Tuesday, September 25, 2007

Give me a break!

ညိုမြ ၏ ကလောင်သမိုင်း ၊၁၉၇၁ အိုးဝေဂျာနယ်၊ စာရေးဆရာ မောင်ထင် ၏ အနာဂတ္တိကျမ်း နှင့်အခြားဝတ္ထုများ၊ အမှတ် ၁၈၆ အတွေးအမြင် မှ မြဟန် ၏ မြန်မာစာရေးဆရာများနှင့် အိတ်ဂျီဝဲ
တို့တွင် ရေးသားသမျှကို ယခုလို ထုတ်နှူတ်တင်ပြလိုက်ပါတယ်။

သိပ္ပံနှင့် လူမူရေးဝတ္ထုရေး ကမ္ဘာကျော်စာရေးဆရာကြီး အိတ်ဂျီဝဲ (Herbert George Wells)H.G.Wells (၁၈၆၆-၁၉၄၆) သည် ၁၉၃၉ ခုနှစ်တွင်မြန်မာပြည်သို့လာလည်ခဲ့သည်။ သူမြန်မာပြည်ရောက်နေစဉ် ၁၉၃၉ ခုနှစ် ဖေဖော်ဝါရီလ (၂) ရက်နေ့တွင် မြန်မာစာရေးဆရာ (၄၆) ယောက် တို့ကဆရာကြီးအားရန်ကုန်တက္ကသိုလ်လှေလှော်အသင်း၌လက်ဘက်ရည်ပွဲနှင့် ဂုဏ်ပြုဧည့်ခံခဲ့ပါသည်။
တက်ရောက်ခဲ့ကြသောစာရေးဆရာများမှာ
ဒေါက်တာထင်အောင်၊ ဆရာကြီးဂျီအိတ်လု(စ်)၊ ဒဂုန်ဦးစန်းငွေ၊ ရွှေညာမောင်၊ မိုးကြိုးဦးအုန်းခင်၊ ဦးစောဦး၊သင်္ခါ၊ ရဲထွဠ်၊ ရဲသမိန်၊ ဦးစံထွား၊ ဆရာဇမ္ဗူသံ၊ ဦးဖိုးကျား၊ နယူးဘားမားဦးတင်မောင်၊ သူရိယဦးသိမ်းမောင်၊ သူကြီးဂေဇက်ဦးခင်မောင်၊ မဟာဆွေ၊ ဒဂုန်နတ်ရှင်၊ လူထုဦးလှ၊ မြဒေါင်းညို၊ ဆရာတက်တိုး၊ကိုဘအေး၊ မောင်အာယု၊ ဦးညိုမြ၊ ဒဂုန်တာရာ၊ သိပ္ပံစိုးလှ၊ ခင်လေးမောင်၊ ထင်ကြီး၊ သိန်းဖေမြင့်၊ ကိုတင်ညွန့်၊ ကိုတင်အေး၊ သုခ၊ တက္ကသိုလ်ဆုမြိုင်၊ ဒဂုန်ဦးလှဘူး၊ ဦးသန်းဖေ၊ ဦးမောင်မောင်ကျော်ဝင်း၊ ပန်းဝတ်ရွှေ၊ ဦးရန်အောင်၊ ဇ၀န၊ ဦးချစ်မောင်၊ မြမျိုးလွင်၊ သော်တာစန်း၊၊ခင်မျိူးချစ်၊ ဒဂုန်ခင်ခင်လေး၊ သိပ္ပံကျော်ထင်၊ ဦးမောင်မောင်ပြေ နှင့် ဇာနည်ဆွေ တို့တက်ရောက်ကြသည်။
ဆရာကြီး H.G.Wells မြန်မာပြည်ရောက်လာချိန်သည် ရန်ကုန်မြို့ကျောင်းသားများဆန္ဒပြပွဲတွင် ဗိုလ်အောင်ကျော်ကျဆုံးစအချိန်ဖြစ်သည်။အိတ်ဂျီဝဲအားစာရေးဆရာမကြီးဒေါ်ခင်မျိူးချစ်သည်အင်္ဂလ်ိပ်အစိုးရ၏ ဆိုးသွမ်းရက်စက်ပုံနှင့် ဗိုလ်အောင်ကျော်ကိုပုလိပ်များရိုက်၍သေရပုံကို သွေးစွန်းနေသော လက်ကိုင်ပုဝါ နှင့်အင်္ဂလိပ်လိုထိုအဖြစ်အပျက်ကိုရေးထားတဲ့စာရွက်တစ်ရွက်၊ဗိုလ်အောင်ကျော်ကိုပုလိပ်များရိုက်နှက်နေ
သည့်ဓာတ်ပုံတို့ကိုထုတ်ပြပြီးပြောပြခဲ့သည်။ ထိုအကြောင်းကို ဆရာမကြီးကသူ့မြေးသားသမီးများကို ဂုဏ်ယူစွာ ပြောပြခဲ့သော ကြောင့်ယခုကဲ့သို့မှတ်တမ်းတင်နိုင်ခဲ့ခြင်း ဖြစ်ပါသည်။
ဆရာကြီးH.G.Wellsကသူအင်္ဂလန်ပြန်ရောက်သောအခါဗိုလ်အောင်ကျော်ကျဆုံးရသည့်အရေးအခင်းအ ကြောင်းကို “Trouble in burma “ ခေါင်းစဉ်ဖြင့် NEWS CHRONICLE သတင်းစာ၌ ဗိုလ်အောင်ကျော် ကိုပုလိပ်များကရိုက်နှက်နေပုံပါသည့်ဓာတ်ပုံနှင့်တကွ ဖော်ပြခဲ့သည်။
မြန်မာနိုင်ငံသို့ ၁၉၃၉ ခုနှစ်တွင် ရောက်ရှိရာ မြန်မာစာရေးဆရာများနှင့် တွေ့ဆုံ၍စာပေရေးရာများ၊ ဗြတိသျှ လက်အောက်မြန်မာပြည်၏ အခြေအနေများကိုဆွေးနွေးခဲ့ကြသည်။ အိတ်ဂျီဝဲ နှင့်စုဝေးတွေ့ဆုံကြခြင်းကို အကြောင်းပြု၍ မြန်မာပြည်၌စာရေးဆရာအသင်းတစ်ခုထူထောင်ရေးအတွက်စတင်လှူပ်ရှားအကောင်အ ထည်ဖော်နိုင်ခဲ့သည်ဖြစ်ရာ အိတ်ဂျီဝဲ နှင့်ပတ်သက်၍မြန်မာစာရေးဆရာလောက၌ ယနေ့တိုင်ပြန်ပြောင်း ပြောကြရဆဲဖြစ်ပါသည်။

ရန်ကုန်တက္ကသိုလ်(ပင်မ) အဓိပတိလမ်းအ၀င်ဝ လက်ယာဘက်တွင်ယနေ့တိုင် ရှိနေသော ဗိုလ်အောင်ကျော် အမှတ်တရကျောက်တိုင်

No comments: