သမိုင်းဖြစ်သွားတဲ့ ဇာတ်လမ်းတစ်ပုဒ် ဂျူနီယာဝင်း

သမိုင်းဖြစ်သွားတဲ့ ဇာတ်လမ်းတစ်ပုဒ်

သမိုင်းဖြစ်သွားတဲ့ ဇာတ်လမ်းတစ်ပုဒ် ဂျူနီယာဝင်း

(ပိတောက်ပွင့်သစ်

ဖေဖော်ဝါရီလ၊ ၂ဝဝ၆ ခုနှစ်။

လူသားတွေနေရာမှာ စက်ပစ္စည်းတွေ အစားထိုးဝင်ရောက်လာတဲ့အခါမှာ ဖြစ်ပွားလာရတဲ့ ပဋိပက္ခတစ်ခုလို့ ဆိုရမလား။ စက်ပစ္စည်း တွေ၊ သိပ္ပံပညာတွေ တိုးတက်လာတဲ့အတွက် လူသားတွေရဲ့ စွမ်းပကားတွေ၊ ခွန်အားတွေဟာ အရာမဝင်တော့ဘူးလို့ သတ်မှတ်ခံရတဲ့ အခိုက် အတန့် အချိန်ပိုင်းလေးတစ်ခု ရှိခဲ့ဖူးမှာပါပဲ။ အဲဒီအချိန်ကာလ လွန်မြောက်ပြီးနောက် ၁ဝ နှစ်၊ နောက် နှစ် ၂ဝ၊ နှစ် ၁ဝဝ ကြာတဲ့အခါ အဲဒီ အတိတ်က ပဋိပက္ခအဖြစ်ကလေးတွေဟာ 'ဟိုးရှေးရှေးတုန်းကပေါ့... ဆိုတဲ့ ပုံပြင်တစ်ပုဒ်လို ကျန်ရစ်ခဲ့ရပြီထင်ပါရဲ့။ ငယ်စဉ်က နားထောင်ခဲ့ ရဖူးတဲ့ ပုံပြင်တစ်ပုဒ်လို့ပဲ ဆိုရပေတော့မည်။

ဗာဂျီနီးယားအနောက်ဘက်က Hilldaleအရပ်ဒေသနားတွင် Big Bend မီးရထားလိုဏ်ခေါင်းတစ်ခု ရှိပါသည်။ ထိုနေရာတွင် သံလို မာကြောကာ ခွန်အားအပြည့်ရှိ၍ သန်စွမ်းလှသည့် Driving Manဟူသည့် လူသားတစ်ဦး၏ နားခိုရာဝိညာဉ်တစ်ခုရှိလေသည်။

"There lies a steel drivin' man, Lord,lord

There lies a steel drivin' man"

ထိုနေရာမှာပေါ့ သံလိုမာကြောသန်စွမ်းလှသည့် လူသန်ကြီးတစ်ဦး ရှိနေပါသည်တဲ့။ သူ့အမည်က John Henry ဖြစ်ပါသည်။ တောင်တွေကိုဖြိုကာ မီးရထားသံလမ်းတွေ၊ လိုဏ်ခေါင်းတွေ တူးဖောက်ရသော အလုပ်ကြမ်းတွေကို driving man လူသန်ကြီးတွေက လုပ်ကြရပါသည်။ John Henry က ထိုလူသားတွေထဲက တစ်ဦးဖြစ်လေသည်။ မာကြောတဲ့ ကျောက်တုံးကျောက်စိုင်တွေကို လွန်ပူဖြင့် ဖြစ်စေ၊ စူးဖြင့်ဖြစ်စေ ဖောက်ဖို့အတွက် ခွန်အားလိုပါသည်။ ၁၈ရဝ ခုနှစ် လိုဏ်ခေါင်းဖောက်စက်များ၊ တူးဖော်စက်များ မပေါ်မီက လူ့ စွမ်းအားသုံး၍ ဖောက်ဖို့ရန် Steel driving men တွေ လိုအပ်လှပါသည်။ မီးရထားလိုဏ်ခေါင်းတွေ ၁၈ရဝ မတိုင်မီက ဆောက်လုပ်နိုင်ကြ တာကို ကြည့်၍ steel driving men တွေ အများအပြားရှိခဲ့သည်ဆိုတာကို သက်သေခံလျက်ရှိနေပါသည်။ ထိုသံလိုမာကြောကာ ခွန်အား ဗလနှင့် ပြည့်စုံသော လူသား steel driving menတွေ များစွာရှိခဲ့ဖူးပါသည်။ သို့သော် John Henry ကို မမီပါ။ ဟုတ်ပါသည်။ JOHN HENRY ရဲ့ ဂုဏ်ပုဒ်တွေက ပုံပြင်တွေထဲ ညွှန်းတာထက်တောင် ပိုပါသည်။ သူအသုံးပြုသော ဆောက်က ပေါင် ၃ဝ လောက်လေးပါသည်။ တခို့ျက သူ့လက်တစ်ဖက်တစ်ချက်ဆီမှာ ပေါင်နှစ်ဆယ်လေးသော ဆောက်ကိုကိုင်ပြီး ရိုက်နိုင်၊ လွှဲနိုင်ပါသတဲ့။ ၁ဝ ပေါင်လေးသောဆောက် ဖြင့် အလုပ်လုပ်ပြီး သူလွှဲရိုက်လိုက်တဲ့ အကြိမ်တိုင်းမှာ တောင်တွေဟာ သွက်သွက်ခါကာ တသိမ့်သိမ့်တုန်သွားလေသည်။ John Henry သည် သူ၏ ဂုဏ်ပုဒ် steel driving manကို အလွန်ဂုဏ်ယူကျေနပ်ကာ ပျော်ရွှင်နေသူတစ်ဦးဖြစ်လေသည်။ သူ၏ ခွန်အားကို ဂုဏ်ယူ လျက် ခွန်အားသုံး၍ လုပ်ရသော အလုပ်မှန်သမျှကိုလည်း အစဉ်အမြဲ ကြိုဆိုလျက်ရှိနေပါသည်။ ၁၈ရဝ ခုနှစ်ခန့်က John Henryသည် ဗာဂျီးနီးယားနောက်ဖက် Hilldale နားတွင် Big Band မီးရထားလိုဏ်ခေါင်းတူးဖို့ အဆင်သင့်စောင့်နေလေသည်။ သူ့ရှေ့တွင် ရေနွေးငွေ့သုံး မီးရထားလိုဏ်ခေါင်းတူးဖောက်စက်ကို ကုမ္ပဏီက သယ်ဆောင်လာပါသည်။ ကုမ္ပဏီက ထိုစက်ပစ္စည်း ဘယ်လောက်အလုပ်တွင်မလဲဆိုတာ စိတ်ဝင်စားနေကြပါသည်။

John Henryသည် ထိုစက်ကို ရပ်ကြည့်လျက်ရှိနေရာက စိတ်ရိုင်းတွေဝင်လာပါသည်။ သူ့လောက် ခွန်အားမရှိသူတွေက ထိုလိုဏ် ခေါင်း တူးစက်ဖြင့် သူ့ထက်သာအောင် လုပ်နိုင်မည်ဆိုတာကို မယုံကြည်ပါ။

''အို့ လူသားတစ်ဦးအဖြစ်ဖြင့်သာ လူသားတစ်ဦး ရှင်သန်လျက်ရှိပါသည်။ သို့သော်လည်း... 

ကျွနု်ပ်က ဤလိုဏ်ခေါင်းတူးစက်ကို အနိုင်ပေးလိုက်ရသည်အထိ ပေါ့ကွယ်။

ကျွနု်ပ်၏ ဆောက်နှင့်အတူ ကျွနု်ပ်လိုက်သေတော့မယ်။

ကျွနု်ပ်၏ ဆောက်နှင့်အတူ ကျွနု်ပ်လိုက်သေတော့မည်''

"Well, a man ain't nothing but a man,

But before I let that steam drill beat me down,

I'll die with my hammer in my hand,

Lord, Lord

I'll die with my hammer in my hand"

John Henryသည် သူ၏လက်နက် စူးနှင့် ဆောက်တို့နှင့် တောင်ကို ဖြိုဖို့ပြင်လေသည်။ John Henry နှင့် လိုဏ်ခေါင်းတူးစက်တို့ အပြိုင်နွှဲကြရာတွင် John Henry ၁၅ ပေ ဖောက်နိုင်စဉ်မှာ စက်ကြီးက ၉ ပေသာ ရသေးသည်။ သူ၏ စိတ်ဓာတ်ပြင်းထန်မှုကြောင့်ပဲလား၊ သူ၏ ခွန်အားကို အားကုန်စိုက်သုံးလိုက်၍ပဲလား ထိုနေရာမှာပင် သူ့အသည်းနှလုံးတွေ ကွဲကြေကာ သူ၏ ဆောက်လည်းလွတ်ကျပြီး နဘေး မှာပင် သေပွဲဝင်ခဲ့လေပြီ။

ဗာဂျီနီးယားအနောက်ဘက်က Big Bandမီးရထားသံလမ်း နဘေးမှာ John Henry ၏ ဝိညာဉ်ရှိပါသည်။ ထိုနေရာကို ဖြတ်သွား တိုင်းမှာ မိဘလုပ်သူတွေက သားသမီးတွေကို၊ အဘိုးအဘွားတွေက မြေးကလေးတွေကို John Henryအကြောင်းကို ပြောပြကြပါသည်။ သူသန်စွမ်းကာ ခွန်အားကြီးမားပုံကို မျက်စိထဲမြင်ယောင်လာအောင် ပုံဖော်ကြည့်ကြပါသည်။ ရုပ်ရှင်တွေ၊ ဗီဒီယိုတွေထဲမှာ အချင်းချင်း စကားပြောကြသည့်အခါ၊ အကြောင်းအရာတစ်ခုက အတိတ်မှာကျန်ခဲ့ပြီဟု ပြောလိုသည့်အခါ အကြောင်းအရာတစ်ခုက အတိတ်မှာကျန်ခဲ့ပြီ ဟု ပြောလိုသည့်အခါ အဲဒါ History ပဲဟု ပြောကြတာကို တွေ့ဖူးပါသည်။ ခေတ်နောက်ကျကျန်ရစ်ပြီ၊ ခေတ်မမီတော့ဘူးဟုလည်း သုံးကြ ပါသည်။

John Henry ၏ အကြောင်းသည်လည်း သမိုင်းမှာ ကျန်ရစ်ခဲ့ပြီထင်ပါသည်။

(ပိတောက်ပွင့်သစ်

ဖေဖော်ဝါရီလ၊ ၂ဝဝ၆ ခုနှစ်။

