အမွှာမောင်နှမ မောင်ရစ်နှင့်ဂျူနီယာဝင်းတို့၏မွေးနေ့မတ်လ ၁၄ရက်နေ့မှာ
သူတို့နှစ်ယောက်အကြောင်း အမှတ်တရ တင်ဆက်ပေးလိုက်သည်။
မောင်ရစ်၊ဂျူနီယာဝင်း
ဘ၀အစ
မောင်ရစ်နှင့်ဂျူနီယာဝင်းသည်(အင်္ဂလိပ်စာဆရာကြီးဦးခင်မောင်လတ်-စာရေးဆရာမကြီးဒေါ်ခင်မျိူးချစ်)
တို့၏မြေးများဖြစ်ကာဒေါက်တာခင်မောင်ဝင်း(ပါမောက္ခ(ငြိမ်း)သင်္ချာဌာနရန်ကုန်တက္ကသိုလ်)-
တက္ကသိုလ်ရွှေရီဝင်းတို့၏သားသမီးအမွှာမောင်နှမဖြစ်သည်။၁၉၆၈ ခုနှစ်မတ်လ ၁၄ရက်တွင်မွေးဖွားခဲ့သည်။
ငယ်စဉ်ကပညာရေးတက္ကသိုလ်လေ့ကျင့်ရေးကျောင်း(ကမာရွတ်)၊ပုသိမ်မြို့မူလတန်းကျောင်း၊ရန်ကုန်စိန့်အော်
ဂတ်စတင်းတို့တွင်တက်ရောက်ပညာသင်ကြားခဲ့ပြီးပညာရေးတက္ကသိုလ်လေ့ကျင့်ရေးကျောင်းတွင်ဆယ်တန်း
အောင် ခဲ့သည်။
မောင်ရစ်သည်၁၉၉၃ခုနှစ်တွင်ရန်ကုန်စက်မူတက္ကသိုလ်မှBE(Electrical)ဘွဲ့ကို၎င်း၊ဂျူနီယာဝင်းသည်
၁၉၉၃ခုနှစ်တွင်သင်္ချာဘာသာဖြင့်BSc(Hons)ဘွဲ့၊၁၉၉၇ခုနှစ်တွင်မဟာ သိပ္ပံသချာင်္ဘွဲ့MSc (Maths)
ဘွဲ့နှင့် ၁၉၉၉ခုနှစ်တွင်AllianceFrancaise(Yangon)တွင်ပြင်သစ်ဘာသာတက်ရောက်သင်ကြားခဲ့ရာ
၂၀၀၅ခုနှစ်တွင်ပြင်သစ်ဘာသာဒီပလိုမာကို၎င်းရရှိခဲ့သည်။
မောင်ရစ်၏ဘ၀စာမျက်နှာ
မောင်ရစ်သည်ရန်ကုန်စက်မူတက္ကသိုလ်တွင်ပညာသင်ကြားရင်းနှင့်ပင်ကာတွန်းဘောက်စ်၌အတော
အသင့်နာမည်ရနေသောကာတွန်းသမားတစ်ယောက်ဖြစ်ခဲ့သည်။BE ဘွဲ့ကိုရရှိပြီးနောက်တွင်အပြင်
ကွန်ပြူတာသင်တန်းများတွင်ကွန်ပြူတာအတတ်ပညာကိုလေ့လာလိုက်စားခဲ့ကာသူငယ်ချင်းများနှင့်
ကိုယ်ပိုင်ကွန်ပြူတာဆိုင်ဖွင့်နိုင်ခဲ့သည်။မောင်ရစ်သည်ကွန်ပြူတာကျွှမ်းကျင်သူတစ်ယောက်အဖြစ်၎င်း၊
ကာတွန်းဆရာတစ်ယောက်အဖြစ်၎င်း၊စာရေးဆရာတစ်ယောက်အဖြစ်၎င်းရပ်တည်နေထုိင်လျက်ရှိပါ
သည်။
ဂျူနီယာဝင်း ၏ ဘ၀စာမျက်နှာ
ဂျူနီယာဝင်းသည်တက္ကသိုလ်နောက်ဆုံးနှစ်များတွင်တက္ကသိုလ်ဆရာအဖြစ်အလုပ်လုပ်ဖို့ဘ၀ရည်
မှန်းချက်ရှိခဲ့သောလည်းနည်းပြစာမေးပွဲများကိုဖြေဆိုကျရုံးခဲ့ခြင်း၊MSc ဘွဲ့ကိုရရှိပြီးနည်းပြအင်တာဗျူး
တွင်ကျရူံးခဲ့ခြင်း၊PhDတက်ရောက်လိုသောဆန္ဒဖြင့်ရေးဖြေအင်တာဗျူး(၁၉၉၉)ဖြေဆိုအောင်မြင်ပြီးသောလည်း
အမှန်တကယ်တက်ရောက်ရမည့်အချိန်တွင်ပြင်ပကျောင်းသားလက်မခံတော့သောကြောင့်တက်ရောက်
ခွင့်မရပြန်ခြင်းတို့ကြောင့်စာရေးဆရာဘ၀သို့မရည်ရွယ်ပဲရောက်ရှိခဲ့ရကြောင်းကိုသူရေးသားခဲ့သော
ဆောင်းပါးများတွင်တွေ့ရှိခဲ့ရပါသည်။သို့ရာတွင်အဘွားဖြစ်သူလျှောက်လှမ်းခဲ့သောစာပေအမွေကို
မြတ်နိုးခဲ့ပါကြောင်းကိုသူရေးသားခဲ့သော"စာရေးဆရာဖြစ်ချင်တယ်"ဆောင်းပါးတွင်တွေ့ရှိခဲ့ရပါသည်။
သူတတ်ရောက်ခဲ့သောသင်္ချာကျောင်းသားဘ၀တုန်းကသင်္ချာဆရာကြီး၏မျိူးဆက်အဖြစ်သူ့အားချိူးနှိမ်
ဆက်ဆံခဲ့သောသင်္ချာတက္ကသိုလ်ပတ်ဝန်းကျင်ကိုနာကျည်းခဲ့မူများ၊ပြင်သစ်စာတက်ရောက်ခဲ့စဉ်ကပြင်သစ်
စာဒီပလိုမာရရှိဖို့ကြိုးစားအားထုတ်ခဲ့ရပြီးမှန်းချက်နှင့်နှမ်းထွက်မကိုက်ခဲ့ပုံများကိုလည်းသူရေးသားခဲ့သော
ဆောင်းပါးများစွာတွင်တွေ့ရှိခဲ့ရပါသည်။ယခုတော့စာရေးသည့်အလုပ်ကိုပင်ဇောက်ချလုပ်ကိုင်လျက်ရှိ
နေပါသည်။
သူတို့နှစ်ဦး၏စာပေဘ၀
မောင်ရစ်သည်ရန်ကုန်စက်မူတက္ကသိုလ်တွင်ပညာသင်ကြားနေရင်းဖြင့်ကာတွန်းဘောက်စ်တွင်ကာတွန်းများ
အများအပြားရေးဆွဲခဲ့သည်။၁၉၉၁ ခုနှစ်မှစ၍အတွေးအမြင်မဂ္ဂဇင်းတွင် "စာဖတ်တာ"ဟူသောဆောင်းပါးဖြင့်
စာပေလောကထဲသို့ဝင်လာခဲ့သည်။ထို့နောက်အတွေးအမြင်တွင်ပင်ကလေးအတွေး၊ဘ၀၏ရည်မှန်းချက်၊ပုံပြင်
များ၊ စာနယ်ဇင်း၊ခါးသီးတဲ့အမှန်၊နည်းပညာတော်လှန်ရေး၊ပေမှီထောင့်မှီ၊ကျွန်တော်တို့ရဲ့ဘဘကြီး၊အင်တာနက်
ထဲမှာ မောင်ရစ်ကိုထားရစ်ခဲ့ အစရှိသဖြင့်ဆောင်းပါးများစွာရေးသားခဲ့သည်။
ကာတွန်းမောင်ရစ်အမည်ဖြင့်ဖခင်ဖြစ်သူ၏သချာ င်္ဆောင်းပါးများနှင့် Working People Daily သတင်းစာများ
(၁၉၈၇-၈၈)တွင်ဖခင်ဖြစ်သူ၏ဆောင်းပါးများအတွက်ကာတွန်းတိုများ များစွာရေးဆွဲခဲ့သည်။
ထို့ပြင်အင်္ဂလိပ်စာသင်ခန်းစာကာတွန်းများဖြစ်သော "ရွှေမိနှင့်အင်္ဂလိပ်စာ"ကာတွန်းတစ်မျက်နှာများကိုလစဉ်
မင်္ဂလာမောင်မယ် မဂ္ဂဇင်းတွင်၁၉၉၆ခုနှစ်လောက်အထိရေးသားခဲ့သည်။
၁၉၉၂ ခုနှစ်တွင်ပညာရေးဗျူရိုအတွက်အသုံးလုံးစာအုပ်များဖြစ်သော"လက်ဖျန့်တောင်းရန်မလိုပါ။"
"ဒေါ်လှတင့်တာဝန်ကျေပါသည်""စာအုပ်အဌားဆိုင်ကလေး"အစရှိသောသရုပ်ဖော်ပန်းချီများဖြင့်ရေး
သားသရုပ်ဖော်ခဲ့သည်။
ဖခင်ဖြစ်သူဒေါက်တာခင်မောင်ဝင်းရေးသားခဲ့သော"အခြေခံသင်္ချာသစ်" စာအုပ်တွင်အတွင်းသရုပ်ဖော်ပုံများကို
၁၉၉၁(လောကသစ်စာပေ)တွင်ရေးဆွဲပေးခဲ့သည်။ ထို့အပြင်အဖွားဖြစ်သူရေးသားခဲ့သော "Gift of laungter"
အင်္ဂလိပ်စာအုပ် ၁၉၉၅ခုနှစ်(ပါရမီစာပေ)အတွက်အတွင်းအပြင်မျက်နှာဖုံးပုံများကိုရေးဆွဲပေးခဲ့သည်။
ညီမဖြစ်သူဂျူနီယာဝင်း၏သိပ္ပံဆောင်းပါးတစ်ချိူ့အတွက်ကာတွန်းပုံများနှင့်English for All မဂ္ဂဇင်းကဗျာ
တချိူ့အတွက်ကာတွန်းပုံတချိူ့ရေးဆွဲပေးနေဆဲဖြစ်သည်။
ယခုအချိန်ထိမောင်ရစ်အမည်ဖြင့်ဆောင်းပါးများ၊ကာတွန်းများရေးဆွဲနေဆဲဖြစ်ပါသည်။
ဂျူနီယာဝင်းသည်၁၉၉၆ခုနှစ်တွင်"ဆက်ခံသူ"အမည်ရှိသောဆောင်းပါးဖြင့် အတွေးအမြင်တွင် ဆောင်းပါးများ
စတင်ရေးသားခဲ့ရာမှစာပေနယ်သို့ရောက်ရှိလာခဲ့သည်။နောက်ပိုင်းတွင်အတွေးအမြင်၊စတိုင်သစ်၊
အောင်ဆုဂျာနယ်၊ချင်းတွင်း၊ပိတောက်ပွင့်သစ်၊ချယ်ရီ၊ပူတူတူလေး၊English For All နှင့် The light of
Englishမဂ္ဂဇင်းများတွင် ဆောင်းပါးပေါင်း ၁၇၀ ကျော်ရေးသားဖော်ပြခဲ့ ပြီးဖြစ်ပါသည်။
ထွက်ရှိပြီးခဲ့သောစာအုပ်များမှာ
၁။ လူ့စွမ်းအားနှင့်ပျံသန်းခြင်း(၂၀၀၄ )(ဒေါင်းစာပေ)
၂။ ဆယ့်နှစ်လရာသီပန်းများနှင့်ပွဲတော်များ(ဒေါ်ခင်မျိူးချစ်၏ မူရင်းအင်္ဂလိပ်စာနှင့်တွဲ၍) (၂၀၀၄ )(ဒေါင်းစာပေ)
၃။ ကောင်းကင်ရံမှယှဉ်ပြိုင်မူများနှင့်သိပ္ပ္ပံပညာ၏တီထွင်ဆန်းသစ်မူများ(၂၀၀၅)(မုံရွေးစာပေ)
၎။ သင်္ချာအဘိဓာန် (၂၀၀၅ )(ဒေါက်တာခင်မောင်ဝင်းနှင့်တွဲ၍)(ဓူဝံစာပေ)
၅။ တွေးမိသောအတွေးများနှင့် အတွေးအမြင်ဆောင်းပါးများ(၂၀၀၆)(အတွေးအမြင်မှဆောင်းပါး၂၉ပုဒ်စုစည်းမူ) (ယူနတီစာပေ)
၆။ အဲလစ်နှင့်အံ့ဖွယ်ကမ္ဘာ ( ၂၀၀၆ ) (မုံရွေးစာပေ)
၇။ကာမူးမိတ်ဆက် (၂၀၀၈)(မုံရွေးစာပေ)
တို့ဖြစ်ကြသည်။
ယခုအချိန်ထိလစဉ်အတွေးအမြင်တွင်ရေးနေကျဆောင်းပါးများ၊TheLightOfEnglish မဂ္ဂဇင်းတွင်
Grammar and Composition Wren and Martinကိုဘာသာပြန်"အထက်တန်းအဆင့်အင်္ဂလိပ်သဒ္ဒါ"
အမည်ဖြင့်လစဉ်အခန်းဆက်များ ၊EnglishForAll တွင်လစဉ်အင်္ဂလိပ်ကဗျာခံစားမူများ၊
အပတ်စဉ်ထုတ်ဂျာနယ်ဖြစ်သော သိပ္ပံနှင့်နည်းပညာ၈ျာနယ်တို့တွင် "စွယ်စုံကျမ်း" အမည်ဖြင့်
အခန်းဆက်ဆောင်းပါးများရေးသားနေဆဲဖြစ်ပါသည်။
မောင်ရစ်နှင့်ဂျူနီယာဝင်းတို့မွေးနေ့မှာပျှော်ရွှင်ကြပါစေ။
ငွေစင်ရော်
No comments:
Post a Comment