ရှေးဦးစွာ ပန်းချီဆရာကြီးပေါ်ဦးသက်၏၁၉၆၉ခုနှစ်လက်ရာပန်းချီကားတစ်ချပ်၊ မျိူးမြန်မာ့တိုင်းကဗျာတစ်ပုဒ်၊သီတဂူဆရာတော်အရှင်ဥာဏိသရ၏မေတ္တာပို့ဆုတောင်း များနှင့်ပန်းချီဆရာကြီးဦးဘကြည်၏တန်ဆောင်တိုင်လပြည့်နေ့အမှတ်တရ
ပန်းချီကားဖြစ်ပါသည်။
အခန်း(၁)
အိုးေ၀၈ျာနယ် ၁၄-၁၀-၆၉ သတင်းကျွတ်လ္ဆန်း ၄ ရက် အမှတ် ၂၉
ပန်းချီဆရာ ပေါ်ဦးသက် ရဲ့ပန်းချီကားနှင့်အတူဟောဒီကဗျာကိုအိုးဝေမျက်နှာဖုံးမှာ
အတူယှဉ်တွဲလို့တွေ့ခဲ့ရတဲ့အတိုင်းတင်ဆက်လိုက်ပါရစေ။
သို့သော် ကဗျာစပ်သူရဲ့အမည်ကိုဖော်မပြထားတဲ့အတွက် ဒီကဗျာကို
ဖိုးသူတော်ဦးမင်းလား၊ဆရာပေါ်ဦးသက်လားဆ်ိုတာမသိပါ။
အကယ်၍များဟောဒီ စာဖတ်ပရိသတ်ကတိတ်ိကျကျလေးအဖြေရှာပေးမည် ဆိုပါလျှင်ဝမ်းမြောက်ဝမ်းသာလက်ခံ၍ပြင်ဆင်ဖော်ပြပေးပါ့မည်ဟုငွေစင်ရော်မှ
လေးစားစွာ ဖြင့်တင်ပြလိုက်ရပါသည်။
မျိူးမြန်မာ့တိုင်း.
ဆီးမီးငယ်တဲ့ တထိန်ထိန်
အိုင်မင်းရေကြည်က၊
ကြာငါးမည် ငုံအာစွင့်တယ်
ဖူးပွင့်ခါချိန်။ ။
အဿဝဏီ
ယှဉ်ကာချဉ်းပါလို့၊
လင်းလာတဲ့ ငွေတာရိန်ငယ်
ပြာမှိန်လျက် မြူခြေဆိုင်း။
ဂါရဝေ
သက္ကစ္စံ ပဏာမေဖြင့်
ဘဂ ၀ါ ပရမေ
မြတ်ဘုရားမှာလ၊
သဒ္ဒါချွေကန်တော့ပွဲတွေနဲ့
မစဲပေါင်
ကုသိုလ်ကိုနိူးကြတယ်၊
(ကွယ်)မျိူးမြန်မာ့တိုင်း။ ။
အခန်း(၂)
သီတဂူဆရာတော်အရှင်ဥာဏိဿရ၏မေတ္တာပို့ဆုတောင်း များ
ကိုယ်စိတ်နှစ်ဖျာ ဘေးရန်ကွာ ချမ်းသာ ကြပါစေ။
မေတ္တာနှလုံး ကိုယ်စီသုံး ရွှင်ပြုံး ကြပါစေ။
မေတ္တာ ရန်သူဒေါသမူ အပူကင်းပါစေ။
မေတ္တာရေစမ်း ကိုယ်စီဖြန်း အေးချမ်း ကြပါစေ။
ခန္ဓီ ၏ရန် ဒေါသမာန် တွန်းလှန် နိုင်ပါစေ။
ခန္ဓီ နှလုံး အစဉ်သုံး ရွှင်ပြုံး ကြပါစေ။
ဒို့မေတ္တာစွမ်း ကမ္ဘာလွှမ်း ငြိ်မ်းချမ်း ကြပါစေ။
လောကီသတ္တ၀ါအလီလီလောကဓါတ်ကမ္ဘာအတွင်း၌မေတ္တာတည်းဟူသောမဥဇူသက
နတ်ပန်းပင်ကြီးသည်နေ့နေ့ညညခပ်သိမ်းသောကာလအတွင်းမှာပွင့်သည်
မုချမသေဖြစ်ပါစေသတည်း။
မေတ္တာတည်းဟူသောမဥဇူသကနတ်ပန်း၏ရနံ့ဖြင့်ထုံအပ်သောနတ်တို့သည်
နေ့နေ့ညညခတ်သိမ်းသောကာလတိုင်းမှာကိုယ်စ်ိတ်နှစ်ဖျာစွာဖြင့် ပြည့်ကာကြွယ်ဝချမ်းသာတော်မူကျပါစေကုန်သတည်း။
သုံးဆယ့်တစ်ပုံအရပ်ဆယ်မျက်နှာအန္တစကြာင်္ဝဠာမှာရှိကျကုန်သောအန္တသတ္တ၀ါ တွေဘေးရန်ခတ်သိမ်းကင်းညိမ်းကျပါစေ။ ဆင်းရဲခတ်သိမ်းကင်းညိမ်းကျပါစေ။ကိုယ်စိတ်နှလုံးစိတ်ဝမ်းအေးချမ်းကျပါစေ။
ကိုယ်စိတ်နှစ်ပါးချမ်းသာခြင်းဖြင့်ပြည့်စုံကျပါစေ လို့မေတ္တာဓါတ် တွေဖြန့်ဝေလိုက်
ရပါတယ်။
အခန်း(၃)
ပန်းချဲီဆရာကြီးဦးဘကြည်၏တန်ဆောင်းမုန်းလဖွဲ့ပန်းချီကား
ထွန်းငြှိဝင်းပြောင် ဆီမီးရောင် တန်ဆောင်ဆိုသည့်ပွဲ။
An outburst of energy in meritorious deeds under cloudless skies and myriad lights.
အခန်း(၄)
ဘဒ္ဒ န္တ ပညာဏိက(ဆားတောင်ဆရာတော်)
သက်တော် (၈၃) နှစ်၊သိက္ခာတော် (၆၄) ၀ါ သည်
၁၃၆၉ ခုနှစ် တန်ဆောင်မုန်းလဆန်း ၄ ရက်
(၁၃-၁၁-၂၀၀၇)
အင်္ဂါနေ့ နံနက် ၁၀ နာရီ ၄၅ မိနှစ်တွင်
ဘ၀နတ်ထံ ပျံလွန်တော်မူ သွားခဲ့ပါသည်။
သက်တော် ၇၆ နှစ်အရွယ် ဆရာတော်ကြီး၏ပြုံးရွင်နေသောမျက်နှာတော်ကိုဖူးတွေ့ရပုံ။
(၁၇-၄-၂၀၀၇ ဓာတ်ပုံရိုက်ကူးသူ NNS)
ဆရာတော်ကြီးအားအဖဦးငွေဒင်၊မိခင်ဒေါ်ပြောင်းမယ်တို့မှ၁၂၈၇ခုနှစ်တန်ဆောင်းမုန်းလဆန်း ၁၄ရက်(၂၉-၁၀-၁၉၂၅)ကြာသာပတေးနေ့နေ့လယ်၂နာရီအချိန်တွင်ဖွားမြင်တော်မူခဲ့သည်။ သားသမီးခုနှစ်ယောက်အနက် စတုတ္ထမြောက်သားရတနာဖြစ်သည်။
၁၃၆၉ခုနှစ်တန်ဆောင်းမုန်းလဆန်း၁၄ ရက်ဆိုပါလျှင်ဆရာတော်ကြီး
မွေးနေ့ကျရောက်နေပေတာ့သည်။
ဆရာတော်ဘုရားကြီးသည် ၁၃၆၉ခုနှစ် တန်ဆောင်မုန်းလဆန်း ၄ ရက် (၁၃-၁၁-၂၀၀၇)
အင်္ဂါနေ့ နံနက် ၁၀ နာရီ ၄၅ မိနှစ်တွင် သီတင်းသုံးတော်မူရာမင်းရွာကုန်း ဆားတောင်ပဠိပတ္ထကျောင်းတိုက်၌ဘ၀နတ်ထံပျံလွန်တော်မူခဲ့ပါသည်။
၁၃၆၉ခုနှစ် တန်ဆောင်မုန်းလပြည့်ကျော် ၁ ရက်(၂၅-၁၁-၂၀၀၇) တနင်္ဂနွေနေ့တွင်
နိဗ္ဗာန်စံကျောင်းချတော်မူပြီး ၁၃၆၉ ခုနှစ် တပို့တွဲလဆန်း ၄ ရက်(၁၀-၂-၂၀၀၈) တနင်္ဂနွေနေ့
တွင် အန္တိမဈာပနသဘင် ဆင်ယင်ကျင်းပမည်ဖြစ်ပါကြောင်းသာသနာရေးဦးစီးဌာနမှသတင်းကို
ဆရာတော်ကြီးအားကြည်ညိုကြကုန်သောဗုဒ္ဓဘာသာဝင်အပေါင်းအားသိစေလိုသော
စေတနာဖြင့်
လေးစားစွာဖြင့် - ငွေစင်ရော်
နိဗ္ဗာန် မင်္ဂဖိုရလိုကြောင်းနဲ့ ဆုတောင်းခဲ့တာများပြီ။
ဝိဇ္ဇာဥာဏ်မပါ၊ဓမ္မတာတောင်းမို့၊
အာညောင်းရုံပဲ မောဖတ်တင်မည်။
ဒါနပြုခါ အခါခါတောင်းလည်း၊
ငါကောင်းချင်မူ ခုခံနေသည်။
ငါတစ်လုံးပယ် ကွယ်ကာပေးမှ၊
လွန်စွာမနှေး နိဗ္ဗာန်မြင်မည်။
ဝိပဿနာတရား အားထုတ်ရတာ အလွန်ကောင်းပါတယ်၊
အ၀တ်လည်းပြောင်းဝတ်စရာမလိုဘူး၊ ဂူလည်းအောင်းစရာမလိုဘူး၊
ပုထုဇဉ်စရိုက် မူပြောင်းဖို့လိုတယ်။
ဆရာတော်ကြီး၏သြ၀ါဒအချိူ့ကိုဖော်ပြခဲ့ပြီးနောက်ပြန်လည်ဖတ်ရူလိုသူများအတွက် ဆရာတော်ကြီး၏သြ၀ါဒ(၂)
No comments:
Post a Comment