ယုံကြည်ချက်အတွက်အနစ်နာခံခြင်း Junior Win

-->ယုံကြည်ချက်အတွက်အနစ်နာခံခြင်း Junior Win

 အတွေးအမြင် (၁၂၆)၊ ၁၉၉၇ ဇွန် + ဇူလိုင်

Martyrဆိုတာ မိမိ၏ ယုံကြည်ချက်အတွက် အသက်စွန့်သည်အထိ အနစ်နာခံသူ လို့ အဓိပ္ပာယ်ရတယ်။ ဥပမာ-ဗိုလ်ခုျပ်အောင်ဆန်းဟာ (Martyr) အာဇာနည်ပဲ ပေါ့။ ဒါပေမဲ့ ဗိုလ်ခုျပ်အောင်ဆန်းမှ မဟုတ်ဘူး။ မိမိ၏ ယုံကြည်ချက်ကို ကိုယ့်အသက်ထက်တောင် တန်ဖိုးထား ဆုပ်ကိုင်ပြီး အသက်စွန့်သွားသူတွေကို လည်းMartyr လို့ခေါ်တယ်'

ကွယ်လွန်သူ ကျွန်မ၏ အဘိုးဖြစ်သော အင်္ဂလိပ်စာဆရာကြီး ဘဘကြီး ဦးခင်မောင်လတ်ကMartyr ဟူသော စကားလုံးတစ်လုံး အကြောင်းကို အထက်ပါအတိုင်း ရှင်းပြခဲ့ပါသည်။ ကျွန်မသည် ယုံကြည်ချက်ကို ဆုပ်ကိုင်ကြ သူများကို စိတ်ဝင်စားပြီး လက်လှမ်းမီသလောက် လေ့လာခဲ့သည်။ ယုံကြည်ချက် ကို ဆုပ်ကိုင်ထားကြသူများနှင့် ပတ်သက်သော စကားလုံးများကို လေ့လာမိရင်း ကျွန်မ သဘောကျနှစ်ခြိုက်သကဲ့သို့ စာဖတ်သူများ ခံစားနိုင်ကြလိမ့်မည်ဟု မျှော်လင့်ပါသည်။

George Bernard Shaw ၏ Androcle and the Lionပြဇာတ်ထဲတွင်  ယုံကြည်ချက်ကို ဆုပ်ကိုင်ထားကြသူ အတော်များများကို တွေ့ရသည်။ ထိုသူတို့ ကား AD-၁ဝ စုနှစ်လောက်က စတင် ပေါ်ထွက်လာသော ခရစ်ယာန်ဘာသာကို ယုံကြည်သက်ဝင်သူများ ဖြစ်ကြသည်။ နတ်ကိုးကွယ်သူ Carsar  (ရောမဘုရင်) က ၄င်းတို့က ယုံကြည်သော နတ်ရုပ်ရှေ့တွင် အမွှေးတိုင် ထွန်းညှိပူဇော်စေသည်။ ခရစ်ယာန်များက ထိုအချက်ကို မလိုက်လျောကြ။ ထိုသူတို့ကို ခြင်္သေ့စာ ကျွေးခံရ မည့်လမ်းနှင့် နတ်ရုပ်ရှေ့တွင် အမွှေးတိုင်း ထွန်းညှိဖို့ လမ်းနှစ်သွယ်အနက် တစ်လမ်းကို ရွေးခိုင်းသောအခါ ခြင်္သေ့၏အစာအဖြစ် အသက်စွန့်ရမည့်လမ်းကို ရဲဝံ့စွာ ရွေးချယ်သွားကြသည့်ဇာတ်လမ်း ဖြစ်သည်။

Caesar နှင့်တကွ နတ်ကိုးကွယ်သူများက Diana နတ်ရုပ်ရှေ့တွင် အမွှေး တိုင် ထွန်းညှိလိုက်ရုံနှင့် အသက်ဘေးမှ လွတ်မြောက်မည်ကို သိလျက်နှင့် အဘယ်ကြောင့် မိုက်မဲစွာ ဆုံးဖြတ်ကြလေသလဲဟု ခရစ်ယာန်များကို နားမလည် ကြပါ။ ခရစ်ယာန်တစ်ဦးက သူတို့ အမွှေးတိုင် မထွန်းညှိခြင်းနှင့် ပတ်သက်၍ ရှင်းပြခဲ့သည်။

'အသင့်ရဲ့ လက်နှင့်ကြွက််ကောင်ကို ဖမ်းဖူးသလား၊ ကျွနု်ပ်စာဖတ် နေတဲ့ချိန်မှာ ကြွက်တစ်ကောင်ဟာ ကျွနု်ပ်ရဲ့ စားပွဲပေါ်မှာ ဆော့ကစားနေတယ်။ ဒီကြွက်ကို ကျွနု်ပ်ရဲ့ လက်နှင့် ဖမ်းပြီး ဖယ်ထုတ် ပစ်လိုက်ချင်တယ်၊ စာအုပ်တွေ ပေါ်မှာ ဆော့ကစားနေတဲ့ ကြွက်ဟာ ကျွနု်ပ်ရဲ့ လက်တွေကို ဆန့်ထုတ်လိုက်ရုံနှင့် ပြေးမလွတ်ပါဘူး။ ဒီတော့ သူ့ကို ဖမ််းဖို့အတွက် ကျွနု်ပ်ရဲ့ လက်တွေကို ဆန့် ထုတ်လိုက်ပါတယ်။ ဒါပေမဲ့ အဲဒီလို ဆန့်ထုတ်လိုက်တိုင်း လက်တွေက ကျွနု်ပ်ဆီ ကို ပြန်လာတယ်။ ဒီကြွက်ကို ကျွနု်ပ်ရဲ့ အသည်းနှလုံးက မကြောက်ပါဘူး။ ဒါပေမဲ့ ကျွနု်ပ်လက်တွေရဲ့ သဘာဝက ကြွက်ဆိုတဲ့ သတ္တဝါကို ထိကိုင်ဖို့ ငြင်းဆန်နေတယ်။ ဒီလိုပါပဲ၊ အမွှေးတိုင် ထွန်းညှိမယ့် ကျွနု်ပ်ရဲ့ လက်တွေဟာ ကျွနု်ပ်ဆီကိုပဲ ပြန်လာနေပါတယ်။ ကျွနု်ပ် ခန္ဓာကိုယ်ရဲ့ ရပ်တည်မှုဟာ ကျွနု်ပ်ရဲ့  ယုံကြည်ချက်အပေါ်မှာ မှန်ကန်မှု ရှိပါတယ်'

G.B.Shaw သည် ထိုအဖြစ်အပျက်နှင့် ပတ်သက်၍ ယခုကဲ့သို့ မှတ်ချက် ချထားသည်။

''ခရစ်ယာန်အာဇာနည်များ ခြင်္သေ့စာ အကျွေးခံရခြင်းမှာ သူတို့ခရစ်ယာန် ဖြစ်သာကြောင့် မဟုတ်၊ သူတို့၏ ယုံကြည်ချက်သည် ရောမဘုရင်နှင့် ထိပ်တိုက် ဆန့်ကျင်နေခြင်းကြောင့် ဖြစ်သည်။ သူတို့သည် သာမန်လူတန်းစား မဟုတ်ပေ''

ကျွန်မ ဆက်လက်ဖော်ပြချင်သော အာဇာနည်တစ်ဦးမှာ Joan of Arc (၁၄၁၂-၁၄၃၁) ဖြစ်သည်။ ဲသညေ သည် ပြင်သစ်လူမိုျး သာမန်အရပ်သူတစ်ယောက် ဖြစ်သည်။ သို့သော်ငြားလည်း ဲသညေ ၏ စိတ်ဓာတ်ကြံ့ခိုင်မှုနှင့် သူမ၏ ယုံကြည် ချက်ကို အသက်စွန့်သည်အထိ အနစ်နာခံသွားမှုမှာ ပြောစမှတ်ရလောက်အောင် သမိုင်းတွင် အာဇာနည်တစ်ဦး ဖြစ်သွားပေသည်။

Joan ကို ၁၄၁၂ ခုနှစ်၊ ဇန်နဝါရီလ ၄ ရက် ပြင်သစ်နိုင်ငံDomremy ရွာတွင် မွေးဖွားခဲ့သည်။ နှစ်ပေါင်း ၁ဝဝ နီးပါး အင်္ဂလိပ် လက်အောက်ခံ ဖြစ်နေသော ပြင်သစ်နိုင်ငံကို လွတ်မြောက်စေချင်သော သူ၏ အစွဲအလမ်းကြီး သော စိတ်ဓာတ်ကြောင့် သူမ၏ လုပ်ဆောင်မှုများ အောင်မြင်ခဲ့ရသည်။ သူမတို့ ခရစ်ယာန်ဘာသာဝင်များ ကိုးကွယ်ကြသော St.Michael, St Margaret, St.Catherine တို့ သူမကို ပြောကြားသော အသံများ၊ လမ်းညွှန်ချက်များကို တစိုက် မတ်မတ် နားထောင်လိုက်နာရင်း အင်္ဂလိပ်လက်အောက်မှ လွတ်မြောက်အောင် သူမကိုယ်တိုင် ဦးဆောင် တိုက်ပွဲဝင်ခဲ့သူအဖြစ် ထင်ရှားခဲ့သည်။ ထိုအသံများကို သိုးကျောင်းရင်း၊ ဘုရားရှိခိုးကျောင်းတက်ရင်း ကြားရသည်ဟူသော သူမ၏ ပြောဆိုချက်များကြောင့် သူမသည် စုန်းမအဖြစ် အစွပ်စွဲခံခဲ့ရသည်။ ထိုအချက်နှင့် ပတ်သက်၍ G.B.shawက-

'သူမရဲ့ စိတ်ထဲမှာ မိမိနိုင်ငံအတွက် သူတစ်ပါးလက်အောက်က လွတ် မြောက်အောင် မည်သို့လုပ်ဆောင်ရမလဲလို့ အမြဲပဲ စွဲစွဲလမ်းလမ်း စဉ်းစားနေတော့ ဘုရားရှိးခိုးကျောင်းက ခေါင်းလောင်းတီးသံကိုတောင် ခေါင်းလောင်းသံလို့ မကြား ရတော့ဘူး။ သူမ နားထဲမှာ St.Michaelတို့က သူမကို တိိုင်းပြည်အတွက် ဘယ်လိုဆောင်ရွက်ရမလဲဆိုတဲ့ အကြံညဏ်တွေ၊ အမိန့်တွေ ပေးနေတယ်လို့  ယုံကြည်နေတော့တာပဲ ဖြစ်ပါတယ်'

Sol Panitz(၁၉၆၇) ရေးသားသော The Ballad of Hairy Joe စင်တင် ပြဇာတ်တစ်ပုဒ်တွင် ၁၈၃ဝ ခန့်က NewEngland ပြည် Fitchbery မြို့တွင်  မုတ်ဆိတ်မွေး မထားရဟူသော သတ်မှတ်ချက်ကိုJoseph Palmerဟူသော သာမန်အရပ်သားတစ်ဦးက ဆန့်ကျင်ခဲ့သည်။

Joseph Palmer ဇနီးဖြစ်သူ ကိုယ်တိုင်Joseph Palmer၏ ယုံကြည် ချက်ကို နားမလည်သောအခါ သူက ယခုလို ရှင်းပြခဲ့သည်။

'အကယ်၍ မနက်ဖြန်ကျရင် မင်းကို အင်္ကျီအပြာရောင် ဘယ်တော့မှ မဝတ်ရဘူးလို့ ပြောမယ်ဆိုပါတော့။ ဝတ်ရင် မင်းကို အားလုံးက ပြောင်လှောင် မယ်။ မင်းကို ဈေးရောင်းတဲ့သူကလည်း ဘာမှ မရောင်းတော့ဘူး။ စကားလည်း မပြောတော့ဘူး...

'မုတ်ဆိတ်မွေး ထားတယ်၊ အင်္ကျီဝတ်တယ်၊ ဖိနပ်စီးတယ်၊ လမ်းလျှောက် တယ်၊ ဒါဟာ တစ်သဘောတည်းပဲ'

နောက်ဆုံးတွင်Joseph Palmerသည် သူ့ကို မကျေနပ်သူများ၏ စွပ်စွဲ ချက်ကြောင့် အကျဉ်းချခံထားရသောအခါ သူ၏ ဇနီးဖြစ်သူသည် သူ၏ ပြောဆို ချက်များကို တဖြည်းဖြည်း သဘောပေါက်လာခဲ့သည်။

Joseph အကျဉ်းချခံရခြင်းဟာ မတူညီတဲ့ သူ့ရဲ့ရှေ့မှာ ဘယ်သူမှ မရပ် တည်ခဲ့ကြလို့ပဲ။ ''မတူညီခြင်း'' ဆိုတာ တကယ်တော့ မကောင်းတဲ့ အဓိပ္ပာယ် မဟုတ်ပါဘူး'

မုတ်ဆိတ်မွှေးတွေကို ရိတ်ပစ်လိုက်ရုံဖြင့် အကျဉ်းချခံရခြင်းမှ သက်သာ မည်ကို သိလျက်နှင့် တင်းခံနေသောJoseph Palmerကို ဖမ်းဆီးခဲ့သူများက မကျေမနပ် ဖြစ်ခဲ့ကြသည်။ သို့ရာတွင်Joseph Palmerထိုကဲ့သို့ ရပ်တည်မှု သည် သူတွယ်တာသော Fitchbery မြို့သူ မြို့သားများအတွက်၊ သူချစ်သော သူ့မိသားစုအတွက် အနစ်နာခံခြင်း ဖြစ်ကြောင်း အားလုံးက သဘောပေါက်လာကြ သောအခါJoseph Palmerသည် Fitchbery မြို့အတွက် သူရဲကောင်းအာဇာနည် တစ်ဦး ဖြစ်သွားခဲ့ပေသည်။