ခင်မျိူးချစ် - အင်္ဂလိပ်စာ အင်္ဂလိပ်စကား
English For All မဂ္ဂဇင်းတွင် ၁၉၉၀ ခုနှစ်လောက်ကရေးသားခဲ့သောဆောင်းပါးများကို
စုပေါင်းထုတ်ထားသောစာအုပ်ဖြစ်ပါသည်။ထိုစာအုပ်ကို၂၀၀၁ ခုနှစ်ဇန်န၀ါရီတုန်းက
ဆောင်းပါး၂၆ ခုဖြင့်လောကသစ်စာပေမှပထမဦးဆုံးထုတ်ဝေခြင်းဖြစ်ပါသည်။စာအုပ်အမည်မှာ
အင်္ဂလိပ်စာအင်္ဂလိပ်စကားဖြစ်သည် ဟု သိပ်မကြာသေးခင်ကပင်စာအုပ်ရီဗျူးတင်ခဲ့ဘူးသည်။
ယခုထိုစာအုပ်သည်ဒုတိယအကြိမ်အဖြစ်လောကသစ်စာပေကပင်ထပ်မံထုတ်ဝေခဲ့ရာ
ယခုလတွင်ထွက်ရှိခဲ့ပါသည်။
(လောကသစ်စာပေ
အမှတ် ၇ သုဝဏလမ်း ကျိူက္ကဆံရပ်ကွက် ဗဟန်းမြို့နယ် ရန်ကုန်မြို့
ဖုန်း ၂၅၀၁၆၉ ။ ၇၀၆၄၄၈။)
ယခုဒုတိယအကြိမ်ထုတ်တွင်ပထမအကြိမ်တုန်းကမပါဝင်ခဲ့သောအကြောင်းအရာတချိူ့ကို
ထပ်မံဖြည့်စွက်ထားသည်ကိုတွေ့ရှိရသည်။ဆောင်းပါးများတွင်မည်သည့်ခုနှစ်ကပါဝင်ခဲ့
သောဆောင်းပါးများဖြစ်ကြောင်းကိုအပုဒ်တိုင်းနီးပါးမျှထည့်သွင်းဖော်ပြထားခြင်း၊
ဒေါက်တာခင်မောင်ဝင်းရေးသားသော အမှာစာ ကိုတွေ့ရှိရခြင်း၊
အရင်တုန်းကမပါဝင်ခဲ့သောဆောင်းပါး ၅ ပုဒ်(အတွေးအမြင် ရူမ၀ သောင်းပြောင်းထွေလာ
သွေးသောက် မဂ္ဂဇင်းများမှ) ကိုဖော်ပြပေးထားခြင်း၊
ထို့ပြင် အရင်ကမပါရှိခဲ့သော ၁၉၆၉ မှ ၁၉၇၀ ကြားငွေတာရီ မဂ္ဂဇင်း မှာရေးသားခဲ့သော
"အင်္ဂလိပ်စာပေမိတ်ဆက်"နောက်ထပ် ဆောင်းပါး ၁၀ ပုဒ် ဖော်ပြထားခြင်း
တို့မှာယခုစာအုပ်၏ထူးခြားချက်များဖြစ်ပါသည်။
ထို့ပြင်တက္ကသိုလ်ရွှေရီဝင်းပြန်လည်ကူးယူတင်ပြပေးထားသော
(ဒေါ်)ခင်မျိူးချစ်၏စာရေးဆရာတစ်ဦးထံသို့၁၉၈၅ ခုနှစ်မေလ ၁၄
ရက်နေ့ကရေးသားခဲ့သောစာတစ်စောင်အကြောင်း
"ချစ်လှစွာသောသားသို့"ဟူသောအတွေးအမြင်မဂ္ဂဇင်း၂၀၀၅ ဇွန်လတွင်ပါရှိသော
ဆောင်းပါးတစ်ပုဒ်မှာလည်းစိတ်ဝင်စားစရာ။
"ဘာစာအုပ်ဖတ်ရမလဲ"
"ကိုယ်နှစ်သက်ရာ စာအုပ်ဖတ်ပါ"
"ဖတ်လို့နားမလည်ရင် ဘာလုပ်ရမလဲ"
"နားမလည်တဲ့ စာအုပ်ကိုချထားလိုက်။ နားလည်တဲ့စာအုပ်ရှာဖတ်"
အစရှိသောရိုးရိုးရှင်းရှင်းအမေးအဖြေလေးတွေကိုလည်းပြန်လည်တွေ့ကြရဦးမည်။
ထုတ်ဝေသူ၏စေတနာ ရေးသားသူ၏စေတနာ မိသားစု၏စေတနာ
ဆောင်းပါးတွေရှာရဖွေရ မှတ်တမ်းပြုစုရ အဲသည်မလွယ်သောအလုပ်တွေကို
စုပေါင်းလို့တပင်တပန်းအားထုတ်ခဲ့ရပြီ။
ဒါတွေကိုအသိအမှတ်ပြုရင်းနှင့်စာအုပ်ကလေးထွက်ရှိလာတာကိုဝမ်းမြောက်မိပါသည်။
No comments:
Post a Comment