စာအုပ်တွေဝယ်ဖတ်မယ်ဆိုသူကိုရည်ရွယ်ပြီးပုံပြင်လက်ဆောင်လေးပေးမယ်လို့
စိတ်ကူးတယ် ။ တက္ကသိုလ်ရွှေရီဝင်း ဘာသာပြန်ထားတဲ့ ပုံပြင်လေးတစ်ပုဒ်ပါ။
ဒီကိုစိတ်ရှည်လက်ရှည်နဲ့ လာရောက်ဖတ်ကြသူတွေကိုကျေးဇူးတင်ပါတယ်။
မှန်မှန်မတင်နိုင်တာတွေကိုတော့နားလည်ပေးပါနော့်။
အလှချင်းပြိုင်ကြရာဝယ်
တခါကအင်္ဂလန်နိုင်ငံတွင်တွမ်နှင့်ဆမ်ဟူ၍အမည်ရှိသောသူဌေးကြီးနှစ်ယောက်သည်
အလွန်ချစ်ခင်ကြသောအိမ်နီးနားချင်းများဖြစ်ကြသည်။
၎င်းသူငယ်ချင်းနှစ်ယောက်သည်တစ်ယောက်နှင့်တစ်ယောက်မကျေမနပ်ဖြစ်လာရသော
အကြောင်းမှာတွမ်၏ပန်းခြံတွင်ရေကန်တစ်ကန်တူးရာမှစလေသည်။တွမ်သည်သူ၏ဥယာဉ်
ခြံအလယ်တွင်ရေကန်ငယ်တခုကိုတူး၍လှပစွာဘောင်ခတ်ထားသည်။ရေကန်လေးမှာမကြီး
လွန်းမငယ်လွန်းသဖြင့်ကြည့်ရသည်မှာမျက်စိပသာဒဖြစ်စေသည်။
ထိုအခါရွာသူရွာသားများသည်တွမ်၏ရေကန်ကိုကြည့်ပြီး "ဟာ တွမ်ရဲ့ရေကန်ကသိပ်လှတာ
ပဲ၊တွမ်ကသိပ်ကိုတော်တာပဲ"ဟုချီးမွမ်းကြသည်။ဆမ်သည်ရွာသားများတွမ်၏ရေကန်ကို
ချီးမွမ်းနေစဉ်သူတစ်ယောက်တည်းအလုပ်ရူပ်နေသည်။အကြောင်းမှာဆမ်သည်သူ၏
ခြံဥယာဉ်ထဲတွင်လှပသောရဲတိုက်ငယ်တစ်ခုကိုတည်ဆောက်နေသောကြောင့်ဖြစ်သည်။
တွမ်၏ရေကန်ကိုချီးမွမ်းနေကြသောရွာသားများသည်ဆမ်၏ရဲတိုက်လေးပြီးစီးသွားသော
အခါတအံ့တသြဖြင့်ဆမ်၏ခြံကိုလာရောက်၍"လှလိုက်တဲ့ရတိုက်ကြီး။ဒီလိုရဲတိုက်ပုံစံ
ငယ်လေးကိုတခါမှမတွေ့ဖူးသေးဘူး။ဆမ်ကသိပ်တော်တာပဲ"ဟုပြောကြပြန်သည်။
ဆမ်၏ရဲတိုက်ကိုတိတ်တိတ်လေးချောင်းကြည့်ပြီးတစ်ခုခုပြုလုပ်ရန်အကြံထုတ်နေသူမှာ
ဆမ်၏အိမ်နီးချင်းတွမ်ဖြစ်သည်။တွမ်သည်သူ၏ရေကန်ဘေးတွင်ပန်းပွင့်သောအပင်ပု
လေးများကိုညီညီညာညာစိုက်လိုက်သည်။ရေကန်နှင့်ပန်းပင်များမှာပနံရနေပြန်သည်။
ရွာသူရွာသားများကတွမ်၏သစ်ပင်လေးများကိုချီးမွမ်းကြပြန်သည်။
ဆမ်ကလည်းအားကျမခံဘဲရဲတိုက်နံဘေးတွင်ခြံစည်းရိုးအဖြစ်စိမ်းလန်းစိုပြေသော
အပင်ရှည်များကိုတန်းပြီးစိုက်လေသည်။ရဲတိုက်ရှည်ရှည်နှင့်ခြံစည်းရိုးအပင်စိမ်းရှည်
တို့မှာလည်းလိုက်ဖက်လှပေသည်။ထိုအခါရွာသူရွာသားများကဆမ်ကိုစိတ်ကူးကောင်း
လှချေရဲ့ဟုဆိုကာချီးမွမ်းကြပြန်သည်။
ထိုအချိန်မှစ၍အလွန်ချစ်ခင်ကြသောအိမ်နီးချင်းသူငယ်ချင်းနှစ်ယောက်မှာတစ်ယောက်
နှင့်တစ်ယောက်ကျိတ်ပြီးပြိုင်ဆိုင်နေရသဖြင့်ခေါ်ခေါ်ပြောပြောစကားဆိုရန်ပင်အချိန်
မရှိတော့ချေ။
တစ်ယောက်နှင့်တစ်ယောက်သာဖို့ရန်ပင်စိတ်ကူးနေကြသည်။သို့နှင့်ဆမ်သည်မြင်းပျံရုပ်
ကလေးတစ်ခုကိုပန်းခြံထဲတွင်ထားရန်ထုလေသည်။မြင်းပျံရုပ်ကလေးပြီးသောအခါခြံထဲရှိ
စင်ပေါ်တွင်တင်လိုက်သောအခါအရောင်တဖျပ်ဖျပ်ဖြင့်အလွန်လှလေသည်။ထုံးစံအတိုင်းပင်
ရွာသူရွာသားတို့သည်လာရောက်ချီးမွမ်းကြသည်။
တွမ်ကလည်းအားကျမခံပင်ငှက်များရေချိူးရေသောက်ရန်အတွက်ရွှေရောင်ဖလားကြီးတခုကို
ပန်းဒီဇိုင်းများစုံလင်စွာဖြင့်ထုလုပ်လိုက်သည်။ရွာသူရွာသားများသည်တွမ်၏ဖလားကြီးကို
ကြည့်ပြီး"ဒီလောက်လှတဲ့ငှက်ရေကန်တခါမှမတွေ့ဖူးသေးဘူး"ဟုလာပြီးပြောသည်။
ထိုနေ့ညအဖို့တွမ်ရောဆမ်ပါအိပ်မပျော်ကြတော့ပေ။တွမ်ကဆမ်၏ပန်းခြံထဲရှိမြင်းပျံရုပ်
ကိုလှမ်းကြည့်ပြီးအလွန်သဘောကျလျက်ရှိသည်။ဆမ်မှာလည်းသူ့အိမ်မှနေ၍လှမ်းမြင်
နေရသောတွမ်၏ဖလားကြီးကိုကြည့်ပြီးလိုချင်နေသည်။နှစ်ယောက်စလုံးသူတစ်ပါး
ပစ္စည်းကိုတပ်မက်စိတ်ဖြင့်မနေနိုင် မထိုင်နိုင်ဖြစ်နေကြသည်။အဝေးမှနေ၍လှမ်းကြည့်
နေသည်ကိုအားမရတော့ချေ။အနားသို့သွားပြီးကြည့်ချင်စိတ် ကိုင်ချင်စိတ်တွေလှူပ်ရွ
နေသည်။
သို့နှင့်စိတ်မထိန်းနိုင်တော့ဘဲအိပ်ရာမှကိုယ်စိထကြပြီးသူများခြံထဲသို့ခိုးဝင်ကာ
ကြည့်ကြသည်။တွမ်သည်ဆမ်၏ခြံထဲရှိမြင်းပျံရုပ်ကိုအနီးကပ်ကြည့်သောအခါ
အဝေးမှကြည့်ရသည်ထက်ပင်လှပကြောင်းတွေ့ရသည်။
ဆမ်ကလည်းတွမ်၏ငှက်တွေရေသောက်ရန်အတွက်လုပ်ထားသောဖလားကြီးမှာ
ကိုင်းနှစ်ဖက်မှကွင်းလေးများမှအစလှပပြီးလက်ရာမှာနုလှသဖြင့်မြတ်နုိးလှစွာကိုင်
ကြည့်နေသည်။
တွမ်သည်မြင်းပျံရုပ်ကိုကြည့်ရင်းစိတ်မထိန်းနိုင်တော့ဘဲမြင်းပျံရုပ်ကို မ ကာယူခဲ့
သည်။ဆမ်မှာလည်းတွမ်၏ဖလားကြီးကိုကြည့်ရင်းလိုချင်လာသဖြင့်ဘေးဘီသို့
ကြည့်ပြီးဖလားကြီးကို မ ၍ယူလာခဲ့သည်။သူတို့နှစ်ဦးသည်ပြူးပြူးပြာပြာဖြင့်
ပြေးလာရင်းခြံစည်းရိုးတွင်တစ်ဦးကိုတစ်ဦးဝင်တိုက်မိကြသည်။
ထိုအခါတွမ်က "ဆမ် မင်းရဲ့မြင်းရုပ်ကိုသူခိုး ခိုးနေတာတွေ့တယ်ကွ"ဟုပြောကာ
အရုပ်ကြီးကိုပိုက်ပြီးဆမ်၏အိမ်ဘက်သို့ပြေးသလို ဆမ်ကလည်း"မင်းရဲ့ဖလားကြီး
လည်းသူခိုး ခိုးနေတာငါတွေ့တယ်ကွ"ဟုပြောကာတွမ်၏အိမ်ဘက်သို့ဖလားကြီး
ပိုက်ကာပြေးလေသည်။
မကြာမီသူတို့နှစ်ယောက်သည်ပစ္စည်းများကိုယ်စီပိုက်ကာစောစောက၀င်တိုက်မိသော
ခြံစည်းရိုးသို့ပြန်ပြီးပြေးလာကြသည်။ပြီးလျှင်သူတို့နှစ်ယောက်သည်သူခိုးလက်မှ
ပစ္စည်းများပြန်ရသဖြင့်ဝမ်းသာကြောင်းပြောကာတစ်ဦးကိုတစ်ဦးကျေးဇူးတင်ကာ
ရယ်မောစကားပြောကြသည်။
တွမ်ကသူ့သူငယ်ချင်းဆမ်ကိုဂုဏ်ပြုသည့်အနေဖြင့်ဖလားကြီးတစ်ခုထုပေးမည်ဟု
ကတိပေးသည်။ဆမ်ကလည်းတွမ်ကိုကျေးဇူးတင်သဖြင့်မြင်းပျံရုပ်လေးထုပေးမည်
ဟုပြောသည်။
မကြာမီရွာသူရွာသားတို့သည်တွမ်နှင့်ဆမ်တို့တစ်ယောက်နှင့်တစ်ယောက်ချစ်ခင်
စွာနှုတ်ဆက်စကားပြောနေသည်ကိုအံ့သြစွာတွေ့မြင်ရလေသည်။တွမ်၏ဥယာဉ်
ထဲတွင်ဖလားနှင့်မြင်းပျံရုပ်ကိုတွဲ၍တွေ့ရသလိုဆမ်၏ဥယာဉ်ထဲတွင်လည်းမြင်းပျံ
ရုပ်နှင့်ဖလားကိုတွေ့ရလေသည်။
ရွာသူရွာသားများကတွမ်နှင့်ဆမ်သည်သူတို့ရွာလေးတွင်အလွန်တော်သောလူများ
ဖြစ်ကြကြောင်းနှင့်သူတို့၏ပန်းခြံသည်အလှဆုံးဥယာဉ်များဖြစ်ကြောင်းချီးကျူး
ပြောဆိုကြသည်။တွမ်နှင့်ဆမ်မှာလည်းအချစ်ဆုံးသူငယ်ချင်းများအဖြစ်ဆက်လက်
၍နေထိုင်သွားကြသည်။
No comments:
Post a Comment