားပြီဖြစ်သည်။၁၉၈၉ခုနှစ်တွင်အပြည်ပြည်ဆိုင်ရာသဘာဝအရင်းအမြစ်ထိန်းသိမ်းစောင့်ရှောက်ရေးအဖွဲ့ကမိူျးတုံးတော့မည့်မိူျးနွယ်၅ဝဝဝကျော်ရှိပြီဟုထုတ်ပြန်ခဲ့သည်။

လူသားများမီးကိုအသုံးချတတ်ခဲ့ပြီးနောက်ပိုင်းပိုင်ဆုင်လာသောအသိပညာခွန်အားကြောင့်တဖြည်းဖြည်းလောဘတက်လာပုံဖြစ်လေသည်။အစားအသောက်အတွက်ဟုဆိုရာကနေအရေခွံအတွက်၊ဆေးဖော်ဖို့အတွက်စသည်ဖြင့်မထိန်းခူျပ်နိုင်ဖြစ်လာသည်။လူသားများသည်မီးကိုအသုံးချတတ်လာသည်မှစလို့တိရိစ္ဆာန်များကိုအကြောင်းပြချက်အမိူျးမိူျးဖြင့်သတ်ဖြတ်လာခဲ့သည့်အပြင်တခြားသောနည်းပညာပိုင်းဆိုင်ရာမှာလည်းတိုးတက်မူတွေဖြစ်လာသည်။လူသားတွေကမ္ဘာ့မြေပြင်အောက်ကရေနံကိုတူးဖော်ကာကိုယ်ကိူျးအတွက်အသုံးချလာနိုင်ကြသည်။ပင်လယ်သမုဒရာမှာရေနံတူးဖော်စက်ရုံများဆောက်လုပ်ကာစီးပွားရေးလုပ်လာကြသည်။အကယ်၍များပင်လယ်ထဲမှာအကြောင်းအမိူျးမိူျးကြောင့်ပျက်စီးရလျှင်ရေနံများပင်လယ်ထဲယိုဖိတ်တော့သည်။ရေနံတင်သင်္ဘောကြီးများပင်လယ်ထဲပေါက်ကွဲလောင်ကျွမ်းလျှင်လည်းရေနံများပင်လယ်ထဲရောက်သွားသည်။ထိုအခါပင်လယ်နေငါးအမိူျးမိူျးနှင့်ပင်လယ်ငှက်ကလေးများပျက်စီးရသည်။ထိုစေးကပ်သောရေနံစိမ်းများငှက်အတောင်များ မှာ ကပ်သွား၍ မပျံနိုင်ပဲ သေဆုံးရသည့် သတင်းများကို တစ်ခါတစ်ရံ တွေ့ရသည်။ ၁၉၈၉ခုနှစ် တုန်းက အလာစကာAlasakaမှာExxonValdezရေနံယိုဖိတ်မူသည်ပထမဦးဆုံးအကြိမ်မဟုတ်သောလည်းလူထုစိတ်ဝင်စားမူအာရုံစိုက်မူများခံခဲ့ရလေသည်။

ဂျာမန်မှာမွေးသောအမေရိကန်ဖွားရူပဗေဒပညာရှင်AlbertEinsteinသည်သူတီထွင်ခဲ့သော Relativity Theoryကြောင့်နာမည်ကြီးသိပ္ပံပညာရှင်တစ်ဦးဖြစ်ခဲ့ပါသည်။သူတီထွင်ခဲ့သောနာမယ်ကျော်ညီမျှခြင်းE=mc2(E=စွမ်းအင်၊m=အစိုင်အခဲ၊c=အလင်း၏အလျင်)သည်အဏုမြူဗုံးတီထွင်မူ၏အခြေခံသီအိုရီတစ်ခုဖြစ်ခဲ့သည်။ထိုအဖြစ်ကြောင့်အိုင်စတိုင်း(Einstein)သည်သမ္မတရို့စဘက်(Rosevelt)ထံသို့စာတစ်စောင်ရေးသားပေးပို့ကာသတိပေးခဲ့သည်။'ဒီဗုံးဟာသင်္ဘောနဲ့သယ်ယူလို့ဆိပ်ကမ်းမှာေ့ပါက်ကွဲခဲ့မယ်ဆိုရင်အဲသည်ပတ်ဝန်းကျင်ဧရိယာတစ်ခုလုံးအန္တရယ်ရှိလိမ့်မည်။လေင်္ယျောပျံနဲ့သယ်ယူမည်ဆိုပါကလည်းသည်ဗုံးကိုသယ်ယူဖို့အတွက်အလွန်လေးလံပါလိမ့်မည်။'စသည့်စာသားများပါသောစာတစ်စောင်ကိုရေးသားပေးပို့ခဲ့သည်။သို့ပါသောလည်းထိုအဏုမြူဗုံးသည်မ္ဘာကြီးအားချိမ်းခြောက်လျက်ရှိသောအရာတစ်ခုအဖြစ်တည်ရှိခဲ့သည်။အိုင်စတိုင်း၏စာသည်သမ္မတရို့စဘက်(Rosevelt)ကိုအမေရိကန်ပြည်ထောင်စုမှာကိုယ်ပိုင်အဏုမြူဗုံးအစီအစဉ်တစ်ခုအဖြစ်အလျင်အမြန်ဆောင်ရွက်ဖို့တွန်းအားပေးလိုက်သလိုသာဖြစ်သွားခဲ့ပါသည်။ထိုအဏုမြူဗုံးဘယ်လောက်အင်အားကြီးမားပြီးအန္တရယ်ရှိသည်ဆိုတာကိုတော့စာဖတ်သူများသိပြီးဖြစ်ပေမည်။

တိရိစ္ဆာန်များမိူျးတုံးပျက်တုံးပျက်စီးခဲ့ရရုံမကသဘာဝအရင်းအမြစ်များသည်လူများ၏လုပ်ရပ်ကြောင့်သဘာဝချမ်းသာသမျှသည်အခြိမ်းခြောက်ခံနေရသောအခြေအနေများကြုံကြရသည်။သဘာဝအလျောက်ပျက်စီးဆုံးရုံူးသွားရသည်ထက်လူသားများ၏လက်ထဲမှာအဖျက်ဆီးခံလိုက်ရတာကပိုများပါသည်။ဒီလိုအဖြစ်တွေအတွက်လူသားများကို တားမြစ်ဖို့ဘာမှမတတ်နိုင်ပါ။ 

သည်တော့ကျွန်မကအကြံတစ်ခုရလာသည်။ပရိုမီးသီးရပ်စ်ကိုအကျဉ်းချထားရာကနေ ပြန်လွှတ်ပေးလိုက်ကာ လူသားများလက်ထဲကမီးကိုပြန်သိမ်းသွားဖို့ဖြစ်သည်။ဒါဆိုရင်သဘာဝကမ္ဘာကြီးအတွက်အခုထက်ပိုကောင်းသောဘဝများပြန်ရနိုင်ပါလိမ့်မည်။

(အတွေးအမြင် ၂၅၃၊ ၂ဝ၁၃ခုနှစ်ဧပြီလ)